鍾無艶
本事
齊宣王（何非凡）午睡，夢中遇一仙姬自爆開之蟠桃中走出，美艶非常，向之求愛，仙姬拒之，避入蟠桃之內，宣王大叫而醒，急召丞相晏嬰（梁醒波）詳解夢兆。
晏嬰力主是佳兆，勸王往蒼山行獵，王從其議，在蒼山下宣王見一美女鍾無艶（余麗珍）便命晏嬰作媒，以玉帶爲憑，却不料此姝另半面奇醜，擬悔約，無艷取出玉帶，限四十九天迎娶，乃由晏嬰担保。
然限期過後，宣王音訊渺然，無艷家人都冷言譏諷，獨其母表同情，無艷决心晋京，求父母賜竹蘿，較剪，梳篦，木屐，竹掃等作嫁妆，乃拜別父母匆匆而去。
無艷闖進宮庭，怒打晏嬰，迫他領見宣王，晏嬰無奈，只得担起竹蘿，唯因身軀矮，胖將繩打了三個結。無艷覩狀，頓覺心神不安，已預知將有苦難，三重降臨。
無艶宫中怒責宣王負約，其時宫前古井之內適有妖怪出現，夏迎春（沙鳳）心生一計，請宣王命無艶下井殺妖，如成功則封爲昭陽正苑，無艶得聖母之助，力殺妖怪。
夏迎春又獻計命人搬大石以阻井口，不料無艶竟能收妖上井。把大石推開，却誤傷高妃，宣王趁機行國法，擬將無艶斬首示衆，晏嬰力爭，宣王無奈，命將無艶打入冷宫。
魏國派使進獻藕絲琴以作難，若無人能彈，則須年年向魏國進貢，無人能彈，宣王苦惱，晏嬰力主無艶能之，宣王命召進宫，無艶却要迎春三跪九叩引路，宣王下階相扶上殿才見，宣王爲勢所迫，只得順從。
無艶又得仙女之助，果能使藕絲琴，彈出音響，魏使覩狀，奈何不得，甘爲下國而去，宣王無法，有約在前，乃封無艶昭陽正苑，大宴群臣。夏迎春覩狀，憤恨而去。
大婚之夕，宣王駕臨正宮，却因無艶奇醜，心中納悶，不料踱進內宫之後，無艶已得聖母所賜之夜明釵，變作美貌非常，宣王大喜，共赴巫山，事後，無艶變囘醜陋，宣王抱頭狂奔。
燕國第兵派孫操燕丹夫婦領兵犯境，連破三關，宣王又命無艶出師，半途，無艶收少年將軍田昆作義子，共赴沙塲，合力共破敵陣，大敗燕軍，擒拿敵將，班師囘朝。
迎春又譏無艶只懂用武，不曉文章，不配爲國母，提出鬥寫千篇文章，無艶一笑答允，並立下生死狀，迎春急忙書寫，無艶猶未動筆，只躺下睡去，却急煞了晏嬰。
迎春書寫至九百九十九章之時，晏嬰把無艶推醒，無艶以帚一揮立就，千篇寫完，而迎春猶未書寫完畢，至是無艶得勝，迎春仍未服氣，又邀無艶比賽鬥捲絲棉。
迎春要無艶先捲，無艶胸有成竹，躺下一捲而過，而身上却絲毫不染，蓋係得百虛神扶助，施用法術也，迎春却染得一身皆是，於是無艶又勝，夏迎春至是無言以對。
無艶要殺迎春，宣王代求却情，只命迎春脫下衣裳給無艶鞭打，無艶無奈只得施用法術，一鞭一鞭揮打，迎春却一邊狂呼喊痛，四十鞭打完，迎春已叫苦連天，于是無艶得伸一口氣，宣王亦只嘆無可奈何而已。（完）
『鍾無艷』精彩曲詞
宣王：（貴妃醉酒）日來春風暖，對花開瓊筵。
迎春：（接唱）我願日日常爲伴。
高妃：（接唱）我願日日相歡宴。
宣王：（接唱）多纏綿，人月两團圓，償心願。
迎春：（口古）主上，你成日話立我做皇后，點解一日推一日，都封我做昭陽正苑。
高妃：（接）主上，我成日希望你封我做西宫嘅地位，點知延吓延吓又延咗一年。
宣王：（木蘭從軍）相愛比金堅，相對多憐念，封宮乃大典，百官亂進言，佢話若然立正宫呢，須要賢淑眷。
迎春：（三脚櫈）主上你不肯封，借詞來遮掩，眞係紅顏多薄命，自古非虛言，我一怒返徧宫，淚痕經滿面
高妃：（三脚櫈下句）自慚如蒲柳，豈配伴尊嚴，我願垂淚到天明，長門爲抱怨。
宣王：（花下句）粉怨脂啼皆盡去，空餘美酒襯花妍，但願醉後夢入高唐，軟玉溫香驚絕艶。
宣王：（長句二王下句）瑞氣香烟，金宮銀殿，仙桃丹桂勝花園，冷艶花香塵不染，當是廣寒宫裡，更是上界神仙，孤王位極九重，未嘗見雲霄，吐燄。
小仙女：（白欖）此處非宫殿，乃是九重天，乃是神仙苑，宣王有仙緣，故能夢中見，你睇苑內一仙桃，你選擇昭陽憑桃艶。
無艶：（賣相思）天邊，天邊百花開遍，冷香吹送花放人前，我共你有前綠，心心相愛戀，我共你有前緣，並非虛言
宣王：（夜上海）魂夢緣，天上緣，喜得仙姬結鳳鸞我在人世上，你在天裡便，怎得相見。
無艶：（長句花下句）一夕夢魂中，有緣爲相見，夙世姻緣難改變，共諧鴛夢待他年，受盡折磨哀與怨，眞果是難逃天意，註定我受若多年，我不就降下凡塵，做你嘅昭陽正苑。
宣王：（長花下句）天上仙，人間眷，旣有夙緣牽一綫，奈何相隔在目前，我一見桃仙驚絕艶，禁不住魂飛天外，更禁不住意馬心猿，我如火熱，（一才）愛如狂（一才）孤王要上前一偎粉面。
小仙女：（花下句）皎潔仙桃難侵犯，你莫輕狂態度欲天仙，有緣他日可相逢，此際須防天責譴。
鏡無艶：（念詩）仙花天賜吉非常，立地生根定國邦，聖駕打圍蒼山去，午時三刻遇昭陽，齊宣王你記住呢四句詩啦。
宣王：（花下句）仙女遺留詩四句，孤王莫解個中言，驚鴻一瞥尚留香，未知何時重相見。
