「含笑飲砒霜」之兩情繾綣

一往：（白）桃紅，

桃紅：（口古）一往哥，點解咁夜至嚟啫，你知唔知道我一早就梳好頭將你等。呀

一往：（口古）桃紅你知到啦，我嚟到祗係見吓你面，同你傾吓偈，又冇錢買歌沽酒，嚟到門口都要想過度過，然後至有胆入嚟見隹人。㗎

桃紅：（口古）車，我而家要你嚟花錢咩，我喜歡你嚟，帮唔帮襯又有乜要緊啫。

一往：（口古）雖然你唔嫌棄我啫，但係你亞媽一見到我就憎。啦

桃紅：（白）一往哥，（士工花下句）留香苑乃是銷金地，難怪佢地重富嫌貧。惟是我不重黃金重愛情，更愛知心常接近。

一往：我知到翠袖情深原未泯，只惜英雄陷困境意若焚

桃紅：（接唱）時運到，何畏沒黃金。（插白）貧困係暫時嘅啫。

一往：（接唱）心中知到自已是一個善妒人，每睹你在人前賣唱，被採花蜂挑引，我便懷愁憤兼悲憫。

桃紅：（接唱）你休要妒念盈胸懷恨憤，嬌花不同俗粉、潔心未染塵。

一往：（長嘆）唉（士工花下句）可嘆無能直上蟾可去，阻不得天邊明月，照遍萬家人，倘得金鈴十萬護花魂，紛蝶遊蜂休想近。

桃紅：（反線中板）君你情深如許，惜我命生不辰。休爲此殘花，徒勞傷感，且向前途邁進，當可際遇風雲。量珠願，到底定能償，總未信一世不能逢好運。

一往：（白）桃紅妹，（士工花下句）自愧無路請纓空抱負，暫難展翅上靑雲。更恐靑春難爲使君留，人面桃花空有恨。

桃紅：（白）唉吔，你時常都係想埋的咁嘅野嘅，唔好講咁多叻，不如我同你喺度飮杯把啦。

一往：（白）好。

　　（桃紅取酒與一往共飮）