三鳳求凰
（電影劇本）
電影懋業有限公司出品
第一場
景：郊外公路
時：晨光曦微中
人：林俊
（淡入）
（晨光曦微，田野還籠罩在薄霧裡，一輛載重的貨車在公路上飛馳著）
（車子駛近了鏡前，我們很清楚地可以看見車子項上，掛著一佪"俊記貨車"的招牌）
（坐在車子前面的只司机林俊一佪人，他輕鬆地駕駛著）
（化出）
第二場
景：大發農場
時：晨
人：林俊、王偉、工人
（化入）
（林俊的貨車向大發農場門口駛入，至小屋子門前停下）
（俊响了两下喇叭，從車上跳下來）
（王偉和两佪工人從屋子裡出來）
偉：早晨！俊哥。
俊：早晨！（取笑）王老偉呀！咁晏幾伙記重係處嘆世界唔開工，顧住俾老嘢炒尤魚呀！
偉：我地早就将的花打好晒籮，等你啦！（一面說著一面和工人們将早己放在門口的鮮花和瓜菜搬在車上）
俊：得两籮花同两籮菜咁少喳，喂，王老偉呀，老嘢呢幾朝都話你地的花收得少噃，你真係要顧住吓就得啦。
偉：收得少關我咩事呀，呢排的花俾虫食壞晒，叫佢買幾磅殺虫水，成半佪月都唔買入來，整吓重会少添呀！俊哥呀，一陣你出到舖頭
唔該你同我催々佢啦。
俊：好叻。
（鮮花等己搬好）
俊：（跳上車子打著了火）拜々！
偉：再見！
（俊開車出）
（化出）
第三場
景：公路和馬路
時：晨
人：林俊
（化入）
（林俊的車子在公路上奔馳）
（俊吹著口哨輕鬆地駕駛著）
（叠印本片正片字幕）
（車子經過山坡）
（車子經過田野）
（車子經過市郊）
（車子進入了馬路）
（热鬧的馬路上林俊的車子駛過）
（字幕完）
（俊的車子在热鬧的馬路上轉入了另一條馬路出鏡）
（化出）
第四場
景：大發花店連門口馬路
時：晨
人：林俊、胡銀鳳、朝玉鳳、李士豪、胡金鳳、胡啟發、伍叔、行人。
（化人）
（俊記的車子駛至門口停下）
（林俊下來行向店內）
（二小姐銀鳳背著身子在整理架上的東西，聞声打著呵欠轉過身來）
俊：（跳皮地立正見礼）報告二小姐，鮮花两箩、瓜菜两箩己經到了。
（三小姐玉鳳從俊後面的竹箩堆裡站起，偷偷行向俊處，要從後面掩他的眼）
（二小姐忍不住笑了起來）
俊：（急轉身執著三的手）唉呀！你想整我吓，我後面都有眼嘅噃，你知唔知呀！
三：懶叻！你有四隻脚一條尾就真嘅，最衰佪二家姐笑嘅啦。
俊：咩話！你話我四只脚一條尾？（作要打三狀）（三逃）
二：喂！你两條友咪顧住玩好嗎？一陣俾爸々同大家姐睇見命都冇呀！快的搬的嘢落來叻。
（三伸了一下舌，向梯口一眼）
（三人合力把車上的東西搬下）
二：今朝又係得買四箩咁少住咩？
俊：王老偉話俾虫食壞晒，叫你爸々快買殺虫水喎。
三：（忽然想起）俊哥呀，昨日你話同我買嘅嘢買左未呀？
俊：（佯作忘記）昨日叫我買嘢，買咩呀？
三：係唔係哩，我都話你係口輕々嘅啦！以後你講咩我都唔信嘅啦。（作怒狀）
俊：（笑）你咪嬲住！（走向司机位取出一盒東西）你睇吓呢的係咩？
三：（一把搶在手上，打開來看，原來是一件新型的泳衣）
二：（羨慕地）呢件游水衫真係幾好噃。
三：（向二）二家姐呀，我地今日去游水好嗎？
二：你想死咩！俾爸々同大家姐知道命都有呀。
三：你唔去我去。（向俊）我地一陣去好唔好呀？
俊：你爸々肯咩？
三：我緊有办法嘅，一陣我送花，快々翠々送完
左唔係去得咯。呢件衫摆你處先，你返去等我，我送完花去你處搵你。
俊：（接了衫）咁我走啦，早的來噃。
三：得啦。
（俊上車走）
三：（從內推了一架单車出來）
二：玉鳳呀！你真係去游水呀？
三：緊係啦。
二：咁我实講爸々知啫。
三：（跑向二處）你係唔係想死呀？
（二人正取笑著的時候——）
（O.S.：銀鳳！）
（二人向外望）
（李士豪含笑自外入）
三：啊！士豪哥，啱晒啦，二家姐，你地慢々傾，我上楼叫爸々落來。（作要行狀）
二：（忙把三拉住）三妹你係唔係想死叻。
三：而家唔講我游水呀嗎？
二：唔講啦，唔講啦。（向李）点解重未返工呀？
李：而家先去。今晚大華做"XXXX"我想請你去睇好嗎？
二：（猶疑著）唔知去唔去得呢。
李：我已經買左票啦。（取原出）
二：我怕俾爸々同家姐知道呀。
三：（将李手上的票搶了）怕咩呢？你唔去，唔啱請我叻。
二：你佪跳皮精又撹々震啦係嗎？快俾返我呀！
（三拿著票走，二在後追）
（三跑至梯口和刚從楼上下來的大撞佪正著）
大：（喝問）做咩呀？
（三和二呆了一呆，互相望著）
二三：（一齊）家姐！
大（向李望）
（李尷尬地低頭）
大：（向李）佪位先生做咩㗎？
李：（支吾）我⋯⋯我⋯⋯
三：哦！佢話要買劍蘭喎。
大：点解唔俾人地呀？
三：貨架的都賣晒咯。
大：咁你地唔識開箩咩？（行向花處，将花搬出）
二：（低声向李）今晚戲院門口等我。
三：（取了一束劍蘭交李）呢處一紮。
李：唔該！（接花慌張地丟十元轉身便走）
大：（奇怪地望著李走後）收左錢未呀？
三：收左啦！
大：收幾多呀？
三：（看著鈔票，無耐地）十元。
大：点解收人地咁多呀？
三：佢都俾咁多咯，咁唔係照收咯。
大：（囤身整理著箩內的花）你地两佪嘢都唔知撹咩鬼就真。
（二和三做著鬼臉；三又是伸舌頭）
（三举手在大的背處昼圈々表示不忿）
（O.S. "父一声咳嗽声"）
衆：（衆向梯口望）爸々！
父：（嚴厲地）玉鳳你做咩呀？
三：（支吾）哦！冇⋯⋯冇嘢呀。
父：冇嘢你係大家姐佪背處昼咩呀？
（大反手摸著自己的背）
三：哦！大家姐揩到的灰塵，我想替佢拍乾凈文嗎！（真的向大身上拍著）
父：（行向掛雀籠的地方，将蓋籠的布鮮開，一面說著）咁大佪女咯，重冇厘規矩。
（三又是伸舌頭向二做鬼臉）
（伍叔從門口挽著雀籠人）
大：（和二三一同）伍叔，早晨！
伍：早晨。（向父）胡老發呀！你都算嘆啦，佪三佪女同你理掂晒，重叻過男仔添，你而家做老太爺都得啦！
父：呢三佪女我當佢係仔辦嘅啦。
伍：生幾佪仔，唔听話嘅重激氣添。
父：（向女）而家我同伍叔飲茶。玉鳳你早的送好的花佢啦！
三：我知啦爸々！（将花紮向单車上）
（父挽雀籠與伍出）
（三将花紮好推著单車）
三：（向大）我送花啦家姐。
大：早的返來噃。
三：（向二打佪眼色，推車出至門口踏著如飛而去）
（化出）
第五場
景：馬路上
時：日
人：玉鳳、林俊、行人
（化入）
（三踏著脚踏車飛馳著）
（在轉角處突然一佪人入鏡把三的車拉住）
（三下車囤身看）
（林俊向她笑著）
三：你向呢處做咩啫？
林：你坐单車送花幾時送得完呀！來叻！不如車罢叻！（替她把单車搬上貨車去）
（二人笑著上車，開走了）
（化出）
第六場
景：茶楼內
時：日
人：父、伍叔、茶客、黃伯、伙記
（化入）
（茶楼內正是早市的時候）
（父和伍叔行入，将雀籠掛好）
（父和伍揀了一張枱子坐好，枱子上早己坐著了一佪黃伯）
父：（向黃）今朝你重早過我噃。
黃：我都係正話到之嗎。
（伙記替父等将茶開上來）
伍：（一面洗杯斟茶）胡老發呀，你佪三佪女仔就好啦，可惜要嫁弊叻。
父：（飲了一口茶）我的女唔嫁嘅。
伍：咁点得呀？
父：咩嘢叫唔得呀！我老早就同幾佪女講好叫佢地唔嫁嘅啦。
黃：你咁做老豆法，冇咩道理噃。
父：咩話？我冇道理，大把道理添。第一我冇仔，如果佢地嫁左，我就変左孤家寡人。第二而家我間舖冇皮嘅，如果佢地嫁左我間舖就要出錢請伙記。所以除非我死咗叻，唔係我点都唔俾佢地出嫁嘅啦。
伍：点到你俾唔俾呀？佢而家同男仔行緊都唔定啦。
父：唔会嘅，我管得好嚴嘅，佪大女又幚手，唔係我誇口啦，我的女冇話好似而家的女仔咁，隨便就搵人拍拖，就算著衣服都規々矩々咁嘅。
（最後的一段對白拖向下場）
（化出）
第七場
景：海滩
時：日
人：玉鳳、林俊、遊客。
（化入）
（上場老頭子最後的一段對在第一佪鏡頭上）
（帳幕拉開，三小姐穿著林俊刚送給她的泳衣探身出來，她還一面拉著鍊或綁著帶子）
（林俊早己蹲在帳幕前举起照相机，摆好了位置，乘三小姐出來的時候"克擦"一声拍了下來）
三：（撒娇地）唉呀！我唔制，唔声唔氣吼住人地影相喎！（追住林要搶相机）
（林轉身跑，三在後追）
俊：（至水边停下）你咪走咁快，顧住跌親呀！
三：（故意碌向沙滩上）呢的沙沙發都冇咁靚，跌親都唔怕呀！
俊：（举相机）你呢佪姿勢真好啦，咪煜，等我拍一張。
三：（翻身坐起）唔制，瞓住咁肉酸，俾爸々睇見激死佢都得啦。
俊：你佪々爸々味講佢啦，唔使講話俾佢睇見呢的照片呀，只係睇見你同我來游水就夠激死佢嘅叻。
三：俾大家姐睇見都唔得了呀！今朝士豪哥來搵二家姐，差的俾大家睇見呀！
俊：士豪同二家姐而家点呀？
三：今晚睇戲咯，点呀！
俊：你大家姐再係咁俾你爸々管住，就來做老處女都得啦！
三：爸々夠管住我同二家姐咯，咁我地又⋯⋯
俊：你大家姐嘅情形又唔同嘅呀嗎，你地做妹々嘅帮吓佢嘅忙呀！
三：点帮呀！
俊：我有本小說講一佪女仔同你大家姐情形差唔多嘅叫做"青春難再"，一陣返去你介紹佢睇下叻！
（幾佪在水上玩水球的孩子，不慎将水球擲向三小姐身上）
（三将球丟出）
三：（向俊）我地都游一陣咯。（跳向水裡向海上游出去）
（俊也放好了相机追在後面）（化出）
（化入）
（三和俊扒著艇）
（三和俊水中追逐著）
（三和俊海滩上追逐著）
（化出）
第八場
景：花店內
時：夜
人：父、金、銀
（化入）
（桌上己摆好四付碗筷，大小姐正将幾碟菜從托盤摆向桌上，二小姐在幚著忙）
大：（向二）点解三妹送花到而家都未返㗎？
二：佢梗係送完花入去農場睇下都唔定啦！
父：唔会俾車碌死嘅，放心都得啦，（向二）銀鳳呀，扐樽酒來。
大：唔好啫二妹，朝又飲，晚又飲，日又飲，夜又飲，而家俾佢飲酒呢飡至少要食两佪鐘頭都食唔完，我費事等收枱，唔好俾酒佢飲啫。
父：（要求）嘻々，你幾佪嘢管住我重慘過舊陣時你媽々。少々地叻，今晚咁好餸，唔飲酒点得呀，一杯，我飲一杯就算啦，唔該你叻二小姐。
二：（向大）点呀大家姐？
大：一杯至噃。
父：係，一杯，一杯咁多。
大：好叻，斟俾佢叻。
（二取酒替父斟）
（接出）
第九場
景：馬路
時：夜
人：俊、玉、行人
（接入）
（馬路上己萬家燈火，林俊的車子在轉角處停下）
（俊和三從車子上下來，俊爬上車廂，将单車搬下）
（三接了单車，一笑，俯身弄開車胎的喉咀）
（車胎的氣洩了）
三：（举手）拜々！（推著車子走）
俊：（跳上貨車）拜々！（開車走了）
（接出）
第十場
景：花店內
時：夜
人：父、金、銀、玉
（接入）
（大、二裝著飯）
父：（举杯飲了一口酒）你地咪等佢啦，緊係俾車碌死定啦。
三：（推著单車從門口入）边佪俾車碌死左呀爸爸？
（衆向外望）
（三将車置好，取手帕抺著汗）
父：重問边佪俾車碌死添，你点樣送花㗎，今日朝早送到而家嘅！
三：（作疲倦状）唉呀，唔該你咪鬧好嗎，人地都唔知幾辛苦咯，重要鬧添。
大：重話唔抵鬧，一去就成日，点解呀？
二：（挿咀）你唔係話今日去農場睇吓咩？
三：嗯！⋯⋯係咯，就係因為近來的人客話的花唔係幾靚，咁今朝早送完花時間重好早，所以我就決定入去睇吓，点知好衰唔衰，去到半路，⋯⋯你地睇吓，架車爆左呔，我又冇帶錢，肚又餓，推到一條氣，推吓又抖，抖吓又推，你都唔知幾慘！
父：唉呀！咁你埋來等爸々錫翻一啖補數咯。
三：一鋪酒味，咪撹我啦。
大：咪再講咁多，快埋來食飯啦。
三（坐下取碗食）
二（暗向三做鬼臉）
三（嘟著咀向二報復）
父：（發覚了）你條友又做咩呀？
三：冇⋯⋯冇嘢呀！我食著粒砂住嗎！
（故意将飯吐出）
（淡出）
第十一場
景：楼上三小姐房
時：夜
人：銀、玉
（淡入）
（從梳粧枱的大鏡子裡見二小姐己穿好衣服，化好裝了，但她還是很不放心地向鏡檢視著）
三：（站在後面）靚啦，唔好咁之整啦，九点咯噃，咪撹到人地士豪哥望眼将穿都好啩。
二：（难為情地打三一下）你帝我添吓，終須有日我会報仇㗎。
三：（替二弄好頭髮）真係夠鐘嘅啦，九点半開場呀嗎。
二：（取了一條手帕）拜々！帶左鎖匙未呀？
二：帶左啦！（行向門口）
（接出）
第十二場
景：楼上小厛
時：夜
人：父、銀、金。
（接入）
（父在中間的桌子處算著帳，大小姐則坐沙發處看著報）
（二小姐在房門口處行出，刚只踏出一步，便縮身入去了）
（接出）
第十三場
景：三小姐房
時：夜
人：玉、銀
