「三春審父」精彩曲詞

三春：（螺黛）時節又重陽，難得心歡暢，三春無娘。暗中苦斷陽。（士工中板）腸斷三春誰敎養。更逢後母辣心腸，温暖家庭難得享，惟求一夢見親娘。（轉花）每逢佳節倍思親，媽呀你笑貌聲音留印象。我欲題詩留紀念，一年一度過重陽。五言詩，帶淚痕，和墨染於亭柱上。

賢貴：（寒關月）聞香不覺心懷暢。新天地，無惆悵。蝴蝶舞，過東牆。願爲花之友，愛花表熱腸。萬尺花陰遮夕陽，又見亭台在眼，分花拂柳入去一瞻仰。（花下句）爲賞名花成雅賊，客乜易俾人誤會我偷香。

後母：（小紅燈）哼！恃你曆皮厚咯噃，任你層皮韌過牛。也都偷。直情六隻手。佗衰晒人，你醜不醜。

晏行：（接唱）我雖則細個亦曉向上流，你咪個寃枉我，滿屋黃金都冇亂攞嘅。

後母：（三脚櫈）快的报針線嚟，等我聯密佢把口

晏行：（接唱）唔怪得人話後底乸，毒過飯剷頭。

後母：（轉花）誰人敎你咁縱橫？我係都要落左你棚牙方罷手。

陶父：（海棠春）一家老共幼。得閒冇事鬥牛。嗌交眞冇譜，如貓拗拗，如狗宏宏，你地何必成日鬥。

後母：（接唱）仔太懷咯生出六隻手。

晏行：（接唱）打吓鬧吓做仔好難受

三春：（接唱）駛乜膝頭繳眼淚，將個良心博自由。

陶父：（二王）佢究竟偷左什麼東西？快的講出嚟，等我追究。

後母：（二王序）偷左我一個玉扣。

陶父：（前曲）哼！你有好人唔做，點解做賊仔咁貔貅。

陶父：（接唱）你有冇搵過床尾床頭，有冇搵過屋前、屋後。

後母：（序）搵匀都唔見有。

陶父：（接唱）若果係晏行偷左，我就打拆、你個頭。

三春：（序）我相信晏行冇咁下流。

陶父：（接唱）你地想明白是非呢，就要跟我一齊、郁手。

後母：（戲水鴛鴦）總之難睇咯，唔似樣。暗中勾引情郞弊過娼。

陶父：（接唱）傻嘅亂唱。三春一向咁深閨點會勾情漢？

後母：（三脚櫈）係咁詩句又何來？妹妹哥又唱，分明有古惑，你個女壞得好凄凉。

陶父：（禿頭花）不由得我心上起疑雲，都係追問吓三春爲至上。乜野叫做懷人情更切？你咪識埋的壞疍當馨香。（快中板）女仔之家唔識想，居然斗胆入情塲，無可諒時無可諒，執行家法辣如羌。（轉花）懲蕩女，儆淫娃，賞你巨靈三巴掌。

三春：（昭君怨）恨後母，毒心腸。豺狼獸性，又猛又惡辣過羌。唉一心，逼我死，你話我幾凄凉？

晏行：（續唱）你不必怨唱，不必怨唱，災殃一過就噲心舒暢。

三春：（接唱）三春今已矣，爹爹不見諒。痛哭淚滿衣，心已傷（轉乙反芙蓉中板）更不願偷生人世上，注定我要投河樁井飮砒霜。

晏行：（接唱）姊呀我地骨肉情深如海樣。我都願跟埋去死咯！地府會親娘。

三春：（接唱）唉！你姊薄命如花，（轉唱乙反滴珠二王）才有偏逢，魔障。若果同歸於盡，賺得後母心凉。

晏行：（前曲）縱使忍辱偷生，亦都難捱，鐵掌。話過同生共死。好過隔住，陰陽。

三春：（前曲）你重要接續香燈，千萬咪胡思，亂想。

侍郞：（開塲白）你點解噲跌左落水架？（士工花）你有心投水抑無心，快把因由來細表。

三春：（二反線中板下句）我是陶三春生來薄命，祇緣後母，起風潮。昨日是重陽，憶母題詩，淚洒亭欄，偷輓弔。不知是誰人，同情弱女，和詩遺下，禍根苗。（轉快中板）後母見詩誣不肖。楊花引蝶渡藍橋。父胡塗，相信了。憑禮敎，迫嬌姨。（轉花）我才有飮淚投江，殘生不要。

