七彩鍾無艶續集精彩曲詞

無艶：（花下句）迎春心存險毒，欲將家哀毒死在宮前，你當然係佢心腹，等我先將你個賤人處斷。

宣王：（快中板下句）龍頭打破，罪大彌天。御林軍，怏把賤人，一刀兩斷。

宣王：（花下句）醜婦人雖然有功救國。但係孤王一見佢就心不安然。

無艶：（花）忽然午夜降祝融，莫非奸妃將計弄，有云伴君如伴虎，從今不願返朝中。

宣王：（瘋狂世界）我地長醉樂融融，（序白）飮勝，

迎春：（接唱）等我共君你夾一箸餸。

宣王：（接唱）再飮一盅，朝晚與共，

迎春：（接唱）蒙王實多專寵，

宣王：（接唱）你人俏若芙蓉，艶色堪壓衆。

迎春：（接唱）我要你加封，身作帝后，能長沐君恩重。

宣王：（小桃紅）醉飮在禁宮，

迎春：（接唱）對酒甚興濃，

宣王：（接唱）忽聞鳳鼓與龍鐘，共上金階步輕縱。

晏嬰：（賣什貨）請你不要亂咁封，攪得亂大籠，你估娘娘燒死喺冷宮，呀，你眞眞發夢，咦呀咦都喲，你眞眞發夢，呀喲。

宣王：（梳妝台）你正懵，好似鼻涕蟲，指西，指東，實在你亂籠，

迎春：（接唱）佢成個已燒濃，你眞正發夢，

晏嬰：（接唱）佢早已經，返山中，重生猛過條龍。（板眼）佢重將你戲弄，四處招老公，翠屛山下擺長龍，六國國王都雷雷貢，一同去應選幾威風，話佢相貌雖然一邊腫，但愛佢高强武藝巾幗英雄。

宣王：（快點）選婿招夫眞放縱，羞家辱國罪難容，蕩婦淫娃，令孤無窮恨痛。

迎春：（花下句）佢旣在山中選婿，亦不會再返齊宫，從此斬斷情絲，何必干涉佢外間行動。

宣王：（走馬）去嗌醜婦，我實覺頭痛，佢會全不感動，枉多說苦衷，

迎春：（接唱）我睇佢都答不通，咪聽矮相胡言亂信從，

晏嬰：（接唱）我本應係詐懵，你驚佢奪愛寵，恐怕佢估得中，你無權做正宮，

宣王：（接唱）我爲着了家國重，請求她献身家國用，

迎春：（接唱）難望佢爲你心意動，無謂太妄動，

晏嬰：（接唱）你倘對他多敬重，恩隆，恩隆，情重，佢能被你感動，要又嗌兼夾跪，望你出呢槓。

宣王：（花下句）爲保先皇基業，無奈勉强依從。

晏嬰：（夜上海）頭又搖，身又搖，走得我氣咳冷汗如潮，

宣王：（接唱）彈故調，佢定不聽調，瞣得譏笑。

迎春：（接唱）嗌得佢返去怕乜人笑，至怕佢唔釆你個陣眉頭縐，一聲擋駕，我問句你幾無聊。

田昆：（長花）你咪攞皮宜，你咪講玩笑，乜野宣王我唔多曉，一提起佢就眼眉調，秋扇過時唔應要，所以翠屛山上把夫招，請你快的鬆人，否則諸多不妙。

宣王：（花下句）王兒不應相逢如陌路，父王一心一意接你母子囘朝，多煩你快請母后出堂前，舊事前塵皆罷了。

迎春：（花下句）主上前非知痛改，，殿下何必惹風潮，切勿三分顏色當大紅，我不願聽人彈高調。

晏嬰：（花下句）殿下好應明大義，新仇舊恨盡勾消，何幸破鏡再重圓，你要知趣識情無阿撓。

宣王：（花下句）眞係面係人家俾架係自己丟。

無艶：（天涯歌如）你個悶葫蘆，我定猜得倒，但要你先猜吓，我個頭顱，有幾多斤數，你能明白說無，如能猜得中，我邦任你們怎欺侮。

甲使：（三脚櫈）頭與身相連，怎能知重數。

無艶：（接唱）瓜核藏瓜內，强猜亦胡塗。

甲使：（接唱）葫蘆能剖開，有目可共睹。

無艷：（接唱）頭顱可割下，秤過辨分毫，

迎春：（接唱）試吓又何妨，至怕你唔敢做。

晏嬰：（接唱）搵條命敎飛，好易落陰曹。

無艶：（花古芙蓉）睇你個鼻子高高，而且生成冇頭腦。我估九斤十二両，，帶骨連頭毛。

無艶：（花）哀家猜中不還頭，註定佢命該歸黃土

無艷：（中板下句）呢一個葫蘆瓜，經有十年生長，乃是聖母功勞，當日正雲遊，拜訪觀昔，越過牛蹄，國土。隱見葫蘆山，便將種子播下，植出此龐大，葫蘆。（花）葫蘆內有核兩枚，象徵太極兩儀成異寳。