（接入）
（二小姐縮身入來）
三：点解呀？重要照吓鏡添呀？
二：爸々同大家姐都係外出，点過得關呢？
三：（向門外一望）換過日頭的衫叻。
二：佪的衫点去街呢，我寧願唔去啦。
三：你唔去關我咩事呀，不過我只係怕等壞左人地佪々士豪哥之嗎！
二：而家你重笑我，我真係打死你嘅呀，唔該你呀三妹，你好計，你替我想佪辦法叻。
三：（略想）你俾咩多謝我呀？
二：任你話啦，唔該你呀好妹々！
三：好，又幚吓你吓！（行出）（再轉回頭，附耳向二小姐）爸々最喜歡的我知道了，但大家姐最害怕的是什麼？
二：（也附耳對三說出了大小姐最害怕的東西）
（接出）
第十四場
景：楼上小厛
時：夜
人：父、金、玉
（接入）
（三小姐從房內出來，行至父側，父正打著算盤算帳）
父：点解呀，今朝又係得四箩嘢咁少嘅呀！
三：係啦爸々呀，王偉話的花起晒虫，叫你即刻買幾磅殺虫水喎。
父：一日都係條友懶就真嘅，金鳳呀，明日你同玉鳳坐林俊架車入去睇々佢究竟点撹嘅。
大：（看著報）唔。
父：（继续打著算盤）十六元九，二元五毛。（因看不清楚數字，伸長了頸向数部看）
（三小姐乘机在算盤上偷々加上两粒）
父：（继续打算盤）𠲖，点解呢！計來計去都唔啱嘅呢。
三：（偷笑）你飲酒飲得太多咯。
父：傻嘅，我飲酒越多越精神就真嘅，今晚飲得佪杯嘢，關咩事呢！
三：咁就關飲得唔夠事咯。
父：冇錯啦，都係玉鳳乖，知道爸々的酒未夠，來，同我扐𥖁酒出來。
大：（放下報）又飲酒？
父：嘻々！一杯咁多叻。
大：咪俾佢飲啫三妹。
父（無耐地摇著頭）
三：（向父打佪眼色）你再計都係計唔掂嘅啦。抖一陣，明日再計叻。（向父示意，替他收拾桌上的東西）
父：（打著呵欠）哦！々！咁明日先計叻。
（和三一齐行入房）
（接出）
第十四場A
景：父房內
時：夜
人：父、玉。
（接入）
（父和三小姐揮著算盤自外入）
（父打著呵欠）
三：你等一陣，我拈酒來給你。
父（点頭微笑）
三：（大嚷）有老鼠！（故意由房內追出小厛）
（父亦以為有老鼠也追出）
（接出）
第十四場B
景：楼上小厛
時：夜
人：金、玉
（接入）
（三小姐自父房出大小姐側）
（大小姐大驚，急起身，三小姐說己跑入了大小姐房）
（接出）
第十四場C
景：大小姐房
時：夜
人：金、玉、父
（接入）
（三強拉著大小姐自外入）
（三嚷普老鼠跑上床，又說跑上了大小姐身上，把大小姐直急得团々轉，三小姐仍舊不停地嚷著，一方面用手勢示意向父叫他自行去取酒）
（父得意地微笑取了酒，逕回房去了）
（三說要去把貓捉來）
（接出）
第十四場D
景：三小姐房
時；夜
人：銀、玉
（接入）
（二小姐焦急地向外張望著）
三：（得意地自外跑入）得晒，你預備好未呀？
二：得嘅啦。
三：（把貓抱在懷中）我出去同你睇住水，你小心的就得嘞！
（接出）
第十四場E
景：楼上小厛連父房
時：夜
人：玉、父
（接入）（三小姐抱著懷中的小貓，逕向父房窺望）
（父举杯痛飲）
（三作鬼臉，著父勿張揚，恐被大小姐發覚，隨手把門代關上）
（接出）
第十四場F
景：大小姐房
時：送
人：金、玉。
（接入）
（三把大的房門掩上，放下小貓）
大：（驚魂甫定）隻老鼠走咗去边啫？
三：唔使驚啦，而家捉咗隻貓入嚟，重關埋咗門，唔怕佢飛上天嘞。
大：隻死老鼠，撹得我一身汗。（卸下外衣，換上睡衣）
（花貓知趣地摇著尾巴，走向三小姐）
三：（撫摸著花貓，不經意地哼著歌）
歌詞大意是："小老鼠，多鬼怪，衆人監視下你竟敢闖出來，老傢伙，只顧飲，那理会老鼠猖狂，大家姐嚇得失魂落魄，幸虧花貓來救駕，現在花貓在我手上，聰明的就要趁這机会溜出去，否則，時机不再來。”
（等待著的二小姐，在三小姐的示意下，輕步向楼梯走了）
大：呢隻貓一的用處都冇，養咗咁耐，重有老鼠嘅。
三：花貓好似幾夠威，有陣時都会俾老鼠撚花晒架。
大：我話蛇鼠同窩就真嘅。
三（会心微笑）
大：我睇緊嗰段報紙嘅小說正話入晒神，俾佢撹断左，等我X番入嚟睇埋佢先。
三：（恐妨礙著二小姐，急忙地止著）大家姐，恐防老鼠已經跑到厛裡，不若待我替你去拿吧。哦！你看的是什麼小說，我有一本書很好看，不若我拿來給你看吧！
大：乜嘢書呀？
三：一陣你就知。（俏皮地一笑）
（化出）
第十五場
景：大小姐房
時：夜
人：大
（化入）
（待寫：卧在床上的大小姐手上的"青春難再"拉開，見她看得津々有味）
（大小姐停了下來，将書覆在身上，看々床頭几上的小鐘）
（小鐘已十二時廿分）
（大小姐再執起書看）
（接出）
第十六場
景：父房
時：夜
人：父
（接入）
（睡在床上的父，轉過身來，睡眼惺松地醒來，向隔壁房望）
（從房門上隔壁還亮著燈光）
（父奇怪地起來，看了看時鐘，坐起）
（父打了佪呵欠，向房門行出）
（接出）
第十七場
景：楼上小厛
時：夜
人：父
（接入）
（父自房行出，至大小姐房門口，蹲下，向鎖匙孔內望）
（接出）
第十八場
景：大小姐房
時：夜
人：父、大
（接入）
（從鎖匙孔內拍——）
（大小姐卧在床上看書，她不自覚地对著書笑，想了想又停下來将書覆在身上，望著天花板偷笑）
（接出）
第十九場
景：楼上小厛
時：夜
人：父
（接人）
（父離開了匙孔，站起，有点莫明其妙，举手要扭門鎖開門）
（O.S. 楼下的開門声）
（父停了下來，留心听著）
（楼下門給推開的声音）
（父隨手執了一條木棒，輕步行向楼梯）
（接出）
第二十場
景：花店內
時：夜
人：銀、李士豪
（接入）
（二小姐已推開了門，正和門外的李士豪握別）
二：再見！
李：再見！（轉身走了）
（二行入，輕々将門關上）
（接出）
第二十一場
景：楼梯
時：夜
人：父
（接入）
（父举著木棒，向梯行下，至轉角处）
（一佪黑影近面撲过來）
父：（一惊）唉呀！
（接出）
第二十二場
景：花店內
時：夜
人：銀
（接入）
（二小姐闻声，急躲向旁边的竹箩处，留心望著梯口）
（接出）
第二十三場
景：楼梯上
時：夜
人：父、金
（接入）
（父慌張地站起）
（電灯突然著了，大小姐從上面下來）
大：咩事呀，爸々！
父：有賊呀，有賊呀！
大：係便处啦！
父：呢！係⋯⋯係佪处，係佪处。
（接出）
第二十四場
景：花店內
時：夜
人：銀
（接入）
（二小姐慌X地向上望，更縮入一点）
（接出）
第二十五場
景：楼梯上
時：夜
人：父、金
（接入）
（大花貓蹲在角落裡）
大：佪隻貓之嗎？
父：（鬆了一口氣）哦！
大：飲左杯酒眼花々，自己嚇自己。
父：唔，唔會嘅，我清々楚々听見好似有人開门咁声嘅。
大：唔會啩，我地落去睇吓。
（二人向梯下）
（接出）
第二十六場
景：花店內
時：夜
人：父、金、銀
（接入）
（二小姐更掩護好一点）
（父和大從楼梯上下來）
大：（開著了電灯）佪门唔係關得好々嘖，都話唔係嘅啦！
（父拿著木棒隨便向竹箩处打著）
（父的木棒向二小姐处打过去）
（二痛，但一声也不敢响）
父（發著嚕苏）收档的箩乱咁丟，帮手叠好佢呀嗎。
（父向大将旁边的箩叠起來）
（二縮在下面一声也不敢响）
（父和大叠的箩正叠在二的身上）
（二給压得透不过氣來）
（父等搬開了二身旁的箩）
（二更惊）
父：（突有發覚，向前望）
（二的裙子因箩搬開了，突出了一角）
父：便佪々条裙，点會堆向箩处㗎。
（二更惊，回头望）
大：便条裙呀！
父：（要俯身拉二的裙子）呢条唔係裙咩！
（二不顧一切走向楼梯）
（叠向上面的箩刚巧把正要蹲下去的父蓋佪正著）
父：唉呀！（掙扎著）
大：（大笑不己）你睇你幾論尽。
大：係唔係呢，係都要叠得高々，冇帮親呀嗎。
父：冇，我清々楚々見有条裙向处㗎，点會唔見嘅呢？
大：我都話你係眼花々嘅啦，咪搞々震早的上去瞓罢啦。（二人上）
（接出）
第二十七場
景：三小姐房
時：夜
人：玉、銀、父，金
（接入）
（二小姐站在床前向睡在床上的三小姐哈々大笑）
二：哈々々！
三：咩事咁好笑啫？
二：哈々々！
三：殊！（突止之）
（二一听，急連輕跳上床，将被䝉头盖上）
（但露出一隻鞋跟）
（父和大從门口入）
父：你两条友又開著佪佪灯做咩呀！
三：（起身）我正話瞓醒之嗎。（忽然瞧見二小姐的鞋跟，父和大小姐再走近，但未發覚，三急作状把被扯下，二却又把被牽上）
父：（向床上看一眼，掀起二的被）
（二故意大声呼吸作睡熟状）
父：爛瞓猪，俾賊佬抬左都唔知呀！（向大）好啦，快去瞓啦，明日你地早的去農場睇吓叻。
大：哦！
（父和大出）
二（将门關上，掀開了的被）成鞋都係坭，連張床都整污哂，你重唔起身賴死咩！
二：（霍然而起，大声笑著，抱著三乱舞）哈々哈！
（淡出）
第二十八場
景：農㘯內
時：日
人：林俊、王偉、金鳳、玉鳳
（淡入）
（林俊的貨車向大發農㘯门口駛入，至小屋前停下來）
（大小姐和三小姐下車）
（林俊故意响叻叭）
（王偉滿身坭濘在田中向這边望过來）
俊：（還站在車上，高声）王老偉呀，大小姐同三小姐駕到，你重唔來跪接係唔係想炒尤魚呀！
（偉滿染泥污的雙手，向衭子上擦了擦，行向小屋子）
（大小姐等向偉处望）
偉：（侷促地笑著）大小姐同三小姐今日点咁得閒呀！
俊：（取笑）大小姐今日特登奉命來視察呀，快的扐的嘢出來請食左晏晝先帶大小姐去睇下叻。
偉：大小姐入來坐陣先叻。
大：（板著面孔）唔坐咯。（四面望著）
偉：咁⋯⋯咁⋯⋯
（三小姐見偉的尷尬状笑了出來）
（偉更不知如何是好向三望）
偉：（拉側边的櫈子至大处）咁⋯⋯咁請大小姐飲杯茶抖々我帶大小姐去行吓叻！
（大看櫈子一眼）
（偉忙用手抺著櫈上的泥污）
俊：（笑著）王老偉，好心你咪抺啦，你对手越抺越污糟就真嘅。
（偉苦笑著）
大：点解呢排得收咁少花同瓜菜㗎？
偉：唔⋯⋯唔⋯⋯早排我唔係寫信高过胡伯听話的花起左虫咯，我地人手少，我佪伙記捉極都捉唔掂，叫胡伯買殺虫水又唔見買入來，一陣我同大小姐你去睇，你就知啦。
大：而家同我地去吓叻。
偉：哦！
（偉引大等行）
三：（把俊拉住）有咩好睇呀，我地係处坐重好呀，王偉佪嘢真係笑死人呀！
俊：佢老实人來嘅呀嗎，做嘢好負責嘅，成日除左做嘢就顧住睇書，佢重整倒好多動物植物嘅標本添呀！
三：係？
俊：佢見到女人面都紅嘅，而家要佢招呼大小姐添，慘啦！
（二人向前望）
（偉帶著大小姐已行至花田中）
偉：（指田中花）呢的已經算好嘅啦。
大：（行至田中，执著花來看）
（葉中藏著小虫，花己坯了）
（O.S.三小姐的歌声）
（大小姐向三小姐处望）
（三小姐坐樹下唱著歌，俊站側，歌意大是：花间的蝴X一对，水上的鴛鴦成双，有鶼必有𪃸，有鳳更有凰）
（大張姐听著歌声呆了一呆）
偉：（指前面）入便佪的虫重多呀！
（大向偉指的地方行）
（一条小虫從花叢中爬出來）
大：唉呀！（撲向偉的懷裡）
俊：（和三小姐跑向大处）咩事呀？
（偉尷尬地抱著大）
偉：蛇之嗎！
（俊执了一条竹把蛇打死）
俊：（向大）打死左啦，唔使怕啦！
大：（难為情地离開偉的懷抱）对唔住呀！
偉：（尷尬地不知如何是好）
（三望著大笑）
（大紅著面低头）
三：（向大）大家姐，你睇你件衫。
（大的衣服給偉身上泥污染满）
三：（替大拍塵）
偉：我地再去佪边睇吓呀！
大：（点頭）唔！
（衆行）
三：（把俊拉著行在後面，指前）大家姐同王偉行成一对都唔錯噃。
俊：你地佪大家姐，王偉請佢入房坐一陣都好似嫌污糟咁，点撹得埋㗎。
三：我有办法，大家姐要唔入王偉房都唔得。
俊：你有咩办法呀？
三：你跟住來叻！（向另一条小路跑）
（俊追在後面）
（在一条小溪上架著一塊木板，作為桥樑，三小姐跑在前，俊跑在後，二人入鏡至桥边停下）
三：（指桥）我地整鬆佢。
俊：点解呀？
三：縂之你整鬆佢，一陣你就知啦！
俊：（會意）啊，我明啦！
（二人合力将小桥移好）
俊：要大小姐行前就得噃。
三：坐係处叻，我有办法嘅啦！
（二人坐下）
（王偉行前引著大小姐行來）
偉：你地重快過我地添吓！
三：我地行佪边呀嗎！
偉：大家过佪边行吓叻！
俊：好呀。（站起，向三打佪眼色）
（偉已快行至小桥）
三：（忙叫著）偉哥呀！
偉：（停了下來）咩呀三小姐？
三：（指田中東西）呢的係咩呀？
偉：哦！佪的係XX次嗎！
