青樓盜賣反將寶贈

　　（天保：持插仔夜行衣，潛入花愁房中，行至花愁床前，盜取花愁預放在枕下之珠寶，打開一看大喜，連隨以原有之手帕包裹，躡足離去，）

愁：（穿睡衣衭，在床上睡眠，突然發覺將天保糾纏不放，厲聲喝白）喂，做乜你嚟偸我的錢呀，精嘅快的俾番我咯噃，否則咪話我唔俾面噃。

保：（冷笑白）笑話，乜俾番你呀，你知唔知我係邊個呀？

愁：（冷笑白）我識你係老鼠呀。

保：（滋油白）冇錯叻，你都算够眼光，我就係橫行廿四橋直至夫子廟一帶嘅大亞哥叻，邊個唔知我係江湖好漢呀，我嘅綽號叫做銀飛鼠，你要錢定要命呀（拔揷仔恐嚇）

愁：（滋油白）哦，原來你就係銀飛鼠呀，咁你又知唔知我嘅朶呀，出嚟撈都唔起淸字容，我嘅綽號叫做金絲貓，貓就專捉老鼠嘅，我唔怕你㗎，你想攞我的錢呀，不如攞我條命把啦。

保：（長二王上句）你綽號我未査清，我祗要金錢唔要命，金錢必需要，因爲我有特別衷情，倘若缺乏金錢，不能解决我當前，環境。

愁：（拷紅）眞好笑，笑你個强徒將弱女凌，偸到秦樓實太唔熟性，須知我，靠歌聲，錢財贃來非易，夜夜行歌眞苦命，（序白）你光顧我呢個窮歌姬，都算係鼠窃狗偸咯，（曲）你對歌姬，要同情，去劫豪門，方顯本領，你實枉稱俠盜名，應該分到淸，你須知，劫富濟貧，助弱扶强，心術正，方欽敬，笑你爲錢財失本性。

保：（重一才慚愧沉花下句）唉吔吔，差愧呢個獨行大盜，我險些難盡威名。（七字淸）飢不擇食因環境。羞愧相向訴衷情。爲覓粧奩，替妹行婚聘。訂婚期近在天明。劫富濟貧憑本領。你得來非易願還鄕。（花）忙把原物交還，另尋別徑。（欲去）。

愁；（攔住天保去路花下句）你爲妹粧奩甘冒險，情深骨肉令我表同情。時己夜，問君向那方尋，能否吿知行徑。

保：你問我向那方尋喎，重駛講到明咩，梗係去偸啦。

愁：（白）唉吔咁危險，容乜易失手㗎。

保：（長嘆白）唉，就算失手都聽天由命喺啦，爲個妹終身幸福起見，無論如何都要冒埋呢次險嘅叻

愁：（喃喃自語白）我就爲細佬，佢就爲個妹，眞係同病相憐咯，（向天保白）你都係唔好去咯！

保：（白）我唔去點得呢，佢地聽日就訂婚，連訂婚禮物都冇，個妹重有冇面睹，一定要去偸至得（欲下）。

愁：（攔住白）咪住（禿頭起春風得意）芳心對君已同情，我爲君憐復敬，相借助理本應，切莫存心走險徑，緣何再冒險要犯嚴刑？（序白）你精嘅聽我講唔好去偸叻。

保：（序白）唔偸邊處有錢呢？幾大都要偸埋呢次㗎，（接唱）祗爲豪門聘，急得眞要命怎得信物訂双星？我不怕冒險性！

愁：（接唱）我心中替你担驚。

保：（接唱）空空妙手冇撞板有求實應，怕也流夜要拚和命！（欲行）。

愁：（接唱）你無謂去拚命，（攔住）。

保：（接唱）奈何爲了嫁粧將婚事訂！

愁：（接唱）我做人，殊熱情，今宵我能贈金你莫亡命！

保：（接唱）多感領，謝嬌你同情！

愁：（接唱）金錢援助見眞誠，（交銀單一張）。

保：（接唱）唉吔，五百両，蒙玉成（接銀單時一看大喜）。

愁：（接唱）聘禮可相送，（贈玉環與保）。

保：（接唱）未敢領隆情，（推辭）。

愁：（接唱）將嚟留念表眞誠，（白）要咗佢啦，我一片誠心送俾你嘅，你貴姓名呀？

保：（白）我……我叫做亞保，你呢？

愁：（白）我叫做花愁，你快的要左佢啦保哥。

保：（白）咁點好意思呀，花愁，（花下句）翡翠玉，環銀五百，粧奩有着謝卿卿。忙拜別，他日訪粧樓，與嬌把衷情盡罄。（白暫時借用住先，將來有機會，定然原物璧還嘅，（別下）。

愁：（花下句）待我稍睡片刻，明早返家庭。