私探嬌妻

家俊：（拍門叫白）大娘，開門啦，我係家俊呀。

家俊：（白）大娘，秀娟呢？

大娘：（冷然白）家俊，乜你而家捨得嚟搵阿秀娟唎咩！

家俊：（嘆氣白）唉，大娘，你估我唔想早的嚟咩，不過阿媽步步爲營監視住，你叫我點行開呢！

大娘：（白）哦，係咁我怪錯你叻，秀娟係裡便，（指指房）你入去見佢啦。

家俊：（白）哦……（急奔入房內去）

家俊：（白）秀娟。

秀娟：（白）家俊。

家俊：（執娟手親熱地（口古）秀娟，眞係難爲你叻，夜靜更深，重要你係處織布紡紗，睇吓你，經已捱到花容瘦減。叻。

秀娟：（苦笑）（口古）家俊，所謂寧食開眉粥，莫食愁眉飯，今日我雖然捱苦，但係心情愉快，好過總受奚落受人彈。

家俊：（一才關目嘆氣）（口古）唉，秀娟，我都知到對你唔住嘅，所以今晚偸偸到來，無非與你一訴相恩，以表我情心未冷。

秀娟：（口古）須知孝子自應從母命，我地旣不能同諧白首，又何苦再涉足入情關呢！

家俊：（反綫中板下句）舊愛豈遺忘，夫妻情萬丈，三載同衿枕，好夢未消殘。

秀娟：（接唱）金彈打鴛鴦，暴雨折寒梨，空有海誓盟，今已成夢幻。

家俊：（接唱）順母棄賢妻，存心非薄倖，恩情還未

家俊：（白）唉，妻呀，（弱柳迎風）我俩情深非█泛（挿白）我点都唔会忘記你嘅！雖則被迫決絕人離散，熱情未冷，心裡常盼会……紅……顏。

秀娟：（接唱）愛絲已断情已散，請君你，休再逆慈母命，舊情要尽斬，此後無須█相探，今非昔比望君休記玉顏。斷，再續又何難。

秀娟：（接唱）莫戀薄命花，發𡚒獵功名，自有月中仙，與君諧奠雁。

家俊：（接唱）縱有美嫦娥，也難塡缺憾，此生惟獨愛，結髮女紅顏。

秀娟：（接唱反線人海飄航）蓬門未許高攀，鴛鴦分散續愛难，更怕累，即你受人白眼，莫怀記艳情应听劝諫。

家俊：（五才士工長花上句）正喜得長談，嬌心何冷淡，夫妻相逢如氷炭，莫不是存心有意絕痴男，抑或一紙休書分界限，可知我情心未變愛未闌，妻你何愁苦鎖雙眉，終有劍合釵圓消刧難。

秀娟：（白杬）好夢已成空，往事如烟散，生也不逢辰，自甘捱苦難。君莫太情痴，幸母生怨嘆。覆水怎能收，花殘春已晚。

家俊：（接白杬）卽是有情郎，情心天可鑒。拚敎逆母續前歡，不讓娥眉長怨嘆。願爲海燕賦雙飛，與嬌天涯同泛。

秀娟：（慢的的關目凄然白）唉，夫呀，（花下句）旣已是情亡愛斷，何苦效縛繭春蠶。棄妻順母雖不情，逆母順妻人齒冷。

家俊：（凄然白）唉，秀娟，你唔答應我嘅要求，我點都唔扯咖叻，（花下句）鳳去樓空傷隻影，寧堪夜夜嘆孤單，此生不得續餘情，惟願逃襌長自懺。

秀娟：（口古）家俊，你千祈唔好咁想呀，你尙有白髮高堂，不應爲我拋棄錦綉前途，更不應爲情而弄到心灰意冷。

家俊：（嘆氣，口古）唉，嬌妻不情，慈母不諒，試問我重有何樂趣可言呢，正是人到斷腸無可戀，花逢風雨只有任摧殘。

秀娟：（見狀不忍安慰，白）家俊，你唔好咁啦，你咁樣瞣令我難過嘅啫，

大娘：（白）家俊，我知道你地夫妻相會，梗係傾到口都乾咖嘞，所以我㷛定香茶，等你地得以解渴，嗱，大家飮杯啦，

家俊：（接茶白）大娘，你眞係一片婆心叻，秀娟得你照顧，我亦感同身受，他日我若果有出頭，定當酬報你嘅大德！

大娘：（白）人有同情之心，患難相助，理所當然，又何必講報答兩字呢，祗要你夫妻重合，大娘便安樂叻。

秀娟：（白）大娘宅心仁厚，待我如子女一般，此恩此德，秀娟沒齒難忘。

大娘：（白）大家自己人一樣何必講客氣話呢，家俊，而家時候唔早叻，我睇你都要番去叻，晤係俾你娘親知到，就麻煩叻，

沈氏：（冷笑，白）哼，你地知到麻煩唎！

沈氏（行前指俊）（口古）阿俊，你都算好胆叻，居然違抗母命，私探賤人，你係唔係想作反。

家俊：（一才關目反應）

沈氏：（指娟，口古）秀娟，以前我個仔係你嘅老公就冇所謂，而家你地經已一刀兩斷，你重敢向佢迷戀，我有權拉你坐監。

秀娟：（一才關目反應）

沈氏：（指大娘，口古）蘇大娘，你幾十歲人，竟然甘作淫媒，引綫穿針，我要拉你見官，重打三十板

大娘：（忍不住斥沈氏）（口古）老夫人，你咪恃住有勢有財，就可以亂咁嚟噃，須知呢處係我屋企，唔到你潑辣野蠻。

秀娟：（趨前檢衽）（口古）安人，家俊來時我絕不知情，旣來之後，我亦一再催佢離開，此事的確與我無關，望你査明一旦。

家俊：（上前口古）媽，係我自己私來會妻，與人無涉，一切罪過，孩兒甘願承担。

沈氏：（喝白）混賬（花下句）不准你替人受過，不准你憐惜紅顏。一切爲娘有主張，何須你多言偏袒。（對秀娟）（口古）秀娟，我都知到你離開我地安家，一定無以爲活，所以我今晚到嚟，一心送你白銀三錠，更希望你遠離本城，莫再向我兒戀棧。

大娘：（冷笑，口古）哦，原來你咁好心，眞係難得，不過你要分淸楚噃，秀娟現在係我蘇家嘅乾女，並非你安家媳婦，你就冇權叫佢扯，我就有權將你捧。（喝白）你快的扯呀，

秀娟：（急上前勸住大娘）（白）大娘，算叻，算叻。

家俊：（見狀急白）媽，唔好再嘈叻，我送你番去啦。

沈氏：（悻然地，口古）亞俊，我話俾你知，現在已屆秋闈，你好準備上京不容怠慢

家俊：（白）孩兒知道，

沈氏：（續口古）此後不准你再嚟呢處，否則親情斬斷母子反顏。（喝白）知道嗎！

家俊：（唯唯諾諾，白）知道，知道，

俊氏：（白）快的跟我返去，

秀娟：（凄然嘆息）（花下句）深感癡郞情義重，却愁薄命續情難。