莊周蝴蝶夢
精彩曲詞
周：（柳搖金）淸香敬神盡我心，莊周專誠學道法，消災解難惠萬民（過序），祗盼靈神多指引，（序）願修正果盡消世上仇與恨，（序）憑道法療世道人心（序），更解萬衆兵災厄困，（序），靈神難鑒諒寸心，莊周宣揚道敎心堅又有恒。（長二王）弟子一片誠心，遵從師訓，終日蒲團打坐念經文，參透色空離苦困，心無俗念看破紅塵，師父你善誘諄諄弟子衷心銘感。（序）獲惜心中存疑問（曲）我何日得成正果，望師父指示，一勻。（拉腔）
X X X X X
周：（秋水伊人）當日虔誠堅心，拋妻棄家別老人，來求敎訓，拜師修行，衷心普救世人，誰料我爹爹不允，佢話仍未有孫不准我遠行，重話不孝有三，要遵老父訓，莊家香燈變無人，我話另立承嗣子啦，佢話使乜去靠別人，應該我担肩責任，我一走碎父心，斷香燈，學法因，此會分心，我抱隱憂已直陳，師尊指點我做人。
X X X X X
陳：（銀台上引子）用法術，巧計試莊周心。
周：（中板）問句好姑娘，何事痛哭連聲，望你言明底蘊。叫句大姑娘，何故低頭無語，睇你滿面淚痕。呌句好姑娘，且將苦况明言，我爲你消災解困。尊聲大姑娘，我是心腸良善，並非一個歹人。（拉收腔）
陳：（乙反長二王）斷腸泣訴話前因，千古女兒千古恨，飄零孤女嘆家貧，猶幸夫婿多情爲護蔭，輕憐淺愛慰釵裙，誰料天妒紅顏，夫婿忽然，命殞。（序）薄命如桃多刧運，（曲）况且一貧如洗，令我悲痛傷心。
周：（序）人死豈能復生（曲）望你順變節哀，我爲你解除憂困。
陳：（序）公子情可感。
周：（曲）贈你百銀十両，莫爲生計傷神（收掘）。
陳：（减字芙蓉）公子你咪行，我再來求懇。
周：（字白）講就講叻，咪拉手拉脚。
陳：（曲）公子有憐香意，何妨做個惜花人。
周：（序白）喂喂喂，咪摸身摸勢。
陳：（曲）難得你同情，我願與君諧婚嬪。
周：（序白）車，我有老婆㗎啦。
音：（曲）我願爲夫子妾，望你憐憫薄命人。
X X X X X
仲：（板眼）眞係唔份氣叻，家嫂重未添丁。令我我週之無日心緖不寧，乖仔份人，又唔生性，終日迷頭迷腦，猛念道德經，家嫂有勢有財，刁蠻到絕頂，夫妻兩個絶冇感情。
田：（無錫景）我兩人係邊個冇情呀，我並冇恃財任性嘴，你太過不應監粗安我罪名，我份人對個老公最用情，佢做人掛住念經，眞正係冇情，問計你老人家應該公正（序）咁你點有孫抱，你都唔熟性嘅，重將我寃屈冇理性。
仲：（板眼）喂你分明攞景，你要正式狐狸精攪到家嗜屋閉，都係你弄成，本來乖仔番嚟我地全家高與，點知遇着你個掃把星，嬲到我當堂條氣頂。
陳：（板眼）老爺無謂氣憤難平，（木魚）忙下跪，自問太不應，老爺恕罪，聽我訴衷情，望你暫息雷霆憐薄命，夫君身喪苦不勝，公子可挽救奴於絕景，我感恩願爲妾，佢尙未應承，你地代代單傳，好大危險性。
陳：（曲）不若收我做細新抱，希望添多幾個丁。
仲：（曲）睇你玉潤珠圓生得幾四正，身材好似鴨乸形。
X X X X X
田：（三脚櫈）你話學法在深山將我來欺騙，原來你學索野同只狐狸咁痴纏，打得咁交關而家你想點呀。仲帶番嚟翳我，實在你薄倖早心存。
周：（接）你咪悞會一時，聽我言明一遍，我囘家經道上，見佢痛哭在墳前，佢求我撥乾墳，動我慈悲念，我作法如佢願，佢就求我訂良緣，我拒絕佢嘅要求，佢居然同我囘家院。
田：（接）車，邊有咁嘅女人，你分明亂說胡言。
周：（接）你唔信可以問明，冇將你欺騙㗎，潛心來學道，色字無復在心田。
X X X X X
仲：（減字芙蓉）家嫂飮咗呢杯茶，對我賞多少薄面啦。
陳：（序白）飮茶啦少奶。
仲：（曲）你要聽少奶說話，服侍要周全。
陳：（序白）哦我知嘞老爺。
仲：（曲）所有敲骨共抓痕，一概你攬好至得。
陳：（序白）哦，我噲嘞老爺。
仲：（曲）咁家嫂同佢改個名，飮咗杯茶先好掛。