（大行向小桥）
（三向俊打眼色）
（大行上小桥，跌了下去）
偉：唉呀！（忙扶大）
（三向俊得意地笑）
三：点解咁論尽㗎。
（大已変了落湯雞，氣極）
偉：佪条桥本來好穩尽㗎。
大：（生氣地檢查著自己）
三：冇跌親呀嗎？
大：（生氣）凈係整濕左佪身重唔够呀？
三：你入去偉哥佪处抖一陣，我同俊哥返去攞衫，即刻就返到嘅啦！
偉：哦！（向大望著）
（大無可奈何地行）
三：我地去啦俊哥！
大：快的返來噃。
三：得啦！
（三向俊得意地笑，二人跑著出）（化出）
第二十九場
景：小屋子裡
時：日
人：王偉、金鳳
（化入）
（這間小屋子应該是一厛一房，小厛裡徐了一張食飯用的方桌外，還有幾張板床是工人們晚上睡覚的，王偉自己住在房間裡）
（王偉引著湿淋々的大小姐從小厛行入，王偉推開了房門，讓大小姐行入去）
（大小姐入至房中尷尬地站着不動）
（王偉望着大小姐，要招呼他，但又不知如何是好）
偉：大小姐請坐叻。
（大望了望自己湿淋々的身服、要坐，但沒有坐下去）
偉：（想了一想，取下一套掛在那兒的睡衣衭）
大小姐呀，你的衫湿晒，好容易會冷親㗎，呢套衫我嘅，啱洗过嘅，唔啱你著住一陣先叻。
大（和藹地）多謝你，唔使啦！
偉：唔係哩，三小姐去攞衫点都要成点钟就返來得，你換住先叻。
大：（沒有答应，她望著偉，感激地已經是同意的了）
偉：我出々去，你換衫叻。
大：唔該晒你噃。
（偉行出，将门關上）
（偉出至厛中，取了一佪水杯，特別用心地用水洗干凈）
（偉檢查著玻璃杯，覚得還未十分干凈，再加工地洗著）
大：（将门推開一点，伸佪头出來向外望）
偉：（已斟好茶，望向大处）
大：（笑了一丿，将门全開了）
偉：（向大注視著）
（大穿上了偉的睡衣，好笑得很）
偉：（遞茶與大）大小姐你飲杯滾水先叻，真係对唔住，我地連茶都冇㗎。
大：唔該！（向偉注視著）
（偉低头）
大：（和氣地）原來偉哥间房执得咁靚嘅，咁多書，呢的係咩事啫。
偉：多数都係農科嘅書籍之馬。
大：真係对唔住啦偉哥，而家我先知道你原來对農科咁有研究嘅。
偉：得閒隨便睇吓之嗎。
大：（指架上的标本）呢的標木係⋯⋯
偉：係我係呢处收集自己製嘅。
大：哦！原來你重會製標本添。偉哥呀，你教我得唔得呀！
偉：（不敢答应应向大望著）
大：（溫柔地行向偉）以後我多的時间來呢处，你教我叻，好嗎？
偉：大小姐你既然欢喜⋯⋯
大：唔該你咪叫我大小姐好嗎，我叫金鳳。
偉：唔⋯⋯
大：金鳳呀嗎，叫來听吓。
偉：金⋯⋯
大：金鳳。
偉：（支吾）金⋯⋯鳳。
大：（笑著）係咯，咁先就係呀嗎。
（淡出）
第三十場
景：茶楼
時：日
人：胡、黃伯、伍叔、茶客、伙記
（淡入）
（茶楼內热鬧得很，父和黃伯及五叔三佪人坐在一張枱子上）
伍：（讀著报紙）十八歲少女离家三日未返，据說因卻親不滿她談恋愛。喂，胡老發呀，呢排报紙日々斬有呢手嘢，你佪幾佪女你都要顧住噃。
父：我的女冇咁嘅嘢嘅，你放心都得啦！
黃：唔係咁講嘅噃，胡老發，佪日我睇見好似你佪第三女咁，同一佪揸貨車嘅，唔知幾烟韧呀。
父：你睇錯左人定啦，我的女唔會嘅。
並：唔係哩，我真係睇見㗎。
父：我点都唔信嘅啦。
黃：如果真係又点呀？
父：你扐得証据出來，我請全乳猪席。
黃：真定假呀？
父：緊係真叻。
黃：伍叔呀，你做証人，佪飱食定你嘅都得叻。
父：咪咁心定，飲茶罢叻。（举杯飲）
（淡出）
第三十一場
景：農㘯內
時：日
人：金鳳、王偉、工人
（淡入）
（王偉正在小屋子前製著一件新标本，两佪工人旁边看著）
甲：偉哥呀，大小姐來啦！
（偉向外望）
（大小姐手挽著，臂夾著，口還咬著大批的罐头、生果、麺包等從门口狼狽地入）
（偉忙站起起迊出來）
偉：唉呀，大小姐你⋯⋯
大：（因咬著東西）唔⋯⋯唔⋯⋯
偉：（忙替她将東西接下來）
大：（鬆了一口氣）你又叫我大小姐咯？
偉：哦！係⋯⋯係⋯⋯金⋯⋯
大：金鳳。（命令地）
偉：（尷尬地）金⋯⋯鳳。
大：唔該你扐埋呢的添呀！
偉：哦！係，々。
（二人行入）
甲：大小姐！
大：唔！（将東西放好）
（工人等退去了）
偉：大⋯⋯哦唔係，係金鳳你買咁多嘢來做咩呀。
大：我來拜師傅呀嗎。（併開東西）嗱呢的送俾師傅做見面礼嘅，呢的嘢我地一陣午飱嘅。
偉：買咁多点食得哂呀。
大：食唔哂唔會摆住咩，唔係來到又好似佪日咁，飲杯茶都得係白開水嘅啦，你而家整緊咩啫，我肚餓嘅啦！煲杯咖啡飲吓先好嗎？
偉：好⋯⋯好嘅。
大：你做你嘅嘢，等我去煲叻。
偉：咁点得呀！
大：（推偉坐下）都話叫你做嘢咯。
（偉無耐坐下）
（大興高采烈地拿著咖啡行入）
（偉莫名其妙地望著大，抓著头髮）
（接出）
第三十二場
景：黃伯店前馬路
時：日
人：林俊、玉鳳、黃伯、伙記、行人
（接入）
（黃伯坐在柜上算賬，偶然抬头向外望）
（林俊的車子刚駛至对面馬路停下，三小姐從車上拿著一束花下來向楼上跑）
（黃伯從柜裡行出门口留心地向外望）
（三小姐已從楼上下來）
（林俊開了車门讓三上車）
俊：送哂花啦，今日我地咩節目呢。
三：大家姐今朝一早就去左農㘯，我地去裝吓佢好嗎！
俊：睇吓有冇嘢食，搵飱晏晝食都好噃。（開車走了）
（黃伯笑著目送車子開走）
（接出）
第三十三場
景：小房子裡
時：日
人：金鳳、王偉、玉鳳、林俊
（接入）
（桌上摆滿了塗好了菓醬的麺包，白糖，牛奶等，大小組正将壺裡的咖啡倒向杯裡）
大：（向外叫）偉哥，偉哥呀！
偉：（向外入）來啦！哦！你整好哂的嘢嘅啦。
大：來，坐低舒々服々飲杯咖啡先。
偉：（搶著要自己斟）等我自己來叻。
大：唔通我斟會就會有毒嘅。
偉：咁又唔係。
大：（取了一塊麺包）你試吓，我夾的麺包得唔得。
偉：我啱食左飯，你食叻。
大：食的咁多叻。
偉：我飲杯咖啡就好啦，你食叻。
大：唔得，你点都要食的就得。
偉：我都話唔食咯。
大：（拿麺包塞向偉的咀裡）唔食都要食嘅啦。
偉：（摇著头避著）我真係唔食哩。
（偉的臉上給麺包的菓醬弄得変成了大花臉）
大：（笑著）你睇，你搵塊鏡照吓就笑死人呀！
（偉向鏡照著）
（大取手巾替偉抺）
三：（突從外入）大家姐。
（大向外望，忙尷尬地縮手）
（偉向三尷尬地笑著）
俊：（故意）大小姐幾時來㗎。
大：哦！我，我正來到之嗎。
俊：係咯王老偉，今日咁招待大小姐先就有的似啦！睇吓，咖啡、麺包、罐头，大小姐食左未呀！
（偉苦笑）
大：（勉強地）食左啦！
俊：（向三）相請不如偶遇，王老偉請客，唔好客氣啦，（倒了一杯給三）三小姐，食叻。
（自己更大啖地食著）
（大向俊瞪一眼）
（偉苦笑）
（俊像風捲殘雲地食著）
俊：的麺包真係夾得靚啦，咖啡又濃又香。
大：（向三）你点會同林俊一齐來嘅啫。
三：（支吾）唔⋯⋯
俊：（含有深意地）唔係即係你來搵王老偉咁一樣。
大：（尷尬）我⋯⋯
俊：（故意）王老偉的嘢大小姐唔來監住佢实係唔得嘅。
大：（氣结之至）我就走嘅啦！
俊：大小姐一㘯來到，都未出去視察，点得呀！我地走啦好嗎！（拉三出）拜々！
大：你地⋯⋯（沒有說下去，呆望著他们走了）
（接出）
第三十四場
景：花店內
時：日
人：父、黃伯、銀鳳
（接入）
（父在柜面处算賬，黃伯自门口入）
黃：胡老發呀。你佪飱乳猪席輸实都得啦。
父：点解呀！
黃：（向店內望）
（只二小姐一佪人在整理著東西）
黃：（和父耳語）
父：真嘅。
黃：緊真叻，明日十点钟你去我舖头包有嘢你睇。
（二小姐莫名其妙地望著）
父：明日的來叻。
黃：再見。（走了）
（父懷疑地想著）
（化出）
第三十五場
景：花店內
時：夜
人：父、金、銀
（化入）
（開著的電灯摇下，店门已關上了，父在算賬）
（大小姐輕鬆地推门入）
大：爸々！
父：去便处咁夜先返呀！
大：去農㘯呀嗎，（隨口唱著流行曲，輕鬆地向楼上行）
父：（奇怪地望著大上楼梯，向二）玉鳳重未返咩？
二：未呀！
父：扐把鎖係入便鎖住佢。
（二猶疑著）
父：鎖叻，重企处做咩呀？
（二無奈取鎖将门鎖上）
（化出）
第三十六場
景：店外
時：夜
人：玉鳳、林俊
（化入）
（林俊的車駛至停下）
（三小姐從車上下來，行至门口）
三：拜々！（举手和俊話別，取匙開门）
（门推開一条縫，裡面鎖著一条鏈子）
三：緊係二定天撚我嘅啦！
俊：咁点得入去呀！
三：等我叫佢開门呀！（作了一声貓叫）
俊：（一想）唔駛啦，我有办法啦！
三：你有咩办法呀！
（俊将車上的桥板豎在車頂上）
（三由桥板向露台上爬）
（接出）
第三十七場
景：楼上小厛
時：夜
人：玉鳳
（接入）
（玉從下面爬上，轉身向下望）
三：（向下揮手）拜々！
（接出）
第三十八場
景：花店外
時：夜
人：林俊
（接入）
（俊将桥板弄好）
俊：拜々！（跳上車子開走了）
（接出）
第三十九場
景：楼上小厛
時：
人：父、玉、金
（接入）
三：（向下揮手）拜々！
（父從房內摸出來）
（三轉身行入）
三：（以為父是二小姐，一把将他抱著跳起舞著）你佪死人頭鎖住我就以為我唔得入吓！
父：唏！
（惊，停了下來）
父：（把灯開了）你佪嘢，去便处去得咁夜呀？
三：我⋯⋯
父：去便处？講呀！
三：去農場睇王偉做嘢之嗎。
父：你去農場去得咁夜！
三：唔信你问大家姐叻。
（大和二都分別自房出）
父：（向大）玉鳳今日係唔係去農場來呀？
（三向大打著眼色）
大：唔⋯⋯係、係呀！
三：我同大家姐一齐去嘅，大家姐叫我睇夜的，帮佢地捉虫，捉到而家之嗎。
父：你地帮佢捉虫。
三：你问大家姐呀！
大：係呀爸。
父：唏！如果俾我查出來你講大話，顧住我碌你嘅皮呀吓！大家返房瞓啦！
（三伸著舌頭向大打眼色入房）
（淡出）
第四十場
景：黃伯店連街上
人：父、黃、玉、俊、伙記、行人。
（淡入）
（時鐘差一点就便是十点）
（父自门口行入）
黃：（边出）啱啦，就够鐘嘅啦，日々都係咁上緊時间，緊到嘅。
父：对面係唔係卅一号呀？
黃：係咯。
父：呢间嘢二楼每日定一打劍蘭嘅。
黃：呢，來啦嗱！
（二人向外望）
（俊的車停下，三小姐X花下來上楼去了）
（老頭子偷々走向貨車）
（黃要跟出）
（父摇手止之）
（俊只向楼梯處望著）
（父偷々爬上了車廂）
（三從楼上下來，上了車）
俊：今日去便處玩呀？
三：今日要早的返去就得。
俊：点解呢？
三：你都唔知昨晚幾危險，差的俾爸々知穿呀！
（父在車廂留心听著）
俊：開車返我處坐一陣，食完飯先返去好嗎？
三：好呀！
（車開）（以下車內在馬路上拍）
三：昨晚我爬左入去，見到佪黑影，以為係二家姐，揽住佢跳舞，点知揽錯左人，你估我揽住佪々係便佪呀！（笑了起來）
俊：緊係大家姐定啦！
三：大家姐都冇咁慘嘛，原來係爸々添呀！
俊：哈々！咁唔係好々玩。
（父氣極听著）
三：俊哥呀！以後我地都係要小心的就得啦！
俊：唓！便處有人好似你老豆咁唔准自己嘅女出嫁嘅啫，唔使怕嘅，我地一意反抗到底。
（父更氣）
三：係啫，都係避吓佢耳目好嘅。
俊：係你就咁怕佢嘅啫，死老而不。
父：（忍無可忍）停車！
俊：（呆了一呆，将車停下）
（三惊望俊一眼）
父：（怒極出來）
（俊和三惊望一眼）
父：許有此理，你条死靚仔敎我女作反，重叫我老而不添吓！
俊：我々！⋯⋯
父：以後我都唔再用你嘅車，唔准你行入舖頭同農場半步，如果你再搵親玉鳳我就同你搏命！
（俊向三望著）
（三低頭不語）（行人等圍上來看热闹）
父：（拉三）即刻同我返去，以後你再仝佪条靚仔行我碌你嘅皮。
（父拉著三走）
（俊無可奈何地目送著）
（化出）
第四十一場
景：三小姐房
時：日
人：父、玉、銀、金
（化入）
（三小姐伏在床上痛哭）
父：（罵著）想唔到最細係你，你敢出去撹出咁嘅事。
三：（不服）我撹出咩呀，同佪男朋友行吓唔通都有罪。
父：緊係有罪叻，我早就同你地講过，叫你地唔好乱同的男仔行嘅呀嗎，就算行都唔係同林俊呢種人行嘅呀嗎。
三：俊哥好壞咩，佢䛊揸車，有一门技術，而且重自己做老板添。
父：除非佢開汽車行，唔係佢都冇資格同我嘅女行嘅啦，我唔理你咁多，縂之以後我唔准你再見佢，從今日起，门口我都唔准你出。
（二小姐從门口探頭入來）
父：（向二）你地仝我睇住佢呀，如果佢踏出门口一步，你地即刻話我听。
