一入侯門深似海最哀艷的一幕
起誤會怒摑嬌妻
夫人：（和尙思妻）長日寄佛門，與佛同渡世，矢心修拜，保佑趙家福祿齊，好彩我乖仔娶得好嬌妻，貌美賢德更盡禮，可惜新抱尙未有孫仔。（自語白）我今日去觀音廟作福，個個廟祝交帶我將拜完神的紅鷄同埋糖蓮子靜靜收埋响家嫂個枕頭底下，七七四十九日就會有喜㗎叻好，趁家嫂响琼秀間房傾緊偈，快的整妥先，秋菊、跟住我入嚟
夫人：（白）桂香、你捧住呢碗乜野嚟喋。
桂香：（支吾白）……係補藥嚟啫，亞少奶呌我㷛定俾佢飮嘅。
夫人：（白）咁你放低响枱面，搵的野冚住佢先，唔好攤凍晒呀。
桂香：（白〕哦、
夫人：（白）好、等我念幾句經落去，等亞家嫂飮咗好身好運，連生貴子至得。
詠湘：（頻頻作咳，兩頭徘徊心聲白）唉、我呢個病係以前俾老板踢傷嘅，我現在係趙家已經俾人睇少叻，所以我更唔願意有呢個痛症，而透露出我以前卑微嘅執業，今晚我原本約咗亞紹良三更時份嚟花園，準備比的錢佢上京嘅，但係至到而家我尙未籌到呢筆欵，唔知點樣好叻。
夫人：（見湘返，欣然白）家嫂。
詠湘：（失驚白）哦、奶奶、乜仲未抖呀。
夫人：（口古）未呀，今晚我份外精神，唔瞓得咁早，所以一心到嚟想同你傾吓偈啫。
詠湘：（口古）奶奶、你對我眞係好叻，假如唔係你處處維護住我，信得過趙家上下個個都將我睇低。叻
夫人：（口古）婆媳之間好應該互相敬愛嘅，係呢，你趁熱飮咗呢碗補藥啦，須知一個人嘅身體健康，最爲珍貴。
詠湘：（口古）奶奶，你咁關懷我，咁體貼我，我眞係唔知點樣報答你嘅恩義巍巍。叻
夫人：（白）家嫂，你想報答我容乜易啫，（三脚櫈）趙家人丁素衰微，三代單傳一█仔。散葉開枝全靠你，只求早日產孩提。但得有孫繼香燈，足使老人心快慰。
詠湘：（接唱）感謝婆婆施訓勉，媳婦謹記不忘遺。（花上句）只愁綠葉不成陰，有負所期心自愧。
夫人：（笑白）家嫂，你唔駛担心嘅，你梗有得生，因爲我整咗多少鬼馬野，响你張床底。
詠湘：（笑白）奶奶、究竟你整咗的乜野係我張床度呀，講比我知啦。
夫人：（白）唏、講俾你知到就唔靈嘅啦，而家時候唔早，亞明都怕就番嘅㗎叻，你休息吓先啦，桂香、秋菊跟我番出去唔好嘈住少奶瞓。
詠湘：（白）奶奶、咁你好聲行，早的抖叻。
詠湘：（嘆氣心聲，花下句）愧無財帛酬知己，怎得黃金决難題。如何應付費思量，迫於托詞求夫婿
詠湘：（見明返，急趨前白）明哥，乜咁夜至番嘅呀、你係唔係飮醉酒呢。
學明：（冷笑、白）我飮醉，哈哈，你都冇我咁淸醒呀
詠湘：（上前、白）明哥，睇吓你丫，無端端揸住枝木棒，仲話唔係飮醉酒添。
學明：（口古）詠湘，我實話俾你知啦，我恐防今晚有人將我暗算，所以我揸住枝木棒，就係要嚟旁自衞。
詠湘：（一才關自）（口古）明哥，你一向與人無忤，點會有人暗算你呢，睇你今晚精神彷彿，語無倫次，眞令我莫解疑謎。
學明：（冷笑白）我精神彷彿，（一才）我語無倫次（一才）哈哈（花下句）莫當夫郞神智亂，（一才）雖然酒後未昏迷。因何不見揷金釵，快些直言毋虛偽。（白）詠湘、你枝金釵撑咗去邊，快的講。
詠湘：（驚惶地）（白）吓、金釵……我……係……我一時不愼遺失咗叻。
學明：（冷笑白）遺失，唔係卦，（白欖）你不必巧語騙夫郞，其實我早已知詳細。你暗將金釵送情人，（一才）還當夫郞懵閉閉。你戀奸夫，（一才）（打仳一巴）眞淫穢，（一才）無廉耻，（一才）敗家規。（一才）
詠湘：（跌地、沉花下句）哎吔吔，禍起蕭牆誠慘事，百詞莫辯暗悲啼。
學明：（怒白）哼、你都幾會作狀嘅噃，我輕輕摑你兩巴，推你一掌啫，我唔信你辛苦得咁交關，有血卽管嘔出嚟啦，衰人！
詠湘：（慢的的爬起行前續唱）（花上句）夫郞暫且息雷霆，容我坦言陳底細。
學明：（喝白）你仲有乜野好講，（長二王下句）說什麽比翼雙棲，（一才）說什麽連枝幷蒂。誰料你生來淫蕩太胡爲，竟效紅杏出牆甘越軌，枉我輕憐淺愛，深恨娶錯，不賢妻。
