琴•姑本事
浙江餘姚，有富商麥靄亭者，妻田氏，生子女各一，長子祖業，性呆痴而吝嗇，娶妻鄭氏雪娥，貪婪而善變，乃一勢利婦人，祖業恒畏之，次女春琴，美而慧，尤酷愛琴音，人皆以琴姑稱之，無奈天妒紅顏，不幸失明，父母以愛女幽傷，爲取悅愛女計，乃囑拜名琴師蔡伯牙爲師，並飭侍婢月荷隨侍，從此心情復趨正常。
時値兵燹，靄亭爲免意外，乃在店中商得溫佐明護其往返，佐明者，本亦富家子，世代與麥家相好，其父伯楷欲子繼承箕裘，乃托子於靄亭所設之藥店爲學徒，冀其有成。
嗣後佐明恒偕琴姑出入，路人皆謔之，佐明亦處之泰然，後爲祖業與雪娥所見，認爲自辱家聲，急諫於父，父以時勢所趨不納，反飭祖業增資于佐明，祖業聞言氣結，惟碍於父命，祇有陽奉陰違而已。
春琴自得名師指點後，琴藝日趨化境，伯牙深慶繼後有人，老懷歡欣。
佐明以日夕陪伴，故對琴藝漸生與趣，暗蓄資購琴自娛，後爲靄亭所悉，勉其從琴姑學琴，祖業以佐明効其妹之姿態彈奏，誤佐明心懷不軌，乃商於雪娥，設計懲之。
一日，佐明奏琴於廳中，一曲旣終，露亭稱讚不已，而琴姑則謂不然，豈有無師而自通者，佐明乃懇琴姑收爲門下，靄亭夫婦亦以佐明爲可造之材，命女敎之，遂由主僕之關係，進而爲師生之關係，日夕相處，於是感情頓生。
某日，上學之際，琴姑忽聞雀聲，大喜，佐明吿以乃王安之愛鳥白燕所唱，欲購之，王安以琴姑亦有同好，慨然相贈，琴姑謝別王安，行抵蔡家，着佐明往購新雀籠先帶歸家，再來接己，時雪娥正授計祖業飛函伯楷來接佐明歸家之際，見佐明携雀返，迫令將雀放之，佐明懾於其威，卒從之，心殊悵惘，事爲王安所見。雖不值祖業所爲，無可奈何之餘，惟有勸佐明忍之。
伯楷接信後，以子不肖，憤然程兼來見靄亭，會於茶肆，目睹佐明所爲，大感失望，着即隨返紹興，佐明無奈應之，忽瞥見賈少爺携白燕至，乃商與重金購之，轉贈春琴。
佐明以父命難違，乃向琴姑吿別，並贈白燕以留紀念，琴姑聆此訊，頹然病倒。
靄亭夫婦知女心事，恐生不測，乃代懇伯楷收囘成命，是時伯楷亦憐其遇，允之，自行離去。
某日，琴姑與母相談哥嫂對己不睦事，母慰之，並擬代琴姑擇婚，以了心事，琴姑以瞽目爲詞，懇母暫緩，母不忍拂其意從之，偶爲雪娥所聞，益恨琴姑，又恐家財被佔，力慫祖業伺機將琴姑與佐明逐出麥家，以保家財。
雨夜，佐明如常與琴姑習琴，忽然雷電大作，繼而狂風暴雨，琴姑驚倒佐明之懷，佐明慰之，春琴恐個郞着凉，乃留佐明共宿，事爲雪娥所見，急走吿翁姑，田氏心知愛女戀佐明，任之，乃示意露亭制止雪娥，靄亭亦以此事不雅，隨圖處置，以全體面，乃命雪娥守口如瓶，幷囑以後凡事不許過問，雪娥以翁姑袒護琴姑，憤然離去。
時光似箭，春琴腹大便便，雪娥又唆使祖業驅逐春琴，詎琴姑自願脱離家庭，並力指兄嫂不是，投乃姑靜嫻家，以俟瓜熟蒂落，再行打算。
春琴行將分娩之際，佐明返吿蔡老師惡耗，琴姑以不能一賭乃師遺容爲憾，旋胎兒作動，琴姑痛甚暈去，俄而產下一雄，衆大喜，而琴姑不以爲喜，反而爲慮，忽憶伯牙遺言，着建琴台授徒，决犧牲一切，以報伯牙知遇恩深，命月荷送子舆人撫養，月荷去後，衆皆黯然，琴姑以產後血氣虛弱，復遭喪師割子之痛，頹然暈去，佐明與田氏大急，延醫診治，時雪娥以時機已到，潛放鳩毒於藥中，以死琴姑，無何佐明捧藥出與琴姑，惟不愼傾碎於地，雪娥見狀，徒呼荷荷。
「琴姑」大結局
琴姑癒後與佐明遷居琴台，授徒自給，慕名拜門甚衆，內有女徒鄧金蓮者，美而聰明，遂悉心致之，時琴姑恐佐明移情於鄧，頗嫉，後經佐明解釋，事始寢息。
琴與佐明雖名份未定，而實若夫妻，不久，又獲麟兒，時佐明忽接家書，知父病危催歸甚急，乃商於琴，暫返紹興，以侍父疾，琴然其說，促卽登程。
佐明去後，琴姑親自執敎，弟子有保坤，適其表兄楊偉雄到訪，見琴姑美，欲藉學琴，以近琴姑，琴姑知其意，吿以學期將屆，囑下學期再來，並當衆宣佈提前放假，以免其擾。
佐明返，吿父已喪，遵母囑以事業爲重，並云其兄無子，懇琴姑將己了送之以繼香燈。
時靄亭病重，琴與佐明同返麥家視父疾，靄亭自知不起，囑祖業善視其妹，待母恭孝，言畢而逝。
雪娥以喪事完畢，大權在握，决計陷害春琴，假意挽留之，琴知嫂陰險，與佐明急返琴台，雪娥時來探望，偵知偉雄鵠琴甚殷，乃借故近雄，献計以陷琴姑。
偉雄假父壽，大排筵席於園中，借尊師重道之名以誘之，琴姑知偉雅用心不善，但畏其勢，無奈同往，抵楊家，雄支開佐明，欲醉而姦之，幸爲佐明機警，始偕琴脫離虎口。
偉雄以琴姑拂其意，對琴因愛生恨，琴姑突遭不測，更恐佐明變志，不敢以眞面目見佐明，明知意，遂以琴姑所帶金釵自刺雙目，田氏撲救不及，大驚，琴以個郞欲堅愛己之心，致令失明，悔恨莫及，佐明反安然慰之。
