「鳳燭燒殘淚未乾」之花園談心」

双成：（淸唱花田遊引子）花前撲蝶，春遊盡興。

双成：（續唱）燕双双，呢喃呼應，百花開，喜煞我杜双成，萬紫千紅呀，香滿花經，恨煞風流蝶影爭向花獻熱情，（序時双成，月梅撲蝶舞蹈）。

月梅：（接）浪蝶戀花香，令我神魂難定，觸起一番心事，撩動我萬般情（淸唱）嬌花吐艶更芬芳，點解花香無蝶心傾，（和）只怕花殘逐春去，芳心倍難寧。

双成：（接）姐心憂太不應，你何愁無伴侶呀，你貌似花嬌，（淸唱）保証有個檀郞緣共訂，（和）鴛鴦福祿，永聚雙星，龍鳳配，佳偶天公撮合成，龍鳳配，佳偶天意撮合成。

月梅：（白）多謝你祝福吶，師妹呀，（禿頭減字芙蓉）嗱！你話老師嘅門生，邊個最好皮性。

双成：（揷白）我覺得位位都好。

月梅：（曲）咪話我爭自己親戚，我話最好金滿盈。

双成：（白）佢呀，一個公子哥兒，點噲好皮氣唧。（曲）有個品性好純良，可惜生得唔好命。

月梅：（故意問白）邊個呀？

双成：（曲）而且非常好學問，他日有錦綉好前程。（花）就係司馬文風（大聲一才）。

文風：（早些時來到，以爲奴叫他忙應）喂，（上前花半句）何事呼喚文風，師妹明言究竟。

月梅：（白）哦！師妹讚你喎。

文風：（喜白）讚我乜呀。

月梅：（三脚櫈下句）讚你人品和學問，他日金榜定題名。你確係品學兩兼優，我對你非常之愛敬。（一才）。

文風：（接）兩位師妹言過譽，心中慚愧意難寧。自少父母痛双亡，幸得師尊憐苦命。諄諄來善誘，學業幸有成。（花）双成妹亦勉勵諸多，倍令文風感銘。

月梅：（白）老師同埋双成妹番鄕下咁風哥你又去邊度呀？

文風：（白）我呀，我自己都唔知去邊度。唔講話冇路去連食宿都有問題㗎。

月梅，（白）風哥！咁你唔使驚，（秃頭花下句）以後何愁無食宿，你有個知心朋友我表弟滿盈。何妨寄寓在金家，但有良田千萬頃。

双成：（白）係睹，雖然金師兄係有錢啫，都唔成日照顧風哥㗎嗎。

月梅：（白）又唔係咁嘅，到底都係師兄弟，而且佢两個一向咁好感情點噲做唔到唧，我而家返去見吓佢先，你地傾吓先。（分別下去）。

文風：（望月梅背影花下句）弱冠未能維生計，寄人籬下倍傷情。欲求自立愧無能，此後飄泊天涯孤雁影。

双成：（花下句）獨憐家父無恆產，但係淸茶淡飯可担承，靑梅竹馬一般情，（齊才）。

文風（接半句花）自愧時乖唔好命。

双成：（長二王下句）哥你勤勞好學最心傾，家父門人皆尊敬，幾許英雄豪傑，都是難中成，你好比鶴立鷄群，何必悲隻影，他日鳳凰池畔，定當一舉，成名。

文風：（序）眞係多謝妹双成，（曲）身比柳絮隨風，正感飄搖難定。（一才收）

双成：（沉花）唉吔吔，願同甘苦，哥你何用嘆飄零。