晏嬰：（長花下句）我來占算，來占算，夢境迷離將天仙見，占來象卦跑馬射金錢，射中金錢憑一箭，你去蒼山行獵自可巧結良緣，佢第四句詩就係話午時三刻遇昭陽，他日保護江山憑絶艶。
宣王：（花下句）决意蒼山爲狩獵，但願夢中人見在山前。
宣王：（中板）驚艶蒼山人秀麗，偷窺半面已神迷，問句卿家（花）呢一個美人，配唔配做昭陽地位。
晏嬰：（木魚）唔駛問亞貴，呢個靚女正合做帝王妻。
宣王：（接）孤王就命你做媒前去，代孤把紅葉詩題。
晏嬰：（接）我問一聲，呢位小姐何姓何名，你願唔願意嫁皇帝。
無艶：（接）皇帝點會來到此地，你分明亂噏東西。
晏嬰：（接）佢的的確確係九五之尊，想封你做昭陽地位。
無艶：（接）究竟係唔係㗎。
晏嬰：（接）我就係丞相晏嬰，可以做媒人担保。
無艶：（接）係咁我就卽刻落嚟。
宣王：（沉花下句）唉吔吔，半邊似人似鬼，嚇到孤王魂魄都唔齊。
無艶：（下西岐）我願長爲皇帝妻。
宣王：（接）冷汗齊標眞惡睇。
晏嬰：（接）半面西施，生來貌似鬼。
無艶：（接）我少小人艶麗。
宣王：（接）若係兩家同床，就要驚一世，點與共進羅幃。
無艶：（接）係人便讚我衿貴，應配白髮眉齊。
宣王：（接）我唔願提，情絲怕相繫，取消諾言不配做我妻
無艶：（接）哼，你太心虧。
宣王：（接）我卽時便要歸。
無艶：（江邊草）我雖係人細細，要發雌威，那堪悔反，有心侮辱，你係媒人喱。條難詐諦要你命歸西，那堪悔反，有心侮辱，要你人撈呢。
晏嬰：（接）我求情靠𠱓，我非悔反，有心侮辱存心曳。
宣王：（接）實弊，實弊，你莫將我來命斃。
無艶：（接）我要「砌」，要「砌」，我的武藝架勢，若然，若然，你不認，我一定，要將聖君你來生埋。
晏嬰：（三脚櫈）若果唔應承，當堂一身蟻。
宣王：（接）佢十足隻花面貓，點可以入宫幃。
無艶：（接）喂應承唔應承，咪怪我發郞禮。
晏嬰：（接）此人雖貌醜，可救國垂危。
宣王：（接）醜婦作昭陽，我勢難諧伉儷。
無艶：（接）你旣嫌我貌醜，點解又封我入宮幃。
宣王：（接）傳命返宫中，講多亦無謂。
無艶：（快中板下句）你寒盟悔約返宫幃，若果你再不封宫，（一才）卽刻要你當堂變鬼。
無艶：（南島春光）望望望望到我戇，（雙）望望望日也望，夜晚望到天光，望愴心肝，個個齊王，封我做娘娘，靠撞，靠撞，經已過期，不接我往朝堂，心怕冇行，會醜到我塊高黃，混帳，混帳，（長花）婚約已過期，心頭如鹿撞，秋水望穿神惘惘，緣何未見個老公王，莫非佢有心來賴帳，情情義義盡遺忘，經已誤了十日佳期，仍未見車迎百輛。
鍾奇：（連環西皮）你眞不應當，（雙）確的瘋狂，累我叩頭，叩到雷聲咁响。
無艶：（小紅燈）我要嘅隨時便當，無容係耍大床，只要較剪一雙，一對大蘿共掃桿，頭篦尺和個梳粧箱，揀一對繩，至緊要够長，帶到京師往，他日榮封將你奉養。
無艶：（十八摩）我要將你追瘦，你未將婚約守，我未敢嬲你重要話趕走，喺處詐癲詐牛
宣王：（接）你收吓口，我戥你醜，精嘅知機快的走，咪响處來賴厚。
無艶：（快點下句）聲聲驅逐，怒上心頭，我要大發雌威施辣手。
迎春：（口古）主上，你旣然答允過封佢做昭陽，不若命佢先降服此八角妖獸。
晏嬰：（接）係咯，你快的先將妖獸降服，包你個昭陽地位，安享無憂。
無艶：（快點下句）一言爲定賦白頭，默禱聖母娘娘多庇祐。
宣王：（奪錦）罪咎，罪咎，問你怎辭罪咎，應追究，你狼心毒透。
無艶：（接）錯手，錯手，望聖君饒罪咎。
迎春：（减字芙蓉下句）你心腸何狼毒，高妃與你有何仇，一定因妒亂傷人，請君王將佢斬首。
晏嬰：（接）你乘機落井下石，可算够陰謀，佢錯手誤傷人，你有心施毒手。
宣王：（花下句）迎春害人雖有意，結果未得遂落謀。
宣王：（花）無艶傷害了高妃，事實不能辭罪咎。
無艶：（花下句）無艶未敢違天意，三重刧難正開頭。
無艶：（小紅燈）冷燕被樊籠困，你緣何又放人。
宣王：（接）孤一心，並無恨與憎，無非你太狼更粗心。
無艶：（接）聖君聖君太負心，致有我心悲慣，錯手殘傷高妃命殞。
宣王：（三脚櫈）前事不用提，你毋須懷舊恨，可恨魏來使，進上藕絲琴，佢地個個不能彈，孤就要年年去朝覲，所以求你爲一試，免受尋於人，（花）你素來海量汪涵，一定當堂答允。
無艶：（十月懷胎）我實在悲痛心，愁懷傷莫禁，你欲退婚，忘舊盟，我無能帮聖君。
晏嬰：（花下句）女人素來多小氣，今時難怪女釵裙，我話成功之後要封昭陽，免令呢個媒人無信任。
宣王：（接）人到急時抱佛脚，不能受辱於使臣你若能彈响藕絲琴，立封昭陽爲寵幸。
無艶：（快點下句）一言旣出，反悔無能，主上莫再貪言，待哀家盡其責任。
宣王：（三脚櫈下句）太平經無事，何苦要殺人，孤已甚疲勞，我同美人囘宮飮。
無艶：（接）你不能有事鍾無艶，無事就夏迎春，你若不封昭陽，你問群臣肯晤肯。