詠湘：（撲仙令）遭刧厲，令人淚暗揮我守禮義，婦無違，還望你，休要亂責妻，盼信任，切莫難爲，（揷白）：明哥我的確冇做過對你唔住嘅事，你千祈唔好誤會呀。
學明：（接唱）你太賤格，罪惡難盡計，太混賬，叛我還作僞，心憤恨舊情亦碎毁，休再望，賦詠眉齊。（吊慢版）（白）詠嫺，以你咁卑微嘅身世而嫁倒我呢個西安留守，就應該好好地做一個賢妻良母至爲是，誰料你不安於室，竟然背夫別戀，仲靜靜約埋個奸夫响花園幽會，你咁樣做法，試問對唔對得我住，打死你個賤人至得。
學明：（白）哼、我都未曾掂到你啫，你就係處整色整水叻，哼、任你點樣作狀，我絕對唔會可憐你嘅，我嚟問聲你，今日同你係花園幽會个個男人係邊個嚟，你快的講。
詠湘：（慢的的關目，行近學明身前跪下，悲咽白）唉、明哥、（乙反中版上句）當日姊妹花，淪落在天涯，嘗盡辛酸，何慘厲，幸得摯友郭紹良，仗義爲懷憐弱燕，常施援助，挽垂危。得人花戴萬年香，受人恩義豈能忘。（轉花）今日約會花園，無非酬恩惠。（悲咽白）明哥、我共佢只係一對難中知己，絕對冇半點私情暖昧，今日但亞媽不幸身亡，無錢殮葬，迫於無奈至有走嚟求我帮助，因爲我素知你爲人善妒，所以唔敢對你講，靜靜送咗枝金釵比佢變賣，等佢得以埋葬親娘，我亦總算報答咗佢當年嘅恩惠，明哥，唔通你咁都唔相信我咩。（哭泣）
說明：（悻然白）哼、我親眼睇住你共佢喁喁細語，親熱非常，你仲想𠱓我咩，（執棒快中板下句）學明不是三歲孩提。密約花間顯然不軌。無情棒下怒打淫妻。（包才舉棒欲打又覺不忍）（花上句）一念到枕畔恩情，（一才）又豈忍摧殘佳麗。（怒白）你精精地就好招認，若果唔係我打死你，（舉棒作狀恐嚇）
詠湘：（慘呌白）唉吔、明哥，我……我好辛苦呀。
學明：（一才、白）吓、你份人都幾會攞彩個噃，明知我唔捨得打你，專登係處詐死嚟嚇我係馬，懶彩你呀。
詠湘：（呻吟白）明哥，我唔係詐諦唎，（花下句）彷彿似心穿萬箭，痛得我魄蕩神迷。一陣陣血湧心頭，（一才）嗟莫是難逃刧例。
學明：（囘頭見狀重一才驚愕萬分，急拉住詠湘大呌，白）詠湘，我都冇打倒你，點解你週身都係血丫。
詠湘：（氣喘、白）明哥、我……呢次實死咯。
學明：（狂呌白）詠湘，詠湘……救命呀……
夫人：（見湘滿身鮮血，大驚，急趨前白）唉吔、家嫂，做乜你滿身都係血呀，邊個咁冇陰功打到你咁慘呌。
學明：（驚惶萬狀，白）亞媽，係……我……
一入侯門深似海最動人的一幕
不是寃家不聚頭
瓊秀：（反線焚稿詞）春花秋月容……易過憂思已消……解，幸得乳燕經長大，品性精……乖，
有情人亦能成淑眷，了却相思債，十五載立下宏願，不計成和敗喜得今天已康泰
願棄珠翠卸金……釵安居守本份令人心快一家歡樂叙眞高興可惜劫後人年邁。
美顏：（反綫逍遙樂）愛着威衫學時……派雖則乳燕未曾大早已樣樣了解晚晚梳妝偷去街
人人話我生得靚纖腰更絕隹每日上街偷將草履換綉鞋美，麗儀態，招惹浪蝶裙下拜
瓊秀：（白）美顏，你返嚟叻
美顏：（白）唉吔吔，表姐，你年紀都唔輕嘅啦，重成日做乜野丫，睇吓你腰都彎彎地叻，留番比我做把啦。嗱，等我担張櫈比你坐响處抖下先啦。
琼秀：（白）乖叻，美顏、（口古）你雖然呌我做表姐，但係我大你十幾年，敎得你話得你，點解我呌親你去買嘢，你總係去成半日至番嚟，到底你去邊處呀，千祈唔好練精學壞。噃，
美顏：（口古）表姐，我坦白的同你講丫，我唔細嘅叻，差兩個月就十八歲嘅啦，個心就未免唔野的嘅，我識埋好多看牛仔，得閒冇事唔係同佢地拍吓拖，行吓街：囉。
琼秀：（一才關目）（口古）唉吔，乜你咁放恣，十七歲女就咁野性叻，再大的點算呀，美顏，表姐冇野怕，最怕你將自由誤解。
美顏：（口古）表姐，你成日匿埋係屋企，眞係唔知世事叻，隔離街二嬸個女亞痩妹呀，十五歲幾之馬，舊年嫁咗，今年生埋仔添，已經成晚噯姑乖添叻：
