「鳳燭燒殘淚未乾」之賣花生

文風：（白）老師，乜你咁大力拉我嘅？

次甫：（白）唉！我個心情太緊張，文風，開得檔吶。

文風：（唱）鹹脆花生，（胡琴跟音奏）卜卜咁脆，（胡琴亦跟）帮襯吓啦，（流水南昔短序）唉！我眞係唔够運咯，撈到賣花生，望各位同情我境遇，關照吓盲人，有好靚嘅白肉鹹乾，各位請來帮襯，講到甘香鬆脆，試吓鹹脆花生，可憐我地師徒，捱苦困，枉我地詩書飽讀，今日眞係失禮斯文，老師風燭殘年，多哀感，學生失明雙目，確傷心，惟望善長仁翁，來憐憫，試吓我的花生嘅味道，莫做週濟我寒貧，（拉腔收）

　　（文風唱曲時，路人由少至多圍聽其曲）

　　（待文風唱完，紛紛解囊買花生）

　　（月梅偶經此地，見衆人圍觀，不期行近，發覺次甫、文風，大喜衝前招呼）

月梅：（口古）老師、風哥，可憐我踏破鐵鞋四處將你地尋搵。

次甫：（有點驚懼苦笑口古）月梅，我地都有多少師生情份嘅，你都無謂苦苦廹人。

文風：（白）月梅你嚟咗呀。

月梅：（悲白）係！

文風：（口古）點解師妹會受屈含寃身罹不幸㗎。（月梅先鋒鈸緊張的拉開二人一旁）

月梅：（細聲口古）阿爹認定師妹係殺姑媽嘅兇手，罪名成立，定於秋後身首相分，（齊才）

文風、次甫：（重一才沉花）唉吔吔，嚇到失魂。

文風：（快點上句）血海沉寃心悲憤，娥眉受罪怒火如焚。（花）我要闖闖闖（齊才）闖進公堂，爲師妹伸寃雪恨。（表現了瘋狂性，舉竹亂打）（次甫與月梅同攔住扶住）

次甫：（花下句）唉！文風呀自古話窮不與富敵，富不與官爭。

月梅：（白）老師，咁又唔係咁講嘅，雙成嘅事，我認爲佢係寃枉，我成日要搵你地，無非係想商量嚟救佢唧，因爲表弟由朝庭襲爵新任呢度嘅知府呀，雙成已經解咗去佢監度叻！

次甫：（喜白）哦！咁會有希望噃！

文風：（白）未必，金師兄對我同師妹嘅誤會，我恐怕唔輕易解釋。

次甫：（白）月梅，唔理咁多嘞，我而家想你帶我地去見吓乖女，問吓佢嘅情形係點，然後再想辦法啦。

月梅：（白）咁——我相信得嘅。