翌日，保坤與偉雄率爪牙封鎖琴台，衆畏其威，不敢與抗，琴姑徬徨不已，事爲田氏所聞，向祖業索欵百金以解其困，金蓮亦以偉雄手段卑鄙，决求其父鄧百通出頭，百通曾任京官，但已吿歸田，不値偉雄所爲，惟爲免滋事計，乃命邀來府繼續授課，佐明以目失明，難以步行，金蓮吿以官轎來迎，路上可保安全。
詎佐明乘轎往鄧府途中，路經狀元橋，爲偉雄及爪牙推溺河中，轎伕拯救無從，卒被淹歿，後轎伕等遍尋不獲，疑爲河水冲去。
是時，有參軍因事訪百通，經義奉旨來拿通番賣國之楊參軍，時轎伕亦適來吿被襲經過，經義聞言大怒，喝令拘拿歸案，一倂依法辦理，一面派人往河中尋屍，一面走報琴姑，琴聞訊與母田氏趕至，撫屍痛哭，而官兵亦解偉雄至，就地正法，以慰佐明之魂，時月荷亦抱琴姑所生之長子至，琴以失所歡，了無人生樂趣，囑母將子送還溫家，以存宗嗣，並勉金蓮秉承己志，繼續發揚琴音，言畢撞橋而死，一縷怨魂，遂與佐明幽冥相會，含笑冉冉而逝。
——完——
全部曲詞
第四十一塲
偉雄：（白）我以爲蘇州嘅地方，就話佳麗天下無雙啫，估唔到呢個小地方都有咁靚嘅女人。
保坤：（白）表哥，靚就靚叻，佢晤係咁容易入手嘅噃，你無謂過度開心。
偉雄：（白）笑話，邊個唔識我楊公子呀。
保坤：（白）以表哥嘅身份，又有錢又有面，點都勝過別人嘅。
雪娥：（白）眞係對唔住咯
偉雄：（白）乜你去路咁唔小心㗎。
雪娥：（白）呀，你兩個唔係好似係琴姑嘅學生嚟嘅。
偉雄：（白）你點知呀。
雪娥：（白）我就係琴姑嘅阿嫂，响琴台見過你地咯。
保坤：（白）呵，原來係嫂夫人鼻，對晤住。
雪娥：（白）唔緊要，我對你唔住就眞。（行）
偉雄：（白）嫂夫人，頭先碰親你，認眞對唔住，請你多多原諒。
雪娥：（作狀白）唔緊要。
偉雄：（白）嫂夫人，不如我地去飮杯茶丫。
雪娥：（白）飮茶，多謝咯，我要返去咯。
保坤：（白）嫂夫人咁都唔賞面，我地楊公子重有的事要請敎你㗎。
雪娥：（作狀想白）咁呀，好喇。
偉雄：（作狀白）請，（同行去）
第四十二塲
佐明：（白）金蓮，你睇淸楚點彈法未呀。
金蓮：（白）溫老師，弟子明白叻。
佐明：（三脚櫈）指法要精明，性情應忍耐，苦心來練習，定必可成材，麥老師眼雖盲，藝名驚四海，你眉淸兼目秀，本應琴藝冠琴台。
金蓮：（略羞接唱）老師敎導實嚴明，弟子勤修不敢怠，所以留堂不下課，希望指點我愚呆。（花）此後加倍用功，不負師尊見愛。
佐明：（白）好，你再彈一次俾我聽吓。
春琴：（聞琴聲白）月荷，點解下左課，佐明重未敎完咩。
月荷：（白）重有一個學生重係度學緊。
春琴：（白）係男生定女生呀。
月荷：（白）係女學生鄧金蓮。
春琴：（疑妒白）鄧金蓮、月荷、實在鄧金蓮個樣點㗎。
月荷：（知琴意故意白）佢年紀唔係幾大，好醜樣嘅。
春琴：（白）我平日聽佢把聲好嬌嘅噃。
月荷：（白）小姐，聽聲點可以斷定個人樣醜㗎。
春琴：（盟白）唉，個人盲左眞係累事，乜都睇唔倒，月荷，搬的飯入嚟食，順便叫佐明食飯啦。
月荷：（白）知到，（行去開飯）
金蓮：（白）溫老師，多謝你敎導，明日再見。
佐明：（白）你返去俾心機練習吓啦。
月荷：（白）溫先生，開左飯啦，小姐請你入房。
月荷：（攔住白）你小心呀，頭先小姐聞得你敎金蓮，唔知幾大酸味呀。
佐明：（微笑白）哈，琴姑點解重唔信得我心過。
月荷：（白）無他，你原諒佢睇唔倒嘢，疑心一定大嘅叻。
佐明：（白）我都知到佢太愛我嘅緣故，我唔噲怪佢嘅。
佐明：（白）老師。
春琴：（有妒意白）佐明，（花下句）呢學生已下堂，飯熟已好耐啦，難爲我腹飢爲等待，本應不請要自來，桃李嬌花君莫採，免敎酸風雨，滿琴台。春琴目盲未盲心，難會翻波於酸海。
佐明：（大驚白）老師，佐明不敢，（反線中板下句）桃李滿琴台，冰淸和玉潔，緣何風雨，橫來。情海本無波，心比目還明，未有霾雲，遮蓋。一朶小金蓮，好學而不倦，存心造就，良材。（花）欲將琴藝盡發揚，責任未忘存後代。
月荷：（花下句）樹淨花嬌無風雨，月明星朗霧雲開，佐明不愧爲人師，不倦誨人無改變。
春琴：（疑雲稍釋口古）佐明，你唔好怪我，我一碰到不如意事，性情就噲暴燥嘅叻，我之所以疑雲疑雨，無非對你一點眞愛。
佐明：（口古）老師，以後你唔歡喜嘅事，我唔噲再用，令你多添煩惱太不應該。
春琴：（口古）佐明，實在你好應該去做，用心敎導學生至啱嘅，此事望你勿忘於內心。
佐明：（口古）老師，呢的小事，我唔噲介意嘅，但得你能明白，我有心扶後輩，無意把花栽。
春琴：（口古）佐明，算叻，月荷，你將的學費一部份送去俾蔡師母做家用先，以報答蔡老師恩深如海。
月荷：（接欵口古）好，小姐，我即刻去，因爲夜叻，你地食飯先啦，我不久就回來。
第四十三塲