侍郞：（花下句）正所謂淸官難審家庭事，你又何必犧牲命一條。

晏行：（胡不歸）尋香屍。祭香屍。淚珠兒，傷心姊你投江死。叫不知。喚不知，偷偷至。哭訴臨江千萬語。花落鳥啼，啼鷗痛楚弟哀思。眼淚作悼詞。魂兮再見悲不易，柳飄絲。姊恨何曾有盡時？風吹衣，波浪沾衣。尋香屍。祭香屍。

賢貴：（下西岐）你相貌堂堂何故死？乜事投江得咁痴？

晏行：（接唱）我爲愛姊三春，寃魂在此。我所以就隨浪去跟住。

賢貴：試問你姊爲何立了死志？

晏行：詩有血淚成恨詞。

賢貴：（滅字芙蓉）哦！詩句作何言？竟令娥眉死

晏行：（前曲）和詩人作孽，後母有微詞。（花下句）便敎嚴父怒冲冠，迫死女兒眞慘事。

賢貴：（漢宮秋月）唉！詩句累了無瑕玉女兒。惟自嘆欲悼娥眉未有詞。美影若能依。魂夢也不辭。未相見，卽珠沉。令我長恨矣。詩惹禍，人亡難復救，水邊揮血淚。三春您我錯作此詩。我心敬玉人决不求鳳侶。一世作鰥魚。到他生，一雙一對化蝶兒。

賢貴：（那個不多情）係三春寫嘅，字跡矜貴。鬼邊噲到此地呢？難道我着迷。呀！原來還在世。我應該要娶妻。如果三春願，合歡花種玉泥

持能：（前曲）乜呀咁彷彿？似就似顚仔。成日提三春，到底癲定廢呀喂？

三春：（屈金香）空見月光輝。我心己亂兮。悵惆望故鄕，千里已路迷。遙向弟叫聲似鳥亂啼。姊與你有若勞燕東西。祗要月神多護蔭，保佑兩家重見互提携。

賢貴：（老鼠尾）唏！眞美麗。

持能：吓！好美麗。

合唱：（前曲）想吓又恨，又唔瞓，因爲你人似芙蓉麗。

賢貴：三春佢，佢重還在世，何處是蘭閨？

持能：我診但直情天跌落嚟。（重唱）

賢貴：三春共我若有緣。有緣就結好夫妻。番嚟共我好一世。

持能：（三脚凳）車！乜你想到暈陀陀？

賢貴：（續唱）車！車乜你又想到懵懵閉？

持能：（接唱）你梗係爲情嚟顚到，

賢貴：（接唱）你梗係爲色去痴迷。

持能：（瘋狂世界）其人似食菩提。潤心兼夾潤肺。試吓香腮香吻好過食其上湯鷄。

賢貴：（接唱）乜你沉吟似趙黃泥？亂喻兼夾亂諦。勸你不必想咯，想到亂籠，就癲一世。

賢貴：（秋水伊人）芙蓉花底。偏不見卿與願違。搖琴聲低。隻影凄。花間詩句最誤人，碧玉蒙汚思解慰。試問何日見三春？相看喜鵲舞綠隄。

賢貴：（春風得意）因我題詩玷白蓮，見又無情見空傷念。

三春：（前曲）因詩惹禍太倒顚，請你莫掛於心，爲她愁萬遍。

賢貴：（前曲）每日情意亂，每夜情意亂，我願與他一相見。

三春：（前曲）愛亦甜，情亦甜，愛情如蜜我欲如你願，將三秋許配共你結鳳鸞。

賢貴：（前曲）奈何猶望結詩緣。

三春：（前曲）我妹妹比花鮮。

賢貴：（前曲）我不愛紅桃求白蓮。

三春：（前曲）痴心不變美少年，熱情無限我都甜

蔣相：（爽士工中板）恭喜中書蒙恩典，身爲主考選英豪，好嘅文章，由你圈點。壞嘅文章，撥埋一邊，進士舉人唔値錢，最好係探花榜眼與狀元。（轉花）我想陶中書，賣個好交情，等我個乖仔持能，鰲頭獨佔。

