「如花美眷」戲中戲

賣油郎獨占花魁

芳艷芬•梁醒波合唱

秦重：「隨風而逝」睇吓我新衫成件，重有新鞋帽。往日就辣撻污糟。處處去賣油，担成舖路，今晚二十両啫就咁風騷積埋七個月，咪畀人剃眼眉毛。

花魁：「內唱秋水伊人第一句介」神魂顛倒（打三更）

花魁：「續秋水伊人」皆因醉飮了醇醪。時辰非早—醉中恐怕會胡塗。一杯一杯接住嚟—唔知幾多杯數咯。我願囘房歇自息—重要拈張錦被蓋住奴。（音樂輕聲奏玩和尚思妻曲作襯底）

傭嫂：「向秦重指指花魁低聲問」拿！我唔陪得你嘑吓，你兩個嘅事嘑吓。（一笑下介）

秦重：「聲震震白」阿，阿花魁姑！

秦重：「唱交換曲」呢味燉冬菇

秦重：「接唱前曲」芬芳到，我當佢係有寶哪你瞓番就咪嘈咁好鮑參翅，喂唔好再亂吐咯卦！（打四更皷）

秦重：「板眼」諧！唔係龍鳳餅噃，乃係撻沙酥，新鮮燉起，正話出爐，又甜又辣，好似添丁醋、聞嚟好似隔夜嘅崧糕。

（逗腔）

（樂玩工工尺工無限句）

秦重：「浪裏白」諧，正話安置好個靈燉冬菇，而家又多左一味撻沙酥，你話點算好呢爺？

秦重：「板眼」唉！又嚟裹蒸一只，唔憂唔頂肚勒，都係自己好，至怕一塲辛苦，第日冇晒功勞。

（花魁接着起唱—小曲四季相思）花傳引蝶多顛倒，散盡散乾確係糊塗，你現時係有乜生意做？諒你呢梗係名流富豪。

花魁：「四季相思」哦！小本買賣都好嘅，應該努力發展你鴻圖，爲何擲金去找風流等到夢醒呢應恨徒勞

花魁：「前曲」哦！風花雪月你知得好都要要戴件靚帽着件長袍秦樓自古英雄地，若果學你咁呢就轉份全無。

花魁：「四唱四季相思」你講出一番説話話我傾心，你確係有心愛護奴奴美人漸感春遲暮，想到落花漂泊腸斷黯然。

　　（白）你真係咁有心愛我。

秦重：「誠懇北白」梗係有心啦，唔係我做左成七個月，做埋二十両銀嚟見你一面咩？

花魁：「唱青梅竹馬」係噉知心獨有君我爲你死都做得到。

花魁：「前曲」難得你咁好心事重秦。「前曲」鬼叫我心中好咩

花魁：「前曲」點解你咁好？望你照直嚟話，衷心相告。

秦重：「前曲」你若要知得到，因爲你天姿世上無，想到我心躁。

花魁：「前曲」你曾否龍鳳呀雙飛燕。

秦重：「前曲」唉！屎嘅關刀，米又冇錢又冇，「涉白」有鬼嫁你咩？

花魁：「前曲」我愛君忠實，一心做對好夫婦。

秦重：「前曲」你咪嚟混叻，你唔噲肯屈沙煲啫，的功夫又捱壞你。

花魁：「前曲」冇緊要，我心中好，係有情有義相敬相愛一對相偕金。

　　　「涉白」好，好啫。

秦重：「白」眞唔眞唧！

花魁女：「白」眞嘅唎

（打直更天介）

（徐徐落幕一煞科——）