月荷：媽，你抱住，我返去先，唔係一陣琴姑又搵我叻。
荷母：係囉，（接嬰）你快的去啦，（傍白）自從琴姑忍痛叫月荷將親生嘅仔，抱去送俾人，當時，月荷要替琴姑保存一點骨肉親情，於是靜靜抱左返屋企嚟撫養，佢得閒嘅時候就返嚟睇吓個仔，佢愛錫個個細佬哥，重比佢生咁緊要，時光過得好快，不經不覺又一年咯，但係琴姑第二個仔又要臨盆，而月荷仍不知，琴姑各人正在忙亂，緊張。
第四十四塲
田氏：（白）春琴，你睇吓佢幾得意，佐明，你抱吓個仔啦。
田氏：（大喜白）春琴，你睇佐明幾痛錫個仔，呢一個無論如何都不能俾人養。
春琴：（白）亞媽，我而家都冇晒主意，你問佐明啦。
田氏：佐明，你點主意呀。
佐明：（沉思望春琴）爺爺爺。
春琴：阿爹。
佐明：世叔。
靄亭：（白）春琴，（埋佐明身邊白）佐明，俾我抱吓。
春琴：（白）佐明（三脚櫈）你不若將蘇蝦，帶囘紹興養。
佐明：（接唱）唔駛，可請阿爹來此處，然後慢商量。
春琴：（接唱）倘若留他在琴台，噲把事業來影响。
靄亭：（接唱）可交外婆來撫育，不必費參詳。
田氏：（接唱）你地不用咁操心，爲此嬰兒來設想。
佐明：（接唱）多感爲照料，義重更情長。
靄亭：（花）你一生委屈爲女兒，我當不負伯楷佢冀望。（白）我明白你地嘅用意，你要以琴聲鳴於天下，恐有兒女嘅負累，我可以抱佢返屋企養，咁你地就冇後顧之憂啦。
春琴：（白）阿爹，你愛女之心，眞係不無微不至，春琴唔知幾時至報答你嘅恩典咯。
月荷：（白）溫先生，你有封家信。（交佐明）
佐明：（接信拆看大驚白）老師，阿爹有封信嚟叫我卽刻番去。
靄亭：（白）乜嘢事呀。
佐明：（白）呀，長嘆一聲。
春琴：（白）究竟乜嘢事呀？
佐明：（花下句）父促兒歸因染病，爲存孝道要還鄉，倩誰侍奉我師尊，怕說別離心惆悵。（白）老師，兩年來未曾離開過你一日，但係家父病危，我想……
春琴：（白）佐明（楊翠喜）你一聲別矣返家鄉，惟望你先要計明實况，若得你父能原諒，將孫收養情無量。
佐明：（接唱）我好應歸家向父佢磋商，定必恕諒兒放蕩，當噲念情代設想，對孫撫養。
靄亭：（接唱）我能料伯楷佢定然認賬，皆因骨肉情長義更長。（白）佐明，我相信伯楷唔噲反對嘅。
第四十五塲
雪娥：楊公子，我都話叫你唔駛心急咯，而家機會到咯。
偉雄：點機會呀？
雪娥：（作神秘耳語）而家溫佐明番左鄕吓，你一於照我嘅計劃去做。
偉雄：喂，保坤，點解唔入去啫。
保坤：咪咁禽禽靑啦表哥。
春琴：（喝白）周保坤，乜咁冇規矩，係處大聲咁嗌麥老師做乜嘢。
保坤：（急下禮白）麥老師，我想介紹個學生嚟學琴啫。（向雄）呢位係啦麥老師，（向明）呢位係我表弟楊偉雄，係本縣鐸占魁將軍嘅公子。
春琴：（轉溫和白）鐸公子，請坐。
偉雄：（見春琴精神爲之一振禮貌地口古）弟子楊偉雄，素仰麥老師琴藝高超，特來請老師敎訓。
佐明：（雨打芭蕉）驚聽得家父病危遭魔困，立即歸家而行，誰料一到門前聞命殞，早知不孝眞令我心驚震。
春琴：（接唱）你傷心離魂，儂亦不禁同情憐憫你心中愴痛向誰陳。
佐明：（接唱）我卽刻囘來爲敎琴，免令你傷神。
春琴：（接唱）個的門徒氣壞人，全唔全唔專心，不聽敎兼壞品。
佐明：（接唱）佢凌辱了春琴，不堪教訓，（白）所以我日日夜夜都希望你返嚟！課，本來你要守孝㗎，點解咁快趕番嚟呢。
佐明：（白）係，家母總算睇得開叻，佢話一個人難免百年歸老，只要兒女長大，責任算完結，叫我快的趕嚟以事業爲重喎。
春琴：（白）咁你有冇講及我地嘅事呀。
佐明：（白）有，（七字淸）佢話溫麥兩家多好感，世交情重結鴛盟。
春琴：（接唱）未知可憐乳燕是否許囘林。（花）能否體諒情長，願將嬌兒來庇蔭。
佐明：（減字芙蓉）只爲長兄無兒女，欲收小姪作親生，所以守孝未二旬，催我囘來向你詢問。
春琴：（接唱）但得嬌兒有托，咁樣大家都係自己人，不過世伯已歸天，你負起家庭責任。
佐明：（接唱）家父有遺產，不用我担心。（花）可將孩兒即送紹興，多謝你爲溫家存血胤。
春琴：（花下句）我地現在雖無夫妻名份，他日始終落葉歸根，但望今生今世都不分離，此後情場無缺憾。
佐明：（白）多謝老師，（花下句）矢誓相依爲同命，今生今世不相分。
第四十六塲
靄亭：（四邊望白）唔，春琴，同佐明呢。
田氏：（白）老爺，我經已派人去佢接地叻。
祖業：（白）阿爹，你休息精神啦，有我同雪娥服侍你，春琴係盲嘅，返嚟重赚得要人服待佢添。
雪娥：（白）係呀，老爺，你病緊就咪掛咁多嘢啦，有仔同新抱送終，死都死得眼閉啦。
田氏：（怒白）家嫂，乜講的咁嘅說話㗎。
田氏：（大喜白）老爺，春琴返嚟啦。
春琴：（白）阿爹。
佐明：（白）世叔，你冇乜事呀馬。
靄亭：（白）春琴，你俾隻手我揸住啦，佐明，你企埋的我度。
