水冰心三戲過其祖

精彩曲詞

姬：（合唱紅荳曲）歌聲眞嘹亮，齊繞養閒堂，翩翩粉蝶舞，共醉殊樂暢。（合唱第二段）齊頌福丞相，生兒似潘安，艶福誇世上，丯度確倜儻。（合唱第三段）公子情無量，福祿壽綿長，過家沐聖恩，世代是棟樑。

過：（秃頭隨風而迎）一聽聞話水運嚟我最心爽。

運：（揷笑聲）嘿嘿嘿。

過：（接）有乜貌美嬌姿呢？

運：（接）有個女兒生來漂亮。

過：（接）佢住在邊一方，水野你講啦。

運：（挿白）佢係官家小姐嚟噃，唔肯做妾侍㗎。

過：（接）邊個得閑娶妾侍，一心搵個賢女配鳳凰

運：（秃頭板眼）佢生得花容月貌，品格端莊，聰明玲俐本事非常。

過：（接）有的咁好嘅女兒，値得共諧鴛鴦榜。

奇：（接）實在係誰家淑女，住在邊一方。

運：（接）就係我侄女兒。

奇：（接）哦我久聞素仰（一才收）

過：（接）水冰心嘅才貌遠近名揚。

冰：（唱朦朧）虔誠禱吿靈神，奴但憑香三炷，求佛法除去愁恨，嗟寸心繫念老爹爹，被貶邊關惹危運，却净上懺懺弱女水冰心（七星）

冰　（續唱）鑒我弱女一片心，虔誠求神靈除爹刧運，庇佑老年人消禍患，轉倖運盼望衆神祗，救冰心。

過：（禿頭賣相思）發晒大茅猛嗌賊，你使乜惊震呀，我有心相識你，我係本處嘅大貴人，我老豆呀，在朝堂，官居一品我仰慕你嘅顏容，致有夜深賍你求神。

冰：（賣相思）你嘅行藏太鬼混，我心悲憤，你冇的多禮點似係貴人，半夜裡踰牆，認眞冇品，我話你嘅行爲，十足街上嘅流冺（白）阿秀，呌家院嚟綁住佢。

運：（板眼）侄女你將人得罪，令我咁難堪，呢位堂堂公子噃，你居然當賊人。

冰：（接）哦，原來二叔你引佢两個到嚟。

運：（接）車，就算係都平常得很咋。

過：（揷白）失禮失禮（接）求其呌聲過哥仔，重合我心。

運：（接）呢位係成奇師爺。

奇：（接）小姐，我名聞遠近㗎叻。

過：（接）頭先牆頭一見，我就失去三魂。（秃頭唱二王）所以跌咗落嚟，就係被你花容，吸引。（序）我未曾見過咁靚嘅女人㗎。

冰：（曲）你深夜到來何事。

過：（接半句）只爲拜候釵裙。（轉中板）俺小生，二十歲未娶妻房，皆因爲老婆，難搵。祗倚媒人介紹，搵埋的籮底橙。（淸唱）龍頭獅鼻崩鷄豆皮，兇神惡煞，又單眼，骨瘦如柴，肥屍大隻。（和）難合我心，俺爹爹，佢話我嘅老婆，要八月西瓜，落碰沉船（掘）

過：（秃頭中板）爹爹話我老婆要閉月羞花，落雁沉魚，善相夫子，門登戶對，三從四德，方爲合襯。我就求，就求就求水運，共我找尋對象，佢話小姐最合，共我結婚姻。（花）我心急想見吓月裏嫦娥至有夜深來訪問。

冰：（爽中板）世家子弟應重斯文，冰心不是等閒紅粉，豈容那狂蜂浪蝶，罔追尋。自古道婚姻大事憑媒問，更何必更深人靜論鴛盟。（花）大家都係識禮知書，豈能胡混。

過：（長花下句）我見過咁多女人對你最斯文。（一才）夜晚談婚，有乜要緊嘅，自古佳人才子，好多月下訂鴛盟。唉吔好心啦，福心啦，可憐吓呢個多情種啦，小姐將婚姻答允。

過：（花下句）若果你唔應承婚事，我就跪响處唔起身。

過：（十八摩尾段）哎吔喲，痛在雙手確凄楚，我今次逢大刧禍。

過：（白）係噃。（三脚櫈上句）師爺有乜野良謀，同我嚟攪妥，運用金錢和勢力，是必要娶佢做老婆。

奇：（接）經過今晚咁情形，妥都攪到喎。

過：（接）唔通鬍鬚任人甩咩，快的想計啦大泡和。（包才）

過：（反綫阿摩）哎喲　哎喲　哎喲。

鐵：（靑鋒吟）（反線）寒日舞靑戈　英雄誰似我。

鐵：（接）氣勢吞牛斗，揮劍舞婆娑。盡掃不平事。誓把奸佞鋤。愿爲知己死。日月呀貫謳歌。

冰：（下跪禱吿起上淸香序）一炷香，奴愿國泰民安。二炷香，願老父早離魔障。三炷香，三炷香。

冰：（接唱）三炷香女兒心事難盡講。（收）

秀：（木魚）對住靈菩薩，上第三炷香，保佑小姐早訂鳳凰。（白）重有呀。（曲）夫郞重靚過潘安，風流倜儻，重要雙全文武，世上無雙。今日天賜良緣心歡暢，最好就係東廂擊劍個位少年郞。

