燕子箋竟惹孽債

燕子箋可將禍解

正和：（反線上苑啼鶖）玉燕繞窻恨繞懷，為了題箋便要還孽債，傷懷賦詩詎竟罹禍我實非放蕩形骸，要拋官受誡，滿胸怨恨難排，暗裡偷香素不解，唉素箋無翼怎傳來綉齊，幾番思索費苦猜，累嬌花先喪孽債，是真欠解，獨悲有恨長埋。

（正和長咩短嘆，低首含愁）

（走廊，二蠻與武興至，見獄卒把門）

二蠻：（白）大哥，你去間問佢，我地要見南宮大人得唔得，

武興：（趨前白）喂，監躉大哥。

二蠻：（急上前陪笑，白）差公公，佢唔識講啫唔好見怪呀吓，夜……我地想探問吓南宮正和大人啫。

獄卒：（白）咁你知道規矩嘅啦馬？

二蠻：（白）哦，差公公要錢之馬，易事，（假意在袖裏作取欵狀，羣又縮手）吁，响呢處俾你，恐怕有人睇倒唔方便，不如你帶我地入去，响裡便孝敬你的。

獄卒：（不知是計，滿口應承，白）哦，得，得，跟住人嚟啦，（獄卒帶二蠻等進去，開了獄門，二蠻欲直闖入）

獄卒：（急攔住，白）喂喂喂，咪入住，姑娘仔，熟性咗先，（伸手要錢）

二蠻：（裝模作樣圖賴，白）吓，你攤大手板乜嘢呀？我而家欠你錢定賒你債呀，吓，你都算好胆噃，你知到我係乜嘢人嚟呀？我係七省巡案南宮博大人叫我嚟探佢個仔嘅，我睇梗係嫌命長定叻！

獄卒：（被嚇一驚，諾諾白）係係係，不敢，不敢。

武興：（得意的唱白）躝開，咪响處阻生晒！

二蠻：（回頭唱獄卒，白）重返出去！

（獄卒急應聲走去）

武興：（白）二蠻，你的浪頭真係駛得噃。

二蠻：（醒醒然，白）唏，冇番三兩度稱得上指天椒咩大哥，我唔知邊個叫做大泡和，你帶我去見佢叻？

武興：（白）乜大泡和呀，南宮正和呀！

二蠻：（白）哼，做官做到轉行做監躉，唔係大泡和係乜嘢呀去啦！

（武興二蠻至監中見正和背身向窗外）

武興：（白）南宮大人，我地嚟探你呀！

正和：（回頭見武興感激地，白）武興，我在患難之中，難得你嚟見我面，我真係好感激你。

武興：（白）唔係剩係我嚟呀，重有一個呀！（指二蠻）（正和一望，驚二蠻樣貌絕似蕊卿，仄才）

正和：（拉開興，口古）武興，佢係邊個嚟㗎，個樣咁似你令妹蕊卿嘅，莫非是刼後重生，真令我百思莫解。

武興：（口古）大人，唔怪你大驚小怪嘅，佢係我嘅第三妹叫做二蠻，同阿蕊卿生得一模一樣，呢只胡椒仔，有名叫做益通街。

正和：（恍然，白）哦，原來咁嘅。

武興：（口古）二蠻，你重唔快的上前拜見大人，企處眼光光咁整乜嘢啫，唔通想大人先向你隻指天椒下拜。卦，

二蠻：（作態，口古）哼，好笑叻，見倒女仔唔會稱呼一聲先、唔講話做官，做人都未會，叫我拜見佢，好心你都無謂把氣屣。咯，

武興：（白）下，正一生骨大頭菜，好心你唔好咁激氣叻，快的上前見下大人啦！（拉他上前）

二蠻：（姑意，白）拜見南宮阿和大人。

（正和急行還禮）

武興：（白）大人，千祈唔好怪佢呀下。

二蠻：（一手拉興，白，唉吔，大人，大人，大到骨都痺咗，嚟呀，我有野同你講呀，（拉興至一旁）哈，我有的野想試下佢，你借的意行出去一陣先，唔叫你唔好入嚟。

武興：（白）哦，梗係生滋貓入眼定啦，好叻，好叻，怕你叻，行就行係啦！（向二覺作一鬼面行去）

二蠻：（故意行前譏諷正和，長花下句）人地金腰帶，銀腰帶，做官能把良田買，乜你做官做到要拉柴不只美監，還扮蟹，鉄窗風味你話幾難捱，試問捱到幾時至得完孽債睇你災星還未退，試問何以遣悲懷，當日你定然見色起邪心致令到名譽官箴雙敗壞。（白）係唔係呢，係唔係呢

