横來風雨含涙別嬌兒
子文：若蘭，若蘭。
子文：（白）大哥，若蘭去咗邊處，你知唔知呀？
子奇：（故意作狀白）唏，唔好講叻細佬，我正話瞓得好好地地，二嫂忽然走入嚟我房……
子文：（愕然白）吓，若蘭走入你房，（執奇手）哥，佢究竟走入你房做乜嘢呀？你唔怕講……
子奇：（白）佢……就發狂咁攬實我，又話乜，又話物，唏，眞係羞家咯，
子文：（口古）賤人，估唔到你有此敗德行爲，眞是令人可恨，
若蘭：（白）文哥，我自問並無失德，何以你今夜歸來，竟出言辱罵，眞令我不解原因。
子奇：（冷笑口古）二嫂，你重駛乜詐諦丫，好在我呢個大伯爺係柳下惠再生，斷唔會被你色情所困。
若蘭：（一才關目滯然白）大伯爺，乜你咁講丫，我幾時向你施誘惑，你切莫含血噴人。
子文：（怒白）賤人，眞眞火滾（双）你午夜過房，勾引伯爺，寧不痛心。
若蘭：（沉花下句）唉吔？橫來風雨碎花魂。
子文：（怒白）呸，（大花上句）豈容賤婦亂倫常，怒火焚燒難再忍。
秀英：（口古）二叔，做乜你深夜返家，怒打二少奶，究竟是何底蘊。
子文：（口古）啍，賤人不守婦道，難怪我煑鶴焚琴。
子奇：（口古）亞英，你唔知叻，二嫂不甘寂寞，寅夜走入我房，向我求歡挑引。
秀英：（口古）唉吔，估晤倒你賤格得咁交關，吼我番咗外家，竟然勾引大伯，你都可謂淫賤婦人
若蘭：（大哭口古）大少奶你千祈唔好誤會，我點會有此禽獸行爲，請你査白査明，莫將好人責問
子奇：（口古）二嫂，做得出又怕乜認丫，若果你唔係向我引誘，點解半夜三更走入我房，到底是何居心。
子文：（先鋒鈸執蘭快慢板下句）你太不端，違婦道，無恥，貪淫；不賢妻，難恕諒，應施，敎訓
秀英：（接唱快慢板下句）你誘奴夫，眞放蕩，欲辯不能；敗家風，須懲罰，難逃厄運。
若蘭：（接唱快慢板下句）嘆今宵，遭劫禍，有苦難陳；望夫郎，容伸辯，休懷，怒憤。
秀英：（冷笑白）哼，你唔駛狡辯叻，唔通我個老公生安白造寃枉你咩，
子文：（白）大嫂，你唔駛咁嬲，卽管准佢講，睇吓佢憑乜野理由嚟解釋，（對蘭）賤人，你講啦你爲乜野事半夜三更走入大伯爺個房，你講，
若蘭：（悲咽地乙反木魚）可嘆一碗鶏湯㦬刧運。害得我昏迷不醒醉醺醺；午夜夢迴羞莫禁。方知蘭房變換倍驚魂。
秀英：（喝白）鬼信你咩，今日又有人燉過鶏食，你點會有鶏湯飮呢？顯然係砌詞掩飾啦，
子文：（白）賤人，你話飮過鶏湯之後，便大醉沉沉咁你個碗鶏湯從何得來呢？
若蘭：（白）係隔籬二嬸送伸我飲嘅，
子奇：（白）係咁就最好叻，事不離實，卽刻駛人叫二嬸嚟一問便知啦，
子文：（白）好，秋香，秋香，
秋香：（白）二少，乜野事呀？
子文：（白）你卽刻走過隔籠，叫二嬸嚟你話我地有緊要事搵佢，
秋香：（白）哦哦哦（領命去）
秀英：（白）二叔，就算呢碗鶏湯眞係二嬸比佢嘅，至多食完大覺瞓啫，又點會摸入大伯個房呢？淨係呢點已經値得可疑啦，
子奇：（白）冇錯叻，若果唔係佢自己走入嚟我房，唔通俾老鼠拖入嚟咩？
若蘭：（悲憤白）大伯爺，我與你無怨無仇，點解要咁樣陷害我呢？
秀英：（白）哼，你勾引我丈夫不成，重反爲話我丈夫害你？（對文）二叔，你聽吓啦，好彩你今晩番嚟，親眼睇見啫，唔係就話我地寃禮佢咯
二嬸：（趨前白）大少，咁夜搵我有乜野事呀，
子文：（白）二嬸，我問聲你，今晚你係唔係送咗一碗鶏酒俾二嫂飮呢？
二嬸：（愕然白）吓鶏酒？我呢排都冇燉過鶏酒飮，點會有件咁事呢？
若蘭：（急撲前白）二嬸乜你咁講呀？你明明今晚叫阿寶擰碗鷄酒嚟俾我飲呢？
秀英：（冷笑白）啍，二叔，咁就証實佢講大話啦，
子文：（大怒先鋒鈸執蘭大花下句）無據無憑難否認分明淫蕩立歪心；問你有何面目見夫郞，不打賤人難蟹粉。
家寶：（白）阿爹，你唔好打亞媽呀，
愛珠：（白）阿爹，個碗鷄酒係我地俾亞媽補身㗎，
子文：（愕然白）吓，你地俾阿媽嘅，
若蘭：（哭泣）你地害得亞媽慘咯，究竟個碗鷄酒喺邊處得番嚟嘅，快的講俾亞爹知，
家寶：（支吾白）我……我地偸番嚟嘅，
子文：（愕然白）吓，偸番噤，喺邊處偸嘅，
家寶：（驚慮白）嗯……
家棠：（白）阿哥，照直講啦，
家寶：（白）係……阿伯今晚燉鷄酒，叫我地帮佢看火，我地見阿媽身體弱，靜靜倒咗佢的鷄酒，侵番的水落去，偸偸檸俾阿媽飲，個的鷄肉重喺個㷛處呀，
子奇：（喝白）混賬，我幾時有燉過鷄酒呀，你地分亂講，
秀英：（急白）秋香。大少有冇燉過鷄酒呀？
秋香：（支吾白）嗯……我唔知呀
秀英：（喝白）快的躝入去厨房睇吓，
秋香：（白）哦，（匆匆行去）
子文：（對寶白）阿寶，你地有冇講大話，
家寶：（白）冇呀，你晤信問吓細佬地哩，
子文：（白）阿麗，你埋嚟
愛麗：（行前白）阿爹，
子文：（白）阿哥講嘅說話眞定假，你乖乖地講俾亞爹知，
愛麗：（白）眞㗎，係我地幾姊妹夾計偸咗阿伯的鷄酒俾阿媽飲嘅，不過阿伯唔認之嗎，
子奇：（喝白）你重亂講，掌你個嘴至得，
秋香：（百）大少奶，我入去厨房睇過晒叻，並冇燉過鷄酒噃，
秀英：（白）嗱，二叔，佢地顯然係講大話啦，你好聽唔聽佢地講，佢地梗係猪帮猪，狗帮狗帮講住個老母啦嗎
子文：（重一才關目喝白）賤人，你重有乜野說話好講，
若蘭：（大哭）（白）唉，眞係寃枉咯，
