『七氣蘇秦』

精彩曲詞

秦父：（王老五）阿二嫂，經驗老，賢淑知禮天下無。

秦妻：（唱）承蒙阿老爺過愛護，自愧不修，枉造人地嘅媳婦，德不修，有負了長老，若論到精乖實在大母好。

秦父：（唱）我話唔及你好。

秦妻：（唱）奶奶三少樣樣勝奴。

秦父：（唱）亦唔及你好，三少有用勞力勤做，瘋癲偸懶係你嘅親夫。好誇張，好詩酒，有乜好，一味講，冇的眞工夫，你個大母更可惡，睹睹聲，好事夾鼓燥。

秦妻：（唱中板）過獎正難堪，自當勉力自操持，不負翁姑愛護，夫子好淸談，奴亦屢爲規勸，勸佢咪學市井，無賴之徒，念到見智見仁，未敢勉强以難堪，有道各投所好，或者登龍門，他日鵬飛萬里，個陣光耀家廬。

秦父：（長句滾花下句）佢正一屎泵關刀，難文難武，無謂再提呢個不肖之徒，呢筆欵預備我買棺材，呢筆欵預備三叔娶新抱係我廿年積貯半世辛勞，煩你代我收藏，咪俾別人偸盜。

秦妻：（陳世美不認妻）奴奴效勞，（雙句）無怨効勞報翁姑，深鎖房內更小必免被人人盜，一於將值密藏守責力保。

秦嫂：（血淚花）怒問老爺（雙句）不分細大理由絕冇，佢有乜寶嘅啫，佢有甘草咩，佢唔及我時日資格又老，因乜蝦當蝦毛。

秦父：（板眼）叫聲大家嫂，你咪發牢騒，因爲你年輕守寡，至有叫佢代勞。

秦嫂：（接）寡母婆已經條命苦，重要俾人欺負，話相冇丈夫，人地夫婦双全，至有人坦護，攪到爭權爭柄，眞係胆生毛。

秦妻：（長句二王）誰愿多造工夫，誰愿替人篤數，呢個黃巢土地，並非有利可圖，所謂祇有抄家並無封誥。媳婦願爲退讓，多煩大嬸，你代勞。

秦嫂：（龍舟）知難而退，你都眞算識撈，一於交嚟俾我，我有名能者多勞。

秦父：（接）你咪誤會我偏心，造人晤識造，講到出頭辦事，一定要靠你個丈夫，你雖係够叻精乖，到底係一名寡婦，何必巴渣成咁樣，一於等二嫂代勞。

秦嫂：（連環西皮）你太胡塗，（双句）剃我眼眉决不噏頭，唔聽你古。

秦父：（唱尾句）唉吔吔，你睇三叔帶齊賓客到，唔該你咪再嘈。

秦嫂：（西皮下句）估話貴客到喜應要招呼，出頭靠丈夫，點知佢唔知去左邊，狗上瓦坑有條路，要寡婦人，巴渣嚟做。秦妻：（唱尾腔）冷嘲，暗無言，惟恨怨，心暗悲號。

蘇秦：（桃花江）博學智識天賦目空一切獨有酒醒腦酒醉行路又好似掉船又好似浪浮又可以踏斜步四方遠路我去到我將游說諸國孖佢講數待我尊貴梗有封誥個陣幾威武。

秦妻：（接）情急低叫聲夫快招呼帮忙慈父今日是你爹爹誕生嘅壽辰你爲佢待人客小心週到

蘇秦：（長二王）有心到賀駛乜招呼，慣無何須講客套，你若然咁好禮，可爲夫婿代勞，我爲硏究淸談，期望光宗耀祖，他日名成利就，勝過徒奉甘旨，與醇醪。

秦父：（唱序）正一係市井狂徒。

秦嫂：（長句二王）眞係香信貴過冬菇，朋友居然緊要過父母，讀壞了詩書包壞脚，可謂天性全無，你想發達成名，除非個只鷄公，噲將仔哺。

蘇代：（唱序）無謂一部天書睇到老。

秦妻：（長句二王）何必爭論語滔滔，笑罵由人無苦惱，勿在人前失禮，爲髙。

蘇秦：（霸花下句）佢地存心挑撥，應作報李投桃正是燕雀安知，英雄氣吐。

秦父：（長花下句）激到碌眼又吹鬢，當堂嘔白泡正牌牙擦不拔一毛，好食賴飛唔願造，問你有何叻處，對我細說分毫。

蘇秦：（減字芙蓉）我就係叻在棚牙，縱橫可以亂掃。

秦嫂：（接）你棚牙只識食飯，食親要揀肥膏。

蘇代：（接）大嫂無謂咄咄傷人，我知阿哥有不凡抱負。

蘇秦：（接）將來唔正發達，重要造一代英豪。

蘇嫂：（接）請問何日至得功名，唔通要等到老。

蘇母：（接）乖仔咁唔爭氣，點噲重有前途。

秦父：（花上句）家嫂，都係你勸導無方，何以對蘇門宗祖。

秦妻：（乙反中板）含淚勸夫君，莫將老人挺撞，致令屋閉，家嘈，雖則志高超，但係事實未成名，不應有凌人嘅氣傲，你要順親心，不應無實際，有若虛泛，之徒，（花）我代你謝罪親前，轉向翁姑跪倒。

蘇秦：（反綫中板）冷笑望家人，個個都眼光如豆，有若井底蝦蟆，父母不同情，嫂更無知，不値得蘇秦氣惱，只恨枕邊人，竟會受人唆擺，聲聲呵責，丈夫，（花）憤然怒髮巳衝冠，拂袖囘房忙舉步。