靄亭：（白）春琴，你要好好地對佐明呀，祖業、家嫂、你地以後對佐明要尊重的，佢雖然同春琴未結婚，我都當作女婿叻。
佐明：（捧參湯奉亭白）世叔，你飲左碗參湯啦。
靄亭：（執明手白）佐明，我對唔住伯楷，對唔住你。
佐明：（白）千祈唔好咁講呀，世叔，實在佐明深感你嘅大恩。
靄亭：（斷續白）你咁對春琴眞係難得。
春琴：（白）阿爹。
雪娥：個隻盲妹，老爺比左咁大箱首飾佢，你想拈扯呀，我話你點樣出得門口，連個衰後生佐明都當正女婿咁好聽，喂，二小姐呀，我有的嘢要同你商量噃。
佐明：（白）老師，祖業嫂有事同你商靑喎。
春琴：（白）乜嘢事呀，亞嫂。
雪娥：（白）二姑娘，哼！（江邊草）你隨處熨，又失慌，一定有的秘密快些說白其端詳。
春琴（詫異接唱）你言太妄，我絕冇慌張，你的說話，有些侮辱和荒唐。
雪娥：（接唱）你何來有個首飾箱，咪詐顚詐戇，使秘密來收藏。（序）梗係偷老爺嘅，快的俾我睇吓。
春琴：（怒白）胡說，（接唱）我實在大量，暫且恕過你罪狀，你太過鹵莽，我嘅首飾不用你細看，你莫圖奪謀嘅希望，乃係阿爹賜贈，好應秘密爲珍藏。
雪娥：（口古）笑話，你係出嫁女，冇權承繼麥家嘅寳物家財，分明係靜靜靠偷，快些交同我執掌。
春琴：（口古）亞嫂，明明係阿爹臨終個陣交俾我嘅，好彩還有亞媽在堂。
雪娥：（口古）笑話，你精精地快的拈來俾我，唔係莫怪我郁手搶。
春琴：（大驚白）佐明，你快的嗌亞媽出嚟，點到你强爲搶奪，任意猖狂。
佐明：（口古）老師，好仔不論爺田地，好女不論外家財，由得佢啦，無謂俾人將閒話講。
田氏：（口古）做乜嘢呀，家嫂，呢個首飾箱係老爺俾春琴嘅，佐明你都係同春琴返去啦，免至大家多事，留得一點兄妹情長。
春琴：（白）佐明，你扶我埋去拜吓阿爹至扯啦。
第四十七塲
春琴：（白）偉雄，今日我所敎嘅，你明白嗎。
偉雄：（白）老師，你講得好淸楚咯。
春琴：（白）好啦，放學咯。
偉雄：（恭敬地白）唔該叻老師，弟子吿退。
偉雄：（白）老師，家父有個帖送俾你。
月荷：（看完口古）小姐，係楊將軍六十壽辰，請你去飮喎。
第四十七塲
春琴：（白）我心領略（送君）皆因我是盲人，負却將軍福蔭，無緣份得相見，銘感於心只爲嘉賓與盲人，高低不合襯，自慚自愧，自悲自憫，敬謝不敢俯允。
偉雄：（白）老師，（三脚櫈）所謂愛子敬師尊，你何須自卑感，避免應酬各親友，大可宴飮在園林，特派宮轎來相迎，可請月荷將路引。
月荷：（接唱）小姐呀，你每逢出街去，不用我隨行，你一向係溫老師，負起護花嘅責任。
偉雄：（接唱）若要溫老師陪伴佢，敬請共光臨。（花）保坤，你補寫請帖一張，速送琴台應要緊。
春琴：（白）唔，到時至算啦。
保坤：（白）唔好再算叻老師，唔係舅父衿母話你唔賞面會嬲㗎。
偉雄：（白）一於係咁啦，到時我派轎嚟接你啦，保坤，我地扯叻。
月荷：（白）小姐，你點去得㗎。
春琴：（白）唉，月荷（花下句）處此勢力範圍之下，我地不能得罪將軍。
偉雄：（白）你眞不愧係我地師爺，睇情形佢一定中計。
雪娥：（白）你咪咁歡喜住，重有好多事要小心去做至得，只要你以後聽我話去做，担保你一定成功。
偉雄：（白）好，我一定遵命去做。
第四十八塲
雪娥：（泯江夜曲）爲騙棍，欲將婚事氹，詐請飮，我一心要做替身，玉成霧水婚姻，就有錢銀分，希望相帮蝶兒把花挑引。
雪娥：（拍手喝白）喂，你地一陣唔好嘻哈大笑叻。
婦甲：（白）你睇，我着的咁嘅嘢，點似將軍夫人㗎。
雪娥：（白）你都傻嘅，佢係盲嘅呀嗎，點睇到你着乜衫啫。
偉雄：（白）保坤，你快出的後門等住啦，咪俾佢地由正門入呀。
保坤：（白）得叻，我已經吩咐過的轎伕抬嚟後門嘅叻。
第四十九塲
侍衛：（白）表少爺，將軍搵你呀。
保坤：（白）咁呀，（看一看佐明）等一等先啦。
侍衞：（白）請你卽刻去噃。
佐明：（白）保坤，晤駛客氣叻，你去啦。
保均：（白）好，咁你地帶溫老師去睇戲，我等一陣就嚟喋叻。
待衞：（白）溫老師，我帶你去啦。
佐明：（白）好，（無奈隨行）
第六十四塲
春琴：（嘆板）驚聞你碧海屍横，不禁淚流滿面生離死別，此恨綿棉，我與你生死同心，今日曲終絃斷。
月荷：（唱追信）哭一聲淚痕濕粉面，你地如海深寃太凄酸。
金蓮：（接唱）我地難再相見，從此恨棉棉。
月荷：（接唱）你地情心堅，同歸天，共你作雙飛燕。
金蓮：（接唱）你地莫心牽，念記雙雛燕。
月荷：（接唱）佢地謀殺不端，噲代你伸寃。
金蓮：（接唱）你地生有願，死有緣。
月荷、金蓮：（合唱）同諧婚眷，同結並頭蓮。
佐明、春琴：（合唱水仙花）你地莫爲我多凄怨，我地共效作雙飛燕，變變幻幻變天仙眷，共携手飄飄遠，飛上天，諧鳳鸞，一雙一雙對纏棉，並肩好花吐艶，重見月團圓。