秀英：（白）二叔，你打佢都冇乜用嘅叻，家醜不出外傳，呢種咁嘅無恥賤人，令日勾引大伯唔倒，難保第日唔會勾引別人，容許喺處，賺得敗家風，不如趕佢扯把啦，
子奇：（白）冇錯叻，呢的咁嘅老婆，認眞唔駛恨，趕咗佢走好過咯，
子文：（憤然快中版下句）寧堪親諷憤難陳，娶妻不賢誠缺憾，衝冠一怒逐釵裙；（花）你機速走莫多言，從今斬斷情和份。（喝白）你扯，你快的欄屍呀，
家寶：（悲泣白）阿爹，阿婚又冇犯罪，點解你咁忍心趕佢扯丫，
愛珠：（悲咽白）阿爹，你千祈唔好趕阿媽扯丫，
家俊：（大哭白）你趕咗阿媽扯，以後邊個携帶我地呢？
家棠：（哭白）我地冇咗阿媽重加凄凉㗎叻，
愛麗：（哭白）阿爹，唔通你睇住我咁細個，就冇咗老母咩？
秀英：（趨前喝白）你一隻二隻撞邪呀，喺處喊苦喊弗做乜野呀，呢的咁嘅衰老母，死咗都唔駛恨啦，（囘頭對蘭）喂，你重唔扯，係唔係想攞彩呀，
若蘭：（悲痛万分撲前哭呌白）文哥（秋水龍吟）多年夫婦情█深，砍断恩情向心何忍，妾本名宦女，自幼秉承父訓，深知礼規做人立品，慨自嫁後婦道恪守並無異心，怎会失德背夫……君。
子文：（接唱）你不顧恥，自甘作罪人，休怪夫即绝情遽变心。
秀英：（接唱）放蕩作踐死不足，恨休再望恕諒你確实罪滿身。
子奇：（接唱）你缺德貪蛮確可恨，污沾家门罪孽深。
子文：（接唱）最可憤你坏心誘惑人，貪恋風流实难做母親。
若蘭：（接唱）盼即念我含寃毋逐換。
子文：（接唱）你铸成大錯令人实痛心，勢难宥恕望你往別行。
子文：（怒白）你唔駛再講叻，總之我再不能容許你喺處快的扯啦，（拂袖囘房去）
若蘭：（悲係極掩面哭泣同身欲奔出）
五兒：（大哭白）亞媽你唔好走呀……
若蘭：乖仔、乖女，亞媽生來命苦，注定要受此災磨你地唔駛難過，只要你地爭氣做人，將來替亞媽伸寃雪恨，亞媽就算死都死得眼閉咯（嗚咽）
家宜：（悲咽白）亞媽，我地點都唔俾你走。
公堂雪沉寃
若蘭：（對縣官口古）陳知縣，本官路過貴境，見有五小孩哭拜墳前，聲聲叫寃，因此將他帶到公堂，審明一遍。
縣官：（口古）卑職自當一同陪審，問白根源。
若蘭：（白）好極好極，小哥兒，你父姓甚名誰，究竟有甚寃情，快些講白當堂，不准胡言欺騙。
家寶：（口古）大人，我亞爹叫做柳子文，因爲我伯爺柳子奇中毒身死，伯娘指証話我亞爹係兇手，縣官將我亞爹苦打成招判决死罪，求大人雪恨伸寃。
縣官：（口古）大人，呢幾個小童分明造謠生事，想柳子文毒死胞兄一案，卑職也曾詳細審明，犯人亦經認罪簽供，請大人莫信他胡言一片。
若蘭：（口古）貴縣稍安毋躁，小童說話亦未必全無根據，官意欲把犯人提堂復審，免使有寃枉之嫌。
縣官：（白）卑職從命，（喚衙役）人來，提柳子文提堂複審。
衙役：（白）遵命。
若蘭：（白）原吿人及此案有關人等，亦須到堂備詢請貴縣一併傳來。
縣官：（白）從命，衙差過來，快傳柳大娘及當日在塲証人等到堂問話。
衙役：（白）遵命，（匆匆行去）。
若蘭：（白）下跪犯人，把名報上表。
子文：（白）犯人柳子文叩見巡按大人。
若蘭：柳子文，本官代天巡狩，正直無私，你快把毒殺胞兄一案，從實講來，好待本官把案情分辨。
縣官：（口古）柳子文，你早把罪名招認莫妄國反供洗脫，對大人亂語胡言，噃。
若蘭：（白）柳子文，你卽管直講。然則死者是何人所害呢？
子文：（悲咽白）大人再聽，（續唱二段）想我素來自愛居心何善，甚敬重兄，不知到边一個將兄殺慘惹禍延，受苦难避免。（一才版）
子文：（悲咽白）大人，（陰告摊子頭段）心悲酸倉卒間遍慘变，当日被誣告非欺騙，重刑下血淚漣，恨無力作辯言，創傷輾轉，不敢哭訴呼冤，迫於招供免作踐。（一才）（悲白）大人，我係苦打成招嘅，
縣官：（留白）胡説，你既招認在前，緣何反供在後，
若蘭：（白）貴縣，犯人若非有不白冤情，当無悲憤之慈，柳子文，你既說苦打成招，
若蘭：（仄才關口古）陳知縣，柳子文聲聲呼寃，未知你當日審案之時，依照誰個口供判斷。
縣官：（口古）大人，俾職依照苦主柳大娘所吿，犯人陰謀奪產，死者更倒斃於佢身前。（叻叻古衙役帶秀英，二叔公，三伯父，秋香，地保等自外入）
秀英：（跪下白）叩見巡按大人。
若蘭：（仄才關目口古）柳大娘，本官看你口供所陳查此案，力証二叔毒殺胞兄，究竟你有何証見。
秀英：（口古）大人，罪犯早已口供招認，何故人翻查此案，真令我滿腹疑圍。
若蘭：（口古）柳大娘，被吿人當日不過是苦打成招，本官認爲此案大有可疑，所以要重新判斷。
秀英：（口古）大人，柳子文下毒殺兄巳是難移鐵案，莫非大人與罪犯有親情關係，故此偏袒堂前卦。
若蘭：（花下句）受枉實堪憐，招供難再辯，未許徇情將罪免，無從挽救在堦前，堂上虎狼猶氣燄且看他聲聲指責，頓使我啞口無言。若無証據案難推翻，（一才）鐵案已成無可變。
縣官：（微笑口古）大人犯人已招罪判刑既屬非故非親何必至取麻煩，爲他打算呢。
秀英：（微笑口古）係囉大人，柳子文殺我丈夫，下毒湯圓之内、哈哈哈山窮水盡疑無路，柳暗花明又一村。一言驚醒夢中人命案真兇難狡辯。（白）柳子文湯圓一碗你從何得來。
子文：（白）是從街外買來。
若蘭：（白）是誰手買。
千文；（白）是小婢秋香。
若蘭：（白）衙兒們將秋香提堂。
若蘭：（喝白）秋香、湯圓是你買來，爲何有毒在內快些講明白，否則刑法難捱。
