「鳳燭燒殘淚未乾」之贈金醫眼

月梅：（三脚櫈）你重敢到來，都算够大胆嘞。

雙成：（接）相信姊妹情還在，望你救吓我艱難。

月梅：（接）你狠毒嘅心腸，居然殺人唔斬眼。

　　（齊才）

雙成：（接）車！你講乜嘢說話。

月梅：（接）你將姑媽命傷殘。

雙成：（花）吓！我幾時有害亞奶奶一命身亡，（一才）寃枉係雙成眞慘。

月梅：（花半句）誰個肯認裂人罪。（齊才）

雙成：（接半句）我係殺人罪犯點敢見紅顏。

月梅：（花半句）到來何事快言明。

雙成：（接半句）只爲風哥盲咗眼。

月梅：（驚震白）吓！（快白杬）碎我心，碎我胆，風哥點會盲咗眼，有冇醫生來診治，快對我一談。

雙成：（快白杬）醫生話要一百両銀，方能醫好佢對眼，不避羞慚求相助，相信你都唔想佢眼盲。

月梅：（快白欖）囘憶舊日情，癡心猶未冷，何忍檀郞蒙不幸，贈金解决佢困難，阿爹存案在公堂，話你係殺人犯，勸你莫多留此地，遠方逃避免惹麻煩。

雙成：（自負白）！我理直氣壯，怕乜嘢唧，最緊要醫好風哥雙眼，我就安樂吶。

月梅：（白）好啦，我上去攞錢畀你啦，但係你要小心至好呀。

雙成：（白）哦！

　　（月梅上樓）