琴•姑本事
浙江餘姚，有富商麥靄亭者，妻田氏，生子女各一，長子祖業，性呆痴而吝嗇，娶妻鄭氏雪娥，貪婪而善變，乃一勢利婦人，祖業恒畏之，次女春琴，美而慧，尤酷愛琴音，人皆以琴姑稱之，無奈天妒紅顏，不幸失明，父母以愛女幽傷，爲取悅愛女計，乃囑拜名琴師蔡伯牙爲師，並飭侍婢月荷隨侍，從此心情復趨正常。
時値兵燹，靄亭爲免意外，乃在店中商得溫佐明護其往返，佐明者，本亦富家子，世代與麥家相好，其父伯楷欲子繼承箕裘，乃托子於靄亭所設之藥店爲學徒，冀其有成。
嗣後佐明恒偕琴姑出入，路人皆謔之，佐明亦處之泰然，後爲祖業與雪娥所見，認爲自辱家聲，急諫於父，父以時勢所趨不納，反飭祖業增資于佐明，祖業聞言氣結，惟碍於父命，祇有陽奉陰違而已。
春琴自得名師指點後，琴藝日趨化境，伯牙深慶繼後有人，老懷歡欣。
佐明以日夕陪伴，故對琴藝漸生與趣，暗蓄資購琴自娛，後爲靄亭所悉，勉其從琴姑學琴，祖業以佐明効其妹之姿態彈奏，誤佐明心懷不軌，乃商於雪娥，設計懲之。
一日，佐明奏琴於廳中，一曲旣終，露亭稱讚不已，而琴姑則謂不然，豈有無師而自通者，佐明乃懇琴姑收爲門下，靄亭夫婦亦以佐明爲可造之材，命女敎之，遂由主僕之關係，進而爲師生之關係，日夕相處，於是感情頓生。
某日，上學之際，琴姑忽聞雀聲，大喜，佐明吿以乃王安之愛鳥白燕所唱，欲購之，王安以琴姑亦有同好，慨然相贈，琴姑謝別王安，行抵蔡家，着佐明往購新雀籠先帶歸家，再來接己，時雪娥正授計祖業飛函伯楷來接佐明歸家之際，見佐明携雀返，迫令將雀放之，佐明懾於其威，卒從之，心殊悵惘，事爲王安所見。雖不值祖業所爲，無可奈何之餘，惟有勸佐明忍之。
伯楷接信後，以子不肖，憤然程兼來見靄亭，會於茶肆，目睹佐明所爲，大感失望，着即隨返紹興，佐明無奈應之，忽瞥見賈少爺携白燕至，乃商與重金購之，轉贈春琴。
佐明以父命難違，乃向琴姑吿別，並贈白燕以留紀念，琴姑聆此訊，頹然病倒。
靄亭夫婦知女心事，恐生不測，乃代懇伯楷收囘成命，是時伯楷亦憐其遇，允之，自行離去。
某日，琴姑與母相談哥嫂對己不睦事，母慰之，並擬代琴姑擇婚，以了心事，琴姑以瞽目爲詞，懇母暫緩，母不忍拂其意從之，偶爲雪娥所聞，益恨琴姑，又恐家財被佔，力慫祖業伺機將琴姑與佐明逐出麥家，以保家財。
雨夜，佐明如常與琴姑習琴，忽然雷電大作，繼而狂風暴雨，琴姑驚倒佐明之懷，佐明慰之，春琴恐個郞着凉，乃留佐明共宿，事爲雪娥所見，急走吿翁姑，田氏心知愛女戀佐明，任之，乃示意露亭制止雪娥，靄亭亦以此事不雅，隨圖處置，以全體面，乃命雪娥守口如瓶，幷囑以後凡事不許過問，雪娥以翁姑袒護琴姑，憤然離去。
時光似箭，春琴腹大便便，雪娥又唆使祖業驅逐春琴，詎琴姑自願脱離家庭，並力指兄嫂不是，投乃姑靜嫻家，以俟瓜熟蒂落，再行打算。
春琴行將分娩之際，佐明返吿蔡老師惡耗，琴姑以不能一賭乃師遺容爲憾，旋胎兒作動，琴姑痛甚暈去，俄而產下一雄，衆大喜，而琴姑不以爲喜，反而爲慮，忽憶伯牙遺言，着建琴台授徒，决犧牲一切，以報伯牙知遇恩深，命月荷送子舆人撫養，月荷去後，衆皆黯然，琴姑以產後血氣虛弱，復遭喪師割子之痛，頹然暈去，佐明與田氏大急，延醫診治，時雪娥以時機已到，潛放鳩毒於藥中，以死琴姑，無何佐明捧藥出與琴姑，惟不愼傾碎於地，雪娥見狀，徒呼荷荷。
「琴姑」大結局
琴姑癒後與佐明遷居琴台，授徒自給，慕名拜門甚衆，內有女徒鄧金蓮者，美而聰明，遂悉心致之，時琴姑恐佐明移情於鄧，頗嫉，後經佐明解釋，事始寢息。
琴與佐明雖名份未定，而實若夫妻，不久，又獲麟兒，時佐明忽接家書，知父病危催歸甚急，乃商於琴，暫返紹興，以侍父疾，琴然其說，促卽登程。
佐明去後，琴姑親自執敎，弟子有保坤，適其表兄楊偉雄到訪，見琴姑美，欲藉學琴，以近琴姑，琴姑知其意，吿以學期將屆，囑下學期再來，並當衆宣佈提前放假，以免其擾。
佐明返，吿父已喪，遵母囑以事業爲重，並云其兄無子，懇琴姑將己了送之以繼香燈。
時靄亭病重，琴與佐明同返麥家視父疾，靄亭自知不起，囑祖業善視其妹，待母恭孝，言畢而逝。
雪娥以喪事完畢，大權在握，决計陷害春琴，假意挽留之，琴知嫂陰險，與佐明急返琴台，雪娥時來探望，偵知偉雄鵠琴甚殷，乃借故近雄，献計以陷琴姑。
偉雄假父壽，大排筵席於園中，借尊師重道之名以誘之，琴姑知偉雅用心不善，但畏其勢，無奈同往，抵楊家，雄支開佐明，欲醉而姦之，幸爲佐明機警，始偕琴脫離虎口。
偉雄以琴姑拂其意，對琴因愛生恨，琴姑突遭不測，更恐佐明變志，不敢以眞面目見佐明，明知意，遂以琴姑所帶金釵自刺雙目，田氏撲救不及，大驚，琴以個郞欲堅愛己之心，致令失明，悔恨莫及，佐明反安然慰之。