秀英：（威脅地白）秋香，呢處乃係公堂，你要小心講話至好呀，
若蘭：（喝白）呸，公堂之上，豈容恐嚇証人，如再多冒定當掌嘴不赦，
子文：（白）秋香，你唔駛慌嘅，湯圓向誰人買來，應該向大人直禀。
二叔公：（趨前白）大人，小人証明與賣者無關，因小人當日亦有份購買，食後平安無事，此點足証犯人欲移屍駕禍啫，
若蘭：（喝白）秋香，湯圓有毒旣與賣者無關，然則你買後有何所見，應從實招來，否則嚴刑拷問
秋香：（戰抖抖白）我照直講叻大人，個日我買咗碗湯圓番嚟，經過大廳見倒二叔公擰住好多銀扯後來大少奶問我手上個碗係乜野，同邊個買嘅我講畀佢聽，佢連隨叫我放低入去攞枝金釵畀佢，我攞金釵番出來嘅時候，見佢背轉身對住碗湯圓唔知做乜野，我叫佢一聲佢重跌咗包嘢落地添，當時佢卽刻呌我唔好講畀人聽，收尾我擰番碗湯圓畀二少，點知就發生呢件命案叻（英驚至面無人色）
若蘭：（對二叔公）（喝白）老頭兒，你往柳家收取銀両是何緣故？
二叔公：（口震震白）嗯，我同柳大娘暫借嘅唧，大人，
若蘭：（喝白）呸，官詞閃爍，定有隱情，衙兒們大刑侍候，
二叔公：（白）我認叻大人，個的銀両係柳大娘托我買毒藥嚟毒佢二叔嘅，重應承事成之後，再畀的我添，點知佢毒錯咗丈夫以後分文都冇得再畀我叻，
秀英：（撲出白）大人，千祈唔好相信，佢地寃枉我㗎，
若蘭：（冷笑自白）哈哈寃枉，（大花下句）你分明蓄意將人害，心如蛇蝎胆包天；傳大令（一才）下重刑（一才）有據有憑難狡辯。
（喝白）打
秀英：（求饒白）我認叻大人，（花下句）有道害人終害己，今日東窗事發尙何言；我原本買毒殺叔佈陰謀，誰料反害夫郞罪不淺。
子文：（白）大嫂，我同你無怨無仇，點解你咁狼心要毒死我呢，
秀英：（悲咽白）二叔，我都知道對你唔住嘞，我嘅目的無非想獨佔家產啫，當日二少奶勾引太伯爺之事完全亦係我夫婦擺佈嘅，你打多幾堂齋超度佢啦二叔。
若蘭：（雙七字清中板下句）殺人填命理當然，毒婦應誅難赦免，糊塗縣令撤職權；老頭兒，人陰險，判死罪，命難延；（花）秋香帮助雪沉寃，正義行爲堪讚羡。
子文：（喜白）謝大人，
若蘭：（白）衙兒們，先將一干犯人等押入監牢收禁，秋後處决退堂，
五兒：（欣然豪子交手白）亞爹，我地番扯咯，
若蘭：（離座趨前白）柳君，今日你能够得雪沉寃，眞是可喜可賀，本官尙有幾句說話想與你一談請入後堂一叙；
子文：（白）好好，蒙大人不棄，自當遵命
大人請，
若蘭：（白）柳君請
動孝思監牢探父
子文：隻影形单，憔悴容顔，受苦淚輕弹，寃案已成空自嘆（挿白）橫禍丟来苦打成招真慘咯，嫂氏实横蛮。有意与我爲难，嚴刑確未捱慣，忿怨满心间、嘆子女無依常掛盼困█監裡真覺愁煩……
家寶：（白）大叔，我地想入去探亞爹，
獄卒甲：（白）探亞爹，邊個係你亞爹，
愛珠：（白）柳子文係我亞爹，
獄卒乙：（白）抑子文經巳被判死刑，不准探問，你地快的走，
家棠：（白）我地係佢仔女嚟噃，點解仔女探老豆都唔得？
獄卒甲：（白）唔得就唔得啦，你地細佬哥識乜野丫，快的番扯啦，
家棠：（悻悻然白）探監都話唔得，眞係冇理由叻，
愛麗：（忽有所覺急對寶白）亞哥，你睇吓，呢幅牆入便就係監房嚟叻，佢唔俾我地入去探監，我地靜静由呢處入去唔係得囉，
家棠：（白）係噃，亞麗講得啱叻，我地喺呢處爬入去就可以見倒亞爹啦，
家寶：（白）係啫，呢幅牆咁高，我地點爬得上去呀
愛珠：（白）唔怕，有辦法叻，亞麗最細粒，我地幾個騎駁馬，駁高亞麗上牆頭，等佢一個人爬入擰的飯菜俾亞爹食，咁唔係得囉，
家俊：（白）係呀，等亞麗一個人爬入去，我地係呢處睇水就冇人知啦，
家寶：（一想白）得就得，不過最怕俾個两個監躉睇倒我地騎駁馬爬入去，個陣就論盡叻，
愛珠：（白）我地等到天黑至爬入去，咁就無人見啦馬。
家寶：（點頭白）好，咁我地四圍行吓先等到天黑先至再嚟過啦，
家寶：（細聲白）亞麗揸住個缽頭爬入去唔方便，不如用件衫包住的飯菜等佢孭係身咁重妥當啦，
家棠：（白）好呀、好呀，等我除咗件衫嚟包啦，（即將將衫除下）
家寶：（白）嗱，而家騎駁叻，你地小心攀實的膝至好，
愛麗：（細聲叫白）亞爹亞爹，
子文：（聞喚驚覺向柵外望，見愛麗巳伏在柵前又驚又喜急行前細聲白）亞麗，點解你噲入得嚟㗎？
愛麗：（細聲白）我由牆頭爬入嚟㗎，
子文：（白）乜你咁大胆呀，亞哥佢地呢？
愛麗：（白）佢地係外便等我呀，（由身上解開包袱取出飯菜交子文）亞爹，我帶咗的飯菜嚟俾你食呀，
子文：（見狀感動白）你地眞係孝順叻，亞爹收監之後，伯娘對你好唔好呀。
愛麗：（白）重好講你坐咗監之後伯娘唔俾我地番屋企，趕咗我地出街，而家我地幾姊妹喺街邊乞食咋，
子文：（聞言凄然白）唉，咁眞係難爲你地咯，而家你地幾姊妹係邊度住呀，
愛麗：（白）我地日頭就去乞食，夜晚就係街邊瞓囉
子文：（白）咁樣唔係辦法噃，（一想）你地不如走去搵老師，將情形講俾佢知，相信老師一定會收留你地嘅，
愛麗：（白）哦，咁我一陣話俾亞哥知啦，亞爹你食咗的飯先啦，呢的飯係我地幾兄妹乞番嚟俾你食㗎，
子文：（凄然流涙白）亞爹係度有飯食，你地擰返去食啦。
五兒哭墳遇慈母
家宝：（悲秋）真心酸，永思念，傷心哭母恨抱寃。