宣王：（花下句）群臣附和，令孤反悔不能，惟有嘆氣一聲，强爲封贈。
無艶：（胡姬怨）心中悲痛，今夕良宵空相送，風飄霜凍，守候菱宮空相送，冷落深宮，自苦顏容，難諧舊夢，佢未敢乘龍相思空自種。
晏嬰：（天上人間）寒天北風，（雙）你要囘宮相偎擁。
宣王：（接）我難返宫中，（雙）佢人醜不出衆。
晏嬰：（接）不過殿上經已加封，你要應當重信用。
宣王：（接）我實難心相愛，我要去見西宮。
晏嬰：（板眼）天寒地凍，好易冷傷風，娘娘冇人冚被又怕會亂籠，反起面嚟會打到你頭都腫，佢雖然貌醜但係會爲國立功，你咪愛酒貪花，須以國家爲重，你不能不跨鳳乘龍。
宣王：（平湖秋月）容容容，今宵變換了花嬌玉芙芙蓉，春燈照落嬌姿似桃紅，令人惹起了情懷動，雙雙親愛快乘龍。
無艶：（接）我人才難及衆，（雙）那得王心相思送。
宣王：（接）我眞愛你情重，不知今晚御妻變改好顏容，我願時時共對，相抱相擁，良宵不空送。
無艶：（接）心中，心中，有悲恨，恨君心哀痛，你寵愛別個嬌容，完全未理儂孤衾凍，做乜你晚晚仍然似失踪，唔抽，唔采，唔送。
宣王：（接）嬌姿你莫你莫惹酸風，我長伴你，一生一世兩情濃。
無艶：（花下句）一夜痴纏承恩澤，從今不再嘆飄蓬，釵横鬢亂太羞人，羞記昨宵雲雨夢。
宣王：（接下句）一夜良宵嫌苦短，遊遍巫山十二重，御妻容貌勝嫦娥，孤爲你傅粉調脂親手弄，（血淚花）你嘅顏容，顏容，忽斷送，嚇死孤躬，（雙）
無艶：（接）你應憐我，情義重。
宣王：（接）我心驚驚，要快的鬆。
□嬰：（接）主上，燕國派孫操夫婦領兵侵犯，經已連破三關，無人抗敵，文武百官，非常惶恐。
宣王：（口古）梓童，孤王命你領兵前去，將燕兵掃蕩，你不能不爲國立功。
無艷：（快點下句）責來大義要遵從，惟有叩別君王提師出動。
宣王：（花下句）調虎離山驚醜婦，眞係一塲歡喜一塲空。
田昆：（花）國家輿亡，匹夫應有責任，綠林爲寇恨未步上靑雲，濟弱扶傾，乃是英雄本份。
無艷：（快點下句）燕邦無故把齊侵，統領精兵同破陣。
田昆：（花下句）何來一個半面美人，怪狀奇形別存風韻。
無艶：（口古）呸，你冒犯哀家，可算胆大得很。
田昆：（接）你欲通行無阻，除非做我押寨夫人。
無艶：（接）我怕你個短命兒郞，無此福份。
田昆：（接）你若將要求答復，立卽將你生擒。
無艶：（接）你若不敵哀家，要你跪認親娘，能否答允。
田昆：（接）我若被你殺敗，任你點處分。
無艶：（口古）你快些叩見親娘。
田昆：（口古）請問親娘是何人等。
無艶：（口古）哀家是齊國昭陽正苑，乖仔，你又何名何姓。
田昆：（口古）臣兒乃綠林好漢，姓田名昆。
無艶：（花下句）你隨母后先把燕軍掃蕩，然後帶你參見聖君。
孫操：（武西廂）忙忙走前途。
燕丹：（接）忙忙走前途。
孫操：（接）魔高千丈比道更高。
燕丹（接）滿佈槍刀。
孫操（接）妙計算好孫操（雙）（花）陣上不離夫婦兵那怕齊兵不末路。
孫操：（口古）哼，我怕你地來時有門，去時無路。
無艶：（接）笑話，鍾無艶有無邊法力，何懼此小小孫操。
燕丹：（接）你地水浸眼眉，勸你快些投降及早。
田昆：（接）混帳，田昆江湖橫霸，請你試我寶刀。
孫操：（口古）鍾無艶，你已被我生擒，問你尚有何法寶。
無艶：（接）呸，肉隨玷板上，任得你蒸就蒸，煑就煑，煲就㷛。
燕丹：（接）鍾無艶，女人一定同情女人嘅，我勸你快快投降，許你自新之路。
無艶：（接）笑話，鍾無艷寧死不辱，拼止輕擲頭顱。
孫操：（快點）竟將愛妻來踢倒，心頭火上你罪難逃，拈起鋼刀送你歸泉土。
無艶：（賣報歌）我笑剌吐，（雙）你亂殺死我唔着數，因乜因乜要開刀，眞癲倒，你顧住至好，此怨此怨我定必報，要共你完大數，你無人道，（雙）定冇好報。
無艷：（口古）孫操，呢次又到我勸你歸降叻，若你知機我定放你一條生路。
孫操：（接）我地並非貪生怕死，不過被你感動不要我還你頭臚。
無艶：（花下句）我暫存你夫婦性命，囘去叫燕王年年進貢，寢息兵力。
宣王：（口古）梓童，你得勝囘來，何以帶此人口稱父王，眞令孤王大起疑念。
無艶：（接）哀家在山上見此人英雄無敵，所以收爲義子，佢姓田名昆係一個有用嘅靑年。
迎春：（接）主上。好收唔收，收個靚仔做乾仔，想落眞係牙烟到極點。
無艶：（接賤婢，哀家光明正大，你竟敢橫來侮辱，哀家要將你執罪從嚴。
宣王：（三脚櫈下句）梓童你莫生氣，美人亦莫多言，我對佢旣懨煩，任由佢點淫賤。
迎春：（接）開聲就講執法，太過恃威權，你不過識打交，文立就攪唔掂。
無艶：（接）我能文又能武，筆下可千言。（花）你敢唔敢輸賭鬥寫文章，便知道哀家手段。
迎春：（大笑上雲梯大家鬥寫千張有衆目見，倘若你寫得快先，願頭壳奉嬋娟，我比你寫得快先呢。
無艶：（接）我反將一個頭臚斷，來呈献，不相怨。
