喜臨門最精彩之一幕
洞錯房
（特寫：龍鳳花燭。）
（二人負氣各掉頭不理）（卒忍不住同時起身）
（面對面齊聲唱）
二人：（唱月下對口）掏一肚蠶蜍氣，雙眼突，又睜眉。
金福：（唱）我憎你。
月白：（唱）我恨你。
金福：（唱）我憎你。
月白：（唱）我恨你。
金福：（唱）忘記舊情舊恩。
月白：（唱）你薄倖，無情義。
金福：（唱）想剃眼眉。
月白：（唱）想剃眼眉。
二人：（合唱）宜得煎你層皮。
金幅：（唱）我嬲你。
月白：（唱）我鬧你。
金福：（唱）我嬲你。
月白：（唱）我鬧你。
金福：（唱）眞厚面皮。
月白：（唱）眞厚面皮。
二人：（合唱）橫崩崩亂嚟，絶唔顧面皮。
月白：（唱長句二王）你嘅手段太汚卑。
金福：（唱）你嘅行為真可鄙。
月白：（唱）你嘅甜言蜜語都是一片虛詞。
金福：（唱）你嘅蜜意柔情都是無誠意。
月白：（唱）你嘅心難捉摸好似海底游魚。
金福：（唱）你嘅面似芙蓉，你嘅心如黃蜂尾。
月白：（白）哦，原來你當我黃蜂咁賤，梗係喇，鄉下女點似得都市有錢女咁衿貴呀，（唱南音）鬼叫你唔好命，生出係陋質庸脂，怪不得薄情蝴蝶想話飛入隔籬。妄想高攀求富貴，無奈姻緣天註定，佢總總晤知，到底鬼擁神推配番鄕下女，真係庸人自擾，令我笑剌肚皮。（大笑）
金福：（唱三醉）（你）話我想高攀，對你立意遺棄，（乜你）又會想攀斗，不知羞恥，你總不知到貪字容易變貧字，當高攀咁容易，到底寃家不免窄路逢舊侶，煲穿晒唔顧面皮。
月白：（唱反線中板）月白豈望高攀，今日不過替人冲喜，其中苦况，你唔知。聞得你欠債被囚，首願李代桃僵，無非欲得金錢嚟贖你。身契已交還，又獲得白銀百両，我犧牲名譽，却爲誰。（花）難爲你寃枉我高攀，你可謂忘恩負義，（黯然欲哭）
金福：（唱反線中板）聽佢情衷，方知重重誤會，乞諒我委屈娥眉。債主是李家，逼我替代拜堂，無條件交還欠單據，有幸重獲自由，更有幸相逢狹路，估不到巧合如斯。（花）正是栽花有意花不成，揷柳無心柳連理。
月白：（唱花下句）冰釋前嫌修舊好，含羞偸望笑微微（含情）。
金福：（唱花上句）洞房燭結合歡花，久涸枯魚今得水。
（二人含情脈脈，相視作會心的額笑）
（更鼓打三更聲）
（房外玉梅員外鬼鬼祟祟摸入）
員外：（唱南洋之夜）慌慌失失，願住跪着欖核。
玉梅：（唱）已經心中暗急，爹你係身邊嘰咭。
員外：（唱）無謂心急，有心終有日結合。
玉梅：（唱）怕疏忽，羊肉將近得担心又失，喉急。
員外：（唱）今日曾定夜半替換，行動又要秘密。
玉梅：（唱）房外一片漆黑人靜，心更慌失，廉高眼甘甘望到實。
（員外拍三吓掌聲）
（房內全無應聲）
（玉梅員外，心暗驚異。）
玉梅：（大怒唱十八摩）豈有此理，彈弓裝人咁陰濕，立心拉倒自己得，我將度門亂咁踏（亂敲門）（玉梅欲再發火，員外恐張揚起來，自己吃虧。低聲勸玉梅勿撞火，明日再算，玉梅恨恨地隨員外走）
金福：（在內唱）你地想耍乜，X脚亂咁蹕，搗亂新房咁糟質，嗌起上嚟罰到你眼突。
（房內金福與月白相視微笑）
（打三更三點聲）
（夫人，克勝鬼鬼祟祟摸入）
克勝：（唱六天毋）心急與玉人結合，口中猛唸阿彌陀佛，又恐怕佢立意撬脚用鐵筆，喚心中更加急，口水溜夾喉擒，恨唔恨得，四方四面無門入
（克騰拍三吓掌）
（房內無應聲）
（夫人克勝均感驚異）
（克勝再拍三吓掌，仍無應聲）
克勝：（大怒唱十八摩）豈有此理，彈弓裝入咁陰濕，立心拉倒自己得，我將度門亂咁踏（亂敵門）
月白：（唱）你地想要乜，雙脚亂咁踏，搗亂新房咁糟質，嗌起上嚟罰到你眼突。
（夫人低聲勸克勝勿暴燥，恐一經張揚，鬧出笑話）
（房內熄燈，克勝心更急）
克勝：（唱快中板）最難忍受熄燈時，人地疏肝翳肺。俾人食肉我食皮。（花）一於打爛度門，找晦氣。
（克勝狂力撞門）
（玉梅，員外，二嬸聞聲出）
（門已被撞破，金福月白不知所措）
克勝：（抽住金福唱三脚櫈）你居然扒大路，我耍煎你層皮。
玉梅：（抽住月白唱）你覇左我個老公，一於唔肯過你。
夫人：（唱）因何呢個大妗，惡到突眼又睜眉。
員外：（唱）佢至係新娘（指玉梅），呢個不過替人冲喜（指月白）
二嬸：（唱）你分明係案兄弟，造乜惡到要煎人皮。
克勝：（唱）我係眞正新郞，拜堂由佢頂替。
員外：（抽住夫人唱）原來你個仔詐病，騙我送女暹過嚟。
夫人：（亦扭住員外唱）原來你立心不良，借女來冲喜。
克勝：（拉月白唱）實行要娶你，眞假都冇問題。
金福：（拉月白唱）佢係我未婚妻，一於唔讓你。
玉梅：（拉金福唱）我實行嫁呢個靚仔，唔到你推辭
月白：（拉金福唱）佢係我未婚夫，勢難讓俾你。
二嬸：（唱）係咁就攪唔掂，不如打官司。
員外：（唱花上句）今日係年初一，四大老爺設宴桃花江點得閑同你理事。
夫人：（白）咁又唔駛慌佢唔理，我地大家都有錢有面，佢梅俾的面嘅。
員外：（唱花下句）好喇，一於去桃花江畔，求佢判斷是非。
（外間天已放莞）
搜尋資料庫