（父悻々而出）
二：（入）你点会俾佢睇見嘅啫？
三：睇見又点呀，終須都要有一日嘅啦，最多佢唔係唔認我做女，幾大我都要同俊哥结婚嘅啦。
二：係啫，而家佢連街都唔准你出，你有咩办法呀！
三：（想了一想）二家姐呀，你过來。
（二行向三）
（三向二語耳）（化出）
（化入）（夜景，灯下）
（三口流白沫卧在床上）
二：（站床前拼命地摇著三）三妹呀，三妹！
（三昏迷不醒）
二：（大声呼叫）爸々，你地快來叻！
父：（匆忙地入）做咩呀，咩事嘈生哂呀！
二：你睇，三妹唔知做咩呢？
（父向床上看）
（三昏迷著）
大：（也這時趕入）唉呀！！佢食咗咩啫！（摇著床上的三）三妹呀！
父：（手忙脚乱）点呢，而家点呢。
二：你唔係咁闹佢，点會撹出的咁嘅嘢呢！
父：我唔知佢会咁嘅呀嗎，（摇著三）傻女，有事可以慢々商量嘅呀嗎，使乜咁呢，点呀，点呀而家咁。
大：即刻車佢去医院叻。
父：係咯，等我打電話叫十字車叻。
二：（忙止之）去医院明日唔係有報紙卖，唔好嘅爸々，叫佪医生返來罢叻。
父：係噃，咁我即刻打電話叫医生叻。
二：爸々呀！一陣救醒咗，你唔好再闹佢啦，应承佢同俊哥件事叻。
父：得啦，々々，应承就应承係叻，陸医生電話幾多号呀！
大：六六六九六六呀嗎。
父：係啦，々々，等我打左電話先。
（父急行，至门口又不放心地回頭望）
（睡在床上的三笑了笑，還瞪起半只眼）
父：（又行回床前）噫！
（三的臉動了動）
大：快去叫医生呀！
父：等我睇清楚吓先。
二：睇咩呢，你又唔䛊救，咪阻遲哂的時间呀！
父：咪住。（俯下身去，听了听，嗅了嗅）唔！
（父用手張開三一只眼）
大：你睇你咪乱咁撹啦，快的叫医生叻。
父：（用手指塗了一点白沫，嗅了一嗅，行向洗臉盆，取牙膏嗅了一嗅）唔！唔使請医生啦！
大：点解呀？
父：我䛊医。
大：咪阻遲哂啦，你唔去等我去打電話啦，（要行）
父：咪住，都話我䛊医咯（撕下一塊紙，弄成紙条）
（父行至床边，用紙条撩三的怕癢處）
（三的臉給撩得動著）
三：（從床上跳起來）爸々你⋯⋯
（大愕然）
（二掩著咀笑）
父：係唔係哩，我都話䛊医咯，咁死法，你要死就由你死叻。
（大明白了）
二：爸々大早都应承左由三妹同俊哥结婚咯，而家三妹同俊哥结婚嘅咯，而家三妹緊係唔使死叻。
父：你開胃啦！整的牙膏塗落佪咀處咋死悚人，除非你唔認我做老豆跟林俊走叻，唔係我点都唔会俾你嫁林俊嘅啦！（悻々而出）
（O.S 貓叫声）
三：（留意听了一听）俊哥！（向外跑）
（接出）
第四十二場
景：楼上小厛
時：夜
人：玉
（接入）
（三小姐從房外出，至露台向下望）
（接出）
第四十三場
景：花店外
時：夜
人：林俊
（接入）
（林俊站貨車旁向上作著貓叫声）
（接出）
第四十四場
景：楼上小厛
時：夜
人：玉
（接入）
三：（向下）俊哥呀！爸々而家關住我，唔准我出街呀！
（接出）
第四十五場
景：花店外
時：夜
人：林俊
（接入）
俊：（向上）咁你点呀？
（接出）
第四十六場
景：楼上小厛
時：夜
人：玉、金、銀、父。
（接入）
（三小姐回頭向內望）
父：（站房门口，悻々地）有翼你就飛呀！
（三向兩佪姊々望）
（大和二爰莫能助地互望一眼）
三：（毅然向下）俊哥呀，我幾大都反抗到底嘅啦，你好似昨晚咁架起条桥板，我而家同你一齐走。
（父一声又响，捧起一盆水行向露台）
（接出）
第四十七場
景：花店外
時：夜
人：俊
（接入）
（俊在車上搬著橋板）
（給父一盆水自上淋下）
（俊変了落湯鳮，向上望）
（接出）
第四十八場
景：楼上小厛
時：夜
人：飄、金、銀
（接入）
父：（指著下面）你条死靚仔，你好走咯噃，唔係我叫警察将你当賊办嘅噃。
（INS. 下面的俊，湿淋々地，不敢再搬橋板了）
三：（向父）爸々，你咁⋯⋯
父：你唔使再講啦！我話过咁就咁，冇得講嘅啦！（轉身入）
三：（想了一想，向下）俊哥，你唔好走住，等埋我執的嘢同你一齐走。
父：好叻，你走就走叻，咁嘅女唔要好过要啦！我有三佪女，走你一佪好闲啫。
（三向兩佪姐々望）（大、二低頭不語）
（三毅然向房行入）（接出）
第四十九場
景：三小姐房內
時：夜
人：玉
（接入）
（三自外行入，取出一佪小皮包，收執著衣物，一面隨口唱著歌，歌意大概是爸々沒有理由把我们關在家裡，莫非我们一生都要替她理家，我们已到了自主的年齡，我们都有了理想的对象，我们是絕对合理，有限的青春，為了我们的幸福，我们一定要争取）
INS.（站在房外的大小姐和二小姐，听著歌声，感動，覚悟）
INS.（大小姐執著二小姐的手）
（二小姐向大小姐望著）
（大小姐堅定地点著頭）
（三携著皮包行出）
（接出）
第五十場
景：楼上小厛
時：夜
人：玉、金、銀
（接入）
（三小姐挽著皮喼從房出）
（大小姐和二小姐無言地向三望著）
三：（行向大處握大手）我走啦家姐！（向二）
我走啦二家姐！
（大和二無言地望著三，向楼梯行）
大：（突然）三妹！
（三回身望）
大：你咪走住。
三：点解呀！
大：我地一齐去同爸々講。
三：唔！
（三人一齐行向父房）
（接出）
第五十一場
景：父房
時：夜
人：父、金、銀、玉
（接入）
（父举杯痛飲）
大：（拉著两佪妹々入）爸々，三妹真係走啦。
父：（氣憤地）走唔係由得佢走咯，我当少生佢一佪，有你地两就够啦。
三：爸々呀⋯⋯
父：（不待說完）我唔使你叫我爸々。
三：我老实对你講啦爸々，你冇理由唔准我地嫁嘅，最多你話我地揀嘅对象唔好啫，譬如偉哥咁人又老实，又勤力，最多你嫌佢唔係有錢老啫⋯⋯
父：我樣々都嫌，你咪講啦，你要嫁你就去嫁叻，我重有两佪唔嫁嘅。
三：冇女人唔嫁嘅，除非做尼姑叻，你如果真係唔准我地嫁，要走嘅唔净係我，你咪咁心定呀！
父：咩話，你大家姐同二家姐冇你咁姣。
三：你问吓佢地叻。
父：（不相信地向大及二望）你地⋯⋯
（大低頭）
（二低頭）
父：你地都同男仔行？
（大不答）
（二不答）
三：話佢听叻大家姐，二家姐，怕咩啫。
父：你地真係仝男仔行？
三：終須要話佢听嘅啦，我地又唔係犯法，怕咩講啫。
父：唏！（長々嘆一口氣，拼命飲著酒）唉！胡老發，你条命点会咁醜呀！点解你唔係生幾佪仔呢，如果生幾佪係仔咩事都冇啦！（自言自語，流下淚來）
三：生女就命醜咩，我地正々当々交男朋友，正正当结婚，有咩唔对呀！係你冇道理唔准人地结婚之嗎！
父：（向大）你地真係有男朋友！你地同便佪行呀？
（大不敢答）
（二不敢答）
父：（大声流著淚）便佪？仝便佪行？講！你地講啦！銀鳳你講！
二：李⋯⋯李士豪。
父：哦！唉！金鳳，你，你呢？
大：王偉！
父：唉！真係激死我啦！（暈了下去）
衆：爸々！々々！
（化出）
第五十二場
景：華麗大厦
時：日
人：父、金、銀、玉、林俊、王偉、李士豪、僕、管家
（化入）
（這是一间十分華麗的大厦，门口、楊口，甬道口，都站著穿著制服的僕人）
（父穿著長衫馬掛從楼梯上下來，跟在他後面的還有一佪年輕的看護小姐）
（父每經过一佪僕人的崗位前，僕人都鞠躬行礼叫著老爺）
（父行至高背沙發前，看護忙替他弄好靠墊，他才坐下）
（父向桌上的雪茄盒一指）
（看護忙替他将雪茄弄好遞到他的口裡）
（穿著縂管服裝的忙行上打著打火机替他点烟）
（一佪穿著制服的女僕捧著参湯自內出）
護：（将参湯接下來，遞至父前）参湯老爺！
父：（X々点首）少爺佢地去左便處呀？
縂：大少爺、二少爺、三少爺三佪人同幾位小姐而家係花園打緊網球，佢地吩咐話老爺起身就話俾佢地听，佢地話有事想見老爺。
父：請佢地入來。
縂：啊！（轉身出）
護：（弄好参湯）参湯啱飲啦，老爺。
父：啊！（飲了一口）
（O.S.幾佪声音：爸々！）
（父向外望）
（金、銀、玉三佪都変成了男人，穿著運動衣，金挽著女裝的王偉行前，銀挽著女裝的士豪，玉挽著女裝的林俊魚貫行入）
父：你地話有事見的。
大：係，爸々！等我介紹你䛊（向王）佪位我爸爸！
偉：（搔首弄姿地）胡伯々。
大：爸々呀，佪位係南美洲汽油大王古百律嘅小姐古玲精小姐。
父：請坐，々々！
（偉怪狀地行至沙發處坐下）
二：（指李）爸々呀，我介紹你䛊。
（李含羞地）
二：佪位係澳洲華僑領袖毛其仁嘅千金毛容々小姐。
父：請坐，々々！
（毛含羞地坐向沙發）
三：我來介紹⋯⋯
（俊大方地上前和父握手）
三：佪位係菲洲商業巨子朱蔴胡先生嘅独生女朱古力小姐。
父：請坐，々々。
（俊坐下）
大：爸々呀，我地仝幾位小姐情投意合，而且已經得到幾位小姐嘅家長同意，如果爸々唔反對嘅，我地打算最近结婚，你嘅意思以為点呢？
父：好極啦，々々々！我嘅命好，能够生幾佪你地咁孝順嘅仔，你地嘅然大家同意，我緊贊成嘅，不过我嘅意思，最好你地能够同日同時同地，三兄弟一齐行婚礼，咁就更热鬧，更高興啦！
大：二弟、三弟，我地緊贊成嘅。
父：好叻，咁实行係咁決定，你地即刻筹俻，係最快嘅日子，一齐结婚。
（化出）
第五十三場
景：结婚礼堂
時：日
人：父、金、銀、玉、偉、俊、李、主婚甲、乙、丙、司儀、宾客。
（化入）
（特寫双喜的光管牌拉開，父及主婚人等坐堂上，男裝的金、銀、玉及新娘裝的偉、俊、李站堂中，客人滿堂）
司儀：（正宣佈）主婚人致詞。
父：（興高采烈地站起）各位，今日係兄弟三佪小兒一齐结婚嘅好日子⋯⋯
（新郎裝的金、銀、玉等三对新人）
（主婚人甲、乙、丙等不得父說完即站起阻父）
甲：胡先生呀，你撹錯左啦，今日结婚嘅係你三位千金之嗎。
父：咩話，分明係我三佪仔，点解你話係千金呀！
甲：唔係，你三位便處係仔呢，分明係千金呀！你睇吓！
父：（向新人望）
（原來的新郎忽然変了新娘）
父：唉呀！你地呃我，分明我三佪仔嘅啦，点会忽然変左女嘅呢？
甲：唔係哩，胡先生，你幾位原來就係千金來嘅哩！
父：（走向新人處）唔得，我唔承認。（宾客等圍了上來）
大：爸々，我地本來就係女呀嗎。
父：如果真係女，我嘅女唔嫁嘅，來，你地跟我返去。
甲：胡先生，便處有咁嘅道理㗎，世界上就冇女人唔嫁嘅呀嗎！唔通你叫佪女做尼姑咩！
大：爸々⋯⋯
父：唔好講咁多啦，你地跟我返去叻。
三：我唔走。
二：我都唔走。
父：咩話，老豆嘅話你地都唔听係嗎！
甲：你要有道理先就得嘅呀嗎，你问吓大家叻。
衆：你冇道理呀！
父：我唔仝你地講。（拉著大等，要衝出去）
衆：唔准佢走呀！咪俾佢走呀！
（父和衆争執著）
乙：（舉起椅子，向父迎頭击下）
父：唉呀！（倒下去）
（化出）
（註：本場紛乱镜頭，要由導演視实际情形編排）
第五十四場
景：父房
時：夜
人：父、金、銀、玉
（化入）
（父卧床上，三小侍床前）
父：（手舞足蹈）唉呀！
大：（與二、三一齐衝床前）做咩呀爸々！你見点啫？
二：冇咩事呀嗎？
大：（还有点模糊）哦！冇，冇野，我正話發左一場夢。
大：夢見咩呀？
父：冇，冇嘢。
大：爸々，正話我地同二妹三妹商量过啦！爸々，呀！其实你冇理由反对我地嘅结事嘅。
父：唔！
大：你怕我地结左婚会离開你之嗎。
二：其实我地结左婚不但唔会离開你。
三：而且重多幾佪人帮手添。
父：点解呀？
大：嗱！我地结左婚，将來王偉仍然同你管理農場。原來佢对農業科學好有研究嘅，其可以将農場改革擴充。
二：士豪可以帮你打理花舖，唔使你自己咁辛苦。
三：林俊可以打理運輸，佢正想話買多两架車，爸々你可以投的資同佢合作。
大：係咯，咁我地四家人合埋一家重比而家土火热闹呀！
父：佢地唔知肯唔肯呢？
大：緊肯啦。
三：我担保佢地肯。
父：如果真係能够咁嘅，咁你地点話就点話叻。
大：你答应我地啦，係嗎爸々？
父：（点頭）唔！
（三人樂極，跳起舞來）
（三小姐拉起父親擁著跳舞）
三：我地幾時结婚呀爸々？
父：由你地定叻，不过我要你地三佪人一齐行婚礼嘅噃！
三：好，而家我即刻落去話林俊听。
（欢天喜地々跑出）
（化出）
第五十五場
景：酒店门口
時：日
人：
（化入）
（特寫一佪三佪喜字的花牌）
（化出）
第五十六場
景：礼堂內
時：日
人：父、金、銀、壓、俊、偉、李、主婚人、司儀、客人。
（化入）
（礼堂上坐滿了賓客，父滿面笑容坐主婚席上）
（三對新人魚貫地從门口行入）
（结婚進行曲高奏著）