翌日，保坤與偉雄率爪牙封鎖琴台，衆畏其威，不敢與抗，琴姑徬徨不已，事爲田氏所聞，向祖業索欵百金以解其困，金蓮亦以偉雄手段卑鄙，决求其父鄧百通出頭，百通曾任京官，但已吿歸田，不値偉雄所爲，惟爲免滋事計，乃命邀來府繼續授課，佐明以目失明，難以步行，金蓮吿以官轎來迎，路上可保安全。
詎佐明乘轎往鄧府途中，路經狀元橋，爲偉雄及爪牙推溺河中，轎伕拯救無從，卒被淹歿，後轎伕等遍尋不獲，疑爲河水冲去。
是時，有參軍因事訪百通，經義奉旨來拿通番賣國之楊參軍，時轎伕亦適來吿被襲經過，經義聞言大怒，喝令拘拿歸案，一倂依法辦理，一面派人往河中尋屍，一面走報琴姑，琴聞訊與母田氏趕至，撫屍痛哭，而官兵亦解偉雄至，就地正法，以慰佐明之魂，時月荷亦抱琴姑所生之長子至，琴以失所歡，了無人生樂趣，囑母將子送還溫家，以存宗嗣，並勉金蓮秉承己志，繼續發揚琴音，言畢撞橋而死，一縷怨魂，遂與佐明幽冥相會，含笑冉冉而逝。
——完——
全部曲詞
第四十一塲
偉雄：（白）我以爲蘇州嘅地方，就話佳麗天下無雙啫，估唔到呢個小地方都有咁靚嘅女人。
保坤：（白）表哥，靚就靚叻，佢晤係咁容易入手嘅噃，你無謂過度開心。
偉雄：（白）笑話，邊個唔識我楊公子呀。
保坤：（白）以表哥嘅身份，又有錢又有面，點都勝過別人嘅。
雪娥：（白）眞係對唔住咯
偉雄：（白）乜你去路咁唔小心㗎。
雪娥：（白）呀，你兩個唔係好似係琴姑嘅學生嚟嘅。
偉雄：（白）你點知呀。
雪娥：（白）我就係琴姑嘅阿嫂，响琴台見過你地咯。
保坤：（白）呵，原來係嫂夫人鼻，對晤住。
雪娥：（白）唔緊要，我對你唔住就眞。（行）
偉雄：（白）嫂夫人，頭先碰親你，認眞對唔住，請你多多原諒。
雪娥：（作狀白）唔緊要。
偉雄：（白）嫂夫人，不如我地去飮杯茶丫。
雪娥：（白）飮茶，多謝咯，我要返去咯。
保坤：（白）嫂夫人咁都唔賞面，我地楊公子重有的事要請敎你㗎。
雪娥：（作狀想白）咁呀，好喇。
偉雄：（作狀白）請，（同行去）
第四十二塲
佐明：（白）金蓮，你睇淸楚點彈法未呀。
金蓮：（白）溫老師，弟子明白叻。
佐明：（三脚櫈）指法要精明，性情應忍耐，苦心來練習，定必可成材，麥老師眼雖盲，藝名驚四海，你眉淸兼目秀，本應琴藝冠琴台。
金蓮：（略羞接唱）老師敎導實嚴明，弟子勤修不敢怠，所以留堂不下課，希望指點我愚呆。（花）此後加倍用功，不負師尊見愛。
佐明：（白）好，你再彈一次俾我聽吓。
春琴：（聞琴聲白）月荷，點解下左課，佐明重未敎完咩。
月荷：（白）重有一個學生重係度學緊。
春琴：（白）係男生定女生呀。
月荷：（白）係女學生鄧金蓮。
春琴：（疑妒白）鄧金蓮、月荷、實在鄧金蓮個樣點㗎。
月荷：（知琴意故意白）佢年紀唔係幾大，好醜樣嘅。
春琴：（白）我平日聽佢把聲好嬌嘅噃。
月荷：（白）小姐，聽聲點可以斷定個人樣醜㗎。
春琴：（盟白）唉，個人盲左眞係累事，乜都睇唔倒，月荷，搬的飯入嚟食，順便叫佐明食飯啦。
月荷：（白）知到，（行去開飯）
金蓮：（白）溫老師，多謝你敎導，明日再見。
佐明：（白）你返去俾心機練習吓啦。
月荷：（白）溫先生，開左飯啦，小姐請你入房。
月荷：（攔住白）你小心呀，頭先小姐聞得你敎金蓮，唔知幾大酸味呀。
佐明：（微笑白）哈，琴姑點解重唔信得我心過。
月荷：（白）無他，你原諒佢睇唔倒嘢，疑心一定大嘅叻。
佐明：（白）我都知到佢太愛我嘅緣故，我唔噲怪佢嘅。
佐明：（白）老師。
春琴：（有妒意白）佐明，（花下句）呢學生已下堂，飯熟已好耐啦，難爲我腹飢爲等待，本應不請要自來，桃李嬌花君莫採，免敎酸風雨，滿琴台。春琴目盲未盲心，難會翻波於酸海。
佐明：（大驚白）老師，佐明不敢，（反線中板下句）桃李滿琴台，冰淸和玉潔，緣何風雨，橫來。情海本無波，心比目還明，未有霾雲，遮蓋。一朶小金蓮，好學而不倦，存心造就，良材。（花）欲將琴藝盡發揚，責任未忘存後代。
月荷：（花下句）樹淨花嬌無風雨，月明星朗霧雲開，佐明不愧爲人師，不倦誨人無改變。
春琴：（疑雲稍釋口古）佐明，你唔好怪我，我一碰到不如意事，性情就噲暴燥嘅叻，我之所以疑雲疑雨，無非對你一點眞愛。
佐明：（口古）老師，以後你唔歡喜嘅事，我唔噲再用，令你多添煩惱太不應該。
春琴：（口古）佐明，實在你好應該去做，用心敎導學生至啱嘅，此事望你勿忘於內心。
佐明：（口古）老師，呢的小事，我唔噲介意嘅，但得你能明白，我有心扶後輩，無意把花栽。
春琴：（口古）佐明，算叻，月荷，你將的學費一部份送去俾蔡師母做家用先，以報答蔡老師恩深如海。
月荷：（接欵口古）好，小姐，我即刻去，因爲夜叻，你地食飯先啦，我不久就回來。
第四十三塲
月荷：媽，你抱住，我返去先，唔係一陣琴姑又搵我叻。