愛珠：（接唱）葬身夜裏歸西天，念我媽媽涕淚漣。
家俊：（接唱）凄涼喚母不復見。
家棠：（接唱）孩兒命苦痛哭拜墓前。
愛麗：（接唱）飄零实似燕，示瘦親恩抱恨綿。
家寶：（乙反木魚）媽你死後不知兒女賤。流離失所瞓街邊。
愛珠：（接唱）伯娘手段眞陰險，閉門不納有誰憐。
家俊：（接唱）佢更陷害嚴親施暗箭。
家樂：（接唱）累阿爹監牢遭禁受煎熬。
愛麗：佢惡毒心腸眞少見，害我地街頭乞食苦難言。
家寶：（乙反二王）叫句媽罷媽，（揮序白）保佑我地啦媽！
愛珠：（接唱）你在陰曹，（挿序白）你要有靈有聖至好阿媽，
家俊：（接唱）媽你抱怨含悲知否家庭慘變。
家棠：（接唱）父含寃，恨煞奸人播弄，致令慘受株連。
愛麗：（接唱）今日哭拜墳前，欲救嚴親，脫險。
家寶：（接唱）若果沉寃不雪，恐怕父命，難延。
愛珠：（接唱）望你保佑孩兒，得遇清官，来召見。
五兒：（同乙反哭相思）哪呀……媽媽呀！
家寶：（乙反花下句）哭到力竭聲嘶腸寸斷，（乙）
愛珠：（接唱）哭到涙枯成血倍凄酸；（尺）
家寶：（接唱）媽你陰魂不減鑒衷情，（合）
愛珠：（接唱）助我地雪恨伸寃恩不淺。）上）
家寶：（見狀急對衆弟妹白）嗱，巡按大人嚟緊叻，等佢經過呢處，我地就一齊大聲喊叻，
四兒：（同白）哦哦哦
若蘭：（白）旗牌過來，
若蘭：（白）快把墳前小孩帶來問話，
旗牌：〈白）遵命，（行出）
旗牌：（對五兒白）細路，我地大人有命，傳你地去問話，你地快的跟住我嚟，
旗牌：（白）啓禀大人，幾個小孩經已帶到，
五兒：（同叩頭白）拜見大人，
若蘭：（急白）免禮免禮小哥兒，方才你地在墳前痛哭大叫冤枉，究竟是何原故呢？
家寶：（白）啓禀大人，我阿媽被伯娘架害，投河自盡，我阿爹被伯娘誣吿毒死胞兄，經已苦打成招，問成死罪，求大人伸寃呀，
若蘭：（大仄才關目心內明白微笑白）哦，原來有此寃情，本官一定替你地伸雪，人來，把呢幾個小孩帶往衙門，待本官詳細審問，
旗牌：（白）遵命，
若蘭：（白）打道衙門。
「五兒哭墳」本事
洛陽大戶柳承蔭生有二子，長名子元性好賭，無所事事，娶岳氏女秀英爲妻，結婚多年，無所出，性刁潑而工心計。次子名子文，性純孝，娶姚氏女若蘭爲妻，生下兒女五人，性格均異，長子家寶，爲人怕事，二女艷珠，不苟言笑，三子家棠，好抱不平，四子家俊善哭，五女艶麗心思多計，若蘭管敎兒女從不姑息，且待翁姑至孝，時得翁姑稱許，因此而招秀英炉。及翁逝世，子元美婦更無忌憚，對翁遺產，虎視不已。
寶兄弟五人在後園相戲，無意與英相撞，英怒將三子摑打，文元夫婦聞兒哭向問底細之際，而英巳大罵文夫婦管教無方，柳母聞英謾駡，亦出詢問，母以過份蠻横，薄責之，英乘機將翁遺産均分，柳母斥其妄，謂若分產，則應爲九份。英夫婦只佔其二，英當反對之。並着元設法謀得柳家全部財產。
柳母多病，終無救藥，彌留之際，仍囑將財產均分九份，英不甘，着元請鄕紳評論，有二叔者，早被英收買，指元爲長子，當以長兄當父，財產應由兄支配，文無意與兄爭，任之。元並着文赴城料理生意，文無奈，別妻而去。元以文去後，加對秀蘭母子，分勞家務，同操賤役，而元夫婦更肆意么喝，打罵，蘭只好揮淚將五兒女敎導。
英爲謀全部財產計，遂與元商，設計使文在事發前返家。某日，寶等在厨房爲元調弄燉品，爲棠所悉，遂與麗設計將燉品偷轉奉母，蘭被兒訛言瞞過，卽將補品服食，不久醉倒睡去，而寶等亦分別工作，英即與元將蘭扶進己房，時文適返家，元卽依計將蘭大罵，文聞聲入元房內，英則詐問原因，元則誣蘭酒後戲叔，蘭當力加否認，文以蘭無故入兄房，顯見有私，不禁對蘭起疑，在元夫婦慫恿下，將蘭驅逐，蘭解釋無從，卽小兒女亦恐因偷燉品而恐遭責難，不敢承認，文更信不疑，蘭知無機可較，遂忍痛捨各子女，頓起死念，飛奔而出向江濱投下，隨波機流而去，寶等兄妹在後窮追已不及，不禁失聲痛哭，在江前見母遺有手帕，遂在江前挖土將母遺巾葬下，以憑吊终，而文睹此情形，不禁黯然，與兒女默然返家。
英以蘭被計迫害，心仍未甘，又再以重金收買二叔購毒藥陷文，會文囑侍婢春花往購湯丸以博兒女歡，爲英所悉，借故使春花入內，暗將毒藥傾下湯丸，時春花復出，見英行動有異，卽伏暗處窺看，英作賊賊心虛，恐事洩，向春花恐嚇，不料元賭敗歸，見有湯丸，卽獨自進食，死焉，英心雖悲痛，仍力指文毒殺胞兄，被拘審訊。
公審之日，文力否認有毒殺胞兄之罪，但縣官糊塗，信英一信之詞，判文死罪候斬。寶兄弟啼哭返家，爲英所逐，遂在街頭乞食，過着凄凉歲月。一日，兄弟五人往探監，而被獄卒驅逐，五人設計使麗爬入，見父，並將乞德殘餚奉父，文以兒女受苦如斯，痛恨嫂氏不仁，到此方知愛妾之死，乃因一時受英所愚蒙，並以五兒女沿街乞食，終非上策。命麗吿兄，往求儒師收留，麗出，卽將父囑轉吿各弟往求師王守勤救助。守勤知柳家大變，欲為寶等兄弟伸寃，謂日內將有新科狀元八府巡按到此，命寶等兄弟往攔輿吿狀，並敎各兄弟口供。
當日蘭投江自盡，適八王爺救災放糧，發現蘭隨波逐流，卽救起之，蘭遂乘機吿狀，將被寃捱苦經過吿王八爺，八爺憐其遇，卽收蘭爲義女，帶返京中，時値開科取士，蘭喬裝赴試，果獨占鳖頭，拜八府巡按之職，代天巡狩，蘭禀命義父，先返原籍把沉寃昭雪，拯救兒女於危。