晏嬰：（接）兩家講過莫作閒言，還要請君你做處斷。
無艶：（口古）侍臣，卽刻準備五尺玉香，二千張紙，擺齊在金階下面。
迎春：（接）正宮娘娘，我地要點着枝香，在枝香未熄之前，就要寫好一千張，如果邊個寫得慢嘅，就要斬首在殿前。
無艶：（花下句）你居然睇小我鍾無艶，我要你當堂一命喪黃泉，旣然輸賭在金鑾，主上要立斬迎春無偏見。
宣王：（二王慢板下句）此乃一時遊戲，何苦要人命關連。
迎春：（序）主上你要可憐。
無艶：（二王慢板）願賭服輸，萬萬不能，改變。
晏嬰：（序）鬼叫你當時咁氣燄。
宣王：（二王慢板下句）看孤王面上，恕過佢一次，失言。
迎春：（序）除非鬥過捲絲棉。
無艶：（二王慢板）點樣鬥捲絲綿，你可以言明，當面。
晏嬰：（序）呢囘咪講過就算。
宣王：（木魚）美人你何須恨怨，無謂再起爭端。
迎春：（接）我勢難下氣，係要同佢鬥捲絲綿。
宣王：（接）點樣鬥捲絲綿，你要小心檢點。
迎春：（接）將絲綿舖在地上，我地两個瞓落去先睇過邊個起身，邊個身上有絲綿捲染，就要人頭割下，不再食言。
無艶：（白欖）你甘願，我亦甘願，此次不能有欺騙。
晏嬰：（接）我話娘娘，一定會賭嬴。
文廣：（接）我話西宫一定會操勝券。
晏嬰：（接）你又敢唔敢輸人頭。
文廣：（接）我願同你賭一遍。
晏嬰：（接）願賭要服輸。
文廣：（接）憂你頭壳斷。
無艶：（接）侍臣卽刻取絲綿。
迎春：（接）呢囘你一定想命短。
宣王：（中板下句）叫句好梓童，應有汪涵海量，且聽孤哀懇求憐，講到夏迎春，藐視昭陽應該要一刀，兩斷，（一才）但係正西宫，情同姊妹，又何苦要一命，抵塡，望愛卿（花）你饒恕佢一囘，再看在孤王薄面。
無艶：（長花下句）無可怨，（雙）天數難違經定算迎春生命未該完，但係懲戒兇狼難赦免，我准憑法力，要佢叫苦連天，主上，佢死罪雖可恕饒，活罪不能避免。
無艶：（大怒花下句）你心存險毒，欲將哀家毒死在宫前，大發雌威，先將你個賤人處斷。
宣王：（快中板下句）龍頭打破，罪大彌天，御林軍（一才）快把賤人，一刀兩段。
晏嬰：（口古）主上，何以要斬殺娘娘，佢究竟有何罪譴。
無艶：（接）丞相，高妃欲將哀家毒死，所以哀家一時火起將其懲戒，點知一拳就打死佢叻，主上忽然入來阻攔，我又錯手將龍頭打穿。
晏嬰：（接）主上，高妃死有餘辜，正宮娘娘不過一時錯手冒犯聖君，請念佢屢次爲國立功網開一面。
宣王：（接）好啦，念在丞相講情，人來將賤人押往冷宫收禁，等佢受苦十年。
宣王：（花下句）醜婦人雖然有功救國，但係孤王一見佢就心不安然。
宣王：（口古）美人，點解忽然會火燒冷宮，我相信鍾無艶一定燒死叻，不過佢死咗，我重反爲自在。
迎春（接）：老實話畀你知丫主上，係我靜靜叫人放火㗎，而家燒死咗隻醜婦，我同你係一樣咁開心。
無艶：（接）夏迎春，你够狼毒叻，想燒死我呀，燒我唔死嘅，而家我已經脫離恨海，齊宣王，我而家去翠屛山棟老公番頭嫁叻，等人人知道你戴綠帽都應該。
宣王：（沉花下句）唉吔吔，嚇到我目定口呆。
晏嬰：（口古）主上，更吳忽來侵犯邊疆，將近攻入皇城之外。
宣王：（接）弊叻，呢一次無人抗敵，一定慘受亡國之災。
晏嬰：（接）主上，我正話見倒娘娘，共田昆乘馬飛天，除非𠱓得佢番嚟保衞河山，否則萬民遭害。
宣王：（接）又試去求佢呀，孤王雖然知道佢喺翠屛山，但係再去求佢，佢一定會諸多條件，孤王一定接納不來。
迎春：（接）主上，千祈唔好去搵番佢呀，我點樣都唔肯下氣低，畀個隻醜婦將我諸般虐待。
晏嬰：（接）主上，如果唔求得娘娘囘朝救國，唔駛十日就要國亡家破，我地三個，都要準備三副棺材。
宣王：（花高句）何堪國破與家亡，無可奈何無可奈，美人暫時爲忍辱，面皮放厚都要𠱓佢歸來。
晏嬰：（夜上海）頭又搖，身又搖，走得我氣咳冷汗如朝。
宣王：（接）彈得故調，佢定不聽調，贃得譏笑。
迎春：（接）跪得佢番去怕乜人笑，至怕佢唔采你，個陣眉頭縐，聲擋駕，我問你幾無聊。
田昆：（長花）你咪攞皮宜，你咪講玩笑，乜野宣王我唔多曉，一提起佢就眼眉調，秋扇過時唔想要，所以翠屛上把夫招，請你快的鬆人，否則諸多不妙。
宣王：（花下句）王兒不應相逢如陌路，父王一心一意接你母子囘朝，多煩你快請母后出堂前，舊事前塵皆罷了。
迎春：（花下句）主上前非知痛改，殿下何必再惹風朝，切勿三分顏色當大紅，我不願聽人彈高調。
晏嬰：（接）殿下好應明大義，新舊恨盡勾消，何幸破鏡再重圓，你要知趣識情無阻撓。
無艷：（中板下句）第一條，要西宮叩願認錯，不准再扭擰刁喬，第二條，我要入主昭陽，還將王兒照料，第三條，賜我上方寶劍，難把奸黨恕饒，重有一條，我要八人伕轎抬我返宫幃。（一才）
無艷：（花）但係我要主上，西宮兩個親抬花轎。
宣王：（花下句）眞係面係人家畀，架係自己丟。
鍾無艶