田：（小紅燈）我嫁錯個無情婿囉，枉我時常望佢囘嚟，點知佢番歸，我直情賤過鬼，存心棄奴令我悲凄，終日伴帶喜在羅幃，對我冇的咁多安慰，我嫁夫如此心內翳咯。
仲：（三脚櫈）乖仔太胡塗，難怪你心翳，等我將佢嚟敎導，儆戒佢胡爲．
田：（接）佢薄倖太無情，我都冇眼睇咯，我决心囘家內，遲吓至番嚟（掘）。
X X X X X
仲：（毛毛雨）細家嫁你的確野蠻，覇夫君，咁樣攬法受人彈，賺得我左右做人難，眞該煨，又撞正頂心杉。陳：（接）唉吔，太寃枉，佢咁耐都冇入我房行，講起確傷心，孤衿枕冷夜漫漫，空嗟嘆薄命紅顏，謂起我就想喊。
X X X X X
陳：（長二王）你辜負軟玉溫香，辜負香閨紅綃帳，辜負大娘情重爲你枕冷寒衿，辜負我千里相隨，對你情心一往。
周：（序）你莫存非非之想。
陳：（曲）自問如桃命薄偏遇你個薄倖夫郞。
周：（序）乜你討厭得咁凄凉（曲）你呢的無頼嘅賤人，見你我就當堂心火上。
陳：（序）重居然將我趕噃（曲）奉咗老爺命令，叫你入去我間房。
周：（反線中板）乜你舉動咁荒唐，胆大罵張，行爲太放蕩，你嘅夫骨未寒，心存改嫁，日夜望個墳墓，快的乾，你可謂絕不知羞，隨我返家園，你重砌詞，歪曲事幹，我悔當時，只爲慈悲一念，惹下煩惱一塲。
X X X X X
周：（吳王怨）遭逢劫運，煩惱多增，愁病苦困，恐怕我斷魂，今生有負愛妻，多情心中印，今後你是個未亡人，妻呀妻呀，（乙反二王）我一命嗚呼，你便有離鸞之恨。
田：（序）我總有夫妻情和份，（曲）我要字貞守節决不效賤婦乾墳。
周：（序）好個貞節嘅釵裙（曲）又怕秋月眷花，難耐孤幃冷枕。
田：（序）莫非夫郞唔信任卦。
周：（曲）獨惜你靑春年少，，難消愛果情根。
田：（序）我對你一往情深（曲）我出自名門，當守婦人本份。
周：（序）你爲人乜咁笨。
田：（曲）我話過終身守節，侍奉老年人。
周：（乙反流水南音）妻你情可感，我愧於心，只爲潛修向道，冷落枕邊人，正果未成先罹劫運，誤人誤己，誤你一生，際此彌留，我有一事，求懇，望你了余心願，你另結朱陳。
田：（浣沙溪）夫郞多說話，令你勞神，靜養爲宜更莫憂心，我矢誓爲君守節，情深義厚難以負盟。
周：（流水行雲尾段）郞染病已深，我若喪生，嬌妻呀，你若愛夫婿，早喪香燈要負責任，重要等四十九天，先至下葬新墳。
田：（接）叫句夫君（雙）望安心，我自當依允，善侍家翁，守我訓，我唔願再嫁（雙）我重話過，此後絶不見男人。
周：（接）咁我就算死，我亦無憾。
田：（喊口歌）唉，夫郞主呀，做乜咁快就死落陰曹，唔食陽間米呀主呀。做乜越來越冇搭霎，掉低我獨守孤幃哩，唉。
音：（接）唉，少爺，主野，我估薄命紅顏揀得個護花主呀主呀，做乜花兒部未謝，你就先斐春妮哩，唉。
田：（接）唉，夫郎主呀，一日部係個隻狐狸，將你尅死呀主呀，皆由當時唔聽我話，將佢帶入宮嚟哩，唉。
音：（接）唉少爺主呀，我嫁得你時就唔會要你激氣呀主呀，而家你被人激死咯，應該知道邊個好邊個曳哩唉。
仲：（十八摩）豈有此理，丈夫死咗都冇的悲，重講乜野好夫妻，你地嗌起上嚟又有乜謂。
X X X X X
王：（快板短序）拜跪師尊，心香一炷，弟子王孫，虔誠頂禮。莫非天妒英才，偏逢刧列，驚聞噩耗，慘似杜宇衣啼，（中板）悼良師，無限傷情，惟問師何早逝。悼良明，今日知音人渺，當日情義未忘遺，問吾師，何故薄倖甘爲，撤下多情，佳麗。惜兄台，你可謂緣慳福薄，徒令妻子，守孤韓。莊周兄，魂兮有知，先將伊人（花）安慰。（魚板）哭千聲，情切切，淚眼凄迷。
田：（春風得意）你未白我個心中既問題，十分難過，我心中確另有悲悽。
王：（接）無須心苦翳往日情緣我奉勸嫂往事忘遺願將嫂安慰。
田：（接）我完全爲你，你好得滯，你比他更重有威，你又够體勢，兼靚仔，可惜未將奴奴慰。
王：（接）你屬朋友關係，我做人就冇所謂，我未明白你肺腑。