秦父：（花下句）不肖孩兒無須理，各位隨便飮醇二醪。

蘇秦：（不要你）重話學過禮，閨中將我勉勵，現在你竟將我反噬，申斥我不是，聲高兼眼厲，造到夫妻冇趣味。

秦妻：（接）苦衷夫你不知，待翁姑要孝義。我庇你棧有罪。

蘇秦：（接）爲怕翁姑降罪，不知夫君翳氣，可知像變心冇信義。

秦妻：（士工慢板）口角相爭原無謂，何堪火上更添油，（合）縱是委屈了夫郞，猶可在閨中請罪。

蘇秦：（唱）旣謂背義無心，今後如何待我，（上）是否要我從商棄學，不許我萬里鵬飛。

秦妻：（上雲梯）我豈偪夫强奪志，我本深知，英雄志大無比，我將勉夫君，矢志力向宜磨勵。

蘇秦：（接）郞無異志，始終一致，决心爭鬥，不負娥眉，佢係應目前郞又縐眉。

秦妻：（接）是否忽生畏懼心。

蘇秦：（南音）我本無畏懼，不拆不自卑，只爲家庭環境，使我愁鎖双眉，念到父母不容，嫂與親朋都不齒，自問再難立足，爲怕冷相譏。

秦妻（唱）你可以聽若不聞，見如不視，總之我行我素，不顧其餘。

蘇秦：（接）雖則心定志堅外物無須理，但恐心情惡劣，影响讀書。

秦妻：（接）郞你懨倦家庭，是否存心拋棄。

蘇秦：（接）正欲離家尋富貴，（二王）惟念到夫妻情切，我不禁無限躊躇，（序）正係難捨又雖離。

秦妻：（長二王）分飛勞燕亦情痴，富貴功名得非易，英雄無負有爲時，君你若得鵬程飛萬里，他日榮歸衣錦尙可慰娥眉，君莫兒女情長，短盡英雄志氣。

蘇秦：（二王）紅顏壯語屢相規，未敢消磨才子氣，當向前途努力，不愧知己娥眉，無奈羞見阮囊空若洗，欲行不得，徒使壯士悲傷。

秦妻：（相思淚）躊躇猶疑急中生智，救急不敢再慮，我問夫你，你若到他邦是否能吐氣揚眉。

蘇秦：（接）若冇能力，豈有敢誇張，我必取得勝利，賴有鋒利語，說服邦君善爲說詞。

秦妻：（爽中板）事急不容奴考慮，公欵借用爲救燃眉，半爲三叔完婚事，半爲他日殯險親慈，倘不幸君你失敗歸來，我眞不知如何處置。

蘇秦：（霸花下句）唏，不是蘇秦誇大口，若不龍門奪錦，誓不囘歸，妻你拼虧空，爲夫郞豈有累你爲郞牽累。

秦妻：（三脚櫈）聞君堅决話，寧敢復懷疑，此去目的到何方，乞言明去處。

