插曲之四

大鬧梅知府

（節錄原音）

羅艷卿　任劍輝　合唱

生：（了緣曲）兩賤婦，太可悲，暴兇似虎，無辜，無辜，來痛駡我，難惡罪過，問你知無。

旦：呸，（木蘭從軍）你的可惡嘅官差，偏要激人愈，今天我共小姑，探監入禁牢，被佢攔住要攞便宜說話太粗。（被佢攔住索錢，使我兩人受侮）

生：（白）可怒也，（浪花）既係差役不仁，你可在公堂直吿，唔應藐視，將我痛駡一遭。

旦：（白）我勸你低聲也，莫把阿儂觸怒。

生：（白）混賬。

旦：（接花下句）怕我三言兩語，就要你割下個頭顱。

生：（白）呸，（蓮環西皮）碌眼吹鬚，碌眼吹鬚駡聲婦人，胆大猖狂，咀利過刀。

旦：（白杬）亞梅知府亞梅知府，你唔使咁氣怒，如果認低威，你個官位還可保，如果認沙塵，要你當堂就█鬚，就█鬚呀。

生：（花下句）唉吔吔，你胆大生毛，（爽七字清中板）你猛拋浪頭，真冇譜，本官鎮定，懼畏全無。（花）究竟你何姓何名，好快將身世詳告。

旦：（花下句）待我把銜頭講出，嚇得你大震熬熬。（木魚）吏部天官，就是奴祖父，父為閣老現在京都，我家母係皇姨，叔係太保，兄為御史，伯父係傳鱸，三兄按察，大抵你都知名報今年陞任往江蘇，二兄正直將朝護，當今太子，都係佢嘅門徒，奴係瓊蟬，排行第四，布政倫郎，係我丈夫，你芝麻綠荳咁大粒梅知府，真驕傲，將奴來欺負，（二王）莫非要奴拆屋避你只冇爪螭勞。

生：（下西歧）我作事糊塗離晒譜，確實唔知點算好，我重更心操官銜實惡保，奉請恕罪毋憤怒切莫見倒上台照直稟告免使我被殺頭顱。

旦：（三脚櫈）我有一件大事情，未知可能做得到。

生：（接）夫人既有命，誓必不辭勞。

旦：（接）怕我講出嚟，你一定唔敢做。

生：（接）未知有何事，請你直説分毫。

旦：（接）我地探候蕭永倫，要你親身來引路。

生：（唱）卑職當從命，親身送到監牢。

旦：（接花）你都算得幾知機，不敢將奴來激惱。

生：（接）呢囘只好破例！

旦：（接）快些引路登途。