横來風雨含涙別嬌兒
子文：若蘭，若蘭。
子文：（白）大哥，若蘭去咗邊處，你知唔知呀？
子奇：（故意作狀白）唏，唔好講叻細佬，我正話瞓得好好地地，二嫂忽然走入嚟我房……
子文：（愕然白）吓，若蘭走入你房，（執奇手）哥，佢究竟走入你房做乜嘢呀？你唔怕講……
子奇：（白）佢……就發狂咁攬實我，又話乜，又話物，唏，眞係羞家咯，
子文：（口古）賤人，估唔到你有此敗德行爲，眞是令人可恨，
若蘭：（白）文哥，我自問並無失德，何以你今夜歸來，竟出言辱罵，眞令我不解原因。
子奇：（冷笑口古）二嫂，你重駛乜詐諦丫，好在我呢個大伯爺係柳下惠再生，斷唔會被你色情所困。
若蘭：（一才關目滯然白）大伯爺，乜你咁講丫，我幾時向你施誘惑，你切莫含血噴人。
子文：（怒白）賤人，眞眞火滾（双）你午夜過房，勾引伯爺，寧不痛心。
若蘭：（沉花下句）唉吔？橫來風雨碎花魂。
子文：（怒白）呸，（大花上句）豈容賤婦亂倫常，怒火焚燒難再忍。
秀英：（口古）二叔，做乜你深夜返家，怒打二少奶，究竟是何底蘊。
子文：（口古）啍，賤人不守婦道，難怪我煑鶴焚琴。
子奇：（口古）亞英，你唔知叻，二嫂不甘寂寞，寅夜走入我房，向我求歡挑引。
秀英：（口古）唉吔，估晤倒你賤格得咁交關，吼我番咗外家，竟然勾引大伯，你都可謂淫賤婦人
若蘭：（大哭口古）大少奶你千祈唔好誤會，我點會有此禽獸行爲，請你査白査明，莫將好人責問
子奇：（口古）二嫂，做得出又怕乜認丫，若果你唔係向我引誘，點解半夜三更走入我房，到底是何居心。
子文：（先鋒鈸執蘭快慢板下句）你太不端，違婦道，無恥，貪淫；不賢妻，難恕諒，應施，敎訓
秀英：（接唱快慢板下句）你誘奴夫，眞放蕩，欲辯不能；敗家風，須懲罰，難逃厄運。
若蘭：（接唱快慢板下句）嘆今宵，遭劫禍，有苦難陳；望夫郎，容伸辯，休懷，怒憤。
秀英：（冷笑白）哼，你唔駛狡辯叻，唔通我個老公生安白造寃枉你咩，
子文：（白）大嫂，你唔駛咁嬲，卽管准佢講，睇吓佢憑乜野理由嚟解釋，（對蘭）賤人，你講啦你爲乜野事半夜三更走入大伯爺個房，你講，
若蘭：（悲咽地乙反木魚）可嘆一碗鶏湯㦬刧運。害得我昏迷不醒醉醺醺；午夜夢迴羞莫禁。方知蘭房變換倍驚魂。
秀英：（喝白）鬼信你咩，今日又有人燉過鶏食，你點會有鶏湯飮呢？顯然係砌詞掩飾啦，
子文：（白）賤人，你話飮過鶏湯之後，便大醉沉沉咁你個碗鶏湯從何得來呢？
若蘭：（白）係隔籬二嬸送伸我飲嘅，
子奇：（白）係咁就最好叻，事不離實，卽刻駛人叫二嬸嚟一問便知啦，
子文：（白）好，秋香，秋香，
秋香：（白）二少，乜野事呀？
子文：（白）你卽刻走過隔籠，叫二嬸嚟你話我地有緊要事搵佢，
秋香：（白）哦哦哦（領命去）
秀英：（白）二叔，就算呢碗鶏湯眞係二嬸比佢嘅，至多食完大覺瞓啫，又點會摸入大伯個房呢？淨係呢點已經値得可疑啦，
子奇：（白）冇錯叻，若果唔係佢自己走入嚟我房，唔通俾老鼠拖入嚟咩？
若蘭：（悲憤白）大伯爺，我與你無怨無仇，點解要咁樣陷害我呢？
秀英：（白）哼，你勾引我丈夫不成，重反爲話我丈夫害你？（對文）二叔，你聽吓啦，好彩你今晩番嚟，親眼睇見啫，唔係就話我地寃禮佢咯
二嬸：（趨前白）大少，咁夜搵我有乜野事呀，
子文：（白）二嬸，我問聲你，今晚你係唔係送咗一碗鶏酒俾二嫂飮呢？
二嬸：（愕然白）吓鶏酒？我呢排都冇燉過鶏酒飮，點會有件咁事呢？
若蘭：（急撲前白）二嬸乜你咁講呀？你明明今晚叫阿寶擰碗鷄酒嚟俾我飲呢？
秀英：（冷笑白）啍，二叔，咁就証實佢講大話啦，
子文：（大怒先鋒鈸執蘭大花下句）無據無憑難否認分明淫蕩立歪心；問你有何面目見夫郞，不打賤人難蟹粉。
家寶：（白）阿爹，你唔好打亞媽呀，
愛珠：（白）阿爹，個碗鷄酒係我地俾亞媽補身㗎，
子文：（愕然白）吓，你地俾阿媽嘅，
若蘭：（哭泣）你地害得亞媽慘咯，究竟個碗鷄酒喺邊處得番嚟嘅，快的講俾亞爹知，
家寶：（支吾白）我……我地偸番嚟嘅，
子文：（愕然白）吓，偸番噤，喺邊處偸嘅，
家寶：（驚慮白）嗯……
家棠：（白）阿哥，照直講啦，
家寶：（白）係……阿伯今晚燉鷄酒，叫我地帮佢看火，我地見阿媽身體弱，靜靜倒咗佢的鷄酒，侵番的水落去，偸偸檸俾阿媽飲，個的鷄肉重喺個㷛處呀，
子奇：（喝白）混賬，我幾時有燉過鷄酒呀，你地分亂講，
秀英：（急白）秋香。大少有冇燉過鷄酒呀？
秋香：（支吾白）嗯……我唔知呀
秀英：（喝白）快的躝入去厨房睇吓，
秋香：（白）哦，（匆匆行去）
子文：（對寶白）阿寶，你地有冇講大話，
家寶：（白）冇呀，你晤信問吓細佬地哩，
子文：（白）阿麗，你埋嚟
愛麗：（行前白）阿爹，
子文：（白）阿哥講嘅說話眞定假，你乖乖地講俾亞爹知，
愛麗：（白）眞㗎，係我地幾姊妹夾計偸咗阿伯的鷄酒俾阿媽飲嘅，不過阿伯唔認之嗎，
子奇：（喝白）你重亂講，掌你個嘴至得，
秋香：（百）大少奶，我入去厨房睇過晒叻，並冇燉過鷄酒噃，
秀英：（白）嗱，二叔，佢地顯然係講大話啦，你好聽唔聽佢地講，佢地梗係猪帮猪，狗帮狗帮講住個老母啦嗎
子文：（重一才關目喝白）賤人，你重有乜野說話好講，
若蘭：（大哭）（白）唉，眞係寃枉咯，
