假桃花女迫婚

石崇輔：（小曲隨風而逝）今宵何幸天邊冷月重照

香衾尙帶嬌嗔　柳眼醉眉惹人更甚

假桃花：（接唱）蝶又咁癡　花笑强忍嗔郞　輕薄乜你成晚笑望人

石崇輔：（長句二王）一自嫦娥向月奔，屈指如今又一稔，望窮秋水，始見伊人，我要將秀色飽餐，補我從前相思恨。（序）乞恕檀郞無禮甚。

假桃花：（長句二王）劇憐粉蝶太癡心，何惜花顏療憶恨，儘憑飽看，何用偸眼窺人。（序）睇你晤似係相思人。（曲）何曾瘦損郞腰，毋乃欺人、太甚。

石崇輔：（南音）你未知郎心苦。爲你碎盡癡心。凄凉月夕，渡花晨。縱有萬紫千紅，我亦無意問。豈徒腰瘦，實在苦入心。

假桃花：（接唱）知否寂寞蓬萊，苦比郞更甚。正是天人一樣，兩傷神。猶幸玉帝有心垂憐憫。話我與郞緣訂在前生。許我二度下凡，與你諧鴛枕。（二王下句）今日天人重會，再訂海誓，山盟。

石崇輔：（序）我地何妨對月爲盟。

假桃花：（小曲春風得意尾段唱）對月兒爲盟，愛如明月光不晦隱，眞心傾訴有月聽聞，明月作冰人。

石崇輔：（接唱）大家愛以眞心。

假桃花：（接唱）我地無寒誓盟。

合唱：（接）相親相愛鳥同林，明月証鴛盟。

假桃花：（小曲滿園春色）一變玉女身嬌貴令我心歡慰他日配好夫君健美兼観仔够聲威　和氣笑迷迷着衫又名貴　有禮話晒讀過書識禮　幼細規矩尺寸學齊又名貴又華貴　有名望架勢　位巍有情義　熨貼入微揀着咁好夫婿　福德與運有齊兩夫妻　造人世冒充須有密計　仙界唔昇斷冇問題　最好得呢個理想夫婿做埋伴侶　駛乜昇仙恩愛重貴　但得享吓艷侶淸福恩愛到羅幃打我到酆都　我都冇問題　仙家鄕縱是美麗　點以做對好夫妻　我都不覺情爲愛着迷

（假周公在唱至半路中途入，在傍偸聽）

假周公：（小曲假正經）貪靚仔，確係曳，昇仙不願心太虧，咁任性，貪靚仔，你棧仆直一身係蟻，野性，週身寃氣最弊，至慌，穿㷛性命又危，休要胡爲，咪當係細，專破規，夾越禮，功虧一簣，因靚仔，你買喎，累我受翳，衰女你正一倒米，

假桃花：（長句二王）無知噢螻蟻受春暉，春色撩人成慣例，試問少年誰個不爲情迷，我不過隨意牽情，豈眞是推翻原定計。

假周公：（序）分明多詐諦（長句二王）至怕雙料電辣鷄，碰着風流花靚仔，祇顧暈其大浪，任意胡爲，個陣偸鷄不成，重要話揸米，况且目前環境，尙有不少難題。

假桃花：（序）到底重有乜野難題。

假周公：（木魚）呢，就係個個衰公彭剪，正一混賬東西。佢思疑我係假冒，對我提出諸多問題。我地魚目混珠，點知道咁多前根後底。恐怕將來遲早，一定俾佢义正偷鷄。

假桃花：（接唱）講到彭剪呢份人，我都怕佢至怕米貴。但對我都諸多試探，問到我慌起上嚟。

假周公：（三脚櫈）我有佢嘅茅包，怕乜佢咁多計。實行走夾唔抖，斬脚趾避沙虫。

假桃花：（接唱）若果你鬆人，我就心驚兼閉翳。留低我擋煞，你正一墮落雞。

假周公：（長花上句）你走太餂底，我走無問題，功敗垂成，你話點抵？你要三扒兩撥，擁佢過嚟，個陣我地道行加深，馬上昇仙離俗世。

假桃花：（長花下句）好妙計，好妙計，實行提前迫佢成婚禮，趁今夜月移花影，嫌疑不避，我却要攒穴相窺。