宣王：（孟姜女）我地兩國邦交素非好，一朝約飲歡宴葡萄，又怕佢存了乖心施霸道，伏兵謀殺我未敢登途。

晏嬰：（和尙思妻）圖怕有不軌企圖，但係到你又幾難唔到，倘若此番不到，面子俱無，

無艷：（接唱）我敢担保，（雙）不受鄰邦嘅辱侮，奮身保駕，你莫再心操，

迎春：（接唱）你不應咁胆粗，聽我來奉吿，佢雖有萬丈魔高，未必能用武，

田昆：（接唱）若果唔到，（雙）便顯出威勇絕無

宣王：（白）又試輸賭呀無法喇，（花下句）一同共赴棋盤會，那怕楚王腹裏暗藏刀。

伍辛：（大花）爲除醜婦滅東齊，佈下天羅和地網，望江樓頭棋盤會，安排香餌殺齊王，你等埋伏王樓邊，等候時機聽令降。

無艶：（四季歌）我一叫開車，佢就兜篤，馬後炮的確係難防，

晏嬰：（接唱）若然係救急，好應上番隻象。

無艶：（接唱）又怕短兵相接，無能救滅亡。

無艶：（毛毛雨）佢鬥雙車，確的算係狼，

晏嬰：（接唱）只馬騮乾，佢都算係棋王，

楚王：（接唱）中宮炮，應該仔細提防，

無艶：（接唱）將一將，就快收檔，

無艷：（花下句）成敗關頭難取勝，待我暗施仙術誘猴王，連忙作法念眞言，求得仙桃能下降。

楚王：（花下句）猴英輸棋因貪食，並非棋藝不高强，豈能低首講山河，一怒擲杯施兇悍。

伍辛：（花下句）望江樓上能逃命，八卦陣內也身亡。

無艶：（花）唉吔吔，一陣腹痛難支，又覺神魂不定。

無艶：（下西鼓）破陣勤王臣有功，

宣王：（接唱）保駕平安得正宮，

晏嬰：（笑唱）笑得我地牙關動，嘻嘻，主上呢個孩子定必天姬送，將來力懾群雄。

宣王：（接唱）眼底王兒儀態眞英勇，舉國再難逢

迎春：（接唱）王兒，佢生來有乜用，睇佢成個塞豆窿，

晏嬰：（接唱）嘩，你冇陰功，

無艶：（接唱）不由怒滿胸。

無艶：（木魚）今日主上平安返國，無艶不論賞封，惟是去時曾有約，主上何以對嬌容，迎春甘願任由我處罰，而家我要罰佢去掃東宮。

宣王：（接唱）喂，夏美人不過同你講吓笑啫，

宣王：（接唱）你又駛乜猛起副尊容，

無艶：（接唱）開講話君無戲言，

晏嬰：（搶白）係呀，矮仔丞相都話唔啱，（唱）邊個叫夏迎春睇小鍾無艷冇用。

宣王：（接唱）總之大家和好，何必抝到面綠面紅

晏嬰：（戲水鴛鴦）難得見，人作賤，飮泣打掃庭前，禁苑，哈哈橫掃咁掃，風車轉，確心酸，偷把君王怨。

迎春：（接唱）恨就恨煞那個鍾無艶，深深抱怨，生生世世怎能免。

宣王：（雪中行起引子唱）風吹簾，怨蒼天，不食言，苦嬌姸，深宮掃地，嗚咽難言，寒蟲月夜呀，倍添心酸。

宣王：（花下句）昭陽那及西宮艷，豈讓殘桃欲佔先，孤王醜女兩無緣，各宿行宮便作算。

晏嬰：（爽中板下句）無艶火冲天，銀牙咬，憤恨，已握拳。三夜擁寒衾，對影悽然，已是鶯啼，鳳怨。主上如不駕幸，娘娘雌威大發，眞個片瓦，無存。（花）佢豐功偉積在金鑾，露滴牡丹，應如佢願。

