「風燭燒殘涙未乾」之監房訪美

双成：（淸唱反線花間蝶一句）杜双成，（和）嬌花飄零，怎不傷情，芳心痛苦也難寧，蒼天對奴實太狠心呀留恨永，錯在父迫我嫁金滿盈，今日殘生已將到絕境。（轉乙反二王）好夢由來最易醒愛愛情情如幻影，從來苦命是娉婷，估不到橫禍飛來，迫我將罪認，念到高年老父不禁淚盈盈。更懷念司馬文風，難得佢失明救拯，（合尺花下句）彷似桃花嗟命薄，坟前菊影泣山靑，天何苦我杜双成，百感交馳神不定（拉士字腔）（月梅，甫扶，着文風食士字腔入）（次甫，月梅，衝前哭相思，却苦了文風不知双成所在。但亦隨人哭起來。

文風：（哭相思）哪呀呀呀，双成你係邊處呀。

双成：（痛哭上前白）風哥，我能够响處見你一面我死都眼閉咯。

文風：（哭白）可惜我見你唔倒呀。

次甫：（白）乖女，我明知你係冤枉嘅，但係點解你枝金釵又噲落响人手呢？

双成：（秀頭老鼠尾）憶往事，我現在何妨直認，痴心一片爲求續愛人已靜尋風兄，豈料玉郞居然絕情，譴責奴奴深夜越禮不應，點知相見舅老爺，怪儂夜半私奔要奴奉釵相敬，（曲）唉我迫於環境，含羞忍辱，應承。（序）橫禍飛來惹罪名，（曲）今日鐵案如山（齊才）惟怨双成，苦命。

文風：（序）應在公堂來指証。

双成：（曲）可恨胡圖縣宰，未經審問，便定罪名。

文風：（序）誓求覆審救双成。（曲）拚喪殘生，（半句）。

次甫：（接）我都願拚埋，條老命。

月梅：（序）可惜無人証。

歹徒：（衝口而出白）搵我呀。（這句話引動了傍偸聽的滿盈）。

滿盈：（行埋歹徒監旁問白）喂，乜你知呢件寃情咩！

歹徒（知難改口）大人，如果你能够減我嘅罪，我願將經過和盤托出。

滿盈：（白）如果你能够協助官方破案，本官當然可以減輕你嘅罪啦。

歹徒：（白）咁就得吶，其實買兇害大人，（齊才）

滿盈：（細認白）呀！我約莫都認得你。

歹徒：（白）係你周公禮所爲，而且殺老夫人，兇手我都思疑佢，因爲枝金釵佢曾經俾我見過嘅，（齊才）（滿盈反應，甚喜）。

歹徒：（白）請你聽日開堂覆審個件寃案，傳佢到嚟，我頂死佢呀。

滿盈：（大喜白）好！（對獄卒白）吩咐女監倉探監的人，本官明日覆審杜双成，一千人等明日一併上庭咁話啦。（獄卒領命）。