一塲歡喜一塲空

　　（大廳中，張燈結釆喜氣盈門）

成：（在廳中徘徊，焦急白）蝦，點解家姊重唔番呃呢吓，（禿頭起胡姬怨）心焦不禁，等候賢姊因婚嬪，衷心憂困等待賢姊歸鄕鎭，託佢購辦珍飾，送與情人，良緣共訂以証良盟，待把紅絲牽引，（白）急驚風，偏遇慢郞中，眞係心急咯（兩頭行）

成：（聞聲大喜）急囘頭向廳外望去，連隨走前迎接白）家姊你番呃嗱，好囉，我等你唔知等得幾心急呀。

愁：（白）細佬，我知你急乜離叻，你唔係心急等我，乃係心急想知到我買咗的也野做聘物啫，一齊番入大廳，我俾你啦。

成：（白）好聲行呀家姊，（伴花愁同入廳內）你買左的乜野呀。

愁：（坐下取出珍珠練，及五百両之銀單花下句）我巳準備珍珠一串，好待你與愛侶訂婚姻。白銀五百作綵銀交與弟郞以盡儘責任。（交珠練與銀單）（两物最好用首飾箱儎好）

成：（接珠鍊及銀大喜，花下句）一串珍珠豪光閃，得綵練銀五百，足够盛大聯婚。姐愛弟，見親情賢姊深恩，自當終身銘感。（將珍珠鍊及銀單放回首飾箱中，向花愁白）家姊，你一定好疲倦叻不如入去休息吓先，等陣月娥來到，我至請你出堂，介紹你地認識啦。