（淡出）
—劇終—
第一場
景：郊外公路
時：晨光曦微中
人：林俊
（淡入）
（晨光曦微，田野還籠罩在薄霧裡，一輛載重的貨車在公路上飛馳著）
（車子駛近了鏡前，我們很清楚地可以看見車子項上，掛著一佪"俊記貨車"的招牌）
（坐在車子前面的只司机林俊一佪人，他輕鬆地駕駛著）
（化出）
第二場
景：大發農場
時：晨
人：林俊、王偉、工人
（化入）
（林俊的貨車向大發農場門口駛入，至小屋子門前停下）
（俊响了两下喇叭，從車上跳下來）
（王偉和两佪工人從屋子裡出來）
偉：早晨！俊哥。
俊：早晨！（取笑）王老偉呀！咁晏幾伙記重係處嘆世界唔開工，顧住俾老嘢炒尤魚呀！
偉：我地早就将的花打好晒籮，等你啦！（一面說著一面和工人們将早己放在門口的鮮花和瓜菜搬在車上）
俊：得两籮花同两籮菜咁少喳，喂，王老偉呀，老嘢呢幾朝都話你地的花收得少噃，你真係要顧住吓就得啦。
偉：收得少關我咩事呀，呢排的花俾虫食壞晒，叫佢買幾磅殺虫水，成半佪月都唔買入來，整吓重会少添呀！俊哥呀，一陣你出到舖頭
唔該你同我催々佢啦。
俊：好叻。
（鮮花等己搬好）
俊：（跳上車子打著了火）拜々！
偉：再見！
（俊開車出）
（化出）
第三場
景：公路和馬路
時：晨
人：林俊
（化入）
（林俊的車子在公路上奔馳）
（俊吹著口哨輕鬆地駕駛著）
（叠印本片正片字幕）
（車子經過山坡）
（車子經過田野）
（車子經過市郊）
（車子進入了馬路）
（热鬧的馬路上林俊的車子駛過）
（字幕完）
（俊的車子在热鬧的馬路上轉入了另一條馬路出鏡）
（化出）
第四場
景：大發花店連門口馬路
時：晨
人：林俊、胡銀鳳、朝玉鳳、李士豪、胡金鳳、胡啟發、伍叔、行人。
（化人）
（俊記的車子駛至門口停下）
（林俊下來行向店內）
（二小姐銀鳳背著身子在整理架上的東西，聞声打著呵欠轉過身來）
俊：（跳皮地立正見礼）報告二小姐，鮮花两箩、瓜菜两箩己經到了。
（三小姐玉鳳從俊後面的竹箩堆裡站起，偷偷行向俊處，要從後面掩他的眼）
（二小姐忍不住笑了起來）
俊：（急轉身執著三的手）唉呀！你想整我吓，我後面都有眼嘅噃，你知唔知呀！
三：懶叻！你有四隻脚一條尾就真嘅，最衰佪二家姐笑嘅啦。
俊：咩話！你話我四只脚一條尾？（作要打三狀）（三逃）
二：喂！你两條友咪顧住玩好嗎？一陣俾爸々同大家姐睇見命都冇呀！快的搬的嘢落來叻。
（三伸了一下舌，向梯口一眼）
（三人合力把車上的東西搬下）
二：今朝又係得買四箩咁少住咩？
俊：王老偉話俾虫食壞晒，叫你爸々快買殺虫水喎。
三：（忽然想起）俊哥呀，昨日你話同我買嘅嘢買左未呀？
俊：（佯作忘記）昨日叫我買嘢，買咩呀？
三：係唔係哩，我都話你係口輕々嘅啦！以後你講咩我都唔信嘅啦。（作怒狀）
俊：（笑）你咪嬲住！（走向司机位取出一盒東西）你睇吓呢的係咩？
三：（一把搶在手上，打開來看，原來是一件新型的泳衣）
二：（羨慕地）呢件游水衫真係幾好噃。
三：（向二）二家姐呀，我地今日去游水好嗎？
二：你想死咩！俾爸々同大家姐知道命都有呀。
三：你唔去我去。（向俊）我地一陣去好唔好呀？
俊：你爸々肯咩？
三：我緊有办法嘅，一陣我送花，快々翠々送完
左唔係去得咯。呢件衫摆你處先，你返去等我，我送完花去你處搵你。
俊：（接了衫）咁我走啦，早的來噃。
三：得啦。
（俊上車走）
三：（從內推了一架单車出來）
二：玉鳳呀！你真係去游水呀？
三：緊係啦。
二：咁我实講爸々知啫。
三：（跑向二處）你係唔係想死呀？
（二人正取笑著的時候——）
（O.S.：銀鳳！）
（二人向外望）
（李士豪含笑自外入）
三：啊！士豪哥，啱晒啦，二家姐，你地慢々傾，我上楼叫爸々落來。（作要行狀）
二：（忙把三拉住）三妹你係唔係想死叻。
三：而家唔講我游水呀嗎？
二：唔講啦，唔講啦。（向李）点解重未返工呀？
李：而家先去。今晚大華做"XXXX"我想請你去睇好嗎？
二：（猶疑著）唔知去唔去得呢。
李：我已經買左票啦。（取原出）
二：我怕俾爸々同家姐知道呀。
三：（将李手上的票搶了）怕咩呢？你唔去，唔啱請我叻。
二：你佪跳皮精又撹々震啦係嗎？快俾返我呀！
（三拿著票走，二在後追）
（三跑至梯口和刚從楼上下來的大撞佪正著）
大：（喝問）做咩呀？
（三和二呆了一呆，互相望著）
二三：（一齊）家姐！
大（向李望）
（李尷尬地低頭）
大：（向李）佪位先生做咩㗎？
李：（支吾）我⋯⋯我⋯⋯
三：哦！佢話要買劍蘭喎。
大：点解唔俾人地呀？
三：貨架的都賣晒咯。
大：咁你地唔識開箩咩？（行向花處，将花搬出）
二：（低声向李）今晚戲院門口等我。
三：（取了一束劍蘭交李）呢處一紮。
李：唔該！（接花慌張地丟十元轉身便走）
大：（奇怪地望著李走後）收左錢未呀？
三：收左啦！
大：收幾多呀？
三：（看著鈔票，無耐地）十元。
大：点解收人地咁多呀？
三：佢都俾咁多咯，咁唔係照收咯。
大：（囤身整理著箩內的花）你地两佪嘢都唔知撹咩鬼就真。
（二和三做著鬼臉；三又是伸舌頭）
（三举手在大的背處昼圈々表示不忿）
（O.S. "父一声咳嗽声"）
衆：（衆向梯口望）爸々！
父：（嚴厲地）玉鳳你做咩呀？
三：（支吾）哦！冇⋯⋯冇嘢呀。
父：冇嘢你係大家姐佪背處昼咩呀？
（大反手摸著自己的背）
三：哦！大家姐揩到的灰塵，我想替佢拍乾凈文嗎！（真的向大身上拍著）
父：（行向掛雀籠的地方，将蓋籠的布鮮開，一面說著）咁大佪女咯，重冇厘規矩。
（三又是伸舌頭向二做鬼臉）
（伍叔從門口挽著雀籠人）
大：（和二三一同）伍叔，早晨！
伍：早晨。（向父）胡老發呀！你都算嘆啦，佪三佪女同你理掂晒，重叻過男仔添，你而家做老太爺都得啦！
父：呢三佪女我當佢係仔辦嘅啦。
伍：生幾佪仔，唔听話嘅重激氣添。
父：（向女）而家我同伍叔飲茶。玉鳳你早的送好的花佢啦！
三：我知啦爸々！（将花紮向单車上）
（父挽雀籠與伍出）
（三将花紮好推著单車）
三：（向大）我送花啦家姐。
大：早的返來噃。
三：（向二打佪眼色，推車出至門口踏著如飛而去）
（化出）
第五場
景：馬路上
時：日
人：玉鳳、林俊、行人
（化入）
（三踏著脚踏車飛馳著）
（在轉角處突然一佪人入鏡把三的車拉住）
（三下車囤身看）
（林俊向她笑著）
三：你向呢處做咩啫？
林：你坐单車送花幾時送得完呀！來叻！不如車罢叻！（替她把单車搬上貨車去）
（二人笑著上車，開走了）
（化出）
第六場
景：茶楼內
時：日
人：父、伍叔、茶客、黃伯、伙記
（化入）
（茶楼內正是早市的時候）
（父和伍叔行入，将雀籠掛好）
（父和伍揀了一張枱子坐好，枱子上早己坐著了一佪黃伯）
父：（向黃）今朝你重早過我噃。
黃：我都係正話到之嗎。
（伙記替父等将茶開上來）
伍：（一面洗杯斟茶）胡老發呀，你佪三佪女仔就好啦，可惜要嫁弊叻。
父：（飲了一口茶）我的女唔嫁嘅。
伍：咁点得呀？
父：咩嘢叫唔得呀！我老早就同幾佪女講好叫佢地唔嫁嘅啦。
黃：你咁做老豆法，冇咩道理噃。
父：咩話？我冇道理，大把道理添。第一我冇仔，如果佢地嫁左，我就変左孤家寡人。第二而家我間舖冇皮嘅，如果佢地嫁左我間舖就要出錢請伙記。所以除非我死咗叻，唔係我点都唔俾佢地出嫁嘅啦。
伍：点到你俾唔俾呀？佢而家同男仔行緊都唔定啦。
父：唔会嘅，我管得好嚴嘅，佪大女又幚手，唔係我誇口啦，我的女冇話好似而家的女仔咁，隨便就搵人拍拖，就算著衣服都規々矩々咁嘅。
（最後的一段對白拖向下場）
（化出）
第七場
景：海滩
時：日
人：玉鳳、林俊、遊客。
（化入）
（上場老頭子最後的一段對在第一佪鏡頭上）
（帳幕拉開，三小姐穿著林俊刚送給她的泳衣探身出來，她還一面拉著鍊或綁著帶子）
（林俊早己蹲在帳幕前举起照相机，摆好了位置，乘三小姐出來的時候"克擦"一声拍了下來）
三：（撒娇地）唉呀！我唔制，唔声唔氣吼住人地影相喎！（追住林要搶相机）
（林轉身跑，三在後追）
俊：（至水边停下）你咪走咁快，顧住跌親呀！
三：（故意碌向沙滩上）呢的沙沙發都冇咁靚，跌親都唔怕呀！
俊：（举相机）你呢佪姿勢真好啦，咪煜，等我拍一張。
三：（翻身坐起）唔制，瞓住咁肉酸，俾爸々睇見激死佢都得啦。
俊：你佪々爸々味講佢啦，唔使講話俾佢睇見呢的照片呀，只係睇見你同我來游水就夠激死佢嘅叻。
三：俾大家姐睇見都唔得了呀！今朝士豪哥來搵二家姐，差的俾大家睇見呀！
俊：士豪同二家姐而家点呀？
三：今晚睇戲咯，点呀！
俊：你大家姐再係咁俾你爸々管住，就來做老處女都得啦！
三：爸々夠管住我同二家姐咯，咁我地又⋯⋯
俊：你大家姐嘅情形又唔同嘅呀嗎，你地做妹々嘅帮吓佢嘅忙呀！
三：点帮呀！
俊：我有本小說講一佪女仔同你大家姐情形差唔多嘅叫做"青春難再"，一陣返去你介紹佢睇下叻！
（幾佪在水上玩水球的孩子，不慎将水球擲向三小姐身上）
（三将球丟出）
三：（向俊）我地都游一陣咯。（跳向水裡向海上游出去）
（俊也放好了相机追在後面）（化出）
（化入）
（三和俊扒著艇）
（三和俊水中追逐著）
（三和俊海滩上追逐著）
（化出）
第八場
景：花店內
時：夜
人：父、金、銀
（化入）
（桌上己摆好四付碗筷，大小姐正将幾碟菜從托盤摆向桌上，二小姐在幚著忙）
大：（向二）点解三妹送花到而家都未返㗎？
二：佢梗係送完花入去農場睇下都唔定啦！
父：唔会俾車碌死嘅，放心都得啦，（向二）銀鳳呀，扐樽酒來。
大：唔好啫二妹，朝又飲，晚又飲，日又飲，夜又飲，而家俾佢飲酒呢飡至少要食两佪鐘頭都食唔完，我費事等收枱，唔好俾酒佢飲啫。
父：（要求）嘻々，你幾佪嘢管住我重慘過舊陣時你媽々。少々地叻，今晚咁好餸，唔飲酒点得呀，一杯，我飲一杯就算啦，唔該你叻二小姐。
二：（向大）点呀大家姐？
大：一杯至噃。
父：係，一杯，一杯咁多。
大：好叻，斟俾佢叻。
（二取酒替父斟）
（接出）
第九場
景：馬路
時：夜
人：俊、玉、行人
（接入）
（馬路上己萬家燈火，林俊的車子在轉角處停下）
（俊和三從車子上下來，俊爬上車廂，将单車搬下）
（三接了单車，一笑，俯身弄開車胎的喉咀）
（車胎的氣洩了）
三：（举手）拜々！（推著車子走）
俊：（跳上貨車）拜々！（開車走了）
（接出）
第十場
景：花店內
時：夜
人：父、金、銀、玉
（接入）
（大、二裝著飯）
父：（举杯飲了一口酒）你地咪等佢啦，緊係俾車碌死定啦。
三：（推著单車從門口入）边佪俾車碌死左呀爸爸？
（衆向外望）
（三将車置好，取手帕抺著汗）
父：重問边佪俾車碌死添，你点樣送花㗎，今日朝早送到而家嘅！
三：（作疲倦状）唉呀，唔該你咪鬧好嗎，人地都唔知幾辛苦咯，重要鬧添。
大：重話唔抵鬧，一去就成日，点解呀？
二：（挿咀）你唔係話今日去農場睇吓咩？
三：嗯！⋯⋯係咯，就係因為近來的人客話的花唔係幾靚，咁今朝早送完花時間重好早，所以我就決定入去睇吓，点知好衰唔衰，去到半路，⋯⋯你地睇吓，架車爆左呔，我又冇帶錢，肚又餓，推到一條氣，推吓又抖，抖吓又推，你都唔知幾慘！
父：唉呀！咁你埋來等爸々錫翻一啖補數咯。
三：一鋪酒味，咪撹我啦。
大：咪再講咁多，快埋來食飯啦。
三（坐下取碗食）
二（暗向三做鬼臉）
三（嘟著咀向二報復）
父：（發覚了）你條友又做咩呀？
三：冇⋯⋯冇嘢呀！我食著粒砂住嗎！
（故意将飯吐出）
（淡出）
第十一場
景：楼上三小姐房
時：夜
人：銀、玉
（淡入）
（從梳粧枱的大鏡子裡見二小姐己穿好衣服，化好裝了，但她還是很不放心地向鏡檢視著）
三：（站在後面）靚啦，唔好咁之整啦，九点咯噃，咪撹到人地士豪哥望眼将穿都好啩。
二：（难為情地打三一下）你帝我添吓，終須有日我会報仇㗎。
三：（替二弄好頭髮）真係夠鐘嘅啦，九点半開場呀嗎。
二：（取了一條手帕）拜々！帶左鎖匙未呀？
二：帶左啦！（行向門口）
（接出）
第十二場
景：楼上小厛
時：夜
人：父、銀、金。
（接入）
（父在中間的桌子處算著帳，大小姐則坐沙發處看著報）
（二小姐在房門口處行出，刚只踏出一步，便縮身入去了）
（接出）
第十三場
景：三小姐房
時：夜
人：玉、銀
（接入）
（二小姐縮身入來）