陶父：（花下句）雖則係近水樓台先得月，若果畀烏雲蓋住就好難言，若果世侄無福中狀元，好啦，等我賣個交情，畀佢中番個狀扁。

陶父：（花下句）做過媒人三代好，我呢個中書拿手補情天。（士工中板）我近來，有筆都唔撞，一味好揸，大葵扇，皆因爲，兩頭都要多謝我，飮完呢便，又食個一邊。嗱，蒙侍郞，有女貌如花，佢最爽神，個塊瓜面，嗱，蔣相國，有兒眞醒目，唔慌會額窄，頭尖，若果佢兩人，配左成雙，包你冇彈，合晒合尺線。你地唔駛慌，我講大話，正一係媒妁，之言。（轉花）想做老襯就開聲，唔係對眼姻緣我唔舉荐。

侍郞：（花下句）小女愚庸兼醜陋，正所謂山鷄難與鳳凰眠。

蔣相：（賣相思）佢中狀元咁够運，你就認眞當泵

賢貴：（賣相思）表弟滿胸錦繡，不過讓吓人。

持能：（賣相思）祇要富貴繁華，登科不要緊，

賢貴：（賣相思）你咪吟沉，佢第科不讓人。

賢貴：（隨風而逝）唉！身雖榮耀心還有痛苦，爲了三春，再見也難，永存愛慕，玉面雪骨，品格最淸高。芳容光照月，儀熊世上無。（土工中板）當日悔題詩，題出無數波瀾，題出許多，煩惱。悞了陶三春，含寃受屈，我嘅罪孽。難逃。只道雪中花，己作水底幽魂，飄向仙山，蓬島。估不到芸亭寺，詩緣再結，獨惜玉貌貌，難遭。（轉花）唉！我訪遍水晶宫，訪遍凌霄殿，訪來訪去都訪唔倒。（士工花下句）唉！試問芳踪何處？使我夢魂爲勞。

三春：（白）陶中書，（落葉風聲）你貪汚個件案。認眞失當。所以激嬲宰相吿一狀

陶父：（落落風聲）對住蒼天我話冤枉佢儍咋我唔戇。把當初一切事爆出，丞相用心確係狼。（爽中板）迫我徇私來拍擋。要我把持能選作狀元郎。點知作文章，冇得講，一味之乎者，當然係冇晒行。（轉花）佢所以就惱羞成怒害中書，望你查明呢件案。

三春：（花下句）欲把是非來判定，必須要持能父子到公堂。本官親自考持能，是否文章能點翰

三春：（花下句）句句不通如甕菜，又點能中得狀元郞。雖然相國有權威，可惜令郞唔拍擋。

貴：（花下句）我憶起三春蒙苦難，持能手段似犲狼，迫婚不遂起波瀾，害到蒙氏一家眞慘愴

三春：（怒極快中板下句）着來父子罪難當，屢屢害人無話講。判成死罪過刀亡。（轉花）陶中書，蒙侍郞，襟影無慚應釋放。

張氏：（天上人間）成屋都光輝，成屋都光輝，陶家出個好乖仔。呢！陶家三春姐，係人都睇一睇。黄金堆滿好矜貴，舊事算喇好乖仔，再記心頭就冇謂。但求大家歡笑，重記乜鬼呢，我日日肯去把衫洗，晚晚斟茶逐個遞，話明乜都製，打掃神枱做到齊。

傍唱：陶家今日再光輝。又喜燕郞得艶妻。父子夫妻和姊弟，從今幸福與天齊。

—劇終—