愁：（白）好，我都要入去我個房，換過套華麗嘅衣服，然後至出堂帮你招待賓客啦。

成：唔駛勞煩你咯家姊，亞春桃，秋菊，快的陪大小姊入室更衣。

桃菊：（仝領命白）知到，大小姊請。

成：（白）我家姊待得我咁好，唔知點至能够報答佢咯。

僕：（匆匆入，向成下禮白）啓禀少爺，你有幾位同學，帶埋佢地嘢父母一齊嚟恭賀你喎。

成：（大喜白）咁呀，快的同我去請佢地入來啦。

僕：（白）領命，（匆匆而出）

成：（走前相迎）

成：（還禮白）咁多位同窗駕臨，小弟有失遠迎，望祈見諒。

甲颜：（口古）書友，聞得你今日與富家小姐楊月娥訂婚，小弟與家父家慈到來賀喜，希望得見個位豪門紅粉。

乙老翁：（口古）玉成兄，老漢小兒與你份屬同窓硯友，喜聞你與殷商之妹結母，你亦是富家子弟，堪稱戶對門登。

成：（白）過獎，獎獎，各位學兄，與各伯父母大駕光臨，眞是蓬蓽生輝，賞面之至，請各位上座，（招待各人坐下）

婢：（匆匆入報白）啓禀公子，楊月娥小姐與其兄駕臨，更有一班按姊妹聯袂同來，特來禀吿。

成：（大喜白）娥妹與舅台駕到，待我恭迎，（忙向廳外而去）。

成：（下禮白）娥妹與舅台及列位小姊駕降，玉成有失迎迓，祈爲恕罪。

娥：（白）成哥，我介紹你地認識，呢位係舍兄楊天保叻。

成：（拱手下禮白）舅台在上，衞玉成參見。

保：（還禮白）妹倩有禮。

娥：（白）成哥，呢幾位係我嘅閨中密友。

成：（下禮白）列位小姐有禮。

娥：（白）各家姊姊，呢個係我嘅未婚外子衞玉成公子叻。

衆拗：（同襝袵白）衞公子有禮。

成：（白）請舅台與列位小妲上座，幷恕玉成欵待不週，請。

保：（白）妹倩請。

成：（白）娥妹，我介紹你地認識，個便各位公子，係我嘅同窓硯友，列位學兄，呢位係小弟嘅未婚妻楊月娥小妲叻。

娥：（上前檢権白）列位公子在上，楊月娥檢衽。

衆同學：（還禮同白）楊小姐有禮，請同座。

娥：（白）吿座，（行同原位坐下）

甲女友：（口古）月娥妹，你眞好福氣叻，你個位衞公子乃世家子弟，不愧書香世代，有體面，有家聲，你與佢同結美滿良緣戶對門發，可謂三生有幸。

乙女友：（口古）月娥姊，你與衞公子可稱郞才女貌，祝你地齊眉白髮，堪稱係天做地設嘅一對璧人。（娥羞人答答，低頭不語）

保：（白）好叻，好叻，各位案姊妹，你地咪笑佢啦月娥好怕醜㗎。

衆姊妹：（同白）又好。

娥：（白）成哥，你位令姊番咗來未呀？番咗就請佢出來見吓舍兄啦。

成：（白）番咗明，等我駛人請佢出堂，與各位相見（向婢白）亞荷花，你快的去請大小妲出堂，與各位相見啦。

荷：（下禮白）奴俾領命，（一揖向內堂去）

成：（向保白）舅兄，等陣我介紹你相識我家姊相見呀。

保：（大喜白）好極好極。

成：（上前行禮白）家姊，娥妹同佢個位兄長，佢一班閨中密友，我一班硯友同窓，與及同學家長，好多人來咗啦，我介紹你同佢地見面啦。

愁：（大喜白）好，人地咁賞面來恭賀你我做家姊嘅，好應該替你招呼個班賓客嘅。

成：（介紹白）呢幾位係我嘅同學，呢幾位係我嘅同學嘅家長呢幾個係我同學嘅兄弟姊妹呢個係我家姊衞花愁。

衆：（同白）衞小姐。

　　（保聞言循聲望去）

成：（繼續介紹白）家姊，呢位係我未婚妻楊月娥小姐叻。

愁：（白）楊小姐。

娥：（白）大姑奶。

成：（介紹白）呢幾位係娥妹嘅案姊妹喎。

愁：（白）列位小妲。

眾姊妹：（同白）衞小姐。

成：（介紹白）呢位係本處大殷商，娥妹嘅令兄楊天保公子，舅台，呢位係我家姊衞花愁。

愁：（檢班白）楊公子。

保：（下禮一揖白）衞小姐，（花愁，天保，兩人行禮完抬頭重一相見愕然）哦，乜你呀？

成：（詫異白）家姊，舅台，乜你地識嘅咩？

保：（支吾白）……認……識……嘅……

愁：（支吾白）係……係囉，好似唔知邊處見過面咁噃，原來佢係咁嘅大富商。

成：（大喜白）好咯，識識就更加易講話啦。

娥：（大喜白）乜原來亞哥你識我個未來大姑奶嘅咩，咁將來姑嫂之間，一定會相處得好好叻，哥呀，我個未來大姑奶本身固然係千金小姐啦，聞得成哥話佢出嫁嘅夫家又係殷商大戶嚟㗎。

保：（內心又驚又急，喃喃自語白）原來佢係咁嘅千金小姐。

甲女：（口古）月娥，你位未婚夫，我地見過明，你呢位未來大姑奶亦介紹相識過叻，你快的與衞公子交換訂婚物品。

成：（接環續唱）感你情深一片心，我奉上珍珠，一串明珠與卿訂婚，（送珠鍊與月娥）

娥：（接珠練續唱）接珠訂下各名與份，愿共愛婿齊眉白髮得福蔭，夫妻似鳥同林。

成：（接唱）得結良緣實覺三生幸，夫妻似鳥同林。

愁：（接唱）有情人，結得同心永親近。

保：（接唱）祝你白頭共結婚，一展好婚姻。

成：（接唱）此後郞心。

娥：（接唱）永纛妾心。

　　尙風扶禮物一盒撞入）

僕：（攔阻白）老先生貴姓？

風：大模大樣，口古）車，你都曉稱呼我魯先生咯，重駛乜左査右問？（欲入）

僕：（再攔口古）到底你貴姓名呀？你同我地公子係乜野貴親？

風：（白）係乜離貴親唔好呀，總之係非常之親嘅，喂，我而家來送禮噃，你估我呃打刦咋？審犯咁審做乜野呀？混你個賑，想妙魷魚呀？話伸你小姐聽滾你嘅旦呀嗱（昂然直入白）亞花，我來咗叻花！

愁：（聞聲向外一望見尙風大驚）（無奈勉强迎接白）哦，原來你呀，魯先生，乜野風吹你呃㗎。

風：（不悅白）都唔駛咁㗎花，老友鬼鬼都唔通知，重問我乜野風吹來喎，自己人呀馬，咪撻咗我呢餐至得㗎。

愁：（强笑白）唔記得通知你嗎，唔好怪我呀魯先生

風：（白）我梗唔怪你，好叻，你唔同我介紹，等我自我介紹啦（板眼）我忙介紹在座衆嘉賓，鄙人姓魯，本地第一位有錢之人。名叫尙風，居住在市鎭，我係江南首富，而且係大紳襟。聞得花愁嘅令弟，今日訂婚請飮，唔少我呢份，我特來送禮，兼且自愿做主婚人。

成：（下下禮白）原來駕上係魯先生，失敬失敬，晚、生衞玉成，呢位係我未婚妻楊月娥小妲，我地正正話訂咗婚，交換訂婚禮物叻，你嘅好意，心領叻，隨便坐啦，招呼唔到噃，月娥，快的來拜見呢位魯尙風老先生啦。

娥：（檢袵白）楊月娥拜見魯先生。

風：蝦，呢串珠鍊眞靚叻，乜咁熟面口呢吓？好似係我個串咁噃，你除出來俾我睇眞吓，（月娥交珠鍊與尙風）（尙風接珠看，微笑白）冇錯叻，我送俾亞花，亞花俾佢細佬，佢細佬送俾月娥訂婚有乜出奇睹，卽係我送俾個舅仔訂婚嘅啫。