正和：（白）你講都唔好講呀姑娘仔，（反線中板下句）當日寄住豪門，爾扶危拯偶，並非放拾玉枝釵我幼讀聖賢書，長作帝王臣，點嗱向羅敷把相思賣。

二蠻：（接）我姐美玉信無瑕，任你把相思來賤賣，也難挑動佢冰懷。一幅燕子箋，滿紙盡情詞，舌劍也難圖抵賴。

正和：（接）抵為寄同情，暗中憐簿命，題討聊以遣愁懷。（花）詎料詩箋無故人粧樓，惹得災難重重難自解。

二蠻：（口古）好你咁口硬，等我又嚟審吓你至得，嗱，你唔認逼柬傳詩，咁通張燕子箋噲有翼飛過去，會有脚走去，你雖則狡辨有心，可是難為理解。

正和：（掹掙、口古）武小姐，三姑娘，你唔好激死我叻，就算我呢世審得犯多，都唔應今日俾一個女仔嚟咁樣婚法我，總之我敢誓願若有私情半點，保祐我呢世跪地躪街。呀。

（二蠻急禁住正和口）

二蠻：（白）唉吔，咁冇唔係冇囉邊個叫你叫你誓咁毒嘅願啫，好叻，咁我信你係叻，係唎，點解唔見尊夫人嚟探你嘅。

（音樂起反線望粧台引子上上上尺，六工）

正和：（感慨白）夫人？唉，邊有咁好命水了（望粧台）相思怎堪買，縱知思……少女，惜婚配乏媒介夜裡私心輒不快，面璧有心去食齋。

二蠻：（乍喜插白）哦、原來你未有家室嘅，咁駛乜要食齋咁蠢啫，（接）不必怕將相思買，應該快快早官粧前鴛鴦帶，須知翠玉最配金釵。

正和：（接）唉鴛鴦逐對枉有心，祗怕悔把熱情賣。

二蠻：（接）我深知閨中一少女，心燕好插鳳釵帮君官合那鴛鴦帶唎。

正和：（接）自悲寄身監中未敢重招寃孽債。

二蠻：（白）豈，味咁傻啦，你估坐監坐死（世嘅咩？我同你撮合呢段好姻緣罷嘅，行前大呼）大哥大哥（武興應聲入）

二蠻：（生氣白）唏乜咁大牌㗎，要人請你至入嚟。

武興：（白）吓咁不嘅人都有嘅，又係你話要你叫我至好入呃嘅。

二蠻：（白）唏，算叻算叻（接開他）呢，佢未娶老婆嘅喎。

武興：（咋懵白）佢未娶老婆關你乜事呀。

二蠻：（白）梗有關係啦，唔周你想個妹嫁嘅咩？

武興：吓，你嫁肯個個監躉？

二蠻：（白你話通佢知，如果佢肯……

武興：（口快舌，白）肯娶你做老婆係嗎？

二蠻：（含羞點頭，白）我就有法子救佢出監咁話。

武興：（白）好啦，等我問吓佢係啦，（至正和前）大人，我個妹話有辦法救你，不過要你答應佢一條條件先。

正和：（白）乜也條件呢。

武興：（白）要你做我妹夫。

正和：（白）唉京都批文都已經落咗嚟咯，今日唔處處決，明日就要處決嘅叻，到呢個時候，你重同我講笑。

武興：（白）咁你更要答應快的，你答應得快，佢就救得你快，你放心好，叻唔運我個妹想打瀉茶咩？

正和：（白）咁好啦，（花下句）若得沉寃雪，定然白首相諧。他日重見青天，再向娥眉百拜。

二蠻：（聞言大喜，白）大哥，事不宜遲，咁即刻同你去。（二蠻即垃武興走出）