瓊秀：（一才慢的的含怒曰）美顏、（三脚櫈）你係未嫁小姑娘，點解學成得咁壞。須知人心多險惡不宜妄自動情懷。（花）快收拾意馬心猿，應受我從嚴儆戒。（白）美顏，自從你個親家姐死左之後，我代替佢凑大你，若果你有行差踏錯，我呢十幾年嘅心血就白費咯，估唔到你呢個人鬼咁聰明又鬼咁曳。
美顏：（白）就算我眞係想嫁亦都唔算曳丫，若果咁都算曳，我相信唔知幾多人曳叻。
瓊秀：（怒曰）吓，重敢駁咀係馬，我徧徧唔准你嫁住。
美顏：（頑皮地曰）你有乜理由啫。
瓊秀：（憤然地起身曰）哎吔，乜野呌做冇理由呀。
美顏：（白）表姐，唔准唔係唔准咯，駛乜咁嬲咁氣憤啫，（花下句）少女心好似鮮花怒放，又點似得你的老樹枯柴。越是聰明人越會把愛情分解。
瓊秀：（慢的的啼笑皆非）（口古）美顏，你講得啱，我都知道你呢隻鐵咀鷄犀利㗎叻，哼，你心目中梗係有愛人，否則你今日同我講旣說話，斷唔會口快舌快。
美顏：（口古）咁你又聰明過頭叻，愛人我就的確未有，不過有起上嚟亦好易嘅啫，斬吓眼就有嘅叻，事關愛情嘅嘢點話得埋呢。
瓊秀：（又好氣又好笑）（白）美顏，你唔好激死我叻（花下句）望你有識人慧眼，莫負我一點慈懷。我爲誰辛苦爲誰忙，唔輕易把美顏你養大。（白）美顏，你記住我呢幾句說話啦（行入屋內去）
美顏：（向琼秀背後駛鬼臉）（白）好：表姐唔係處我大哂。
學明：（梵皇恨）（揷白）喃無喃無阿彌陀……。清心受誡永世修齋……看破色空，永莫思少艾，皈依佛敎，塵緣已消解不再痴迷還淸孽債但願遁跡天涯愛念已冰消，婚姻亦瓦解。願聽梵經妙諦莫再牽惹情懷。……
學明：（白）施主，化的香油，化的白米啦。
美顏：（一才扎覺白）想第二樣就難啫，想白米容乜易啫、嗱、（撒一揸白米落地）要到够叻。
學明：）一才關目白）唉□小姑娘，你係有心施捨就好好也比我丫，點解撒到成地都係呢：
美顏：（白）我餵慣鷄的手勢係咁樣㗎叻和尙。
學明：（白）罪過罪過阿彌陀佛。
美顏：（見明身後背住小妮像，乘其不覺暗中偷去將坭像掛在樹上，然後行囘原處，若無其事）
學明：（執好米起身白）多謝晒明小姑娘：（囘身一摸不見了坭像，仄才關目白）噫奇怪叻，（花下句）十五載相依爲命，緣何一旦竟離懐。紫坭塑像紀亡妻，失去當然難再買。（白）弊叻跌咗响邊處呢？
美顏：（笑白）你唔駛搵叻，（花下句）和尙焉能公仔，你不倫不類總唔怕受人擠。今日佢已飛上枝頭，你以後亦可以解除咩帶。（白）我同你搬咗上樹叻，有本事你就自己去攞番咯嚟啦和尙。
學明：（一才怒白）你樣樣都可以驚動，萬不能驚動我呢個公仔嘅。，你行開嚟。
美顏：（白）開嚟唔係開嚟，怕你呀。
（重一才慢的的二人貼面互相關目若有前緣狀）
美顏：（連隨担櫈介白）坐啦，坐啦，（口古）我以爲化緣和尙梗係辣撻到好似坑渠老鼠一樣，點解你又生得咁目秀眉淸呢，雖然你年紀大的啫，但係睇落去倒還有翩翩儀態。
學明：（口古）小姑娘，我共你亦似曾相識，你呢種撩人面目眞令我頗費疑猜。（坐下）
美顏：（乘明不覺，揭起其帽一看嘩然地）（口古）唉吔，原來你重有頭髮嘅，點解有頭髮重學人做和尙呢，睇你好眉好貌，做乜週身古怪㗎。
學明：（口古）蝦、你眞係百厭㗎叻，我講比你知啦，原本我就落咗髮嘅叻，不過師父話我塵緣還未了，所以我至有帶髮食齋。嘅啫、
美顏：（白）好彩你未剃咋，若剃咗□就晒咯，（减字芙蓉下句）乜你做人咁懵閉，幾多唔學學修齋。（揷白）你嘅年紀又唔係好老，點解做和尙咁笨呢。
學明：（接唱）我爲懺悔入空門，希望還淸寃孽債。（揷白）滄桑刧後我經已萬念俱灰咯。
美顏：（接唱）俗世繁華誰不戀，望你覺悟莫悲懷。（花）知否美顏對你極同情，快些離開靑蓮界。（白）和尙、你千祈唔好剃光頭呀，剃光就□鬼咗你㗎叻，（俏皮地打明一下）
學明：（合什白）阿彌陀佛，（口古）小姑娘，我都要走叻，晤該你同我攞番個公仔落嚟我、寧愿向你低頭下拜。（執囘僧帽戴好）
美顏：（口古）蝦，你個人眞係唔化嘅柱我講到喉乾舌燥你都唔聽，呢一隻坭公仔有乜緊要丫，有人陪你傾偈都唔歡喜，寧可咩住佢行街。