荷母：係囉，（接嬰）你快的去啦，（傍白）自從琴姑忍痛叫月荷將親生嘅仔，抱去送俾人，當時，月荷要替琴姑保存一點骨肉親情，於是靜靜抱左返屋企嚟撫養，佢得閒嘅時候就返嚟睇吓個仔，佢愛錫個個細佬哥，重比佢生咁緊要，時光過得好快，不經不覺又一年咯，但係琴姑第二個仔又要臨盆，而月荷仍不知，琴姑各人正在忙亂，緊張。
第四十四塲
田氏：（白）春琴，你睇吓佢幾得意，佐明，你抱吓個仔啦。
田氏：（大喜白）春琴，你睇佐明幾痛錫個仔，呢一個無論如何都不能俾人養。
春琴：（白）亞媽，我而家都冇晒主意，你問佐明啦。
田氏：佐明，你點主意呀。
佐明：（沉思望春琴）爺爺爺。
春琴：阿爹。
佐明：世叔。
靄亭：（白）春琴，（埋佐明身邊白）佐明，俾我抱吓。
春琴：（白）佐明（三脚櫈）你不若將蘇蝦，帶囘紹興養。
佐明：（接唱）唔駛，可請阿爹來此處，然後慢商量。
春琴：（接唱）倘若留他在琴台，噲把事業來影响。
靄亭：（接唱）可交外婆來撫育，不必費參詳。
田氏：（接唱）你地不用咁操心，爲此嬰兒來設想。
佐明：（接唱）多感爲照料，義重更情長。
靄亭：（花）你一生委屈爲女兒，我當不負伯楷佢冀望。（白）我明白你地嘅用意，你要以琴聲鳴於天下，恐有兒女嘅負累，我可以抱佢返屋企養，咁你地就冇後顧之憂啦。
春琴：（白）阿爹，你愛女之心，眞係不無微不至，春琴唔知幾時至報答你嘅恩典咯。
月荷：（白）溫先生，你有封家信。（交佐明）
佐明：（接信拆看大驚白）老師，阿爹有封信嚟叫我卽刻番去。
靄亭：（白）乜嘢事呀。
佐明：（白）呀，長嘆一聲。
春琴：（白）究竟乜嘢事呀？
佐明：（花下句）父促兒歸因染病，爲存孝道要還鄉，倩誰侍奉我師尊，怕說別離心惆悵。（白）老師，兩年來未曾離開過你一日，但係家父病危，我想……
春琴：（白）佐明（楊翠喜）你一聲別矣返家鄉，惟望你先要計明實况，若得你父能原諒，將孫收養情無量。
佐明：（接唱）我好應歸家向父佢磋商，定必恕諒兒放蕩，當噲念情代設想，對孫撫養。
靄亭：（接唱）我能料伯楷佢定然認賬，皆因骨肉情長義更長。（白）佐明，我相信伯楷唔噲反對嘅。
第四十五塲
雪娥：楊公子，我都話叫你唔駛心急咯，而家機會到咯。
偉雄：點機會呀？
雪娥：（作神秘耳語）而家溫佐明番左鄕吓，你一於照我嘅計劃去做。
偉雄：喂，保坤，點解唔入去啫。
保坤：咪咁禽禽靑啦表哥。
春琴：（喝白）周保坤，乜咁冇規矩，係處大聲咁嗌麥老師做乜嘢。
保坤：（急下禮白）麥老師，我想介紹個學生嚟學琴啫。（向雄）呢位係啦麥老師，（向明）呢位係我表弟楊偉雄，係本縣鐸占魁將軍嘅公子。
春琴：（轉溫和白）鐸公子，請坐。
偉雄：（見春琴精神爲之一振禮貌地口古）弟子楊偉雄，素仰麥老師琴藝高超，特來請老師敎訓。
佐明：（雨打芭蕉）驚聽得家父病危遭魔困，立即歸家而行，誰料一到門前聞命殞，早知不孝眞令我心驚震。
春琴：（接唱）你傷心離魂，儂亦不禁同情憐憫你心中愴痛向誰陳。
佐明：（接唱）我卽刻囘來爲敎琴，免令你傷神。
春琴：（接唱）個的門徒氣壞人，全唔全唔專心，不聽敎兼壞品。
佐明：（接唱）佢凌辱了春琴，不堪教訓，（白）所以我日日夜夜都希望你返嚟！課，本來你要守孝㗎，點解咁快趕番嚟呢。
佐明：（白）係，家母總算睇得開叻，佢話一個人難免百年歸老，只要兒女長大，責任算完結，叫我快的趕嚟以事業爲重喎。
春琴：（白）咁你有冇講及我地嘅事呀。
佐明：（白）有，（七字淸）佢話溫麥兩家多好感，世交情重結鴛盟。
春琴：（接唱）未知可憐乳燕是否許囘林。（花）能否體諒情長，願將嬌兒來庇蔭。
佐明：（減字芙蓉）只爲長兄無兒女，欲收小姪作親生，所以守孝未二旬，催我囘來向你詢問。
春琴：（接唱）但得嬌兒有托，咁樣大家都係自己人，不過世伯已歸天，你負起家庭責任。
佐明：（接唱）家父有遺產，不用我担心。（花）可將孩兒即送紹興，多謝你爲溫家存血胤。
春琴：（花下句）我地現在雖無夫妻名份，他日始終落葉歸根，但望今生今世都不分離，此後情場無缺憾。
佐明：（白）多謝老師，（花下句）矢誓相依爲同命，今生今世不相分。
第四十六塲
靄亭：（四邊望白）唔，春琴，同佐明呢。
田氏：（白）老爺，我經已派人去佢接地叻。
祖業：（白）阿爹，你休息精神啦，有我同雪娥服侍你，春琴係盲嘅，返嚟重赚得要人服待佢添。
雪娥：（白）係呀，老爺，你病緊就咪掛咁多嘢啦，有仔同新抱送終，死都死得眼閉啦。
田氏：（怒白）家嫂，乜講的咁嘅說話㗎。
田氏：（大喜白）老爺，春琴返嚟啦。
春琴：（白）阿爹。
佐明：（白）世叔，你冇乜事呀馬。
靄亭：（白）春琴，你俾隻手我揸住啦，佐明，你企埋的我度。
