「趙五娘萬里尋夫」之

庵堂相會

淨空：（口古）大嫂，須知出家容易歸家難，望你凡事三思，莫因一時悲憤。

五娘：（口古）師傅，我已飽受磨折，萬念俱灰，但求我佛庇蔭，不願再飄泊凡塵。（哀懇白）你一於同我落髮啦師傅，唔該你啦，

淨空：（白）好啦，你既係出自誠心，貧尼惟有成全你嘅志願係啦，（執起剪刀正欲落髮）

伯喈；（O.S.大叫白）師傅，（淨空聞聲停手向前一望）（伯喈狂奔至前，拉住淨空）

伯喈：（白）師傅，千祈唔好同佢落髮呀，

淨空：（合什白）阿彌陀佛，（躬身退下）

伯偕：（回身挫起五娘凄然白）唉，五娘，你知唔知我想得你好呀，

伯喈：（猛搖猛叫白）五娘，點解你唔啋我呢，你要明白我至得㗎，

五娘：（霍然冷笑白）哼，明白，我乜野都明白，我知到你已經富貴榮華，更知到你休妻另娶，你重何必走嚟騷擾我呢？

伯偕：（急極白）唉五娘⋯⋯

五娘：（截住白）你唔駛講叻，（乙反長花下句）你罪孽已彌深，天良全不問，拋棄雙親忘孝行，可知家遭兵災盡燒焚，可知父母流離捱飢饉，可知五娘受苦為誰人，可知萬里尋夫遭厄困，縱不念多年結髮糟糠婦，（一才）亦當念堂前二老侍無人。今日你貴為官宦享風流，（一才）可知到父母雙亡無殮殯。

伯喈：（重一才，驚白）吓，雙親死左，

五娘：（悲憤白）哼，你拋棄我就好啦，竟然連父母都不□，試問你孝道何存，良心何在，枉你飽讀經書，你對唔對得父母住，你對唔對得祖宗住丫。

重（才█的的悲痛萬狀）（秃頭火中蓮引子）驟驚聽噩耗，魄蕩⋯離⋯⋯魂，堪悲双親太不幸，慘矣命殞令我实痛心，今生不得再親近，深覺負孝愧為人，劬劳未報答，孩兒負教訓，自嗟暗断魂，永別爹娘，再會不能，伤心痛哭淚滿衿。

伯喈：（譜子襯托一邊拭淚一邊行前向五娘悲咽白）五娘，你鬧我甚至你打我，我都甘受無詞，但係我嘅苦衷，我嘅寃屈不能不要對你表白嘅，我蔡伯喈點都唔會貪慕虛榮，休妻別娶嘅，當時不過爲環境所迫，反抗無能，冇辦法嘅睹，不過，我雖然身爲牛家快婿，但係我共牛小姐並不是眞正夫妻，其實只係一對結義兄妹嚟㗎乍。

五娘：（一邊聽一邊流淚深爲感動白）咁，然則你眞係冇變到心。

怕喈：（白）唉，五娘，我共你海枯石爛，情深如海唔通你咁都唔相信我⋯⋯

五娘：（凄然白）唉，夫郞，咁我怪錯你叻，（撲前擁抱痛哭）

牛相：（先鋒鈸趨前執伯喈）（口古）蔡伯喈，你同詠嫻，乃係聖上爲媒，應該正其名份。

相喈：（不屈，口古）五娘是我髮妻，斷不能休棄，若然相迫，爲有一死報釵裙。

五娘：（口古）我但得一會夫郞，已如所願，非望團圓，祗欲表明心悃。

詠嫻：（口古）你地無謂爭執，呢件事實在完全誤會且聽我細說原因。

牛相：（白）好，你講啦，

詠嫻：（三脚櫈）尙記當時花燭夜、佢已承認有夫人。不忍棄糟糠，聲言難合卺，女兒明大義，願作假夫人。守禮未同衾，兄妹爲名份。祗恐嚴親多責罵，當時未敢說知聞。（花）此際人家夫婦慶團圓，奉勸嚴親毋作梗，

牛相：（已悟，口古）詠嫻，旣有絮果蘭因，你就應該早謀補救，何以替佢遮瞞，眞係太過糊混。

詠嫻：（口口）阿爹，雖然你未遂向平之願，但係有此多才義子，亦可稍慰老人心。啦，

牛相：（口古）雖然係啫，你地係聖旨爲媒，若果聖上知情，難免將罪問。

伯喈：（口古）此事完全係樂探花之過，何不直將此事，對主上奏陳。

牛相：（白）唉，你地話點就點係喇，（花下句）大衆先行囘府第，明朝上本奏明君。

伯喈　五娘：（同白）多謝丞相，