田：（接）你嚟嚟嚟，招呼貴人最喏傾吓偈，你比莊周風趣又兼易話爲，以後無謂把他提。
王：（接）風趣有乜衿貴，我仍然賤過坭，寡佬一個，上蒼太胡爲，難尋艷侶返宮幃。
X X X X X
田：（平湖秋月）緣緣緣，我共哥哥確有緣，我願兩家相好似蜜甜。
王：（接）你貌美還重勝過月裡仙，我一見生愛復憐，一對含情鳳眼，芙蓉臉，最攞命係眉梢春色一片叻。
田：（接）應該錫吓我芙蓉面，天生麟質你聞吓香滑又甜，佢願郞情妾意兩心堅，緣牽一綾。
王：（接）哥哥今天傾訴心願，我亦情心一片，我一於放蝶向花痴纏，情味咁甜心不變，就算海枯與石爛我仍然愛比金堅。
田：（接）從今，情心，同献，他朝有幸結終身，相親相愛到萬年。
X X X X X
仲：（三脚櫈）做乜咁胡塗，伸你丟晒面。簡直唔係路，最可怕是閒言，你就算發老公寒，都唔應快到閃電。
田：（接）老爺你吩咐，要我共佢週旋，我本來唔願見男人，不過老爺體面。叫我招呼要週到，我做媳婦只有從權，乜野呌做發老公寒，乜野呌做快過閃電。
仲：（接）我保你大晒，無謂再多言。
X X X X X
王：（減字笑蓉）我唔想再多留，準備囘家轉。（曲）我睇世伯唔高興，不若早歸旋。
田：（曲）已大都帶我囘邦，一於丟低佢就算，等我害死佢地兩人，個陣任由我地相戀。我自然有辦法，總要你相愛復相憐。
X X X X X
陳：（白）老爺（西皮連序）重有冇頭剌呀，現時重有冇頭暈，唉吧額頭現晒靑筋，重夾手震，我而家揾劑茶你飮。
仲：（接）你眞關心，㷛埋新我飮，我頭暈，燒到發昏。
陳：（接）啱飮嘅啦，待儂，扶你起身。
仲：（接）我兄全無力呀心裡發盟，乜的茶重咁滾。
陳：（接）老爺使乜咁盟掙，你發燒至今你胡混，（序）你飮過就冇暈，靈丹爲藥引，你慢慢飮，立卽就除病患，包你精神，你味咁喉擒。
X X X X X
田：（思妻）你爲人太絕情，太過無人性，向我諸多挑引，使我夢不安寧，我心如止水，如今變性，你偏不安慰，令我嘆孤淸。
王：卿罷卿，我愛你如命㗎，我一見就愛，你係我心肝蒂，我知你熱情，佢係未敢來受領，爲着你嘅家聲，爲着我嘅家聲，事穿就成笑柄呌句命蒂，莫埋怨，我並非眞正絕情。
田：（二王）我地兩個旣屬有情，應該同囘楚國境。（序）乜你忽然眼定定。
王：（曲）事關忽然肚痛，痛剌我面白唇靑。
田：（序）你個肚痛幾得人驚。
王：（曲）我出自娘胎，就冇此離奇病症。
田：（序）有乜良方醫得呢種病。
王：（曲）除非食人腦，呢種醫法最靈擎。
田：（序）哥呀何用困愁城。（曲）我將家翁頭顱，來救哥哥性命。
王：（序）唉，老人頭係唔醫得呢種病㗎。
田：（曲）仲有個衰人妾侍，我取佢腦袋，挽救哥兄。
王：（序）女人頭亦冇得傾（曹）就算已死嘅男人同樣冇囘天药性。
田：（序）你一話將我提醒。（曲）且待三更時份，自有人腦，令你安寧。
X X X X X
王：（木蘭從軍）心裡好担憂，腹痛眞維受，今番我定進斗，嘆惜命難留，弊在冇人腦醫，的確眉縐。
田：（接）等到三更，包你就有收，難過亦要抵，咪個眉頭縐。
王：（接）哎唷，又痛苦，點抵受，好心快的咪個柔喉。
X X X X X
周：（龍舟）從俗例，悼亡妻，哦今日鼓盆之痛，我重笑口噬噬，娶着咁嘅老婆，眞係唔使計。出墻紅杏，婦道有虧，講乜野恩愛夫妻眞無謂。棺材都敢劈，可謂無事不敢爲。（介）人間世，最無稽。我玄機覺悟，不再痴迷，愛愛情情原是僞。緣緣孽孽，全屬虚渺東西，患難見眞情，試出人心腑肺。决意潛心修道，一切盡忘遺。
X X X X X
音：（浪淘沙）你能悟玄機，慈航就有話題，你六根已净，並未達淸規。
周：（接）我養性修心，只望正果得修，懇求大士將我提携。
音：（接）我其實要你而爲，你向道心，我殊安慰。
周：（接）弟子莊周發誓，决定向道作依皈，犠牲一切亦無畏。
音：（接）莊周虔誠我就將你提携。
搜尋資料庫