本事
齊宣王（何非凡）午睡，夢中遇一仙姬自爆開之蟠桃中走出，美艶非常，向之求愛，仙姬拒之，避入蟠桃之內，宣王大叫而醒，急召丞相晏嬰（梁醒波）詳解夢兆。
晏嬰力主是佳兆，勸王往蒼山行獵，王從其議，在蒼山下宣王見一美女鍾無艶（余麗珍）便命晏嬰作媒，以玉帶爲憑，却不料此姝另半面奇醜，擬悔約，無艷取出玉帶，限四十九天迎娶，乃由晏嬰担保。
然限期過後，宣王音訊渺然，無艷家人都冷言譏諷，獨其母表同情，無艷决心晋京，求父母賜竹蘿，較剪，梳篦，木屐，竹掃等作嫁妆，乃拜別父母匆匆而去。
無艷闖進宮庭，怒打晏嬰，迫他領見宣王，晏嬰無奈，只得担起竹蘿，唯因身軀矮，胖將繩打了三個結。無艷覩狀，頓覺心神不安，已預知將有苦難，三重降臨。
無艶宫中怒責宣王負約，其時宫前古井之內適有妖怪出現，夏迎春（沙鳳）心生一計，請宣王命無艶下井殺妖，如成功則封爲昭陽正苑，無艶得聖母之助，力殺妖怪。
夏迎春又獻計命人搬大石以阻井口，不料無艶竟能收妖上井。把大石推開，却誤傷高妃，宣王趁機行國法，擬將無艶斬首示衆，晏嬰力爭，宣王無奈，命將無艶打入冷宫。
魏國派使進獻藕絲琴以作難，若無人能彈，則須年年向魏國進貢，無人能彈，宣王苦惱，晏嬰力主無艶能之，宣王命召進宫，無艶却要迎春三跪九叩引路，宣王下階相扶上殿才見，宣王爲勢所迫，只得順從。
無艶又得仙女之助，果能使藕絲琴，彈出音響，魏使覩狀，奈何不得，甘爲下國而去，宣王無法，有約在前，乃封無艶昭陽正苑，大宴群臣。夏迎春覩狀，憤恨而去。
大婚之夕，宣王駕臨正宮，却因無艶奇醜，心中納悶，不料踱進內宫之後，無艶已得聖母所賜之夜明釵，變作美貌非常，宣王大喜，共赴巫山，事後，無艶變囘醜陋，宣王抱頭狂奔。
燕國第兵派孫操燕丹夫婦領兵犯境，連破三關，宣王又命無艶出師，半途，無艶收少年將軍田昆作義子，共赴沙塲，合力共破敵陣，大敗燕軍，擒拿敵將，班師囘朝。
迎春又譏無艶只懂用武，不曉文章，不配爲國母，提出鬥寫千篇文章，無艶一笑答允，並立下生死狀，迎春急忙書寫，無艶猶未動筆，只躺下睡去，却急煞了晏嬰。
迎春書寫至九百九十九章之時，晏嬰把無艶推醒，無艶以帚一揮立就，千篇寫完，而迎春猶未書寫完畢，至是無艶得勝，迎春仍未服氣，又邀無艶比賽鬥捲絲棉。
迎春要無艶先捲，無艶胸有成竹，躺下一捲而過，而身上却絲毫不染，蓋係得百虛神扶助，施用法術也，迎春却染得一身皆是，於是無艶又勝，夏迎春至是無言以對。
無艶要殺迎春，宣王代求却情，只命迎春脫下衣裳給無艶鞭打，無艶無奈只得施用法術，一鞭一鞭揮打，迎春却一邊狂呼喊痛，四十鞭打完，迎春已叫苦連天，于是無艶得伸一口氣，宣王亦只嘆無可奈何而已。（完）
『鍾無艷』精彩曲詞
宣王：（貴妃醉酒）日來春風暖，對花開瓊筵。
迎春：（接唱）我願日日常爲伴。
高妃：（接唱）我願日日相歡宴。
宣王：（接唱）多纏綿，人月两團圓，償心願。
迎春：（口古）主上，你成日話立我做皇后，點解一日推一日，都封我做昭陽正苑。
高妃：（接）主上，我成日希望你封我做西宫嘅地位，點知延吓延吓又延咗一年。
宣王：（木蘭從軍）相愛比金堅，相對多憐念，封宮乃大典，百官亂進言，佢話若然立正宫呢，須要賢淑眷。
迎春：（三脚櫈）主上你不肯封，借詞來遮掩，眞係紅顏多薄命，自古非虛言，我一怒返徧宫，淚痕經滿面
高妃：（三脚櫈下句）自慚如蒲柳，豈配伴尊嚴，我願垂淚到天明，長門爲抱怨。
宣王：（花下句）粉怨脂啼皆盡去，空餘美酒襯花妍，但願醉後夢入高唐，軟玉溫香驚絕艶。
宣王：（長句二王下句）瑞氣香烟，金宮銀殿，仙桃丹桂勝花園，冷艶花香塵不染，當是廣寒宫裡，更是上界神仙，孤王位極九重，未嘗見雲霄，吐燄。
小仙女：（白欖）此處非宫殿，乃是九重天，乃是神仙苑，宣王有仙緣，故能夢中見，你睇苑內一仙桃，你選擇昭陽憑桃艶。
無艶：（賣相思）天邊，天邊百花開遍，冷香吹送花放人前，我共你有前綠，心心相愛戀，我共你有前緣，並非虛言
宣王：（夜上海）魂夢緣，天上緣，喜得仙姬結鳳鸞我在人世上，你在天裡便，怎得相見。
無艶：（長句花下句）一夕夢魂中，有緣爲相見，夙世姻緣難改變，共諧鴛夢待他年，受盡折磨哀與怨，眞果是難逃天意，註定我受若多年，我不就降下凡塵，做你嘅昭陽正苑。
宣王：（長花下句）天上仙，人間眷，旣有夙緣牽一綫，奈何相隔在目前，我一見桃仙驚絕艶，禁不住魂飛天外，更禁不住意馬心猿，我如火熱，（一才）愛如狂（一才）孤王要上前一偎粉面。
小仙女：（花下句）皎潔仙桃難侵犯，你莫輕狂態度欲天仙，有緣他日可相逢，此際須防天責譴。
鏡無艶：（念詩）仙花天賜吉非常，立地生根定國邦，聖駕打圍蒼山去，午時三刻遇昭陽，齊宣王你記住呢四句詩啦。
宣王：（花下句）仙女遺留詩四句，孤王莫解個中言，驚鴻一瞥尚留香，未知何時重相見。