秀英：（白）二叔，你打佢都冇乜用嘅叻，家醜不出外傳，呢種咁嘅無恥賤人，令日勾引大伯唔倒，難保第日唔會勾引別人，容許喺處，賺得敗家風，不如趕佢扯把啦，
子奇：（白）冇錯叻，呢的咁嘅老婆，認眞唔駛恨，趕咗佢走好過咯，
子文：（憤然快中版下句）寧堪親諷憤難陳，娶妻不賢誠缺憾，衝冠一怒逐釵裙；（花）你機速走莫多言，從今斬斷情和份。（喝白）你扯，你快的欄屍呀，
家寶：（悲泣白）阿爹，阿婚又冇犯罪，點解你咁忍心趕佢扯丫，
愛珠：（悲咽白）阿爹，你千祈唔好趕阿媽扯丫，
家俊：（大哭白）你趕咗阿媽扯，以後邊個携帶我地呢？
家棠：（哭白）我地冇咗阿媽重加凄凉㗎叻，
愛麗：（哭白）阿爹，唔通你睇住我咁細個，就冇咗老母咩？
秀英：（趨前喝白）你一隻二隻撞邪呀，喺處喊苦喊弗做乜野呀，呢的咁嘅衰老母，死咗都唔駛恨啦，（囘頭對蘭）喂，你重唔扯，係唔係想攞彩呀，
若蘭：（悲痛万分撲前哭呌白）文哥（秋水龍吟）多年夫婦情█深，砍断恩情向心何忍，妾本名宦女，自幼秉承父訓，深知礼規做人立品，慨自嫁後婦道恪守並無異心，怎会失德背夫……君。
子文：（接唱）你不顧恥，自甘作罪人，休怪夫即绝情遽变心。
秀英：（接唱）放蕩作踐死不足，恨休再望恕諒你確实罪滿身。
子奇：（接唱）你缺德貪蛮確可恨，污沾家门罪孽深。
子文：（接唱）最可憤你坏心誘惑人，貪恋風流实难做母親。
若蘭：（接唱）盼即念我含寃毋逐換。
子文：（接唱）你铸成大錯令人实痛心，勢难宥恕望你往別行。
子文：（怒白）你唔駛再講叻，總之我再不能容許你喺處快的扯啦，（拂袖囘房去）
若蘭：（悲係極掩面哭泣同身欲奔出）
五兒：（大哭白）亞媽你唔好走呀……
若蘭：乖仔、乖女，亞媽生來命苦，注定要受此災磨你地唔駛難過，只要你地爭氣做人，將來替亞媽伸寃雪恨，亞媽就算死都死得眼閉咯（嗚咽）
家宜：（悲咽白）亞媽，我地點都唔俾你走。
公堂雪沉寃
若蘭：（對縣官口古）陳知縣，本官路過貴境，見有五小孩哭拜墳前，聲聲叫寃，因此將他帶到公堂，審明一遍。
縣官：（口古）卑職自當一同陪審，問白根源。
若蘭：（白）好極好極，小哥兒，你父姓甚名誰，究竟有甚寃情，快些講白當堂，不准胡言欺騙。
家寶：（口古）大人，我亞爹叫做柳子文，因爲我伯爺柳子奇中毒身死，伯娘指証話我亞爹係兇手，縣官將我亞爹苦打成招判决死罪，求大人雪恨伸寃。
縣官：（口古）大人，呢幾個小童分明造謠生事，想柳子文毒死胞兄一案，卑職也曾詳細審明，犯人亦經認罪簽供，請大人莫信他胡言一片。
若蘭：（口古）貴縣稍安毋躁，小童說話亦未必全無根據，官意欲把犯人提堂復審，免使有寃枉之嫌。
縣官：（白）卑職從命，（喚衙役）人來，提柳子文提堂複審。
衙役：（白）遵命。
若蘭：（白）原吿人及此案有關人等，亦須到堂備詢請貴縣一併傳來。
縣官：（白）從命，衙差過來，快傳柳大娘及當日在塲証人等到堂問話。
衙役：（白）遵命，（匆匆行去）。
若蘭：（白）下跪犯人，把名報上表。
子文：（白）犯人柳子文叩見巡按大人。
若蘭：柳子文，本官代天巡狩，正直無私，你快把毒殺胞兄一案，從實講來，好待本官把案情分辨。
縣官：（口古）柳子文，你早把罪名招認莫妄國反供洗脫，對大人亂語胡言，噃。
若蘭：（白）柳子文，你卽管直講。然則死者是何人所害呢？
子文：（悲咽白）大人再聽，（續唱二段）想我素來自愛居心何善，甚敬重兄，不知到边一個將兄殺慘惹禍延，受苦难避免。（一才版）
子文：（悲咽白）大人，（陰告摊子頭段）心悲酸倉卒間遍慘变，当日被誣告非欺騙，重刑下血淚漣，恨無力作辯言，創傷輾轉，不敢哭訴呼冤，迫於招供免作踐。（一才）（悲白）大人，我係苦打成招嘅，
縣官：（留白）胡説，你既招認在前，緣何反供在後，
若蘭：（白）貴縣，犯人若非有不白冤情，当無悲憤之慈，柳子文，你既說苦打成招，
若蘭：（仄才關口古）陳知縣，柳子文聲聲呼寃，未知你當日審案之時，依照誰個口供判斷。
縣官：（口古）大人，俾職依照苦主柳大娘所吿，犯人陰謀奪產，死者更倒斃於佢身前。（叻叻古衙役帶秀英，二叔公，三伯父，秋香，地保等自外入）
秀英：（跪下白）叩見巡按大人。
若蘭：（仄才關目口古）柳大娘，本官看你口供所陳查此案，力証二叔毒殺胞兄，究竟你有何証見。
秀英：（口古）大人，罪犯早已口供招認，何故人翻查此案，真令我滿腹疑圍。
若蘭：（口古）柳大娘，被吿人當日不過是苦打成招，本官認爲此案大有可疑，所以要重新判斷。
秀英：（口古）大人，柳子文下毒殺兄巳是難移鐵案，莫非大人與罪犯有親情關係，故此偏袒堂前卦。
若蘭：（花下句）受枉實堪憐，招供難再辯，未許徇情將罪免，無從挽救在堦前，堂上虎狼猶氣燄且看他聲聲指責，頓使我啞口無言。若無証據案難推翻，（一才）鐵案已成無可變。
縣官：（微笑口古）大人犯人已招罪判刑既屬非故非親何必至取麻煩，爲他打算呢。
秀英：（微笑口古）係囉大人，柳子文殺我丈夫，下毒湯圓之内、哈哈哈山窮水盡疑無路，柳暗花明又一村。一言驚醒夢中人命案真兇難狡辯。（白）柳子文湯圓一碗你從何得來。
子文：（白）是從街外買來。
若蘭：（白）是誰手買。
千文；（白）是小婢秋香。
若蘭：（白）衙兒們將秋香提堂。
若蘭：（喝白）秋香、湯圓是你買來，爲何有毒在內快些講明白，否則刑法難捱。