三：点解呀？重要照吓鏡添呀？
二：爸々同大家姐都係外出，点過得關呢？
三：（向門外一望）換過日頭的衫叻。
二：佪的衫点去街呢，我寧願唔去啦。
三：你唔去關我咩事呀，不過我只係怕等壞左人地佪々士豪哥之嗎！
二：而家你重笑我，我真係打死你嘅呀，唔該你呀三妹，你好計，你替我想佪辦法叻。
三：（略想）你俾咩多謝我呀？
二：任你話啦，唔該你呀好妹々！
三：好，又幚吓你吓！（行出）（再轉回頭，附耳向二小姐）爸々最喜歡的我知道了，但大家姐最害怕的是什麼？
二：（也附耳對三說出了大小姐最害怕的東西）
（接出）
第十四場
景：楼上小厛
時：夜
人：父、金、玉
（接入）
（三小姐從房內出來，行至父側，父正打著算盤算帳）
父：点解呀，今朝又係得四箩嘢咁少嘅呀！
三：係啦爸々呀，王偉話的花起晒虫，叫你即刻買幾磅殺虫水喎。
父：一日都係條友懶就真嘅，金鳳呀，明日你同玉鳳坐林俊架車入去睇々佢究竟点撹嘅。
大：（看著報）唔。
父：（继续打著算盤）十六元九，二元五毛。（因看不清楚數字，伸長了頸向数部看）
（三小姐乘机在算盤上偷々加上两粒）
父：（继续打算盤）𠲖，点解呢！計來計去都唔啱嘅呢。
三：（偷笑）你飲酒飲得太多咯。
父：傻嘅，我飲酒越多越精神就真嘅，今晚飲得佪杯嘢，關咩事呢！
三：咁就關飲得唔夠事咯。
父：冇錯啦，都係玉鳳乖，知道爸々的酒未夠，來，同我扐𥖁酒出來。
大：（放下報）又飲酒？
父：嘻々！一杯咁多叻。
大：咪俾佢飲啫三妹。
父（無耐地摇著頭）
三：（向父打佪眼色）你再計都係計唔掂嘅啦。抖一陣，明日再計叻。（向父示意，替他收拾桌上的東西）
父：（打著呵欠）哦！々！咁明日先計叻。
（和三一齐行入房）
（接出）
第十四場A
景：父房內
時：夜
人：父、玉。
（接入）
（父和三小姐揮著算盤自外入）
（父打著呵欠）
三：你等一陣，我拈酒來給你。
父（点頭微笑）
三：（大嚷）有老鼠！（故意由房內追出小厛）
（父亦以為有老鼠也追出）
（接出）
第十四場B
景：楼上小厛
時：夜
人：金、玉
（接入）
（三小姐自父房出大小姐側）
（大小姐大驚，急起身，三小姐說己跑入了大小姐房）
（接出）
第十四場C
景：大小姐房
時：夜
人：金、玉、父
（接入）
（三強拉著大小姐自外入）
（三嚷普老鼠跑上床，又說跑上了大小姐身上，把大小姐直急得团々轉，三小姐仍舊不停地嚷著，一方面用手勢示意向父叫他自行去取酒）
（父得意地微笑取了酒，逕回房去了）
（三說要去把貓捉來）
（接出）
第十四場D
景：三小姐房
時；夜
人：銀、玉
（接入）
（二小姐焦急地向外張望著）
三：（得意地自外跑入）得晒，你預備好未呀？
二：得嘅啦。
三：（把貓抱在懷中）我出去同你睇住水，你小心的就得嘞！
（接出）
第十四場E
景：楼上小厛連父房
時：夜
人：玉、父
（接入）（三小姐抱著懷中的小貓，逕向父房窺望）
（父举杯痛飲）
（三作鬼臉，著父勿張揚，恐被大小姐發覚，隨手把門代關上）
（接出）
第十四場F
景：大小姐房
時：送
人：金、玉。
（接入）
（三把大的房門掩上，放下小貓）
大：（驚魂甫定）隻老鼠走咗去边啫？
三：唔使驚啦，而家捉咗隻貓入嚟，重關埋咗門，唔怕佢飛上天嘞。
大：隻死老鼠，撹得我一身汗。（卸下外衣，換上睡衣）
（花貓知趣地摇著尾巴，走向三小姐）
三：（撫摸著花貓，不經意地哼著歌）
歌詞大意是："小老鼠，多鬼怪，衆人監視下你竟敢闖出來，老傢伙，只顧飲，那理会老鼠猖狂，大家姐嚇得失魂落魄，幸虧花貓來救駕，現在花貓在我手上，聰明的就要趁這机会溜出去，否則，時机不再來。”
（等待著的二小姐，在三小姐的示意下，輕步向楼梯走了）
大：呢隻貓一的用處都冇，養咗咁耐，重有老鼠嘅。
三：花貓好似幾夠威，有陣時都会俾老鼠撚花晒架。
大：我話蛇鼠同窩就真嘅。
三（会心微笑）
大：我睇緊嗰段報紙嘅小說正話入晒神，俾佢撹断左，等我X番入嚟睇埋佢先。
三：（恐妨礙著二小姐，急忙地止著）大家姐，恐防老鼠已經跑到厛裡，不若待我替你去拿吧。哦！你看的是什麼小說，我有一本書很好看，不若我拿來給你看吧！
大：乜嘢書呀？
三：一陣你就知。（俏皮地一笑）
（化出）
第十五場
景：大小姐房
時：夜
人：大
（化入）
（待寫：卧在床上的大小姐手上的"青春難再"拉開，見她看得津々有味）
（大小姐停了下來，将書覆在身上，看々床頭几上的小鐘）
（小鐘已十二時廿分）
（大小姐再執起書看）
（接出）
第十六場
景：父房
時：夜
人：父
（接入）
（睡在床上的父，轉過身來，睡眼惺松地醒來，向隔壁房望）
（從房門上隔壁還亮著燈光）
（父奇怪地起來，看了看時鐘，坐起）
（父打了佪呵欠，向房門行出）
（接出）
第十七場
景：楼上小厛
時：夜
人：父
（接入）
（父自房行出，至大小姐房門口，蹲下，向鎖匙孔內望）
（接出）
第十八場
景：大小姐房
時：夜
人：父、大
（接入）
（從鎖匙孔內拍——）
（大小姐卧在床上看書，她不自覚地对著書笑，想了想又停下來将書覆在身上，望著天花板偷笑）
（接出）
第十九場
景：楼上小厛
時：夜
人：父
（接人）
（父離開了匙孔，站起，有点莫明其妙，举手要扭門鎖開門）
（O.S. 楼下的開門声）
（父停了下來，留心听著）
（楼下門給推開的声音）
（父隨手執了一條木棒，輕步行向楼梯）
（接出）
第二十場
景：花店內
時：夜
人：銀、李士豪
（接入）
（二小姐已推開了門，正和門外的李士豪握別）
二：再見！
李：再見！（轉身走了）
（二行入，輕々将門關上）
（接出）
第二十一場
景：楼梯
時：夜
人：父
（接入）
（父举著木棒，向梯行下，至轉角处）
（一佪黑影近面撲过來）
父：（一惊）唉呀！
（接出）
第二十二場
景：花店內
時：夜
人：銀
（接入）
（二小姐闻声，急躲向旁边的竹箩处，留心望著梯口）
（接出）
第二十三場
景：楼梯上
時：夜
人：父、金
（接入）
（父慌張地站起）
（電灯突然著了，大小姐從上面下來）
大：咩事呀，爸々！
父：有賊呀，有賊呀！
大：係便处啦！
父：呢！係⋯⋯係佪处，係佪处。
（接出）
第二十四場
景：花店內
時：夜
人：銀
（接入）
（二小姐慌X地向上望，更縮入一点）
（接出）
第二十五場
景：楼梯上
時：夜
人：父、金
（接入）
（大花貓蹲在角落裡）
大：佪隻貓之嗎？
父：（鬆了一口氣）哦！
大：飲左杯酒眼花々，自己嚇自己。
父：唔，唔會嘅，我清々楚々听見好似有人開门咁声嘅。
大：唔會啩，我地落去睇吓。
（二人向梯下）
（接出）
第二十六場
景：花店內
時：夜
人：父、金、銀
（接入）
（二小姐更掩護好一点）
（父和大從楼梯上下來）
大：（開著了電灯）佪门唔係關得好々嘖，都話唔係嘅啦！
（父拿著木棒隨便向竹箩处打著）
（父的木棒向二小姐处打过去）
（二痛，但一声也不敢响）
父（發著嚕苏）收档的箩乱咁丟，帮手叠好佢呀嗎。
（父向大将旁边的箩叠起來）
（二縮在下面一声也不敢响）
（父和大叠的箩正叠在二的身上）
（二給压得透不过氣來）
（父等搬開了二身旁的箩）
（二更惊）
父：（突有發覚，向前望）
（二的裙子因箩搬開了，突出了一角）
父：便佪々条裙，点會堆向箩处㗎。
（二更惊，回头望）
大：便条裙呀！
父：（要俯身拉二的裙子）呢条唔係裙咩！
（二不顧一切走向楼梯）
（叠向上面的箩刚巧把正要蹲下去的父蓋佪正著）
父：唉呀！（掙扎著）
大：（大笑不己）你睇你幾論尽。
大：係唔係呢，係都要叠得高々，冇帮親呀嗎。
父：冇，我清々楚々見有条裙向处㗎，点會唔見嘅呢？
大：我都話你係眼花々嘅啦，咪搞々震早的上去瞓罢啦。（二人上）
（接出）
第二十七場
景：三小姐房
時：夜
人：玉、銀、父，金
（接入）
（二小姐站在床前向睡在床上的三小姐哈々大笑）
二：哈々々！
三：咩事咁好笑啫？
二：哈々々！
三：殊！（突止之）
（二一听，急連輕跳上床，将被䝉头盖上）
（但露出一隻鞋跟）
（父和大從门口入）
父：你两条友又開著佪佪灯做咩呀！
三：（起身）我正話瞓醒之嗎。（忽然瞧見二小姐的鞋跟，父和大小姐再走近，但未發覚，三急作状把被扯下，二却又把被牽上）
父：（向床上看一眼，掀起二的被）
（二故意大声呼吸作睡熟状）
父：爛瞓猪，俾賊佬抬左都唔知呀！（向大）好啦，快去瞓啦，明日你地早的去農場睇吓叻。
大：哦！
（父和大出）
二（将门關上，掀開了的被）成鞋都係坭，連張床都整污哂，你重唔起身賴死咩！
二：（霍然而起，大声笑著，抱著三乱舞）哈々哈！
（淡出）
第二十八場
景：農㘯內
時：日
人：林俊、王偉、金鳳、玉鳳
（淡入）
（林俊的貨車向大發農㘯门口駛入，至小屋前停下來）
（大小姐和三小姐下車）
（林俊故意响叻叭）
（王偉滿身坭濘在田中向這边望过來）
俊：（還站在車上，高声）王老偉呀，大小姐同三小姐駕到，你重唔來跪接係唔係想炒尤魚呀！
（偉滿染泥污的雙手，向衭子上擦了擦，行向小屋子）
（大小姐等向偉处望）
偉：（侷促地笑著）大小姐同三小姐今日点咁得閒呀！
俊：（取笑）大小姐今日特登奉命來視察呀，快的扐的嘢出來請食左晏晝先帶大小姐去睇下叻。
偉：大小姐入來坐陣先叻。
大：（板著面孔）唔坐咯。（四面望著）
偉：咁⋯⋯咁⋯⋯
（三小姐見偉的尷尬状笑了出來）
（偉更不知如何是好向三望）
偉：（拉側边的櫈子至大处）咁⋯⋯咁請大小姐飲杯茶抖々我帶大小姐去行吓叻！
（大看櫈子一眼）
（偉忙用手抺著櫈上的泥污）
俊：（笑著）王老偉，好心你咪抺啦，你对手越抺越污糟就真嘅。
（偉苦笑著）
大：点解呢排得收咁少花同瓜菜㗎？
偉：唔⋯⋯唔⋯⋯早排我唔係寫信高过胡伯听話的花起左虫咯，我地人手少，我佪伙記捉極都捉唔掂，叫胡伯買殺虫水又唔見買入來，一陣我同大小姐你去睇，你就知啦。
大：而家同我地去吓叻。
偉：哦！
（偉引大等行）
三：（把俊拉住）有咩好睇呀，我地係处坐重好呀，王偉佪嘢真係笑死人呀！
俊：佢老实人來嘅呀嗎，做嘢好負責嘅，成日除左做嘢就顧住睇書，佢重整倒好多動物植物嘅標本添呀！
三：係？
俊：佢見到女人面都紅嘅，而家要佢招呼大小姐添，慘啦！
（二人向前望）
（偉帶著大小姐已行至花田中）
偉：（指田中花）呢的已經算好嘅啦。
大：（行至田中，执著花來看）
（葉中藏著小虫，花己坯了）
（O.S.三小姐的歌声）
（大小姐向三小姐处望）
（三小姐坐樹下唱著歌，俊站側，歌意大是：花间的蝴X一对，水上的鴛鴦成双，有鶼必有𪃸，有鳳更有凰）
（大張姐听著歌声呆了一呆）
偉：（指前面）入便佪的虫重多呀！
（大向偉指的地方行）
（一条小虫從花叢中爬出來）
大：唉呀！（撲向偉的懷裡）
俊：（和三小姐跑向大处）咩事呀？
（偉尷尬地抱著大）
偉：蛇之嗎！
（俊执了一条竹把蛇打死）
俊：（向大）打死左啦，唔使怕啦！
大：（难為情地离開偉的懷抱）对唔住呀！
偉：（尷尬地不知如何是好）
（三望著大笑）
（大紅著面低头）
三：（向大）大家姐，你睇你件衫。
（大的衣服給偉身上泥污染满）
三：（替大拍塵）
偉：我地再去佪边睇吓呀！
大：（点頭）唔！
（衆行）
三：（把俊拉著行在後面，指前）大家姐同王偉行成一对都唔錯噃。
俊：你地佪大家姐，王偉請佢入房坐一陣都好似嫌污糟咁，点撹得埋㗎。
三：我有办法，大家姐要唔入王偉房都唔得。
俊：你有咩办法呀？
三：你跟住來叻！（向另一条小路跑）
（俊追在後面）
（在一条小溪上架著一塊木板，作為桥樑，三小姐跑在前，俊跑在後，二人入鏡至桥边停下）
三：（指桥）我地整鬆佢。
俊：点解呀？
三：縂之你整鬆佢，一陣你就知啦！
俊：（會意）啊，我明啦！
（二人合力将小桥移好）
俊：要大小姐行前就得噃。
三：坐係处叻，我有办法嘅啦！
（二人坐下）
（王偉行前引著大小姐行來）
偉：你地重快過我地添吓！
三：我地行佪边呀嗎！
偉：大家过佪边行吓叻！
俊：好呀。（站起，向三打佪眼色）
（偉已快行至小桥）
三：（忙叫著）偉哥呀！
偉：（停了下來）咩呀三小姐？
三：（指田中東西）呢的係咩呀？
偉：哦！佪的係XX次嗎！
（大行向小桥）