晏嬰：（長花下句）我來占算，來占算，夢境迷離將天仙見，占來象卦跑馬射金錢，射中金錢憑一箭，你去蒼山行獵自可巧結良緣，佢第四句詩就係話午時三刻遇昭陽，他日保護江山憑絶艶。
宣王：（花下句）决意蒼山爲狩獵，但願夢中人見在山前。
宣王：（中板）驚艶蒼山人秀麗，偷窺半面已神迷，問句卿家（花）呢一個美人，配唔配做昭陽地位。
晏嬰：（木魚）唔駛問亞貴，呢個靚女正合做帝王妻。
宣王：（接）孤王就命你做媒前去，代孤把紅葉詩題。
晏嬰：（接）我問一聲，呢位小姐何姓何名，你願唔願意嫁皇帝。
無艶：（接）皇帝點會來到此地，你分明亂噏東西。
晏嬰：（接）佢的的確確係九五之尊，想封你做昭陽地位。
無艶：（接）究竟係唔係㗎。
晏嬰：（接）我就係丞相晏嬰，可以做媒人担保。
無艶：（接）係咁我就卽刻落嚟。
宣王：（沉花下句）唉吔吔，半邊似人似鬼，嚇到孤王魂魄都唔齊。
無艶：（下西岐）我願長爲皇帝妻。
宣王：（接）冷汗齊標眞惡睇。
晏嬰：（接）半面西施，生來貌似鬼。
無艶：（接）我少小人艶麗。
宣王：（接）若係兩家同床，就要驚一世，點與共進羅幃。
無艶：（接）係人便讚我衿貴，應配白髮眉齊。
宣王：（接）我唔願提，情絲怕相繫，取消諾言不配做我妻
無艶：（接）哼，你太心虧。
宣王：（接）我卽時便要歸。
無艶：（江邊草）我雖係人細細，要發雌威，那堪悔反，有心侮辱，你係媒人喱。條難詐諦要你命歸西，那堪悔反，有心侮辱，要你人撈呢。
晏嬰：（接）我求情靠𠱓，我非悔反，有心侮辱存心曳。
宣王：（接）實弊，實弊，你莫將我來命斃。
無艶：（接）我要「砌」，要「砌」，我的武藝架勢，若然，若然，你不認，我一定，要將聖君你來生埋。
晏嬰：（三脚櫈）若果唔應承，當堂一身蟻。
宣王：（接）佢十足隻花面貓，點可以入宫幃。
無艶：（接）喂應承唔應承，咪怪我發郞禮。
晏嬰：（接）此人雖貌醜，可救國垂危。
宣王：（接）醜婦作昭陽，我勢難諧伉儷。
無艶：（接）你旣嫌我貌醜，點解又封我入宮幃。
宣王：（接）傳命返宫中，講多亦無謂。
無艶：（快中板下句）你寒盟悔約返宫幃，若果你再不封宫，（一才）卽刻要你當堂變鬼。
無艶：（南島春光）望望望望到我戇，（雙）望望望日也望，夜晚望到天光，望愴心肝，個個齊王，封我做娘娘，靠撞，靠撞，經已過期，不接我往朝堂，心怕冇行，會醜到我塊高黃，混帳，混帳，（長花）婚約已過期，心頭如鹿撞，秋水望穿神惘惘，緣何未見個老公王，莫非佢有心來賴帳，情情義義盡遺忘，經已誤了十日佳期，仍未見車迎百輛。
鍾奇：（連環西皮）你眞不應當，（雙）確的瘋狂，累我叩頭，叩到雷聲咁响。
無艶：（小紅燈）我要嘅隨時便當，無容係耍大床，只要較剪一雙，一對大蘿共掃桿，頭篦尺和個梳粧箱，揀一對繩，至緊要够長，帶到京師往，他日榮封將你奉養。
無艶：（十八摩）我要將你追瘦，你未將婚約守，我未敢嬲你重要話趕走，喺處詐癲詐牛
宣王：（接）你收吓口，我戥你醜，精嘅知機快的走，咪响處來賴厚。
無艶：（快點下句）聲聲驅逐，怒上心頭，我要大發雌威施辣手。
迎春：（口古）主上，你旣然答允過封佢做昭陽，不若命佢先降服此八角妖獸。
晏嬰：（接）係咯，你快的先將妖獸降服，包你個昭陽地位，安享無憂。
無艶：（快點下句）一言爲定賦白頭，默禱聖母娘娘多庇祐。
宣王：（奪錦）罪咎，罪咎，問你怎辭罪咎，應追究，你狼心毒透。
無艶：（接）錯手，錯手，望聖君饒罪咎。
迎春：（减字芙蓉下句）你心腸何狼毒，高妃與你有何仇，一定因妒亂傷人，請君王將佢斬首。
晏嬰：（接）你乘機落井下石，可算够陰謀，佢錯手誤傷人，你有心施毒手。
宣王：（花下句）迎春害人雖有意，結果未得遂落謀。
宣王：（花）無艶傷害了高妃，事實不能辭罪咎。
無艶：（花下句）無艶未敢違天意，三重刧難正開頭。
無艶：（小紅燈）冷燕被樊籠困，你緣何又放人。
宣王：（接）孤一心，並無恨與憎，無非你太狼更粗心。
無艶：（接）聖君聖君太負心，致有我心悲慣，錯手殘傷高妃命殞。
宣王：（三脚櫈）前事不用提，你毋須懷舊恨，可恨魏來使，進上藕絲琴，佢地個個不能彈，孤就要年年去朝覲，所以求你爲一試，免受尋於人，（花）你素來海量汪涵，一定當堂答允。
無艶：（十月懷胎）我實在悲痛心，愁懷傷莫禁，你欲退婚，忘舊盟，我無能帮聖君。
晏嬰：（花下句）女人素來多小氣，今時難怪女釵裙，我話成功之後要封昭陽，免令呢個媒人無信任。
宣王：（接）人到急時抱佛脚，不能受辱於使臣你若能彈响藕絲琴，立封昭陽爲寵幸。
無艶：（快點下句）一言旣出，反悔無能，主上莫再貪言，待哀家盡其責任。
宣王：（三脚櫈下句）太平經無事，何苦要殺人，孤已甚疲勞，我同美人囘宮飮。
無艶：（接）你不能有事鍾無艶，無事就夏迎春，你若不封昭陽，你問群臣肯晤肯。