電影故事
「一入侯門深似海」本事
織女董詠湘，本爲宦門之女，父遭奸權誣害，母復棄世，遺下週歲弱妹，以家無恒產，乃織布爲生，矢志撫育弱妹美顏成人，詎料所織之布爲匪所盜，布主來取，詠湘無以應，爲布主推倒地上，傷及內藏，正暄鬧間幸得都頭郭紹良來訪，郭與詠湘本甚稔熟，憐其姊妹孤苦，時週濟之，彼此早生情愫，今見其失布乏資賠償事，爲之作魯仲連，布主准其三日內籌欵賠償之。
詠湘正憂慮無欵賠償，忽憶其母臨終囑咐，倘有艱困，可往找其金蘭姊妹趙太夫人，必可解决，今逢絕境，乃决往訪之。
趙太夫人，年老多病，其子趙學明職任留守，爲人忠恕，時詠湘抱妹尋至，爲閽者所拒，詠湘絕望之餘，凄然棄妹於樹上自戕，爲學明所救，適趙太夫人出視，認得詠湘，乃邀之入後堂相叙。
趙府中，學明之姑丈郭福財及其女琼秀，長依趙家過活，福財爲人奸險，對趙氏家財，早存吞佔之心，力使琼秀親近學明，冀得垂愛而從中取利，今見太夫人有遠戚至，已資不悅，繼聞太夫人言，趙家之得今日富責，微詠湘父之力實多，飲水思源，安忍見董氏後人穹困如斯，更憐之，並命學明娶詠湘爲妻，學明以詠湘貌美，正求之不得，惟詠湘初碍於紹良之恩義難忘，未卽答允，迨太夫人盛意難却，又以學明溫文有禮，更爲愛妹前途計，無奈答應之，惟福材父女深資不悅，更恐妨碍計劃，暗加力阻之。
紹良知詠湘已爲趙家婦，心靈破碎，而福財亦時思拔去此眼中釘，可是琼秀與詠湘相處已久，對詠湘之賢淑，深表敬佩，二人成爲閨中知己，而福財以女不合作，憤極，沉思毒計以害詠湘，藉待婢桂香爲詠湘購藥囘，賄桂香以重金，桂香利其金，允依計行事
時紹良適遭母喪，無以爲殮，乃冒險，往覔詠湘求助，由後門潛入與琼秀相遇琼秀驚呼，紹良道達來意，琼秀見其儀表非凡，且爲詠湘故人，毅然請詠湘出見，詎爲福財所見，以有機可乘，急尋學明來窺視，而詠湘以故人遭此苦况，以手上無錢，乃毅然脫手上金飾與之，囑急歸葬母，此一切情形已爲學明所見，迨詠湘歸房，而桂香已捧藥至，詠湘顧不知此藥是對其病相反者，食之能█其速起反應而死者，時學明亦至向詠湘嚴詢，詠湘吶吶不能啓齒，學明大怒，力摑之，斥其淫賤。詠湘曾飮反應藥復遭乃婿摑打，藥力發作，辛苦異常，琼秀覩此情形急覓紹良至，以學明毆死其妻，要與學明拼命，詠湘此時懨懨一息，頻危囑瓊秀及紹良代善撫養美顏，不可再留趙家，恐爲學明所殺，言迄咯血而誓。各人大悲，老夫人以學明毆死其妻，將其逐出家門，學明深自引咎，而不知詠湘爲服錯藥而死也瓊秀以禍由己起，良心極感難過，决秉詠湘遺志，撫育美顏，遂與紹良毅然離開趙家。
十五年後，美顏已長成，亭亭玉立，酷宵乃姊，時紹良與瓊秀亦以同病相憐，寢且結爲夫婦。一日，美顏飼鷄於門前，遇一和尙，其背負一泥塑女神，請美顏█米，美顏見之，似曾相識，而不知此和尙爲其姐夫學明也，學明自遭母逐出門後，以愧對詠湘，故以坭塑其像，以示不忘之意，今見美顏，不禁心弦一振，而美顏頑皮，取其背上坭像踏碎之，學明搶救不及，大悲，美顏問之，學明乃說坭像爲其妻，並說與其妻之恩情，不幸橫死，故塑像隨身，永誌弗忘也。旋拜別而去，並言將赴玉泉寺，美顏默誌之，瓊秀知美顏曾結識一和尙，吿紹良紹良大怒，並向美顏敎導，美顏不聽，且聲言將赴玉泉寺訪之，紹良更大怒，以和尙竟勾引良家婦女，乃懷刃追踪去。
學明至玉泉寺，求主持剃度爲僧，太夫人適來寺參佛，責其子不孝，旣殺前妻，又欲斷嗣，不如死於母手，正喧鬧間，美顏尋至，而紹良亦跟踪至，見爲學明，新仇舊恨，持刃直迫學明，正爭持間，瓊秀亦忽忽至，勸紹良與學明莫鬥，美顏見此情况，心靈盡碎，惘惆而去，前路茫茫，不知所知，而紹良與學明和美顏返家，中途，遇福財與桂香，蓋二人擬蓆捲趙氏家產潛逃，相遇之下，福財內疚，而桂香亦謂少奶之死，實爲服錯藥，是福財主使者，乃請紹良執二人送官究治。學明與美顏終成眷屬焉然。