蘇秦：（接）列國秦爲首，先說服西隅，珍重密藏執手依依無限意。

秦妻：（接）千里送君終離別，何必重機疑，夜雨不易瞞人，勿作俗人不捨意。

蘇秦：（花下句）忍淚咬牙囑珍重，黯然無語別嬌妻。

秦妻：（子規啼）恨煞檀郞，盜欵項，助夫到異邦，豈料佢一去，消息隔絕儂夫不知到何方事幾揭破儂拼遭受人家譭謗，到窮途幸得三叔救紅粧。

秦妻：（永別了）風來時無訊恨杳茫，奴檀郞又無訊閨中奴暗斷腸，心悲愴，夜夜望夫郞，奴已爲你惆悵，愁心經未放，暮暮朝朝獨自懐念郞。

蘇秦：（明月千里寄相思）簪纓巳絕望，每念到顧貴功名惟獨神往，流落秦地潦倒孤身飄蕩，空思故鄉，無限悵悵，嘆功未成，寧復有面目到家內，重見白鬚蒼蒼，嬌妻含愁亦怨郞。

秦妻：（街頭月）對月光，相思愛郎玉郎，郞遠去奴心不安，見月光，不見檀郞，玉郞在那處，奴暗悲愴，訴月光，光應照檀郞，王郞莫棄我，留戀他鄕，訴月光，心憂愛郞，窮途落魄，流離在遠方，心頹喪毋惆悵，應要歸家一心再別向。

蘇秦：（紅燈綠酒夜）簾燕高飛到樑上浪子於今尙貧寒何日能遂我衷心獨飛冲天入雲漢困苦歲月獨流浪肘捉襟見愧恨無狀布衣破爛忍飢抵餓備嘗苦况貧困終不獲人原諒爲欠租催迫債未能償時逝圓月過一週自悲一般似舊情况。

秦父：（減字芙蓉）個隻衰仔點會成名，你唔講我都料到。

秦嫂：（接）哼，難爲佢重有面目，歸見父母與妻兒。

秦妻：（接）心苦向誰言，惟有低頭詐織布。

秦母：（接）眞係太公婆冇眼，生着個仔咁冇前途

秦嫂：（花上句）又見個隻衰仔番嚟，我地不啾不采，睇佢如何態度。

蘇秦：（娛樂昇平）阿爹拜壽孤兒遲到，因爲博封誥，反累了長老，爹與媽掛念孩兒有虧孝道，七嫂，累得大嫂心掛念我咁辛苦，愛妻，成日懷念我閨中咁苦，你好似捱瘦，內心必焦燥，乜總唔望我手不歇織布。

秦嫂：（過大橋）家公轉性又老大，時托付，呢個大少奶，當左個個二少奶，係梅菜與爛柴從前鸞鳳和鳴就爛派，原來人嘅運情話唔埋，前時容縱現時丈夫仆街，囘來窮到被人地擠，家公轉性，今番我獨有權大晒，三叔，聽敎，天生孝順冇話葵。