宣王：（花下句）群臣附和，令孤反悔不能，惟有嘆氣一聲，强爲封贈。
無艶：（胡姬怨）心中悲痛，今夕良宵空相送，風飄霜凍，守候菱宮空相送，冷落深宮，自苦顏容，難諧舊夢，佢未敢乘龍相思空自種。
晏嬰：（天上人間）寒天北風，（雙）你要囘宮相偎擁。
宣王：（接）我難返宫中，（雙）佢人醜不出衆。
晏嬰：（接）不過殿上經已加封，你要應當重信用。
宣王：（接）我實難心相愛，我要去見西宮。
晏嬰：（板眼）天寒地凍，好易冷傷風，娘娘冇人冚被又怕會亂籠，反起面嚟會打到你頭都腫，佢雖然貌醜但係會爲國立功，你咪愛酒貪花，須以國家爲重，你不能不跨鳳乘龍。
宣王：（平湖秋月）容容容，今宵變換了花嬌玉芙芙蓉，春燈照落嬌姿似桃紅，令人惹起了情懷動，雙雙親愛快乘龍。
無艶：（接）我人才難及衆，（雙）那得王心相思送。
宣王：（接）我眞愛你情重，不知今晚御妻變改好顏容，我願時時共對，相抱相擁，良宵不空送。
無艶：（接）心中，心中，有悲恨，恨君心哀痛，你寵愛別個嬌容，完全未理儂孤衾凍，做乜你晚晚仍然似失踪，唔抽，唔采，唔送。
宣王：（接）嬌姿你莫你莫惹酸風，我長伴你，一生一世兩情濃。
無艶：（花下句）一夜痴纏承恩澤，從今不再嘆飄蓬，釵横鬢亂太羞人，羞記昨宵雲雨夢。
宣王：（接下句）一夜良宵嫌苦短，遊遍巫山十二重，御妻容貌勝嫦娥，孤爲你傅粉調脂親手弄，（血淚花）你嘅顏容，顏容，忽斷送，嚇死孤躬，（雙）
無艶：（接）你應憐我，情義重。
宣王：（接）我心驚驚，要快的鬆。
□嬰：（接）主上，燕國派孫操夫婦領兵侵犯，經已連破三關，無人抗敵，文武百官，非常惶恐。
宣王：（口古）梓童，孤王命你領兵前去，將燕兵掃蕩，你不能不爲國立功。
無艷：（快點下句）責來大義要遵從，惟有叩別君王提師出動。
宣王：（花下句）調虎離山驚醜婦，眞係一塲歡喜一塲空。
田昆：（花）國家輿亡，匹夫應有責任，綠林爲寇恨未步上靑雲，濟弱扶傾，乃是英雄本份。
無艷：（快點下句）燕邦無故把齊侵，統領精兵同破陣。
田昆：（花下句）何來一個半面美人，怪狀奇形別存風韻。
無艶：（口古）呸，你冒犯哀家，可算胆大得很。
田昆：（接）你欲通行無阻，除非做我押寨夫人。
無艶：（接）我怕你個短命兒郞，無此福份。
田昆：（接）你若將要求答復，立卽將你生擒。
無艶：（接）你若不敵哀家，要你跪認親娘，能否答允。
田昆：（接）我若被你殺敗，任你點處分。
無艶：（口古）你快些叩見親娘。
田昆：（口古）請問親娘是何人等。
無艶：（口古）哀家是齊國昭陽正苑，乖仔，你又何名何姓。
田昆：（口古）臣兒乃綠林好漢，姓田名昆。
無艶：（花下句）你隨母后先把燕軍掃蕩，然後帶你參見聖君。
孫操：（武西廂）忙忙走前途。
燕丹：（接）忙忙走前途。
孫操：（接）魔高千丈比道更高。
燕丹（接）滿佈槍刀。
孫操（接）妙計算好孫操（雙）（花）陣上不離夫婦兵那怕齊兵不末路。
孫操：（口古）哼，我怕你地來時有門，去時無路。
無艶：（接）笑話，鍾無艶有無邊法力，何懼此小小孫操。
燕丹：（接）你地水浸眼眉，勸你快些投降及早。
田昆：（接）混帳，田昆江湖橫霸，請你試我寶刀。
孫操：（口古）鍾無艶，你已被我生擒，問你尚有何法寶。
無艶：（接）呸，肉隨玷板上，任得你蒸就蒸，煑就煑，煲就㷛。
燕丹：（接）鍾無艶，女人一定同情女人嘅，我勸你快快投降，許你自新之路。
無艶：（接）笑話，鍾無艷寧死不辱，拼止輕擲頭顱。
孫操：（快點）竟將愛妻來踢倒，心頭火上你罪難逃，拈起鋼刀送你歸泉土。
無艶：（賣報歌）我笑剌吐，（雙）你亂殺死我唔着數，因乜因乜要開刀，眞癲倒，你顧住至好，此怨此怨我定必報，要共你完大數，你無人道，（雙）定冇好報。
無艷：（口古）孫操，呢次又到我勸你歸降叻，若你知機我定放你一條生路。
孫操：（接）我地並非貪生怕死，不過被你感動不要我還你頭臚。
無艶：（花下句）我暫存你夫婦性命，囘去叫燕王年年進貢，寢息兵力。
宣王：（口古）梓童，你得勝囘來，何以帶此人口稱父王，眞令孤王大起疑念。
無艶：（接）哀家在山上見此人英雄無敵，所以收爲義子，佢姓田名昆係一個有用嘅靑年。
迎春：（接）主上。好收唔收，收個靚仔做乾仔，想落眞係牙烟到極點。
無艶：（接賤婢，哀家光明正大，你竟敢橫來侮辱，哀家要將你執罪從嚴。
宣王：（三脚櫈下句）梓童你莫生氣，美人亦莫多言，我對佢旣懨煩，任由佢點淫賤。
迎春：（接）開聲就講執法，太過恃威權，你不過識打交，文立就攪唔掂。
無艶：（接）我能文又能武，筆下可千言。（花）你敢唔敢輸賭鬥寫文章，便知道哀家手段。
迎春：（大笑上雲梯大家鬥寫千張有衆目見，倘若你寫得快先，願頭壳奉嬋娟，我比你寫得快先呢。
無艶：（接）我反將一個頭臚斷，來呈献，不相怨。