（三向俊打眼色）
（大行上小桥，跌了下去）
偉：唉呀！（忙扶大）
（三向俊得意地笑）
三：点解咁論尽㗎。
（大已変了落湯雞，氣極）
偉：佪条桥本來好穩尽㗎。
大：（生氣地檢查著自己）
三：冇跌親呀嗎？
大：（生氣）凈係整濕左佪身重唔够呀？
三：你入去偉哥佪处抖一陣，我同俊哥返去攞衫，即刻就返到嘅啦！
偉：哦！（向大望著）
（大無可奈何地行）
三：我地去啦俊哥！
大：快的返來噃。
三：得啦！
（三向俊得意地笑，二人跑著出）（化出）
第二十九場
景：小屋子裡
時：日
人：王偉、金鳳
（化入）
（這間小屋子应該是一厛一房，小厛裡徐了一張食飯用的方桌外，還有幾張板床是工人們晚上睡覚的，王偉自己住在房間裡）
（王偉引著湿淋々的大小姐從小厛行入，王偉推開了房門，讓大小姐行入去）
（大小姐入至房中尷尬地站着不動）
（王偉望着大小姐，要招呼他，但又不知如何是好）
偉：大小姐請坐叻。
（大望了望自己湿淋々的身服、要坐，但沒有坐下去）
偉：（想了一想，取下一套掛在那兒的睡衣衭）
大小姐呀，你的衫湿晒，好容易會冷親㗎，呢套衫我嘅，啱洗过嘅，唔啱你著住一陣先叻。
大（和藹地）多謝你，唔使啦！
偉：唔係哩，三小姐去攞衫点都要成点钟就返來得，你換住先叻。
大：（沒有答应，她望著偉，感激地已經是同意的了）
偉：我出々去，你換衫叻。
大：唔該晒你噃。
（偉行出，将门關上）
（偉出至厛中，取了一佪水杯，特別用心地用水洗干凈）
（偉檢查著玻璃杯，覚得還未十分干凈，再加工地洗著）
大：（将门推開一点，伸佪头出來向外望）
偉：（已斟好茶，望向大处）
大：（笑了一丿，将门全開了）
偉：（向大注視著）
（大穿上了偉的睡衣，好笑得很）
偉：（遞茶與大）大小姐你飲杯滾水先叻，真係对唔住，我地連茶都冇㗎。
大：唔該！（向偉注視著）
（偉低头）
大：（和氣地）原來偉哥间房执得咁靚嘅，咁多書，呢的係咩事啫。
偉：多数都係農科嘅書籍之馬。
大：真係对唔住啦偉哥，而家我先知道你原來对農科咁有研究嘅。
偉：得閒隨便睇吓之嗎。
大：（指架上的标本）呢的標木係⋯⋯
偉：係我係呢处收集自己製嘅。
大：哦！原來你重會製標本添。偉哥呀，你教我得唔得呀！
偉：（不敢答应应向大望著）
大：（溫柔地行向偉）以後我多的時间來呢处，你教我叻，好嗎？
偉：大小姐你既然欢喜⋯⋯
大：唔該你咪叫我大小姐好嗎，我叫金鳳。
偉：唔⋯⋯
大：金鳳呀嗎，叫來听吓。
偉：金⋯⋯
大：金鳳。
偉：（支吾）金⋯⋯鳳。
大：（笑著）係咯，咁先就係呀嗎。
（淡出）
第三十場
景：茶楼
時：日
人：胡、黃伯、伍叔、茶客、伙記
（淡入）
（茶楼內热鬧得很，父和黃伯及五叔三佪人坐在一張枱子上）
伍：（讀著报紙）十八歲少女离家三日未返，据說因卻親不滿她談恋愛。喂，胡老發呀，呢排报紙日々斬有呢手嘢，你佪幾佪女你都要顧住噃。
父：我的女冇咁嘅嘢嘅，你放心都得啦！
黃：唔係咁講嘅噃，胡老發，佪日我睇見好似你佪第三女咁，同一佪揸貨車嘅，唔知幾烟韧呀。
父：你睇錯左人定啦，我的女唔會嘅。
並：唔係哩，我真係睇見㗎。
父：我点都唔信嘅啦。
黃：如果真係又点呀？
父：你扐得証据出來，我請全乳猪席。
黃：真定假呀？
父：緊係真叻。
黃：伍叔呀，你做証人，佪飱食定你嘅都得叻。
父：咪咁心定，飲茶罢叻。（举杯飲）
（淡出）
第三十一場
景：農㘯內
時：日
人：金鳳、王偉、工人
（淡入）
（王偉正在小屋子前製著一件新标本，两佪工人旁边看著）
甲：偉哥呀，大小姐來啦！
（偉向外望）
（大小姐手挽著，臂夾著，口還咬著大批的罐头、生果、麺包等從门口狼狽地入）
（偉忙站起起迊出來）
偉：唉呀，大小姐你⋯⋯
大：（因咬著東西）唔⋯⋯唔⋯⋯
偉：（忙替她将東西接下來）
大：（鬆了一口氣）你又叫我大小姐咯？
偉：哦！係⋯⋯係⋯⋯金⋯⋯
大：金鳳。（命令地）
偉：（尷尬地）金⋯⋯鳳。
大：唔該你扐埋呢的添呀！
偉：哦！係，々。
（二人行入）
甲：大小姐！
大：唔！（将東西放好）
（工人等退去了）
偉：大⋯⋯哦唔係，係金鳳你買咁多嘢來做咩呀。
大：我來拜師傅呀嗎。（併開東西）嗱呢的送俾師傅做見面礼嘅，呢的嘢我地一陣午飱嘅。
偉：買咁多点食得哂呀。
大：食唔哂唔會摆住咩，唔係來到又好似佪日咁，飲杯茶都得係白開水嘅啦，你而家整緊咩啫，我肚餓嘅啦！煲杯咖啡飲吓先好嗎？
偉：好⋯⋯好嘅。
大：你做你嘅嘢，等我去煲叻。
偉：咁点得呀！
大：（推偉坐下）都話叫你做嘢咯。
（偉無耐坐下）
（大興高采烈地拿著咖啡行入）
（偉莫名其妙地望著大，抓著头髮）
（接出）
第三十二場
景：黃伯店前馬路
時：日
人：林俊、玉鳳、黃伯、伙記、行人
（接入）
（黃伯坐在柜上算賬，偶然抬头向外望）
（林俊的車子刚駛至对面馬路停下，三小姐從車上拿著一束花下來向楼上跑）
（黃伯從柜裡行出门口留心地向外望）
（三小姐已從楼上下來）
（林俊開了車门讓三上車）
俊：送哂花啦，今日我地咩節目呢。
三：大家姐今朝一早就去左農㘯，我地去裝吓佢好嗎！
俊：睇吓有冇嘢食，搵飱晏晝食都好噃。（開車走了）
（黃伯笑著目送車子開走）
（接出）
第三十三場
景：小房子裡
時：日
人：金鳳、王偉、玉鳳、林俊
（接入）
（桌上摆滿了塗好了菓醬的麺包，白糖，牛奶等，大小組正将壺裡的咖啡倒向杯裡）
大：（向外叫）偉哥，偉哥呀！
偉：（向外入）來啦！哦！你整好哂的嘢嘅啦。
大：來，坐低舒々服々飲杯咖啡先。
偉：（搶著要自己斟）等我自己來叻。
大：唔通我斟會就會有毒嘅。
偉：咁又唔係。
大：（取了一塊麺包）你試吓，我夾的麺包得唔得。
偉：我啱食左飯，你食叻。
大：食的咁多叻。
偉：我飲杯咖啡就好啦，你食叻。
大：唔得，你点都要食的就得。
偉：我都話唔食咯。
大：（拿麺包塞向偉的咀裡）唔食都要食嘅啦。
偉：（摇著头避著）我真係唔食哩。
（偉的臉上給麺包的菓醬弄得変成了大花臉）
大：（笑著）你睇，你搵塊鏡照吓就笑死人呀！
（偉向鏡照著）
（大取手巾替偉抺）
三：（突從外入）大家姐。
（大向外望，忙尷尬地縮手）
（偉向三尷尬地笑著）
俊：（故意）大小姐幾時來㗎。
大：哦！我，我正來到之嗎。
俊：係咯王老偉，今日咁招待大小姐先就有的似啦！睇吓，咖啡、麺包、罐头，大小姐食左未呀！
（偉苦笑）
大：（勉強地）食左啦！
俊：（向三）相請不如偶遇，王老偉請客，唔好客氣啦，（倒了一杯給三）三小姐，食叻。
（自己更大啖地食著）
（大向俊瞪一眼）
（偉苦笑）
（俊像風捲殘雲地食著）
俊：的麺包真係夾得靚啦，咖啡又濃又香。
大：（向三）你点會同林俊一齐來嘅啫。
三：（支吾）唔⋯⋯
俊：（含有深意地）唔係即係你來搵王老偉咁一樣。
大：（尷尬）我⋯⋯
俊：（故意）王老偉的嘢大小姐唔來監住佢实係唔得嘅。
大：（氣结之至）我就走嘅啦！
俊：大小姐一㘯來到，都未出去視察，点得呀！我地走啦好嗎！（拉三出）拜々！
大：你地⋯⋯（沒有說下去，呆望著他们走了）
（接出）
第三十四場
景：花店內
時：日
人：父、黃伯、銀鳳
（接入）
（父在柜面处算賬，黃伯自门口入）
黃：胡老發呀。你佪飱乳猪席輸实都得啦。
父：点解呀！
黃：（向店內望）
（只二小姐一佪人在整理著東西）
黃：（和父耳語）
父：真嘅。
黃：緊真叻，明日十点钟你去我舖头包有嘢你睇。
（二小姐莫名其妙地望著）
父：明日的來叻。
黃：再見。（走了）
（父懷疑地想著）
（化出）
第三十五場
景：花店內
時：夜
人：父、金、銀
（化入）
（開著的電灯摇下，店门已關上了，父在算賬）
（大小姐輕鬆地推门入）
大：爸々！
父：去便处咁夜先返呀！
大：去農㘯呀嗎，（隨口唱著流行曲，輕鬆地向楼上行）
父：（奇怪地望著大上楼梯，向二）玉鳳重未返咩？
二：未呀！
父：扐把鎖係入便鎖住佢。
（二猶疑著）
父：鎖叻，重企处做咩呀？
（二無奈取鎖将门鎖上）
（化出）
第三十六場
景：店外
時：夜
人：玉鳳、林俊
（化入）
（林俊的車駛至停下）
（三小姐從車上下來，行至门口）
三：拜々！（举手和俊話別，取匙開门）
（门推開一条縫，裡面鎖著一条鏈子）
三：緊係二定天撚我嘅啦！
俊：咁点得入去呀！
三：等我叫佢開门呀！（作了一声貓叫）
俊：（一想）唔駛啦，我有办法啦！
三：你有咩办法呀！
（俊将車上的桥板豎在車頂上）
（三由桥板向露台上爬）
（接出）
第三十七場
景：楼上小厛
時：夜
人：玉鳳
（接入）
（玉從下面爬上，轉身向下望）
三：（向下揮手）拜々！
（接出）
第三十八場
景：花店外
時：夜
人：林俊
（接入）
（俊将桥板弄好）
俊：拜々！（跳上車子開走了）
（接出）
第三十九場
景：楼上小厛
時：
人：父、玉、金
（接入）
三：（向下揮手）拜々！
（父從房內摸出來）
（三轉身行入）
三：（以為父是二小姐，一把将他抱著跳起舞著）你佪死人頭鎖住我就以為我唔得入吓！
父：唏！
（惊，停了下來）
父：（把灯開了）你佪嘢，去便处去得咁夜呀？
三：我⋯⋯
父：去便处？講呀！
三：去農場睇王偉做嘢之嗎。
父：你去農場去得咁夜！
三：唔信你问大家姐叻。
（大和二都分別自房出）
父：（向大）玉鳳今日係唔係去農場來呀？
（三向大打著眼色）
大：唔⋯⋯係、係呀！
三：我同大家姐一齐去嘅，大家姐叫我睇夜的，帮佢地捉虫，捉到而家之嗎。
父：你地帮佢捉虫。
三：你问大家姐呀！
大：係呀爸。
父：唏！如果俾我查出來你講大話，顧住我碌你嘅皮呀吓！大家返房瞓啦！
（三伸著舌頭向大打眼色入房）
（淡出）
第四十場
景：黃伯店連街上
人：父、黃、玉、俊、伙記、行人。
（淡入）
（時鐘差一点就便是十点）
（父自门口行入）
黃：（边出）啱啦，就够鐘嘅啦，日々都係咁上緊時间，緊到嘅。
父：对面係唔係卅一号呀？
黃：係咯。
父：呢间嘢二楼每日定一打劍蘭嘅。
黃：呢，來啦嗱！
（二人向外望）
（俊的車停下，三小姐X花下來上楼去了）
（老頭子偷々走向貨車）
（黃要跟出）
（父摇手止之）
（俊只向楼梯處望著）
（父偷々爬上了車廂）
（三從楼上下來，上了車）
俊：今日去便處玩呀？
三：今日要早的返去就得。
俊：点解呢？
三：你都唔知昨晚幾危險，差的俾爸々知穿呀！
（父在車廂留心听著）
俊：開車返我處坐一陣，食完飯先返去好嗎？
三：好呀！
（車開）（以下車內在馬路上拍）
三：昨晚我爬左入去，見到佪黑影，以為係二家姐，揽住佢跳舞，点知揽錯左人，你估我揽住佪々係便佪呀！（笑了起來）
俊：緊係大家姐定啦！
三：大家姐都冇咁慘嘛，原來係爸々添呀！
俊：哈々！咁唔係好々玩。
（父氣極听著）
三：俊哥呀！以後我地都係要小心的就得啦！
俊：唓！便處有人好似你老豆咁唔准自己嘅女出嫁嘅啫，唔使怕嘅，我地一意反抗到底。
（父更氣）
三：係啫，都係避吓佢耳目好嘅。
俊：係你就咁怕佢嘅啫，死老而不。
父：（忍無可忍）停車！
俊：（呆了一呆，将車停下）
（三惊望俊一眼）
父：（怒極出來）
（俊和三惊望一眼）
父：許有此理，你条死靚仔敎我女作反，重叫我老而不添吓！
俊：我々！⋯⋯
父：以後我都唔再用你嘅車，唔准你行入舖頭同農場半步，如果你再搵親玉鳳我就同你搏命！
（俊向三望著）
（三低頭不語）（行人等圍上來看热闹）
父：（拉三）即刻同我返去，以後你再仝佪条靚仔行我碌你嘅皮。
（父拉著三走）
（俊無可奈何地目送著）
（化出）
第四十一場
景：三小姐房
時：日
人：父、玉、銀、金
（化入）
（三小姐伏在床上痛哭）
父：（罵著）想唔到最細係你，你敢出去撹出咁嘅事。
三：（不服）我撹出咩呀，同佪男朋友行吓唔通都有罪。
父：緊係有罪叻，我早就同你地講过，叫你地唔好乱同的男仔行嘅呀嗎，就算行都唔係同林俊呢種人行嘅呀嗎。
三：俊哥好壞咩，佢䛊揸車，有一门技術，而且重自己做老板添。
父：除非佢開汽車行，唔係佢都冇資格同我嘅女行嘅啦，我唔理你咁多，縂之以後我唔准你再見佢，從今日起，门口我都唔准你出。
（二小姐從门口探頭入來）
父：（向二）你地仝我睇住佢呀，如果佢踏出门口一步，你地即刻話我听。
（父悻々而出）