一入侯門深似海最哀艷的一幕
起誤會怒摑嬌妻
夫人：（和尙思妻）長日寄佛門，與佛同渡世，矢心修拜，保佑趙家福祿齊，好彩我乖仔娶得好嬌妻，貌美賢德更盡禮，可惜新抱尙未有孫仔。（自語白）我今日去觀音廟作福，個個廟祝交帶我將拜完神的紅鷄同埋糖蓮子靜靜收埋响家嫂個枕頭底下，七七四十九日就會有喜㗎叻好，趁家嫂响琼秀間房傾緊偈，快的整妥先，秋菊、跟住我入嚟
夫人：（白）桂香、你捧住呢碗乜野嚟喋。
桂香：（支吾白）……係補藥嚟啫，亞少奶呌我㷛定俾佢飮嘅。
夫人：（白）咁你放低响枱面，搵的野冚住佢先，唔好攤凍晒呀。
桂香：（白〕哦、
夫人：（白）好、等我念幾句經落去，等亞家嫂飮咗好身好運，連生貴子至得。
詠湘：（頻頻作咳，兩頭徘徊心聲白）唉、我呢個病係以前俾老板踢傷嘅，我現在係趙家已經俾人睇少叻，所以我更唔願意有呢個痛症，而透露出我以前卑微嘅執業，今晚我原本約咗亞紹良三更時份嚟花園，準備比的錢佢上京嘅，但係至到而家我尙未籌到呢筆欵，唔知點樣好叻。
夫人：（見湘返，欣然白）家嫂。
詠湘：（失驚白）哦、奶奶、乜仲未抖呀。
夫人：（口古）未呀，今晚我份外精神，唔瞓得咁早，所以一心到嚟想同你傾吓偈啫。
詠湘：（口古）奶奶、你對我眞係好叻，假如唔係你處處維護住我，信得過趙家上下個個都將我睇低。叻
夫人：（口古）婆媳之間好應該互相敬愛嘅，係呢，你趁熱飮咗呢碗補藥啦，須知一個人嘅身體健康，最爲珍貴。
詠湘：（口古）奶奶，你咁關懷我，咁體貼我，我眞係唔知點樣報答你嘅恩義巍巍。叻
夫人：（白）家嫂，你想報答我容乜易啫，（三脚櫈）趙家人丁素衰微，三代單傳一█仔。散葉開枝全靠你，只求早日產孩提。但得有孫繼香燈，足使老人心快慰。
詠湘：（接唱）感謝婆婆施訓勉，媳婦謹記不忘遺。（花上句）只愁綠葉不成陰，有負所期心自愧。
夫人：（笑白）家嫂，你唔駛担心嘅，你梗有得生，因爲我整咗多少鬼馬野，响你張床底。
詠湘：（笑白）奶奶、究竟你整咗的乜野係我張床度呀，講比我知啦。
夫人：（白）唏、講俾你知到就唔靈嘅啦，而家時候唔早，亞明都怕就番嘅㗎叻，你休息吓先啦，桂香、秋菊跟我番出去唔好嘈住少奶瞓。
詠湘：（白）奶奶、咁你好聲行，早的抖叻。
詠湘：（嘆氣心聲，花下句）愧無財帛酬知己，怎得黃金决難題。如何應付費思量，迫於托詞求夫婿
詠湘：（見明返，急趨前白）明哥，乜咁夜至番嘅呀、你係唔係飮醉酒呢。
學明：（冷笑、白）我飮醉，哈哈，你都冇我咁淸醒呀
詠湘：（上前、白）明哥，睇吓你丫，無端端揸住枝木棒，仲話唔係飮醉酒添。
學明：（口古）詠湘，我實話俾你知啦，我恐防今晚有人將我暗算，所以我揸住枝木棒，就係要嚟旁自衞。
詠湘：（一才關自）（口古）明哥，你一向與人無忤，點會有人暗算你呢，睇你今晚精神彷彿，語無倫次，眞令我莫解疑謎。
學明：（冷笑白）我精神彷彿，（一才）我語無倫次（一才）哈哈（花下句）莫當夫郞神智亂，（一才）雖然酒後未昏迷。因何不見揷金釵，快些直言毋虛偽。（白）詠湘、你枝金釵撑咗去邊，快的講。
詠湘：（驚惶地）（白）吓、金釵……我……係……我一時不愼遺失咗叻。
學明：（冷笑白）遺失，唔係卦，（白欖）你不必巧語騙夫郞，其實我早已知詳細。你暗將金釵送情人，（一才）還當夫郞懵閉閉。你戀奸夫，（一才）（打仳一巴）眞淫穢，（一才）無廉耻，（一才）敗家規。（一才）
詠湘：（跌地、沉花下句）哎吔吔，禍起蕭牆誠慘事，百詞莫辯暗悲啼。
學明：（怒白）哼、你都幾會作狀嘅噃，我輕輕摑你兩巴，推你一掌啫，我唔信你辛苦得咁交關，有血卽管嘔出嚟啦，衰人！
詠湘：（慢的的爬起行前續唱）（花上句）夫郞暫且息雷霆，容我坦言陳底細。
學明：（喝白）你仲有乜野好講，（長二王下句）說什麽比翼雙棲，（一才）說什麽連枝幷蒂。誰料你生來淫蕩太胡爲，竟效紅杏出牆甘越軌，枉我輕憐淺愛，深恨娶錯，不賢妻。
