生死連枝最悲悽一幕

飛來橫禍•含寃入獄

梁醒波唱

志忠：（白）喂，差大哥呀，（柳搖金）我幾餐冇飯到口，你飮開杯淸茶，若飮唔晒，好心俾滴潤吓喉

衙差：（揷白）你想飮茶，倒咗都唔俾你飮呀。

志忠：（接唱）寧願倒咗佢，都唔肯益人，因乜解究。

衙差：（揷白）抵制你囉，點解呀。

志忠：（接唱）唉，坐監痛苦確實難抵受。

衙差：（揷白）冇錢孝敬我地，就係咁嘅叻。

志忠：（接唱）惟怨，我惟怨前世唔修。

衙差：（揷白）我冇你咁好氣呀，（轉身行去）

志忠：（接唱）所以今世做人多災咎。（揷白）最慘重寃枉我殺人添㗎。（接唱）忠厚善良難以快樂無憂，慘遭飛來禍刧，想起就淚暗流。

　　（轉接餓馬搖鈴尾段）披枷帶鎖最冇收，幾日來常被監卒拷打亦無從呼救，（浪白）：唉，又總唔見屋企的人帶的錢嚟我，如果有錢孝敬佢地，都唔會將我虐待得咁慘呀，監裡苦况——可稱世上少有，更慮難捱嚴刑，有寃情莫剖，困在牢籠請誰人挽救。