蘇秦：（梳粧台）你咪咁派，睇你就瓜柴，爛嚦爛威風，實在你重葵，嘈夾巴渣心太壞，少二叔個雙筷，你未必可以食埋。

秦嫂：（十八摩）豈有此理重躝番嚟，咁衰牌，亂鳴一通正三槐，掃把照頭將你拍壞。

秦妻：（接）眞冇解，確係眞冇解，折墮應該要仆街，尺幾厚面皮被你氣壞。

蘇秦：（長二王）咪當我靜借咁衰牌，須知我運紅兼命大，我已無憂無慮，度過快樂生涯，成間大厦高樓，單單我一人住晒。

秦嫂：（序）只有山墳至俾你訝晒。

蘇秦：（二王）永唔熄燈瞓敎，你話我幾咁够派。

秦妻：（序）一定係街燈照住你瞓街。

蘇秦：（二王）講到酒菜佳肴，多到週時食唔晒。

秦嫂：（龍舟）而家你曬到尾，對我地畫地來派，若然咁好境遇，點重噲着住對爛鞋。

蘇秦：（接）我不過貪佢通風，脚趾唔慌噲焗壞。

秦妻：（接）若然係發左達，駛乜攪到褲甩裙拉。

蘇秦：（接）因爲我一世慳廉，唔敢學人咁過太。

寨妻：（接）你今日番嚟爲乜野，是否對我關懷。

蘇秦：（和尙思妻）你地葵就確保葵，靠諦話我無賴，個舖衰法値不得關懷，我媽媽病染家中多爲子要掛帶，我歸家裡欲向媽慰解。

秦嫂：（接）駛乜咁口乖，佢並無病痛，亂噏無遺極無賴，好似立意揾交嗌。

秦妻：（接）我不屑，無用人，立心唔願嗌。

秦嫂：（接）我舊嗌通街，就鬧到你仆街，立心同你嗌。

寨妻：我唔脸，我唔嗓；等你自己嬲埋。孫秦：（花下句）我不是斯文無賴，何堪潑婦易街拂袖而行，有咁快時走咁快。秦嫂：（接）一於跟住佢尾，睇吓佢喺邊處縮埋。

蘇秦：（秋水伊人）無情妻嫂，幾番冷嘲氣燄豪何曾氣惱，笑她小器夾胡塗，只有攻書博前途，佢仍未得高官封誥，何時衣錦衣花香惹藍袍。

蘇秦：（胡不歸也哥哥）剌着神經睜大眼，我又唔敢偸懶，一心再讀書忘寢廢䬸，一心再讀書更不敢怠慢，好卿卿，雖則佢未返，卿卿知否我縱孤單，一心攻讀有錐就壯胆。

秦妻：（長句二王）喜見你廢寢忘䬸，深感皇天有眼，他日文章價重，你一定衣錦歸還，不枉我慧眼識英雄，對你良懐，盼望。

蘇秦：（接）小姐義重如山，小子焉偸能懶，義酧知己報紅顏，獨惜紅袖添香，明日無緣，再戀棧。

秦妻：（木魚）知你行程在卽，不久又賦陽關，我已代謀欵項，此後不怕壯士無顏。

蘇秦：（接）你對我顧慮週全，更重披肝瀝胆，但不知從何知到，我要賦陽關。

秦妻：（接）我知你急在燃眉，奴就不容怠慢，（二王）不惜向人借貸，而且典盡釵環。

蘇秦：（秋江別中板）卿知我，可算義肝赤胆，金相送，使我受之有愧赧。

秦妻：（接）朋友週急事等最閒，我但求你錦衣及早買舟還。

蘇秦：（南音）想到相逢萍水，你對我義重如山，理合來生犬馬，結草啣環。

秦妻：（接）爲惜你滿腹珠璣，逢患難，至有慨然相助，豈爲報答之貧。

蘇秦：（接）他日有幸榮歸，當爲你量珠聘返，實行休妻娶你，好讓我把恩義酧還。

秦妻：（流水行雲）求你莫棄妻切勿當玩，君休妻有負恩愛，雖多金，愛莫太濫，共枕嘅髮妻，你莫當等閑。

蘇秦：（接）佢對我心不忠，我對佢不相關，問卿卿，點解力阻諫，望卿卿，須諒鑒，你年華略似佢，仍唔及佢靚，我爲愛卿你，義深要酧還，可見並非貪芙麗情太濫。

