「桃花女二度下凡」之假周公賣卦遇真周公

假周公：（穿着八卦袍大搖大擺唱小曲傻大姐）

卦袍鬆鬆行得威風吸吸貢學做占卦腥亂

撞充硬拼碰變到似足周公又大件又笨重

又大又肥吝盡巨型似大頭虫似成碌粽肥

兼攣弓條腰痛學大牌行動亂撞充硬拼碰

（坐在賣卦椅中，披襟箕踞，搓脚趾，怪狀百出）

（天香與彭剪在另一角落窃窃私議）

彭剪：（小曲武西廂）情形又好似唔同呀但完全亂晒籠

天香：（接唱）爹爹品性乜咁開通　往日似古董　今日咁輕鬆

彭剪：（接唱）習慣好奇好動　郁郁貢　搓脚趾公　往日正襟胸　今日弗開胸

天香：（花上句）我地要試一番，以免受人愚弄。

假周公：（減字芙蓉下句）你地交頭兼接耳，實在整也冬冬。

天香：（接唱）阿爹有名卦命如神，人人對你敬重。（揷白）表演吓俾我地睇吓都好呀。

彭剪：（接唱）呢個葫蘆裡入乜嘢藥，請問二句周公。

假周公：（另塲長花上句）眞係床板夾脚趾公，有苦自己知痛，葫蘆裡面確係烏龍龍，事關卦理陰陽，我都完全不懂，想答答唔痛，唔答更唔通，唯有整古整怪亂指一通。（作占卦狀）天靈靈，地靈靈，太上老君急急女律令，（續唱）占去占來冇的用，點知葫蘆裡面有乜冬冬芫茜葱。

天香：（西皮唱）芫茜葱，爹爹卦術鬼神亦算通，卦爻精通，眞準確，夾靈擎，確係芫茜與葱，（揭葫蘆取出芫茜葱，假周公見無意撞啱，心中暗喜）

彭剪：（接唱）我疑周公，佢好似亂嚟靠撞，卦術全無用，隻龜売亂嗷，無意中嗷中，（木魚）我有疑難未解。重要請敎周公，我生平最怕死，重怕過一世捱窮，到底我嘅壽命重有幾長，是否係短命種，駛唔駛買定棺材掘定窿。

天香：（接唱）爹呀，你念在佢跟你咁多年，呢枝卦當如贈送，迷津指點，解吓佢嘅愚蒙。

假周公：（白）哦，咁易事啫，（花下句）好在壽短壽長冇根據，大可以亂指一通，（又作狀占卜如前長花上句）人無陪天老，壽冇送天終，斷冇甕天跌落黃坭窿，占來占去，至多七八十勾，個陣你條命水咁凍。

彭剪：（板眼）以前批我短命，話我三日壽終，好在神人賜壽運轉紅，（白）記唔記得我賜壽八百呀周公，（續唱）第一次居然俾你批中。做乜今囘咁離譜，實在整乜冬冬。

天香：（接唱）阿爹是否近來老懵懂。從前事幹你好似烏龍。

假周公：（急唱）我曾經歸本位，遇啱雷响震到耳襲，占卦有陣唔靈，看來都冇乜用，從今由你管卦，樂得大被過頭甕，（花）彭剪，快的去買十斤孖蒸，五斤狗肉番嚟做餸。

彭剪：（花下句）喂，佢以前唔食狗肉，點解而家噲整番幾盅。

天香：（花上句）佢越講越離奇，令我疑心加重。

慎周公：（花下句）喂，重唔快的去買，你地詐懵抑或耳聾。

彭剪：（小曲桃花紅）

鈴一鈴試邀請我主公周應份現神靈碰着了胡混神明佢下凡冒你名

眞周公須顯聖要施罰罪要懲你若遲遲來禍將成

眞周公：（小曲陌頭柳色）

徒弟有請敲响個鈴鈴有求神來應

佢老實人嚴正爲師存心戲弄妙計學噲冒名裝成妖狐咁聲當妖精靠搵丁施威發令（轉半快慢板上句）駡一聲，彭小子，胆敢冒犯本神，不怕本神，攤你命，

彭剪：（大驚吊慢接唱）聞叱罵，胆震心寒（合）（挿白）拍吓心口頂硬上，（續唱）問聲仙長，你是何等神明。

眞周公：（小曲叫我從何說起）

我本是狐幻變　我家住囘雁嶺　凶惡星食人絕冇留情　你阻良緣共訂　你可謂唔熟性　將你吞猶如食小鳳餅

彭剪：（木魚）原來碰着，呢隻食人精，眞係秀才遇老虎，唔死都有八九成，不過我彭剪呢份人，向來唔好頸，明知死實，都要鬧多但幾聲，你，咪恃住妖法無邊，立亂迷兼害命，顧住雷公劈你，須知舉頭三尺有神靈。

眞周公：（中板）徒弟做人眞公正，胸懐正直不怕妖精，勇敢剛强令人起敬，爲師對你說出眞情，（花）本神乃係眞周公，爲感你焚香相請。

彭剪：（三脚櫈下句）無須撚化我，我已心知肚明。要劏卽管劏，何必多姿整。

眞周公：（接唱）若然唔相信，請看我頂上光明。（摩頭頂，露出三光）

（彭剪見三光，始信是眞周公，急忙下拜）

眞周公：（長花上句）你咪擒擒靑，聽我說分明，公子難逃魔刦與災情，因果由來天註定，若然難滿化安寧，待等危險關頭，本神自當來照應。

彭剪：（花下句）旣知公子有難，何不先收妖精？本應先事預防，以免將來嘅危險性。

眞周公：（花下句）須知難違天數，天機玄妙你未曾明。囑罷愛徒，頓化淸風囘仙境。（化身隱去）

彭剪：（下拜花下句）彭剪連忙下拜，遙送師父返天庭。