詠湘：（撲仙令）遭刧厲，令人淚暗揮我守禮義，婦無違，還望你，休要亂責妻，盼信任，切莫難爲，（揷白）：明哥我的確冇做過對你唔住嘅事，你千祈唔好誤會呀。
學明：（接唱）你太賤格，罪惡難盡計，太混賬，叛我還作僞，心憤恨舊情亦碎毁，休再望，賦詠眉齊。（吊慢版）（白）詠嫺，以你咁卑微嘅身世而嫁倒我呢個西安留守，就應該好好地做一個賢妻良母至爲是，誰料你不安於室，竟然背夫別戀，仲靜靜約埋個奸夫响花園幽會，你咁樣做法，試問對唔對得我住，打死你個賤人至得。
學明：（白）哼、我都未曾掂到你啫，你就係處整色整水叻，哼、任你點樣作狀，我絕對唔會可憐你嘅，我嚟問聲你，今日同你係花園幽會个個男人係邊個嚟，你快的講。
詠湘：（慢的的關目，行近學明身前跪下，悲咽白）唉、明哥、（乙反中版上句）當日姊妹花，淪落在天涯，嘗盡辛酸，何慘厲，幸得摯友郭紹良，仗義爲懷憐弱燕，常施援助，挽垂危。得人花戴萬年香，受人恩義豈能忘。（轉花）今日約會花園，無非酬恩惠。（悲咽白）明哥、我共佢只係一對難中知己，絕對冇半點私情暖昧，今日但亞媽不幸身亡，無錢殮葬，迫於無奈至有走嚟求我帮助，因爲我素知你爲人善妒，所以唔敢對你講，靜靜送咗枝金釵比佢變賣，等佢得以埋葬親娘，我亦總算報答咗佢當年嘅恩惠，明哥，唔通你咁都唔相信我咩。（哭泣）
說明：（悻然白）哼、我親眼睇住你共佢喁喁細語，親熱非常，你仲想𠱓我咩，（執棒快中板下句）學明不是三歲孩提。密約花間顯然不軌。無情棒下怒打淫妻。（包才舉棒欲打又覺不忍）（花上句）一念到枕畔恩情，（一才）又豈忍摧殘佳麗。（怒白）你精精地就好招認，若果唔係我打死你，（舉棒作狀恐嚇）
詠湘：（慘呌白）唉吔、明哥，我……我好辛苦呀。
學明：（一才、白）吓、你份人都幾會攞彩個噃，明知我唔捨得打你，專登係處詐死嚟嚇我係馬，懶彩你呀。
詠湘：（呻吟白）明哥，我唔係詐諦唎，（花下句）彷彿似心穿萬箭，痛得我魄蕩神迷。一陣陣血湧心頭，（一才）嗟莫是難逃刧例。
學明：（囘頭見狀重一才驚愕萬分，急拉住詠湘大呌，白）詠湘，我都冇打倒你，點解你週身都係血丫。
詠湘：（氣喘、白）明哥、我……呢次實死咯。
學明：（狂呌白）詠湘，詠湘……救命呀……
夫人：（見湘滿身鮮血，大驚，急趨前白）唉吔、家嫂，做乜你滿身都係血呀，邊個咁冇陰功打到你咁慘呌。
學明：（驚惶萬狀，白）亞媽，係……我……
一入侯門深似海最動人的一幕
不是寃家不聚頭
瓊秀：（反線焚稿詞）春花秋月容……易過憂思已消……解，幸得乳燕經長大，品性精……乖，
有情人亦能成淑眷，了却相思債，十五載立下宏願，不計成和敗喜得今天已康泰
願棄珠翠卸金……釵安居守本份令人心快一家歡樂叙眞高興可惜劫後人年邁。
美顏：（反綫逍遙樂）愛着威衫學時……派雖則乳燕未曾大早已樣樣了解晚晚梳妝偷去街
人人話我生得靚纖腰更絕隹每日上街偷將草履換綉鞋美，麗儀態，招惹浪蝶裙下拜
瓊秀：（白）美顏，你返嚟叻
美顏：（白）唉吔吔，表姐，你年紀都唔輕嘅啦，重成日做乜野丫，睇吓你腰都彎彎地叻，留番比我做把啦。嗱，等我担張櫈比你坐响處抖下先啦。
琼秀：（白）乖叻，美顏、（口古）你雖然呌我做表姐，但係我大你十幾年，敎得你話得你，點解我呌親你去買嘢，你總係去成半日至番嚟，到底你去邊處呀，千祈唔好練精學壞。噃，
美顏：（口古）表姐，我坦白的同你講丫，我唔細嘅叻，差兩個月就十八歲嘅啦，個心就未免唔野的嘅，我識埋好多看牛仔，得閒冇事唔係同佢地拍吓拖，行吓街：囉。
琼秀：（一才關目）（口古）唉吔，乜你咁放恣，十七歲女就咁野性叻，再大的點算呀，美顏，表姐冇野怕，最怕你將自由誤解。
美顏：（口古）表姐，你成日匿埋係屋企，眞係唔知世事叻，隔離街二嬸個女亞痩妹呀，十五歲幾之馬，舊年嫁咗，今年生埋仔添，已經成晚噯姑乖添叻：
