蘇小妹三難新郎最風趣的一幕

蘇小妹竟然學人飲花酒

（秋顰唱木魚）怪不得話裙脚仔，冇胆入情關，家陣你上天無路，想走都幾艱難。旣係入到風月塲中，怕乜放大個胆。何須怕醜，攪到冇晒轉灣，應該順吓人情，千祈咪咁古板。正所謂一件汚時两件穢咯，縱然唔食你都一身孱。

（小妹唱蘇武牧羊）處男父親最野蠻　佢知我亂行　

聽鬧冇得扳　詢一飱　打一飱　話起我就煩

日後重加慘　趕我運煤炭　要我當災難　苦澀辣酸鹹

還望救我放鬆一線求原諒困難

（秋顰唱咸水歌）你唔講你老豆點知，你造人咁古板啫寃家呀，况且你生成咁靚仔，我點捨得放你行。

（小妹唱咸水歌）鷄春咁密都哺出鷄，千祈咪搵的咁嘅嘢反片寃氣鬼呀。我地勢難苟合，原諒我對你緣慳。

（秋顰唱咸水歌）其實我對你一見鍾情，點解令人咁心淡啫靚仔辨呀。一於唔放過你，好心你咪咁刁蠻。

（小妹急極大呌白）阿春：阿石春呀，阿石春。

（春香邊入邊應白）嚟叻，嚟叻。

（春香唱賣什貨）恐怕相公悞事亂晒坑，變左冇路行提防穿㷛枷都有得担掂親梗有難現時時又晏快的起行。

（秋顰唱戲妲己）好歹有限。（双句）折散鴛鴦乜咁犯胆。

（小妹細）皆因有難。（双句）救我出聲點算犯胆。

（春香唱）眞拼爛。（双句）怕見風騒呢對蕩眼。

（秋顰唱）一心冲犯。（雙句）我要執鞭將你亂掽。

（東坡唱尾句）唉吔吔吔，邊個呌你入嚟重唔快的躝

（小妹白）我呌佢入嚟嘅。

（東坡白）我冇呌你入嚟，快的躝。

（顰白）你造書僮都唔通氣嘅，快的躝。

（秋顰唱减字芙蓉）猶幸赶走個位煞星，此後藍橋無敢進犯。（揷白）時候唔早啦相公。

（小妹唱）不才無倦意，何妨秉獨作淸談，（插白）傾陣都未遲卦。

（秋顰唱）不苦枕畔語喁喁，只爲奴不憤。（插白）咁傾有乜意思啫。

（小妹唱）不若淺斟和低酌，事關酒興尙未闌。（插白）我都未飮够酒。

（秋顰唱）酒力奴不勝，你睇紅雲曾輕泛。（插白）再飮，我就醉嘅喇相公。

（小妹唱）一杯猶推却，說甚情意重如山。

（秋顰唱花上句）爲表我對你深情，奴願奉陪重把盞

（小妹唱花下句）仰賴琼槳玉液，助我渡過難關。