靄亭：（白）春琴，你要好好地對佐明呀，祖業、家嫂、你地以後對佐明要尊重的，佢雖然同春琴未結婚，我都當作女婿叻。
佐明：（捧參湯奉亭白）世叔，你飲左碗參湯啦。
靄亭：（執明手白）佐明，我對唔住伯楷，對唔住你。
佐明：（白）千祈唔好咁講呀，世叔，實在佐明深感你嘅大恩。
靄亭：（斷續白）你咁對春琴眞係難得。
春琴：（白）阿爹。
雪娥：個隻盲妹，老爺比左咁大箱首飾佢，你想拈扯呀，我話你點樣出得門口，連個衰後生佐明都當正女婿咁好聽，喂，二小姐呀，我有的嘢要同你商量噃。
佐明：（白）老師，祖業嫂有事同你商靑喎。
春琴：（白）乜嘢事呀，亞嫂。
雪娥：（白）二姑娘，哼！（江邊草）你隨處熨，又失慌，一定有的秘密快些說白其端詳。
春琴（詫異接唱）你言太妄，我絕冇慌張，你的說話，有些侮辱和荒唐。
雪娥：（接唱）你何來有個首飾箱，咪詐顚詐戇，使秘密來收藏。（序）梗係偷老爺嘅，快的俾我睇吓。
春琴：（怒白）胡說，（接唱）我實在大量，暫且恕過你罪狀，你太過鹵莽，我嘅首飾不用你細看，你莫圖奪謀嘅希望，乃係阿爹賜贈，好應秘密爲珍藏。
雪娥：（口古）笑話，你係出嫁女，冇權承繼麥家嘅寳物家財，分明係靜靜靠偷，快些交同我執掌。
春琴：（口古）亞嫂，明明係阿爹臨終個陣交俾我嘅，好彩還有亞媽在堂。
雪娥：（口古）笑話，你精精地快的拈來俾我，唔係莫怪我郁手搶。
春琴：（大驚白）佐明，你快的嗌亞媽出嚟，點到你强爲搶奪，任意猖狂。
佐明：（口古）老師，好仔不論爺田地，好女不論外家財，由得佢啦，無謂俾人將閒話講。
田氏：（口古）做乜嘢呀，家嫂，呢個首飾箱係老爺俾春琴嘅，佐明你都係同春琴返去啦，免至大家多事，留得一點兄妹情長。
春琴：（白）佐明，你扶我埋去拜吓阿爹至扯啦。
第四十七塲
春琴：（白）偉雄，今日我所敎嘅，你明白嗎。
偉雄：（白）老師，你講得好淸楚咯。
春琴：（白）好啦，放學咯。
偉雄：（恭敬地白）唔該叻老師，弟子吿退。
偉雄：（白）老師，家父有個帖送俾你。
月荷：（看完口古）小姐，係楊將軍六十壽辰，請你去飮喎。
第四十七塲
春琴：（白）我心領略（送君）皆因我是盲人，負却將軍福蔭，無緣份得相見，銘感於心只爲嘉賓與盲人，高低不合襯，自慚自愧，自悲自憫，敬謝不敢俯允。
偉雄：（白）老師，（三脚櫈）所謂愛子敬師尊，你何須自卑感，避免應酬各親友，大可宴飮在園林，特派宮轎來相迎，可請月荷將路引。
月荷：（接唱）小姐呀，你每逢出街去，不用我隨行，你一向係溫老師，負起護花嘅責任。
偉雄：（接唱）若要溫老師陪伴佢，敬請共光臨。（花）保坤，你補寫請帖一張，速送琴台應要緊。
春琴：（白）唔，到時至算啦。
保坤：（白）唔好再算叻老師，唔係舅父衿母話你唔賞面會嬲㗎。
偉雄：（白）一於係咁啦，到時我派轎嚟接你啦，保坤，我地扯叻。
月荷：（白）小姐，你點去得㗎。
春琴：（白）唉，月荷（花下句）處此勢力範圍之下，我地不能得罪將軍。
偉雄：（白）你眞不愧係我地師爺，睇情形佢一定中計。
雪娥：（白）你咪咁歡喜住，重有好多事要小心去做至得，只要你以後聽我話去做，担保你一定成功。
偉雄：（白）好，我一定遵命去做。
第四十八塲
雪娥：（泯江夜曲）爲騙棍，欲將婚事氹，詐請飮，我一心要做替身，玉成霧水婚姻，就有錢銀分，希望相帮蝶兒把花挑引。
雪娥：（拍手喝白）喂，你地一陣唔好嘻哈大笑叻。
婦甲：（白）你睇，我着的咁嘅嘢，點似將軍夫人㗎。
雪娥：（白）你都傻嘅，佢係盲嘅呀嗎，點睇到你着乜衫啫。
偉雄：（白）保坤，你快出的後門等住啦，咪俾佢地由正門入呀。
保坤：（白）得叻，我已經吩咐過的轎伕抬嚟後門嘅叻。
第四十九塲
侍衛：（白）表少爺，將軍搵你呀。
保坤：（白）咁呀，（看一看佐明）等一等先啦。
侍衞：（白）請你卽刻去噃。
佐明：（白）保坤，晤駛客氣叻，你去啦。
保均：（白）好，咁你地帶溫老師去睇戲，我等一陣就嚟喋叻。
待衞：（白）溫老師，我帶你去啦。
佐明：（白）好，（無奈隨行）
第六十四塲
春琴：（嘆板）驚聞你碧海屍横，不禁淚流滿面生離死別，此恨綿棉，我與你生死同心，今日曲終絃斷。
月荷：（唱追信）哭一聲淚痕濕粉面，你地如海深寃太凄酸。
金蓮：（接唱）我地難再相見，從此恨棉棉。
月荷：（接唱）你地情心堅，同歸天，共你作雙飛燕。
金蓮：（接唱）你地莫心牽，念記雙雛燕。
月荷：（接唱）佢地謀殺不端，噲代你伸寃。
金蓮：（接唱）你地生有願，死有緣。
月荷、金蓮：（合唱）同諧婚眷，同結並頭蓮。
佐明、春琴：（合唱水仙花）你地莫爲我多凄怨，我地共效作雙飛燕，變變幻幻變天仙眷，共携手飄飄遠，飛上天，諧鳳鸞，一雙一雙對纏棉，並肩好花吐艶，重見月團圓。
搜尋資料庫