瓊秀：（一才慢的的含怒曰）美顏、（三脚櫈）你係未嫁小姑娘，點解學成得咁壞。須知人心多險惡不宜妄自動情懷。（花）快收拾意馬心猿，應受我從嚴儆戒。（白）美顏，自從你個親家姐死左之後，我代替佢凑大你，若果你有行差踏錯，我呢十幾年嘅心血就白費咯，估唔到你呢個人鬼咁聰明又鬼咁曳。
美顏：（白）就算我眞係想嫁亦都唔算曳丫，若果咁都算曳，我相信唔知幾多人曳叻。
瓊秀：（怒曰）吓，重敢駁咀係馬，我徧徧唔准你嫁住。
美顏：（頑皮地曰）你有乜理由啫。
瓊秀：（憤然地起身曰）哎吔，乜野呌做冇理由呀。
美顏：（白）表姐，唔准唔係唔准咯，駛乜咁嬲咁氣憤啫，（花下句）少女心好似鮮花怒放，又點似得你的老樹枯柴。越是聰明人越會把愛情分解。
瓊秀：（慢的的啼笑皆非）（口古）美顏，你講得啱，我都知道你呢隻鐵咀鷄犀利㗎叻，哼，你心目中梗係有愛人，否則你今日同我講旣說話，斷唔會口快舌快。
美顏：（口古）咁你又聰明過頭叻，愛人我就的確未有，不過有起上嚟亦好易嘅啫，斬吓眼就有嘅叻，事關愛情嘅嘢點話得埋呢。
瓊秀：（又好氣又好笑）（白）美顏，你唔好激死我叻（花下句）望你有識人慧眼，莫負我一點慈懷。我爲誰辛苦爲誰忙，唔輕易把美顏你養大。（白）美顏，你記住我呢幾句說話啦（行入屋內去）
美顏：（向琼秀背後駛鬼臉）（白）好：表姐唔係處我大哂。
學明：（梵皇恨）（揷白）喃無喃無阿彌陀……。清心受誡永世修齋……看破色空，永莫思少艾，皈依佛敎，塵緣已消解不再痴迷還淸孽債但願遁跡天涯愛念已冰消，婚姻亦瓦解。願聽梵經妙諦莫再牽惹情懷。……
學明：（白）施主，化的香油，化的白米啦。
美顏：（一才扎覺白）想第二樣就難啫，想白米容乜易啫、嗱、（撒一揸白米落地）要到够叻。
學明：）一才關目白）唉□小姑娘，你係有心施捨就好好也比我丫，點解撒到成地都係呢：
美顏：（白）我餵慣鷄的手勢係咁樣㗎叻和尙。
學明：（白）罪過罪過阿彌陀佛。
美顏：（見明身後背住小妮像，乘其不覺暗中偷去將坭像掛在樹上，然後行囘原處，若無其事）
學明：（執好米起身白）多謝晒明小姑娘：（囘身一摸不見了坭像，仄才關目白）噫奇怪叻，（花下句）十五載相依爲命，緣何一旦竟離懐。紫坭塑像紀亡妻，失去當然難再買。（白）弊叻跌咗响邊處呢？
美顏：（笑白）你唔駛搵叻，（花下句）和尙焉能公仔，你不倫不類總唔怕受人擠。今日佢已飛上枝頭，你以後亦可以解除咩帶。（白）我同你搬咗上樹叻，有本事你就自己去攞番咯嚟啦和尙。
學明：（一才怒白）你樣樣都可以驚動，萬不能驚動我呢個公仔嘅。，你行開嚟。
美顏：（白）開嚟唔係開嚟，怕你呀。
（重一才慢的的二人貼面互相關目若有前緣狀）
美顏：（連隨担櫈介白）坐啦，坐啦，（口古）我以爲化緣和尙梗係辣撻到好似坑渠老鼠一樣，點解你又生得咁目秀眉淸呢，雖然你年紀大的啫，但係睇落去倒還有翩翩儀態。
學明：（口古）小姑娘，我共你亦似曾相識，你呢種撩人面目眞令我頗費疑猜。（坐下）
美顏：（乘明不覺，揭起其帽一看嘩然地）（口古）唉吔，原來你重有頭髮嘅，點解有頭髮重學人做和尙呢，睇你好眉好貌，做乜週身古怪㗎。
學明：（口古）蝦、你眞係百厭㗎叻，我講比你知啦，原本我就落咗髮嘅叻，不過師父話我塵緣還未了，所以我至有帶髮食齋。嘅啫、
美顏：（白）好彩你未剃咋，若剃咗□就晒咯，（减字芙蓉下句）乜你做人咁懵閉，幾多唔學學修齋。（揷白）你嘅年紀又唔係好老，點解做和尙咁笨呢。
學明：（接唱）我爲懺悔入空門，希望還淸寃孽債。（揷白）滄桑刧後我經已萬念俱灰咯。
美顏：（接唱）俗世繁華誰不戀，望你覺悟莫悲懷。（花）知否美顏對你極同情，快些離開靑蓮界。（白）和尙、你千祈唔好剃光頭呀，剃光就□鬼咗你㗎叻，（俏皮地打明一下）
學明：（合什白）阿彌陀佛，（口古）小姑娘，我都要走叻，晤該你同我攞番個公仔落嚟我、寧愿向你低頭下拜。（執囘僧帽戴好）
美顏：（口古）蝦，你個人眞係唔化嘅柱我講到喉乾舌燥你都唔聽，呢一隻坭公仔有乜緊要丫，有人陪你傾偈都唔歡喜，寧可咩住佢行街。
