蘇小妹三難新郎最香艷一幕

設文字擂台考夫婿

（春香唱不要你尾段）

大家都靠混桔大家伸我嚇窒

到吊亦冇一點墨　話你正一廢物　好似豬糠菜筴

正衰格　請你快

（少游見狀，不禁勃然大怒）（唱十八摩）

豈有此理

立亂將人咁糟質讀書偏偏冇陰德　發火上台鬧到佢窒

（春香認得少游，不禁大喜白）你晤係……

（少游大聲白）楊州秦觀字少游，特來領敎。

（簾內小妹聽見，心中大喜唱十八摩）

一聽得　又暗急　塊面一嬲似黑漆　似兇煞神眼突突

（簾外少游盛氣白）喂，係考好考咯噃，（唱戲妲己）任你考乜考物。一於冇窒。永冇失威包有奉答

（春香白）唔駛考咯，我知你有料咯，（唱戲妲己）考親必合。（雙句）另眼相看可免問答。（白）你好着數嘅喇秦相公。

（少游唱戲妲己）點知我合。（雙句）勸你快的出問答。（白）你唔考，我要你考呀。

（春香唱尾句）唉吔吔吔，不識抬舉，分明賤格。

（春香大聲白）嗱聽住喇，我而家代表小妹考你呀，第一條，天有幾多重。

（少游冷笑白）易極，天有三十四重。

（春香白）何以見得呢。

（小游白）古詩話，三十三天天上天，三十三加一，卽係三十四重喇。

（少游沙塵地白）喂，重有冇，問埋喇嗎。

（春香白）乜冇呀，第二條，天上有幾多粒星。

（少游白）更易喇，天上有一百四十三粒星。

（春香懷疑地白）喂，眞唔眞㗎，唔好亂指噃。

（少游白）我數俾你聽呀，三十六天罡，七十二地煞，另加北斗七星二十八宿，共成一百四十三。

（春香白）蝦，確係好嘢噃。

（少游白）重有冇呀，快的問囉噃。

（春香白）重有，第三條，何謂七父八母。

（少游白）嗱；聽住，親父，祖父，曾祖父，高祖父，伯父，叔父，舅父，謂之七父，親母，祖母，曾祖母，高祖母，姑母，姨母，嬸母，舅母，謂之八母。

（簾內小妹高聲喝止春香）春香，春香。

（小妹唱大王母）

春香　你勿太唐突　公子偉大人物是賓客　待客禮勿失

（春香接唱）

小姐心中有所得　准許你　共訂良緣　共擇吉　快揀個乘龍日

（少游大笑哭皇天）

豈有私心貪第一憎　你把書生糟質出一泡氣　我爲人盡責

一心演吓智識嚦　過世上人才華獨恃　豈有邪念　貪愛融合　經已壓一了之大吉

（小妹恨極，咬牙切齒地唱）

（海南曲）傷心嘆委屈羞辱眞可殺荒謬眞衰格令我恨剌骨

（以下對白）；東坡適趕囘來，父子勸小妹息爭，小妹恨少游辱己，負氣謂不愛少游，言畢恨恨然與春香下台而去，東坡父子，知小妹負氣，二人商量，由東坡往找少游，爲二人拍和，以便玉成好事，蘇洵力戒東坡，勿洩露日前小妹扮男人事，免貽人笑柄，東坡答應，卽別去。