「如花美眷」插曲

玉樓天半歌起笙

何非凡•芳艷芬合唱

（芳艶芬生辰，設帳佳日張筵宴客，恰値馮應湘放洋，順爲饑別，觥籌交錯舉座歡欣）

馮應湘：「白」（起立舉杯）各位！今日係方小姐生日，我地大家唱枝歌嚟賀喜佢，好嗎？

各人：「齊白好呀！」（各舉杯起立）

來賓：「齊唱雙飛蝴蝶曲」

人生幾何？今宵快樂多、人生幾何？今宵快樂多！

你靑春艶麗有幾多個？

艶芬：「接雙飛蝴蝶」

難得諸君今晚夜咁賞面我應該咪生疏應該咪生疏

　　香檳酒滿我又向人人賀，對酒當歌把光陰過。

來賓：「前曲」祝你芬芳音韶逮近播，芬芳音韶遠近播。近播。我地嚟一杯飲過快樂慶多。

各人：「白」（乾了一杯一齊叫）勝嘅！、

（跟着掌聲同起，各就本位坐下）

（梁醒波旋起立、有所提供）

　　醒波：「白」方小姐天賦歌喉，疇先唱得三兩句咁多、我以爲太少叻、我徵求各位嘅意見、你地話好唔好請方小姐再唱呢？

（又是一連串的掌聲叫道—好呀—、）

（方小紅滿面笑容、意欲婉拒）

　　艶芬：「白」各位、、、、、、

　　醒波：「白」（搶着的說）（我以爲唔好椎擋，各位音樂大家快請就坐。）（各音樂員果然應諾的各自就坐）

艷芬：「白」拿！我隨隨意唱、唱得唔好、唔好笑我噃。

艶芬：「陌頭柳色」鬟影衣香裏春宵夜唱歌銀箏輕弄鳳笙聲細玉簫閒和夢想到銀河

　　「反線中板」夢得到銀河、直上廣寒宮、料必廣寒宮殿無關鎖。聽仙腔，霓裳一曲、我尙要請敎嫦娥。天上人間韻不仝，祗願嫦娥休笑我。陶冶性情惟有曲，何妨夜夜對笙歌。（工花）正是得歡愉處且歡愉、快活光陰容易過

　　「口白」我重有一件心事順便向各位講一句、呢位編劇家凌天志先生（指馮應湘）聽日就有遠行，我地應該敬佢一杯。（舉杯）

（各人欣然舉杯附和）

（馮應湘向各人致謝意）

（各人鼓掌高聲的叫好）

（艷芬向人一一致謝意）

（何非凡排衆而前，高歌一曲以讚美艶芬）

非凡：「小曲海棠春」你嘅歌音確係妥、唱得聲調皆和、我敢話好似黃鶯出谷、誠不爲過。又好似係天仙奏好歌。抵你奪得藝苑王座。米笑我出嚟相唱和。

（音樂玩南音短序）

「南普短序」你唱到聲如皺鳳、你唱到韻似微波。此后我心頭印象永難磨今日快樂生辰來賀。偏聞舞頭一曲動人歌。願祝梨園花一朶。花一朶祝你。芬芳長艶照銀河

（拉腔收、）

（邊拉腔邊作量倒之狀）

（衆人忙問他何故？）

（非凡但以手自指其腹、若曰「吾肚餓」）