荒唐鏡三氣胭脂馬精彩曲詞

曲詞之一

新馬師曾 鄧碧雲 合唱

馬︰（首板序後唱首板）九里山前打敗仗。（白）殺敗了！（雙）（花下句）又祇見滔滔江水，莫非註定我項羽在此身亡。（收掘詩白）力拔山兮氣蓋世，時不利兮騅不逝，騅不逝兮可奈何，虞兮虞兮奈若何！（左撇慢板）氣煞了，楚項羽，一代英雄，今已威名，盡喪，當日恨天無柱，恨地無環。難逃劫數，敵不過韓信，張良，（流水南音）呢位末路英雄，可惜無生望，竟然自刎喪在烏江，可見武力不能與，文人抵抗，張良生花妙筆，戰敗個楚王，佢撰了一曲楚歌，楚兵就囘鄕往，個位淮陰韓信，滅了楚邦，文人策略興西漢，任得霸王英勇，不敵智囊，（拉腔）

碧︰（江邊草）個的潺書生，佢面靑靑，正式病夫，冚個面時常都黃，佢重牙擦擦噃，正式壞鬼書生，咁都够胆認嚦確令人心涼，咁就絕望，絶望囉，掘左個坑成十丈，將的書生生葬，書生冇力對抗，任人地嚟劏，眼白白葬坑，講乜野嚦，重欖到學人稱强。

馬︰（咸水歌）秦始皇欺侮文人，又有幾耐皇帝做呢大鄕里呀，輪到二世祖就連江山都失去，講乜野英豪呀。

碧︰（接）孔子咁好文才，在陳國兩餐都搵晤到呢兄哥，任你經論滿腹，你話有乜用途呀哩

馬︰（接）自古話有定國安邦呢，都全靠呢讀書佬呢姑妹，羌太公帮助文王立國，你話幾大功勞呀哩。

碧︰（接）羌太公八十先至遇文王，你邊處有佢咁老丫短命種，死你唔死我，睇你似足條藤咁瘦，一定內傷肺勞。

馬︰（接）你咪恃住食過幾晚夜粥喞，就係處揚威曜武哩母夜叉呀哩，成日講打講殺，終之有日打到你落陰曹呀哩。

碧︰（接）你重得罪姑娘，有冇胆同我比武呢內傷佬呀，任你文章嚦極，拳頭一打，包你命喪陰呀哩。

馬︰（接）我筆掃千軍，就可以降龍伏虎呢，唉也隻老虎乸呀，精嘅你就叩頭認錯，我呢個大文豪。

曲詞之二 鄧碧雲唱

碧︰（新鳳陽歌）有乜刀傷患，有乜風濕患，若然唔理並非講玩，落雨番風個陣就慘，諸君遇岩我就有得扳。（曲）用搽患處跋左嘅就會行，風濕共跌打使過就有彈，各位用過包保你話盞，不論斬傷共跌跛都醫得番。（曲囘頭）有乜心痛病，有乜腰痛病，我地最妙呢的止痛散，痛症重慘過羅（手旁）你胆，諸君想免受痛苦，買的止痛散啦。（曲）買 到大行其道噃，一向係有彈，祖傳嘅獨步單方邊個都知到盞，出門在家乜都岩，諸君賣定的啦，包冇撞板。（序收）

曲詞之三

新馬師曾 鄧碧雲 合唱

馬︰（淸歌一句）嘩，乜原來拍拖咁有趣呢老友記。（靑梅竹馬）香肩並我肩，開心又够福氣，拍到好滋味，偷笑佢眞通氣，喂，雙雙對對咯，見人地，眞寃氣，我地拍硬咪輸比佢，同遊有靚女，你顏容又够俏皮時，呢個書生够艷福，行運恨死隔離，偷偷歡笑係要拖實你。

碧︰（賽龍奪錦中段）我心兒跳起，我心兒跳起，眞眞醜死，眞眞醜死，講到愛的滋味，實在初試，你猛欖柳腰，我半羞半喜，你猛拖人地，又望實你地，挨身挨勢，你份人實在太不覊。

馬︰（娛樂昇平）寃氣，寃氣，實行纏住你，心，坎個卑鬼左你（重句），比你，比你，情迷醉兩無異，情痴，情痴，我爲你心痴，太痴，太痴，我共你一般感覺，呢，兩家快樂情莫已欲表心意，我說衷情實愛矯你。

碧︰（接）恐怕負君美意，負君美意，我未解相思，我未解相思，，令我實怕啓齒，唉也令手我實怕啓齒，談情原來又未慣，怕你笑人地，唉也又怕你笑人地，與你心一樣，心一樣，偷偷訴心事。

曲詞之四

新馬師曾・劉克宣．鄧碧雲・合唱

劉︰（戲水鴛鴦）你地唔通氣，你咪嚟阻住，我今宵到藍橋，你冇興，成晚企處，屣高興，快的躝，咪阻我姻緣訂。

碧︰（接）實就實熟性，免阻你行經，駛乜嬲嬲爆爆，我通通氣氣恭還敬。（起秋的懷念）看洞房春，明月照，你雙雙心領，眞有情，萬分恩愛，你要喜笑盈盈，要拈杯相敬。

馬︰我面泛嬌羞，怎可以爲情。

碧︰快捧上一杯，夫妻要熱情。

馬︰確係够該專，眞醜過遊刑。

碧︰喂醉後耍佢歸陰。

馬︰唉也，好心你咪咁大聲。

劉︰點解唔埋嚟奉敬。

馬︰（唱相思頭）敬，敬，敬，獻酒我奉敬。

劉︰（二王下句）一見你花容月貌，唔記得我老豆，貴姓名。

碧︰（序）我地小姐的確够多情。

劉︰（二王上句）你嬌小玲瓏，你眞係銷魂羅（手旁）命。

馬︰（中板下句）獻上一杯，祝你從心所欲你快去枉死城。

碧︰（接唱）佢話獻上一杯，祝，從心所欲，你地鸞鳳和鳴。

馬︰（中板）再獻第二杯，花燭未完，今晚全山，嘅弟兄都冇命。

碧︰（接唱）佢話再獻第二杯，花燭未完，今晚全山嘅弟兄好高慶。

馬︰（中板）第三杯，祝你得心應手，搵人共你念倒頭經。

碧︰（接唱）唔係，我地小姐佢話第三杯，祝你得心應手，佢話實行同你添丁。