電影故事
「一入侯門深似海」本事
織女董詠湘，本爲宦門之女，父遭奸權誣害，母復棄世，遺下週歲弱妹，以家無恒產，乃織布爲生，矢志撫育弱妹美顏成人，詎料所織之布爲匪所盜，布主來取，詠湘無以應，爲布主推倒地上，傷及內藏，正暄鬧間幸得都頭郭紹良來訪，郭與詠湘本甚稔熟，憐其姊妹孤苦，時週濟之，彼此早生情愫，今見其失布乏資賠償事，爲之作魯仲連，布主准其三日內籌欵賠償之。
詠湘正憂慮無欵賠償，忽憶其母臨終囑咐，倘有艱困，可往找其金蘭姊妹趙太夫人，必可解决，今逢絕境，乃决往訪之。
趙太夫人，年老多病，其子趙學明職任留守，爲人忠恕，時詠湘抱妹尋至，爲閽者所拒，詠湘絕望之餘，凄然棄妹於樹上自戕，爲學明所救，適趙太夫人出視，認得詠湘，乃邀之入後堂相叙。
趙府中，學明之姑丈郭福財及其女琼秀，長依趙家過活，福財爲人奸險，對趙氏家財，早存吞佔之心，力使琼秀親近學明，冀得垂愛而從中取利，今見太夫人有遠戚至，已資不悅，繼聞太夫人言，趙家之得今日富責，微詠湘父之力實多，飲水思源，安忍見董氏後人穹困如斯，更憐之，並命學明娶詠湘爲妻，學明以詠湘貌美，正求之不得，惟詠湘初碍於紹良之恩義難忘，未卽答允，迨太夫人盛意難却，又以學明溫文有禮，更爲愛妹前途計，無奈答應之，惟福材父女深資不悅，更恐妨碍計劃，暗加力阻之。
紹良知詠湘已爲趙家婦，心靈破碎，而福財亦時思拔去此眼中釘，可是琼秀與詠湘相處已久，對詠湘之賢淑，深表敬佩，二人成爲閨中知己，而福財以女不合作，憤極，沉思毒計以害詠湘，藉待婢桂香爲詠湘購藥囘，賄桂香以重金，桂香利其金，允依計行事
時紹良適遭母喪，無以爲殮，乃冒險，往覔詠湘求助，由後門潛入與琼秀相遇琼秀驚呼，紹良道達來意，琼秀見其儀表非凡，且爲詠湘故人，毅然請詠湘出見，詎爲福財所見，以有機可乘，急尋學明來窺視，而詠湘以故人遭此苦况，以手上無錢，乃毅然脫手上金飾與之，囑急歸葬母，此一切情形已爲學明所見，迨詠湘歸房，而桂香已捧藥至，詠湘顧不知此藥是對其病相反者，食之能█其速起反應而死者，時學明亦至向詠湘嚴詢，詠湘吶吶不能啓齒，學明大怒，力摑之，斥其淫賤。詠湘曾飮反應藥復遭乃婿摑打，藥力發作，辛苦異常，琼秀覩此情形急覓紹良至，以學明毆死其妻，要與學明拼命，詠湘此時懨懨一息，頻危囑瓊秀及紹良代善撫養美顏，不可再留趙家，恐爲學明所殺，言迄咯血而誓。各人大悲，老夫人以學明毆死其妻，將其逐出家門，學明深自引咎，而不知詠湘爲服錯藥而死也瓊秀以禍由己起，良心極感難過，决秉詠湘遺志，撫育美顏，遂與紹良毅然離開趙家。
十五年後，美顏已長成，亭亭玉立，酷宵乃姊，時紹良與瓊秀亦以同病相憐，寢且結爲夫婦。一日，美顏飼鷄於門前，遇一和尙，其背負一泥塑女神，請美顏█米，美顏見之，似曾相識，而不知此和尙爲其姐夫學明也，學明自遭母逐出門後，以愧對詠湘，故以坭塑其像，以示不忘之意，今見美顏，不禁心弦一振，而美顏頑皮，取其背上坭像踏碎之，學明搶救不及，大悲，美顏問之，學明乃說坭像爲其妻，並說與其妻之恩情，不幸橫死，故塑像隨身，永誌弗忘也。旋拜別而去，並言將赴玉泉寺，美顏默誌之，瓊秀知美顏曾結識一和尙，吿紹良紹良大怒，並向美顏敎導，美顏不聽，且聲言將赴玉泉寺訪之，紹良更大怒，以和尙竟勾引良家婦女，乃懷刃追踪去。
學明至玉泉寺，求主持剃度爲僧，太夫人適來寺參佛，責其子不孝，旣殺前妻，又欲斷嗣，不如死於母手，正喧鬧間，美顏尋至，而紹良亦跟踪至，見爲學明，新仇舊恨，持刃直迫學明，正爭持間，瓊秀亦忽忽至，勸紹良與學明莫鬥，美顏見此情况，心靈盡碎，惘惆而去，前路茫茫，不知所知，而紹良與學明和美顏返家，中途，遇福財與桂香，蓋二人擬蓆捲趙氏家產潛逃，相遇之下，福財內疚，而桂香亦謂少奶之死，實爲服錯藥，是福財主使者，乃請紹良執二人送官究治。學明與美顏終成眷屬焉然。
搜尋資料庫
