蘇小妹三難新郎最俏皮一幕

千里送「佳人」

（春香担行李先行，邊行邊唱八板頭）猪仔共老虎瞓。一定難逃虎吻我昨晚最耽心。好在終歸妙計解危困。危難渡過，今日大家歡笑共起行。

（小妹唱心聲）（四季歌）

心愛知心送知音屢

次欲說出我扮男人欲訴情又隱羞復恨別有一般滋味愁煞人

（少游趨前唱）（送情郞）

送行人送出鄕鎭似風拂柳步遲行含笑步搖如女人怕惹人家議紛紛紛

（小妹唱）

行藏宜重斯文我任人家議紛紛粉紛

（少游唱長二王）嬌滴聲似黃鶯，雪白面如傅粉，耳邊還有穿針痕，爲甚七尺昂藏，竟似閨中，紅粉

（春香唱序）你分明搵老襯。

（小妹唱二王）若論聲綫自天生，有道何郞如傅粉，俗例男童要穿耳，兄莫笑我俗氣，偪人。

（春香唱序）我亦穿針痕。

（少游唱）一行行不覺到草橋，賢弟你要小心，謹愼。

（春香囘頭唱木魚）草橋路窄噃，相公你要步步留心。（白）駛唔駛我拖你呀。

（小妹白）唔駛，（唱）只要你小心行李，不用兼顧別人。

（少游唱）等我拖你過橋，此乃愚兄責任。（拖小妹邊行邊唱）我地並肩携手，步到橋心。

（小妹停步唱）哥呀，你睇儷影一雙，湖上印。好似藍橋有路，任你遊行。

（春香恐露馬脚，急揷口唱）車、相公，試問儷影何來，相公呀你言過甚。你地文壇知己，大家都是肖郞君。

（小妹暗怪春香白）多事幹，駛乜你加把咀埋嚟呀。

（少游白）呢趟我又爭阿石春咯，（唱）聽佢講來，確係理由充份。造乜雌雄不辨，語出驚人。

（小妹邊行邊唱（浣紗溪）雌雄不辨惹疑雲邊個是雌性誰爲雄你正不分兄若盡知到情鴛當獲遂心意駛乜抱屈恨咁深

（春香又揷口唱三脚櫈）蝦，相公你又試講笑，分明有意撚化人。

（少游唱）講笑有乜傷肝，又唔係搵我笨。

（小妹怒視春香唱）唔出聲冇人話你啞，造乜得咁口痕。

（春香縮頭吐舌又走開）

（小妹唱花上句）舉頭又見一有廟堂，小弟欲問靈神吿禀。

（少游唱士工慢板）弟有敬神心，兄當隨左右，（上）我地雙雙携手，一同入廟，參神。

（小妹跪下唱）堪笑近城皇，不識求好簽，等於木塑泥彫，辜負多情，紅粉。

（少游唱）（相思淚）爲何罵神空悲憤枉痴心太甚若有心互愛盼望他生你是男我是女人

（小妹唱）莫悔恨只要眞心兩家可親近冒充鳳侶你造夫君我暫時扮女人

（二人並肩依偎）

（O.S.春香呌白）相公呀，時候唔早喇，快的起程喇

（少游白）眞係好晏嘅喇，我起程罷咯。

（小妹白）好喇。

（小妹唱咸水歌，）你睇蝴蝶雙飛，雄蝶在前路引呢兄長呀。可憐個只雌蝶，苦苦在後跟。

（少游唱咸水歌）有道夫婦不分離，粉蝶薄何太甚呢細佬呀。

（小妹唱咸水歌）人亦有溫柔不解，拋離情侶自己先行。

（春香故意替小妹辨唱喊水歌）何必指桑罵槐，我至多向後退啫相公呀。

（小妹恨恨白）邊個話你啫。

（少游唱咸水歌）哦、原來怪我唔識禮，我惟有共你並肩行。

（小妹唱咸水歌）你睇遠遠一牧童，係處吹簫調韻呢兄長呀。可惜只蠢牛不懂，正一對牛彈琴。

（春香咸水歌）旣知對牛彈琴，就無謂晒左你旣多情雅韻呢牛郞呀。

（小妹怒白）又多咀囉。

（春香自打咀吧白）蝦、眞係衰叻，話左唔講嘅叻，又制唔住添。

（少游唱咸水歌）我都唔知你地講乜嘢，是否又尋我開心。

（小妹唱中板）笑謔太無憑，我地且談現實，我欲與你共訂，朱陳。

（少游揷白）又講笑囉。

（小妹唱）胞妹待字閨中，與你正是碧合珠聯，有若花添，銹錦。若論才和貌，差不多如我一樣，因爲我地同日，攣生。（花）未悉蒲柳之姿，能否邀雅人過問。

（少游唱中板）正是妙想天開，我地情如兄弟，安得共化，鴛禽。令妹不棄愚蒙，許我以終身，可謂三生有幸。獨惜蘇東坡，與我曾經有約，佢亦替胞妹，作冰人。（花）約我秋後訪故人，我已答應在先，未敢另行聘問。

（小妹唱三脚櫈）哦、係咁卽如一樣。

（少游唱）點噲一樣咁新聞。

（春香唱）話左一樣就一樣喇，何必重再問。

（少游唱）別人卽是自己，難免我惹疑雲。

（小妹唱）呢嗱，我與蘇東坡，情如兄弟相等。

（春香唱）佢嘅胞妹卽係佢，（指小妹，連隨自覺失口，急停止）

（少游詫異白）你話乜嘢話，佢嘅胞妹卽係佢……

（春香白）唔係，你聽得一撅就駁我咯，聽埋落去先我話佢（指東坡）嘅胞妹，卽如佢（指小妹）嘅胞妹咁解，（唱）大衆一視同仁。

（少游唱花）哦、好心你講淸楚的，咪講得一塌胡塗，聽到我暈一陣。

（春香唱花下句）秦相公長亭十送，你睇紅日將西沉。

（少游唱花上句）送君千里終別離，我地就此分襟情黯黯。

（春香白）喂好喇，留番的拜山至講叻。

（小妹唱花下句）哥你勿忘所約，謹記秋後駕臨。

（少游白）得咯。

（二人拱手）請呀。