秀英：（威脅地白）秋香，呢處乃係公堂，你要小心講話至好呀，
若蘭：（喝白）呸，公堂之上，豈容恐嚇証人，如再多冒定當掌嘴不赦，
子文：（白）秋香，你唔駛慌嘅，湯圓向誰人買來，應該向大人直禀。
二叔公：（趨前白）大人，小人証明與賣者無關，因小人當日亦有份購買，食後平安無事，此點足証犯人欲移屍駕禍啫，
若蘭：（喝白）秋香，湯圓有毒旣與賣者無關，然則你買後有何所見，應從實招來，否則嚴刑拷問
秋香：（戰抖抖白）我照直講叻大人，個日我買咗碗湯圓番嚟，經過大廳見倒二叔公擰住好多銀扯後來大少奶問我手上個碗係乜野，同邊個買嘅我講畀佢聽，佢連隨叫我放低入去攞枝金釵畀佢，我攞金釵番出來嘅時候，見佢背轉身對住碗湯圓唔知做乜野，我叫佢一聲佢重跌咗包嘢落地添，當時佢卽刻呌我唔好講畀人聽，收尾我擰番碗湯圓畀二少，點知就發生呢件命案叻（英驚至面無人色）
若蘭：（對二叔公）（喝白）老頭兒，你往柳家收取銀両是何緣故？
二叔公：（口震震白）嗯，我同柳大娘暫借嘅唧，大人，
若蘭：（喝白）呸，官詞閃爍，定有隱情，衙兒們大刑侍候，
二叔公：（白）我認叻大人，個的銀両係柳大娘托我買毒藥嚟毒佢二叔嘅，重應承事成之後，再畀的我添，點知佢毒錯咗丈夫以後分文都冇得再畀我叻，
秀英：（撲出白）大人，千祈唔好相信，佢地寃枉我㗎，
若蘭：（冷笑自白）哈哈寃枉，（大花下句）你分明蓄意將人害，心如蛇蝎胆包天；傳大令（一才）下重刑（一才）有據有憑難狡辯。
（喝白）打
秀英：（求饒白）我認叻大人，（花下句）有道害人終害己，今日東窗事發尙何言；我原本買毒殺叔佈陰謀，誰料反害夫郞罪不淺。
子文：（白）大嫂，我同你無怨無仇，點解你咁狼心要毒死我呢，
秀英：（悲咽白）二叔，我都知道對你唔住嘞，我嘅目的無非想獨佔家產啫，當日二少奶勾引太伯爺之事完全亦係我夫婦擺佈嘅，你打多幾堂齋超度佢啦二叔。
若蘭：（雙七字清中板下句）殺人填命理當然，毒婦應誅難赦免，糊塗縣令撤職權；老頭兒，人陰險，判死罪，命難延；（花）秋香帮助雪沉寃，正義行爲堪讚羡。
子文：（喜白）謝大人，
若蘭：（白）衙兒們，先將一干犯人等押入監牢收禁，秋後處决退堂，
五兒：（欣然豪子交手白）亞爹，我地番扯咯，
若蘭：（離座趨前白）柳君，今日你能够得雪沉寃，眞是可喜可賀，本官尙有幾句說話想與你一談請入後堂一叙；
子文：（白）好好，蒙大人不棄，自當遵命
大人請，
若蘭：（白）柳君請
動孝思監牢探父
子文：隻影形单，憔悴容顔，受苦淚輕弹，寃案已成空自嘆（挿白）橫禍丟来苦打成招真慘咯，嫂氏实横蛮。有意与我爲难，嚴刑確未捱慣，忿怨满心间、嘆子女無依常掛盼困█監裡真覺愁煩……
家寶：（白）大叔，我地想入去探亞爹，
獄卒甲：（白）探亞爹，邊個係你亞爹，
愛珠：（白）柳子文係我亞爹，
獄卒乙：（白）抑子文經巳被判死刑，不准探問，你地快的走，
家棠：（白）我地係佢仔女嚟噃，點解仔女探老豆都唔得？
獄卒甲：（白）唔得就唔得啦，你地細佬哥識乜野丫，快的番扯啦，
家棠：（悻悻然白）探監都話唔得，眞係冇理由叻，
愛麗：（忽有所覺急對寶白）亞哥，你睇吓，呢幅牆入便就係監房嚟叻，佢唔俾我地入去探監，我地靜静由呢處入去唔係得囉，
家棠：（白）係噃，亞麗講得啱叻，我地喺呢處爬入去就可以見倒亞爹啦，
家寶：（白）係啫，呢幅牆咁高，我地點爬得上去呀
愛珠：（白）唔怕，有辦法叻，亞麗最細粒，我地幾個騎駁馬，駁高亞麗上牆頭，等佢一個人爬入擰的飯菜俾亞爹食，咁唔係得囉，
家俊：（白）係呀，等亞麗一個人爬入去，我地係呢處睇水就冇人知啦，
家寶：（一想白）得就得，不過最怕俾個两個監躉睇倒我地騎駁馬爬入去，個陣就論盡叻，
愛珠：（白）我地等到天黑至爬入去，咁就無人見啦馬。
家寶：（點頭白）好，咁我地四圍行吓先等到天黑先至再嚟過啦，
家寶：（細聲白）亞麗揸住個缽頭爬入去唔方便，不如用件衫包住的飯菜等佢孭係身咁重妥當啦，
家棠：（白）好呀、好呀，等我除咗件衫嚟包啦，（即將將衫除下）
家寶：（白）嗱，而家騎駁叻，你地小心攀實的膝至好，
愛麗：（細聲叫白）亞爹亞爹，
子文：（聞喚驚覺向柵外望，見愛麗巳伏在柵前又驚又喜急行前細聲白）亞麗，點解你噲入得嚟㗎？
愛麗：（細聲白）我由牆頭爬入嚟㗎，
子文：（白）乜你咁大胆呀，亞哥佢地呢？
愛麗：（白）佢地係外便等我呀，（由身上解開包袱取出飯菜交子文）亞爹，我帶咗的飯菜嚟俾你食呀，
子文：（見狀感動白）你地眞係孝順叻，亞爹收監之後，伯娘對你好唔好呀。
愛麗：（白）重好講你坐咗監之後伯娘唔俾我地番屋企，趕咗我地出街，而家我地幾姊妹喺街邊乞食咋，
子文：（聞言凄然白）唉，咁眞係難爲你地咯，而家你地幾姊妹係邊度住呀，
愛麗：（白）我地日頭就去乞食，夜晚就係街邊瞓囉
子文：（白）咁樣唔係辦法噃，（一想）你地不如走去搵老師，將情形講俾佢知，相信老師一定會收留你地嘅，
愛麗：（白）哦，咁我一陣話俾亞哥知啦，亞爹你食咗的飯先啦，呢的飯係我地幾兄妹乞番嚟俾你食㗎，
子文：（凄然流涙白）亞爹係度有飯食，你地擰返去食啦。
五兒哭墳遇慈母
家宝：（悲秋）真心酸，永思念，傷心哭母恨抱寃。
