「諧曲」

梁醒波　歐陽儉合唱

儉：（白）經理，呢單順水野，包你冇甩底嘅叻。

波：（白）單單都話冇甩底，點知次次都水野。

儉：（白）呢次我敢寫包單叻。

波：（唱江邊草）我人够靚，貌標靑，點解結識女仔，對親八字都唔得成。

儉：（接）我唔信鏡，你係花靚，有錢有面，斷估冇話唔得成。

波：（接）你時常認够精，混身計仔，搭親嘅路都唔鬼靈。

儉：（接）我非抝頸，要包你定能執贏。

波：（接）快的落定，落定，若果再遲我就病。

儉：（接）佢够靚，够正，有錢你就要猛捉。

波：（接）若然，冇撻定，我的濶佬，散千百萬都唔貪平。

儉：（唱三脚櫈）佢個老母最貪財，總要聘金和禮餅。

波：（接）若得如花眷，好過馬票中獨贏。

儉：（接）萬大我担承，晚飯由你請。

波：（接）約定來相睇，如意便卽成。