二：（入）你点会俾佢睇見嘅啫？
三：睇見又点呀，終須都要有一日嘅啦，最多佢唔係唔認我做女，幾大我都要同俊哥结婚嘅啦。
二：係啫，而家佢連街都唔准你出，你有咩办法呀！
三：（想了一想）二家姐呀，你过來。
（二行向三）
（三向二語耳）（化出）
（化入）（夜景，灯下）
（三口流白沫卧在床上）
二：（站床前拼命地摇著三）三妹呀，三妹！
（三昏迷不醒）
二：（大声呼叫）爸々，你地快來叻！
父：（匆忙地入）做咩呀，咩事嘈生哂呀！
二：你睇，三妹唔知做咩呢？
（父向床上看）
（三昏迷著）
大：（也這時趕入）唉呀！！佢食咗咩啫！（摇著床上的三）三妹呀！
父：（手忙脚乱）点呢，而家点呢。
二：你唔係咁闹佢，点會撹出的咁嘅嘢呢！
父：我唔知佢会咁嘅呀嗎，（摇著三）傻女，有事可以慢々商量嘅呀嗎，使乜咁呢，点呀，点呀而家咁。
大：即刻車佢去医院叻。
父：係咯，等我打電話叫十字車叻。
二：（忙止之）去医院明日唔係有報紙卖，唔好嘅爸々，叫佪医生返來罢叻。
父：係噃，咁我即刻打電話叫医生叻。
二：爸々呀！一陣救醒咗，你唔好再闹佢啦，应承佢同俊哥件事叻。
父：得啦，々々，应承就应承係叻，陸医生電話幾多号呀！
大：六六六九六六呀嗎。
父：係啦，々々，等我打左電話先。
（父急行，至门口又不放心地回頭望）
（睡在床上的三笑了笑，還瞪起半只眼）
父：（又行回床前）噫！
（三的臉動了動）
大：快去叫医生呀！
父：等我睇清楚吓先。
二：睇咩呢，你又唔䛊救，咪阻遲哂的時间呀！
父：咪住。（俯下身去，听了听，嗅了嗅）唔！
（父用手張開三一只眼）
大：你睇你咪乱咁撹啦，快的叫医生叻。
父：（用手指塗了一点白沫，嗅了一嗅，行向洗臉盆，取牙膏嗅了一嗅）唔！唔使請医生啦！
大：点解呀？
父：我䛊医。
大：咪阻遲哂啦，你唔去等我去打電話啦，（要行）
父：咪住，都話我䛊医咯（撕下一塊紙，弄成紙条）
（父行至床边，用紙条撩三的怕癢處）
（三的臉給撩得動著）
三：（從床上跳起來）爸々你⋯⋯
（大愕然）
（二掩著咀笑）
父：係唔係哩，我都話䛊医咯，咁死法，你要死就由你死叻。
（大明白了）
二：爸々大早都应承左由三妹同俊哥结婚咯，而家三妹同俊哥结婚嘅咯，而家三妹緊係唔使死叻。
父：你開胃啦！整的牙膏塗落佪咀處咋死悚人，除非你唔認我做老豆跟林俊走叻，唔係我点都唔会俾你嫁林俊嘅啦！（悻々而出）
（O.S 貓叫声）
三：（留意听了一听）俊哥！（向外跑）
（接出）
第四十二場
景：楼上小厛
時：夜
人：玉
（接入）
（三小姐從房外出，至露台向下望）
（接出）
第四十三場
景：花店外
時：夜
人：林俊
（接入）
（林俊站貨車旁向上作著貓叫声）
（接出）
第四十四場
景：楼上小厛
時：夜
人：玉
（接入）
三：（向下）俊哥呀！爸々而家關住我，唔准我出街呀！
（接出）
第四十五場
景：花店外
時：夜
人：林俊
（接入）
俊：（向上）咁你点呀？
（接出）
第四十六場
景：楼上小厛
時：夜
人：玉、金、銀、父。
（接入）
（三小姐回頭向內望）
父：（站房门口，悻々地）有翼你就飛呀！
（三向兩佪姊々望）
（大和二爰莫能助地互望一眼）
三：（毅然向下）俊哥呀，我幾大都反抗到底嘅啦，你好似昨晚咁架起条桥板，我而家同你一齐走。
（父一声又响，捧起一盆水行向露台）
（接出）
第四十七場
景：花店外
時：夜
人：俊
（接入）
（俊在車上搬著橋板）
（給父一盆水自上淋下）
（俊変了落湯鳮，向上望）
（接出）
第四十八場
景：楼上小厛
時：夜
人：飄、金、銀
（接入）
父：（指著下面）你条死靚仔，你好走咯噃，唔係我叫警察将你当賊办嘅噃。
（INS. 下面的俊，湿淋々地，不敢再搬橋板了）
三：（向父）爸々，你咁⋯⋯
父：你唔使再講啦！我話过咁就咁，冇得講嘅啦！（轉身入）
三：（想了一想，向下）俊哥，你唔好走住，等埋我執的嘢同你一齐走。
父：好叻，你走就走叻，咁嘅女唔要好过要啦！我有三佪女，走你一佪好闲啫。
（三向兩佪姐々望）（大、二低頭不語）
（三毅然向房行入）（接出）
第四十九場
景：三小姐房內
時：夜
人：玉
（接入）
（三自外行入，取出一佪小皮包，收執著衣物，一面隨口唱著歌，歌意大概是爸々沒有理由把我们關在家裡，莫非我们一生都要替她理家，我们已到了自主的年齡，我们都有了理想的对象，我们是絕对合理，有限的青春，為了我们的幸福，我们一定要争取）
INS.（站在房外的大小姐和二小姐，听著歌声，感動，覚悟）
INS.（大小姐執著二小姐的手）
（二小姐向大小姐望著）
（大小姐堅定地点著頭）
（三携著皮包行出）
（接出）
第五十場
景：楼上小厛
時：夜
人：玉、金、銀
（接入）
（三小姐挽著皮喼從房出）
（大小姐和二小姐無言地向三望著）
三：（行向大處握大手）我走啦家姐！（向二）
我走啦二家姐！
（大和二無言地望著三，向楼梯行）
大：（突然）三妹！
（三回身望）
大：你咪走住。
三：点解呀！
大：我地一齐去同爸々講。
三：唔！
（三人一齐行向父房）
（接出）
第五十一場
景：父房
時：夜
人：父、金、銀、玉
（接入）
（父举杯痛飲）
大：（拉著两佪妹々入）爸々，三妹真係走啦。
父：（氣憤地）走唔係由得佢走咯，我当少生佢一佪，有你地两就够啦。
三：爸々呀⋯⋯
父：（不待說完）我唔使你叫我爸々。
三：我老实对你講啦爸々，你冇理由唔准我地嫁嘅，最多你話我地揀嘅对象唔好啫，譬如偉哥咁人又老实，又勤力，最多你嫌佢唔係有錢老啫⋯⋯
父：我樣々都嫌，你咪講啦，你要嫁你就去嫁叻，我重有两佪唔嫁嘅。
三：冇女人唔嫁嘅，除非做尼姑叻，你如果真係唔准我地嫁，要走嘅唔净係我，你咪咁心定呀！
父：咩話，你大家姐同二家姐冇你咁姣。
三：你问吓佢地叻。
父：（不相信地向大及二望）你地⋯⋯
（大低頭）
（二低頭）
父：你地都同男仔行？
（大不答）
（二不答）
三：話佢听叻大家姐，二家姐，怕咩啫。
父：你地真係仝男仔行？
三：終須要話佢听嘅啦，我地又唔係犯法，怕咩講啫。
父：唏！（長々嘆一口氣，拼命飲著酒）唉！胡老發，你条命点会咁醜呀！点解你唔係生幾佪仔呢，如果生幾佪係仔咩事都冇啦！（自言自語，流下淚來）
三：生女就命醜咩，我地正々当々交男朋友，正正当结婚，有咩唔对呀！係你冇道理唔准人地结婚之嗎！
父：（向大）你地真係有男朋友！你地同便佪行呀？
（大不敢答）
（二不敢答）
父：（大声流著淚）便佪？仝便佪行？講！你地講啦！銀鳳你講！
二：李⋯⋯李士豪。
父：哦！唉！金鳳，你，你呢？
大：王偉！
父：唉！真係激死我啦！（暈了下去）
衆：爸々！々々！
（化出）
第五十二場
景：華麗大厦
時：日
人：父、金、銀、玉、林俊、王偉、李士豪、僕、管家
（化入）
（這是一间十分華麗的大厦，门口、楊口，甬道口，都站著穿著制服的僕人）
（父穿著長衫馬掛從楼梯上下來，跟在他後面的還有一佪年輕的看護小姐）
（父每經过一佪僕人的崗位前，僕人都鞠躬行礼叫著老爺）
（父行至高背沙發前，看護忙替他弄好靠墊，他才坐下）
（父向桌上的雪茄盒一指）
（看護忙替他将雪茄弄好遞到他的口裡）
（穿著縂管服裝的忙行上打著打火机替他点烟）
（一佪穿著制服的女僕捧著参湯自內出）
護：（将参湯接下來，遞至父前）参湯老爺！
父：（X々点首）少爺佢地去左便處呀？
縂：大少爺、二少爺、三少爺三佪人同幾位小姐而家係花園打緊網球，佢地吩咐話老爺起身就話俾佢地听，佢地話有事想見老爺。
父：請佢地入來。
縂：啊！（轉身出）
護：（弄好参湯）参湯啱飲啦，老爺。
父：啊！（飲了一口）
（O.S.幾佪声音：爸々！）
（父向外望）
（金、銀、玉三佪都変成了男人，穿著運動衣，金挽著女裝的王偉行前，銀挽著女裝的士豪，玉挽著女裝的林俊魚貫行入）
父：你地話有事見的。
大：係，爸々！等我介紹你䛊（向王）佪位我爸爸！
偉：（搔首弄姿地）胡伯々。
大：爸々呀，佪位係南美洲汽油大王古百律嘅小姐古玲精小姐。
父：請坐，々々！
（偉怪狀地行至沙發處坐下）
二：（指李）爸々呀，我介紹你䛊。
（李含羞地）
二：佪位係澳洲華僑領袖毛其仁嘅千金毛容々小姐。
父：請坐，々々！
（毛含羞地坐向沙發）
三：我來介紹⋯⋯
（俊大方地上前和父握手）
三：佪位係菲洲商業巨子朱蔴胡先生嘅独生女朱古力小姐。
父：請坐，々々。
（俊坐下）
大：爸々呀，我地仝幾位小姐情投意合，而且已經得到幾位小姐嘅家長同意，如果爸々唔反對嘅，我地打算最近结婚，你嘅意思以為点呢？
父：好極啦，々々々！我嘅命好，能够生幾佪你地咁孝順嘅仔，你地嘅然大家同意，我緊贊成嘅，不过我嘅意思，最好你地能够同日同時同地，三兄弟一齐行婚礼，咁就更热鬧，更高興啦！
大：二弟、三弟，我地緊贊成嘅。
父：好叻，咁实行係咁決定，你地即刻筹俻，係最快嘅日子，一齐结婚。
（化出）
第五十三場
景：结婚礼堂
時：日
人：父、金、銀、玉、偉、俊、李、主婚甲、乙、丙、司儀、宾客。
（化入）
（特寫双喜的光管牌拉開，父及主婚人等坐堂上，男裝的金、銀、玉及新娘裝的偉、俊、李站堂中，客人滿堂）
司儀：（正宣佈）主婚人致詞。
父：（興高采烈地站起）各位，今日係兄弟三佪小兒一齐结婚嘅好日子⋯⋯
（新郎裝的金、銀、玉等三对新人）
（主婚人甲、乙、丙等不得父說完即站起阻父）
甲：胡先生呀，你撹錯左啦，今日结婚嘅係你三位千金之嗎。
父：咩話，分明係我三佪仔，点解你話係千金呀！
甲：唔係，你三位便處係仔呢，分明係千金呀！你睇吓！
父：（向新人望）
（原來的新郎忽然変了新娘）
父：唉呀！你地呃我，分明我三佪仔嘅啦，点会忽然変左女嘅呢？
甲：唔係哩，胡先生，你幾位原來就係千金來嘅哩！
父：（走向新人處）唔得，我唔承認。（宾客等圍了上來）
大：爸々，我地本來就係女呀嗎。
父：如果真係女，我嘅女唔嫁嘅，來，你地跟我返去。
甲：胡先生，便處有咁嘅道理㗎，世界上就冇女人唔嫁嘅呀嗎！唔通你叫佪女做尼姑咩！
大：爸々⋯⋯
父：唔好講咁多啦，你地跟我返去叻。
三：我唔走。
二：我都唔走。
父：咩話，老豆嘅話你地都唔听係嗎！
甲：你要有道理先就得嘅呀嗎，你问吓大家叻。
衆：你冇道理呀！
父：我唔仝你地講。（拉著大等，要衝出去）
衆：唔准佢走呀！咪俾佢走呀！
（父和衆争執著）
乙：（舉起椅子，向父迎頭击下）
父：唉呀！（倒下去）
（化出）
（註：本場紛乱镜頭，要由導演視实际情形編排）
第五十四場
景：父房
時：夜
人：父、金、銀、玉
（化入）
（父卧床上，三小侍床前）
父：（手舞足蹈）唉呀！
大：（與二、三一齐衝床前）做咩呀爸々！你見点啫？
二：冇咩事呀嗎？
大：（还有点模糊）哦！冇，冇野，我正話發左一場夢。
大：夢見咩呀？
父：冇，冇嘢。
大：爸々，正話我地同二妹三妹商量过啦！爸々，呀！其实你冇理由反对我地嘅结事嘅。
父：唔！
大：你怕我地结左婚会离開你之嗎。
二：其实我地结左婚不但唔会离開你。
三：而且重多幾佪人帮手添。
父：点解呀？
大：嗱！我地结左婚，将來王偉仍然同你管理農場。原來佢对農業科學好有研究嘅，其可以将農場改革擴充。
二：士豪可以帮你打理花舖，唔使你自己咁辛苦。
三：林俊可以打理運輸，佢正想話買多两架車，爸々你可以投的資同佢合作。
大：係咯，咁我地四家人合埋一家重比而家土火热闹呀！
父：佢地唔知肯唔肯呢？
大：緊肯啦。
三：我担保佢地肯。
父：如果真係能够咁嘅，咁你地点話就点話叻。
大：你答应我地啦，係嗎爸々？
父：（点頭）唔！
（三人樂極，跳起舞來）
（三小姐拉起父親擁著跳舞）
三：我地幾時结婚呀爸々？
父：由你地定叻，不过我要你地三佪人一齐行婚礼嘅噃！
三：好，而家我即刻落去話林俊听。
（欢天喜地々跑出）
（化出）
第五十五場
景：酒店门口
時：日
人：
（化入）
（特寫一佪三佪喜字的花牌）
（化出）
第五十六場
景：礼堂內
時：日
人：父、金、銀、壓、俊、偉、李、主婚人、司儀、客人。
（化入）
（礼堂上坐滿了賓客，父滿面笑容坐主婚席上）
（三對新人魚貫地從门口行入）
（结婚進行曲高奏著）
（淡出）
—劇終—
搜尋資料庫