愛珠：（接唱）葬身夜裏歸西天，念我媽媽涕淚漣。
家俊：（接唱）凄涼喚母不復見。
家棠：（接唱）孩兒命苦痛哭拜墓前。
愛麗：（接唱）飄零实似燕，示瘦親恩抱恨綿。
家寶：（乙反木魚）媽你死後不知兒女賤。流離失所瞓街邊。
愛珠：（接唱）伯娘手段眞陰險，閉門不納有誰憐。
家俊：（接唱）佢更陷害嚴親施暗箭。
家樂：（接唱）累阿爹監牢遭禁受煎熬。
愛麗：佢惡毒心腸眞少見，害我地街頭乞食苦難言。
家寶：（乙反二王）叫句媽罷媽，（揮序白）保佑我地啦媽！
愛珠：（接唱）你在陰曹，（挿序白）你要有靈有聖至好阿媽，
家俊：（接唱）媽你抱怨含悲知否家庭慘變。
家棠：（接唱）父含寃，恨煞奸人播弄，致令慘受株連。
愛麗：（接唱）今日哭拜墳前，欲救嚴親，脫險。
家寶：（接唱）若果沉寃不雪，恐怕父命，難延。
愛珠：（接唱）望你保佑孩兒，得遇清官，来召見。
五兒：（同乙反哭相思）哪呀……媽媽呀！
家寶：（乙反花下句）哭到力竭聲嘶腸寸斷，（乙）
愛珠：（接唱）哭到涙枯成血倍凄酸；（尺）
家寶：（接唱）媽你陰魂不減鑒衷情，（合）
愛珠：（接唱）助我地雪恨伸寃恩不淺。）上）
家寶：（見狀急對衆弟妹白）嗱，巡按大人嚟緊叻，等佢經過呢處，我地就一齊大聲喊叻，
四兒：（同白）哦哦哦
若蘭：（白）旗牌過來，
若蘭：（白）快把墳前小孩帶來問話，
旗牌：〈白）遵命，（行出）
旗牌：（對五兒白）細路，我地大人有命，傳你地去問話，你地快的跟住我嚟，
旗牌：（白）啓禀大人，幾個小孩經已帶到，
五兒：（同叩頭白）拜見大人，
若蘭：（急白）免禮免禮小哥兒，方才你地在墳前痛哭大叫冤枉，究竟是何原故呢？
家寶：（白）啓禀大人，我阿媽被伯娘架害，投河自盡，我阿爹被伯娘誣吿毒死胞兄，經已苦打成招，問成死罪，求大人伸寃呀，
若蘭：（大仄才關目心內明白微笑白）哦，原來有此寃情，本官一定替你地伸雪，人來，把呢幾個小孩帶往衙門，待本官詳細審問，
旗牌：（白）遵命，
若蘭：（白）打道衙門。
「五兒哭墳」本事
洛陽大戶柳承蔭生有二子，長名子元性好賭，無所事事，娶岳氏女秀英爲妻，結婚多年，無所出，性刁潑而工心計。次子名子文，性純孝，娶姚氏女若蘭爲妻，生下兒女五人，性格均異，長子家寶，爲人怕事，二女艷珠，不苟言笑，三子家棠，好抱不平，四子家俊善哭，五女艶麗心思多計，若蘭管敎兒女從不姑息，且待翁姑至孝，時得翁姑稱許，因此而招秀英炉。及翁逝世，子元美婦更無忌憚，對翁遺產，虎視不已。
寶兄弟五人在後園相戲，無意與英相撞，英怒將三子摑打，文元夫婦聞兒哭向問底細之際，而英巳大罵文夫婦管教無方，柳母聞英謾駡，亦出詢問，母以過份蠻横，薄責之，英乘機將翁遺産均分，柳母斥其妄，謂若分產，則應爲九份。英夫婦只佔其二，英當反對之。並着元設法謀得柳家全部財產。
柳母多病，終無救藥，彌留之際，仍囑將財產均分九份，英不甘，着元請鄕紳評論，有二叔者，早被英收買，指元爲長子，當以長兄當父，財產應由兄支配，文無意與兄爭，任之。元並着文赴城料理生意，文無奈，別妻而去。元以文去後，加對秀蘭母子，分勞家務，同操賤役，而元夫婦更肆意么喝，打罵，蘭只好揮淚將五兒女敎導。
英爲謀全部財產計，遂與元商，設計使文在事發前返家。某日，寶等在厨房爲元調弄燉品，爲棠所悉，遂與麗設計將燉品偷轉奉母，蘭被兒訛言瞞過，卽將補品服食，不久醉倒睡去，而寶等亦分別工作，英即與元將蘭扶進己房，時文適返家，元卽依計將蘭大罵，文聞聲入元房內，英則詐問原因，元則誣蘭酒後戲叔，蘭當力加否認，文以蘭無故入兄房，顯見有私，不禁對蘭起疑，在元夫婦慫恿下，將蘭驅逐，蘭解釋無從，卽小兒女亦恐因偷燉品而恐遭責難，不敢承認，文更信不疑，蘭知無機可較，遂忍痛捨各子女，頓起死念，飛奔而出向江濱投下，隨波機流而去，寶等兄妹在後窮追已不及，不禁失聲痛哭，在江前見母遺有手帕，遂在江前挖土將母遺巾葬下，以憑吊终，而文睹此情形，不禁黯然，與兒女默然返家。
英以蘭被計迫害，心仍未甘，又再以重金收買二叔購毒藥陷文，會文囑侍婢春花往購湯丸以博兒女歡，爲英所悉，借故使春花入內，暗將毒藥傾下湯丸，時春花復出，見英行動有異，卽伏暗處窺看，英作賊賊心虛，恐事洩，向春花恐嚇，不料元賭敗歸，見有湯丸，卽獨自進食，死焉，英心雖悲痛，仍力指文毒殺胞兄，被拘審訊。
公審之日，文力否認有毒殺胞兄之罪，但縣官糊塗，信英一信之詞，判文死罪候斬。寶兄弟啼哭返家，爲英所逐，遂在街頭乞食，過着凄凉歲月。一日，兄弟五人往探監，而被獄卒驅逐，五人設計使麗爬入，見父，並將乞德殘餚奉父，文以兒女受苦如斯，痛恨嫂氏不仁，到此方知愛妾之死，乃因一時受英所愚蒙，並以五兒女沿街乞食，終非上策。命麗吿兄，往求儒師收留，麗出，卽將父囑轉吿各弟往求師王守勤救助。守勤知柳家大變，欲為寶等兄弟伸寃，謂日內將有新科狀元八府巡按到此，命寶等兄弟往攔輿吿狀，並敎各兄弟口供。
當日蘭投江自盡，適八王爺救災放糧，發現蘭隨波逐流，卽救起之，蘭遂乘機吿狀，將被寃捱苦經過吿王八爺，八爺憐其遇，卽收蘭爲義女，帶返京中，時値開科取士，蘭喬裝赴試，果獨占鳖頭，拜八府巡按之職，代天巡狩，蘭禀命義父，先返原籍把沉寃昭雪，拯救兒女於危。
搜尋資料庫