宣王：（花下句）念在有功酬鴛夢，孤王且聽你一言。

無艶：（四季相思）一盞孤燈照住心悲酸，徹夜痛哭涕涙漣漣，夜來未覩消瘦玉郞面，獨抱香衾悲對月，愁情一入綉簾。

無艷：（柳搖金）低聲上前喚句君，拈巾身兒凭，王莫再，鴛鴦分散背玉人，

宣王：（接唱）請你，不要悶王心中憤，

無艶：我艷色，媲美桃和杏，

宣王：我願虔拜，虔拜佛爲僧，

無艶：（接唱）請你，睇吓玉人添丯韻，

宣王：（接唱）人禽，佢與禽獸寳難分，

無艶：（接唱）花香影兒動，羅帳，芬芳處處聞。

無艷：（賣相思）冷眼薄情我不忿。

宣王：（接唱）愛嬌丯韻，正宮寢處，眞係香氣陣陣聞，

無艶：（接唱）怕誤你良辰，西宮香綉枕，

宣王：（接唱）最恨佢，有臭狐，未許銷魂。

宣王：（懷舊）心裏苦悲悽，未許入羅幃，鴛鴦分開照月底，點點疏星笑人兮。

晏嬰：（懷舊）休要苦悲悽，一於混窗進羅帷，綉帳春花艷鳳棲，千金一刻意自迷。

宣王：（春風得意）春風惹得妾喚郞，共宿芙蓉帳，枕畔帶脂香。

無艶：（接唱）又怕君王心悽愴，偷把羅裳半掩半面朝王。

宣王：艷似嫦娥相。

無艶：（接唱）怕君不見諒，所以掩面半驚慌。

宣王：（接唱）孤話過呢一趟，痴心兩相安，點起鳳燭鸞鳳唱。

無艶：（接唱）又怕郎再望。

宣王：（接唱）怕乜來再望。

無艶：（接唱）轉臉背身不便看。

宣王：（花下句）醜女猙獰半邊面，去宵枉作鳳求凰。孤王越想越心驚，急擁龍袍離宮往，

無艷：（花下句）朝來怕憶殘宵夢，怕對菱花恨君王。

晏嬰：（板眼）今躺不得了，六國聯邦，一齊攻打齊國宣王，六國興兵，韓通爲將，經已三關失守，國土難安，今日四處都係火頭，齊國冇望，守關無帥，難免國破家亡。

宣王：（血淚花）爲何，爲何，悲復愴，要確保家邦。

迎春：（接唱）要確保家邦，國仇家恨難了帳。

宣王：（接唱）孤心嘆不安，（三脚櫈）六國興兵來，誰人能抵擋。

晏嬰：（接唱）有事鍾無艶，可以展其長。

宣王：（花下句）宵來冷落了嬌卿，又怕昭陽難見諒。

無艶：（減字芙蓉腔下句）主上有事鍾無艶，你無事就夏娘娘，

宣王：（減字芙蓉上句）要保國安危，應將孤王諒

迎春：（減字芙蓉下句）六個聯軍勇或者佢怕死在沙塲。

無艶：（花上句）夏迎春，尙敢含血噴人，難道你忘記以前罪狀。

宣王：（快點下句）御賜元帥挽危亡，六國聯兵聲威壯，梓童殺敵約難忘，（花）倘若殺敗歸來，當心頭顱献上。

無艶：（快點下句）登壇點將走忙忙，惟念親兒無母養，交與丞相代管藏，（花）他日戰勝䢜來，免受奸人伎倆。

宣王：（花下句）田昆唯隨母后去，戰敗歸來血肉償。

無艶：（大花下句）躍馬提槍横宵漢，魔鬼陣內誓稱強，生擒澤捉五鬼頭，曰知哀家好力量。

無艶：（歸時）裝一裝，望一望，山谷嗚咽悲鳴日不光，將，佢添兵將來熱抗，破熱浪，殺無常，任你葫蘆放，我揮戈共你相向。

無艶：（刮刮裏格叫）腹中絞痛，兩眼光光，耳邊聲叫响，呱呱腹裏又暗响，心胸實覺不寬暢，（沉花下句）哎吔吔，驀覺天旋地轉，鍾無艶，難免陣中亡。