晏嬰：（接）兩家講過莫作閒言，還要請君你做處斷。
無艶：（口古）侍臣，卽刻準備五尺玉香，二千張紙，擺齊在金階下面。
迎春：（接）正宮娘娘，我地要點着枝香，在枝香未熄之前，就要寫好一千張，如果邊個寫得慢嘅，就要斬首在殿前。
無艶：（花下句）你居然睇小我鍾無艶，我要你當堂一命喪黃泉，旣然輸賭在金鑾，主上要立斬迎春無偏見。
宣王：（二王慢板下句）此乃一時遊戲，何苦要人命關連。
迎春：（序）主上你要可憐。
無艶：（二王慢板）願賭服輸，萬萬不能，改變。
晏嬰：（序）鬼叫你當時咁氣燄。
宣王：（二王慢板下句）看孤王面上，恕過佢一次，失言。
迎春：（序）除非鬥過捲絲棉。
無艶：（二王慢板）點樣鬥捲絲綿，你可以言明，當面。
晏嬰：（序）呢囘咪講過就算。
宣王：（木魚）美人你何須恨怨，無謂再起爭端。
迎春：（接）我勢難下氣，係要同佢鬥捲絲綿。
宣王：（接）點樣鬥捲絲綿，你要小心檢點。
迎春：（接）將絲綿舖在地上，我地两個瞓落去先睇過邊個起身，邊個身上有絲綿捲染，就要人頭割下，不再食言。
無艶：（白欖）你甘願，我亦甘願，此次不能有欺騙。
晏嬰：（接）我話娘娘，一定會賭嬴。
文廣：（接）我話西宫一定會操勝券。
晏嬰：（接）你又敢唔敢輸人頭。
文廣：（接）我願同你賭一遍。
晏嬰：（接）願賭要服輸。
文廣：（接）憂你頭壳斷。
無艶：（接）侍臣卽刻取絲綿。
迎春：（接）呢囘你一定想命短。
宣王：（中板下句）叫句好梓童，應有汪涵海量，且聽孤哀懇求憐，講到夏迎春，藐視昭陽應該要一刀，兩斷，（一才）但係正西宫，情同姊妹，又何苦要一命，抵塡，望愛卿（花）你饒恕佢一囘，再看在孤王薄面。
無艶：（長花下句）無可怨，（雙）天數難違經定算迎春生命未該完，但係懲戒兇狼難赦免，我准憑法力，要佢叫苦連天，主上，佢死罪雖可恕饒，活罪不能避免。
無艶：（大怒花下句）你心存險毒，欲將哀家毒死在宫前，大發雌威，先將你個賤人處斷。
宣王：（快中板下句）龍頭打破，罪大彌天，御林軍（一才）快把賤人，一刀兩段。
晏嬰：（口古）主上，何以要斬殺娘娘，佢究竟有何罪譴。
無艶：（接）丞相，高妃欲將哀家毒死，所以哀家一時火起將其懲戒，點知一拳就打死佢叻，主上忽然入來阻攔，我又錯手將龍頭打穿。
晏嬰：（接）主上，高妃死有餘辜，正宮娘娘不過一時錯手冒犯聖君，請念佢屢次爲國立功網開一面。
宣王：（接）好啦，念在丞相講情，人來將賤人押往冷宫收禁，等佢受苦十年。
宣王：（花下句）醜婦人雖然有功救國，但係孤王一見佢就心不安然。
宣王：（口古）美人，點解忽然會火燒冷宮，我相信鍾無艶一定燒死叻，不過佢死咗，我重反爲自在。
迎春（接）：老實話畀你知丫主上，係我靜靜叫人放火㗎，而家燒死咗隻醜婦，我同你係一樣咁開心。
無艶：（接）夏迎春，你够狼毒叻，想燒死我呀，燒我唔死嘅，而家我已經脫離恨海，齊宣王，我而家去翠屛山棟老公番頭嫁叻，等人人知道你戴綠帽都應該。
宣王：（沉花下句）唉吔吔，嚇到我目定口呆。
晏嬰：（口古）主上，更吳忽來侵犯邊疆，將近攻入皇城之外。
宣王：（接）弊叻，呢一次無人抗敵，一定慘受亡國之災。
晏嬰：（接）主上，我正話見倒娘娘，共田昆乘馬飛天，除非𠱓得佢番嚟保衞河山，否則萬民遭害。
宣王：（接）又試去求佢呀，孤王雖然知道佢喺翠屛山，但係再去求佢，佢一定會諸多條件，孤王一定接納不來。
迎春：（接）主上，千祈唔好去搵番佢呀，我點樣都唔肯下氣低，畀個隻醜婦將我諸般虐待。
晏嬰：（接）主上，如果唔求得娘娘囘朝救國，唔駛十日就要國亡家破，我地三個，都要準備三副棺材。
宣王：（花高句）何堪國破與家亡，無可奈何無可奈，美人暫時爲忍辱，面皮放厚都要𠱓佢歸來。
晏嬰：（夜上海）頭又搖，身又搖，走得我氣咳冷汗如朝。
宣王：（接）彈得故調，佢定不聽調，贃得譏笑。
迎春：（接）跪得佢番去怕乜人笑，至怕佢唔采你，個陣眉頭縐，聲擋駕，我問你幾無聊。
田昆：（長花）你咪攞皮宜，你咪講玩笑，乜野宣王我唔多曉，一提起佢就眼眉調，秋扇過時唔想要，所以翠屛上把夫招，請你快的鬆人，否則諸多不妙。
宣王：（花下句）王兒不應相逢如陌路，父王一心一意接你母子囘朝，多煩你快請母后出堂前，舊事前塵皆罷了。
迎春：（花下句）主上前非知痛改，殿下何必再惹風朝，切勿三分顏色當大紅，我不願聽人彈高調。
晏嬰：（接）殿下好應明大義，新舊恨盡勾消，何幸破鏡再重圓，你要知趣識情無阻撓。
無艷：（中板下句）第一條，要西宮叩願認錯，不准再扭擰刁喬，第二條，我要入主昭陽，還將王兒照料，第三條，賜我上方寶劍，難把奸黨恕饒，重有一條，我要八人伕轎抬我返宫幃。（一才）
無艷：（花）但係我要主上，西宮兩個親抬花轎。
宣王：（花下句）眞係面係人家畀，架係自己丟。
搜尋資料庫