秦妻：（三脚櫈）君義不負儂，對儂垂靑眼，當留身有待，待你奏凱還。

蘇秦：（接）卿莫爲我長相思，理宜加䬸飯，中閨常自慰，莫損了花顏。

秦妻：（接）君西珍重在征途，長使潘郞腰瘦減。

蘇秦：（接）叮嚀不盡，到此方知別離難（花）正是纏綿不捨復纏綿，流淚眼看流淚眼。

秦妻：（花下句）正是陽關一別後，欲覓知音難上難。

蘇秦：（梵天曲）詐作失威，歸見親幃，垂頭衣破敝，遙見慈親不悅，心中悲翳，爹爹諒兒媽媽諒兒，事關人窮運衰。

（第二段）哎吔吔，尊聲嫂，致禮儀，人已窮極我無詞，我自嘆又失意，見諒窮人咁失威。

（第三段）唉，又見娥眉凄怨掩面悲啼，忍令靑年嬌妻冷落空幃，呢個歸家兒，時光徒負，請你諒郞一切。

蘇秦：（長花上句）做乜個個頭噏低，人人眼厲厲我不過一時失運，未必成世豆坭，睇相佬話我將來好巴閉，千祈咪笑我現在一頸老泥，他日發達起嚟，帶歇你地同享富貴。

秦父：（長花下句）鬧句混帳東西，見你猶如見鬼聲明唔准你番嚟，俾你影醜全家都失禮，若然唔走，我就拍到你變縮頭龜。

蘇秦：（賣什實）我係呢處蘇家第二仔，娶妻有字題，來年担幡揸買水兜，有此關係，碍難違俗禮，我應該要踏門第。

秦母：（花上句）唉吔采造乜你咒父母死亡，眞係大吉利是。

秦嫂：（板眼）你定窮到懵，懵到噏東噏西，你也曾話過，永不番嚟，就算乞食到來，應該守番吓禮，等老娘食剩對你施捨一的，你想食香蕉唔駛只以，唔該你嘆下，呢塊香蕉皮。

蘇秦：（尋針）食蕉皮唔係曳，總之我當食炸子鷄，炇鷄，炇鷄，淸香嚼眞有味唔係曳，好過餓壞肚皮。

秦父：（花下句）家嫂，勢唔估佢衰成咁樣，你要發下雌威，我已經氣頂喉嚨，唔該你替我鬧下個衰仔。

秦妻：（戲水鴛鴦）人失志，原屬小事，斷冇你咁嘅行爲，咁衰，唔顧失禮，不知羞愧，似乞兒，使我心翳。

蘇秦：（接）就係你衰，趕到我絕田地，朝朝索氣一於懶理我一條氣。

秦嫂：（三脚櫈）分明自甘墮落，尺幾厚面皮，難爲你日日話發達番嚟，當堂激死我地。

秦母：（接）乖仔咁唔爭氣，我睇見亦心辭。

秦父：（花上句）我費事壞氣徙聲，二家嫂你同我鬧衰佢。

察煥：（憤極乙反中板）估話羞恥可勵雄心，知恥近乎勇，誰知你不識恥字，何如，縱有知已紅顏，縱有茹苦嬌妻，你總不感我盛意，枉有好師尊，枉有添香紅袖，你依舊枉讀，聖賢，帶淚問夫君，你到底有無靈魂，（花）造乜你全無理智。秦嫂：（花下句）正一牛皮燈籠，打黑漆，佢點會明白你嘅意思。

秦父：（花上句）正一對牛彈琴，晒聲壞氣。

蘇秦：（反綫中板）笑你假惺惺，掛起羊頭賣狗肉，你咪當我，唔知，鬧我折墮瞓街，妻也不賢，好比一對夾脚鞋，兼頂趾，我雖係無靈魂，好過你良心喪盡，眞係狗彘不如秦妻（苦極唱乙反長句滾花上句）自悔費心機，愿望巳稀微，由來薄命是娥眉，萬苦千辛無益處，虛勞精衛枉情痴，（拉腔）頓覺人生無意義，生無可總復何疑，頓足咬銀牙，走入花園投井死。

蘇秦：（快花下句）佢似有無窮屈委，我都要跟尾死追。

蘇秦：（鳥驚喧）唉，嬌妻你莫再輕生我知到你苦處。

秦妻：（接）唉，不必阻我任我輕生我不願見夫你

蘇秦：（接）妻你悞會我，我現巳發達囘嚟。

秦妻：（接）分明欺人之語。

蘇秦：（接）我功成歸來非詐僞。