投井遇救

秀娟：（思春）真淒慘，惹災难，感触身世淚滿衫，我今被棄伤孤單，恨壓春山暗自煩，（哭泣）

身飄飄似孤雁，蒼天不憫令我夫妻拆散，真堪嘆，今生今身自覚心灰意冷，空有熱情夢已殘，我做人亦太慘，唉，痛哭涕淚█，焚断釵分再續难，堪憐受刦悲莫浼，人逢█境似葉殘，生無樂趣空自嘆，願葬井中免自煩。

大娘：（白）唉吔，秀娟，你爲乜野事幹，要自尋短見呀？

秀娟：（悲咽白）唉，大娘，想我生不逢辰，自幼零仃孤苦，及後嫁得多情夫婿，以爲可寄終身，豈料家姑不容難爲媳婦，佢藉詞不孕，迫子休妻，更將我驅逐出門，眞是欲哭無淚，所以我生無可戀甘爲鬼，願借淸泉葬玉魂嘅啫。

大娘：（白）唉秀娟，咁你就立錯念頭叻（三脚櫈上句）螞蟻也貪生，何必心意冷。做人應奮勉，生活並無難。

秀娟：（接唱）我舉目已無親，世情早看淡。但求得解脫，不再惹愁煩。（花上句）願從地府作遊魂，也勝飄零如孤雁。

大娘：（勸慰白）秀娟，做人何必咁悲觀呢，我家離此不遠，若果你唔嫌棄嘅話，可以去我處居住，慢慢再打算啦，

秀娟：（白）大娘，若果你肯提携弱女，挽救殘生，正是恩同再造，不過只怕打攪你唔好意思啫，

大娘：（白）秀娟，你重駛乜咁客氣呢，我自細睇到你大，自己人一樣之嗎，只要大家肯捱肯做，你慌搵唔倒两餐咩，跟我番去先，等我同你去安家講吓情啦。