風流伯父風流夢

插曲之四

新馬師曾 白雪仙合唱

　　（生扮白鬚老人咳嗽一聲起唱板眼）呢拿公脚步，（賣身歌）襯住兩筆老貓鬚，我呢個風流伯父都已經着過壽袍，任你聖誕老人都唔夠我老，幾多蘭閨玉女向我賣風騷（拉腔浪裡白）你估的女仔點話亞？（唱）佢話老尙多情心事好，個的鬚眉白淨咁至算得時髦（拉腔浪裡白）哈哈！文芳！ 你眞係靚嘅啫（旦浪裡白）你靚（生白）我我我頭髮部白晒叻，老叻，重靚（旦挨身挨勢唱滿塲飛）頭髮白，未必老，

鬚髮如銀重有寶，重有寶，眞正好，眞正好，眞正好，你痴心世上無（生食住嗚嘩一聲再唱板眼）你的生藕賣嚟趙到我成口泡，一條凉氣好過食雪糕（拉腔浪裡白）而家我個心呀，凉浸浸地，嘻嘻（唱）你旣係有心唔怕我老就不妨下嫁我呢個老糊塗（旦三脚櫈）你越老越風騷，應該人愛慕，將來閨中樂，我替你臘頭毛（生三脚櫈）係咁我要洞房，歡娛應趁早，（旦三脚櫈）而家都未夜，駛乜咁勞嘈（花生）黎喇

！我地携手入羅幃，唉也！誰知會一交慣倒，風流夢醒了（花下句）原來係風流一夢，依舊係滿腹牢騷。