冰：（長花二王上句）你說話欠端莊，行爲太魯莽，枉你知書識禮，何故太輕狂。

鐵：（接唱）請恕寒生太無狀，一心爲求結識水冰心姑娘。

冰：（接）公子何以知我姓名。

鐵：（接）方丈對寒生，直講。（序）令尊在京我常拜望。（曲）小生鐵氏中玉。

冰：（接）如雷貫耳，素仰名堂。（序）舉國早傳揚。（曲）君你駕到歷城，請問有何，貴幹。

鐵：（三脚櫈下句）我性好遊山和玩水，天下名勝眼中藏，雖然鐵硯已磨穿，却不願名登龍虎榜。好打天下不平事，扶弱與鋤强。

冰：（接唱）公子性清高，令奴深敬仰，胸衿懷大志，不愧是昂藏。

鐵：（接唱）小姐贊頌詞，對小生殊過賞，謝嬌徒器重畢生永難忘。

冰：（接唱）自慚井底蛙，感君共酬唱。

鐵：（接唱）硏究琴棋詩酒，請到東廂又何妨。

過：（上雲梯）我覺得骨酸又軟，個心確囉孿，成個似被油煎，應該快快搶先，使乜响處罰企，靈舍疲倦，你的蠶虫計認眞厭。

運：（接）我點知佢咁耐留連。

過：（接）而家咁樣，重有乜灣轉我企得骨酸脚又軟。

冰：（反線中板）老父淸正廉日，無差錯。爲將權奸開罪惹風波，過丞相誣揑罪名來架禍，欺瞞聖主，老父受災磨。（快）配邊庭，披枷鎖，留弱女，喚奈何。（花）日夕焚香吿神祗，望老父難關渡過。

鐵：（快點下句）賢人爲國受折磨，鐵中玉難忍心頭火，誓救淸官出網羅。（花）我修書家父奏君皇，小姐你莫心難過。

冰：（花下句）彼此皆爲世好，何必計較諸多。

過：（越王怨）幾乎冇命中人地計，俾他他一舊石頭，險喪陰州，哎吔唷哎吔唷，難下得氣咯一於要復仇，之我望與她得成知心友噃，佢花容若嫦娥貌美，世間確係難求，喂想多的計劃係要令到水冰心呀，佢共我緣份兩諧和成鳳友！（驚叫白）哎唷，膝頭。

鐵：（血淚花慢唱）夜來未合眼　今朝又懶來學劍　心中牽掛天仙暗痴戀　天公賜緣與我能會見　却令我心中倍倒顚。（長二王上句）記得囘眸一笑惹情牽，難忘柳葉雙眉芙蓉臉，最可愛蠻腰欵擺，恍似弱柳風前，一對剪水雙瞳，相襯櫻唇半點，估不到歷城邂逅，呢一位絕代嬋娟，惟望天賜良緣，有日能諧，美眷。（合尺花下句）好趁艶跡來隨春夢渺，欲還相思債造訪嬋娟。

冰：（春風得意）對菱花顧影意徬徨，好似萬般惆悵，芳心似是欠主張，莫非平添相思賬，個個檀郞佢令我夢寐難忘。（過序）每日憑欄處總痴望，幾番眷念那潘安，睇佢練擊劍精于武功英偉十分又倜儻，佢份人又好學更重嫻六藝，論文論武皆通暢。（淸唱）唉吔難忘我難忘。（和）荒郊救儂厚恩抱熱情萬丈，芳心景仰他俠骨柔腸，更贖慈父罪書千行。（淸唱）唉吔想想心中想，我共檀郞訂鳳凰，千金寶貝尙易求，最難求係個痴心郞。

過：（大喜禿頭唱旱天雷）聽到就心甜甜甜，三更鐵中玉歸天，令晚夜我全仇深似海也平塡，全憑我的計劃能如願，你地冚棚冷唔够我梗衰仔在今晚升仙，冰心若果冇左靠山能變投懷燕，我情塲獨佔冰心我有，個陣紅花大轎的的打打共阿冰心两家就緣結。

冰：（長二王上句）紅顏招妬是天心，惱煞權奸殊可恨，两度陰謀奪搶，二次壓迫婚盟，猶幸豪傑護花，情可感，又怎料情絲一縷，縛住水冰心，我愛他文武雙全，更有優良，品行

秀：（序）咁嘅丈夫世上難搵。

冰：（接曲）却被奸黨仇視，險些爲我，犧牲。

秀：（序）你親嘗湯葯報深恩。

冰：（曲）我祗爲運用奇謀，惹他疑雲，陣陣。

秀：（序）佢失意情塲心悲忿囉。

冰：（曲）他若是眞誠相愛，何妨共訂，鴛盟。

鐵：（流水南音）多情空抱恨，自悔悞種情根，可憐可笑，我枉作小人，早知道花戀狂蜂，何必來過問，累到痴情粉蝶，入死出生，今夜離筵同我飮，他日交杯合巹，但見新人歡笑，誰憶舊時人。

冰：（柳搖金）感君大義厚恩，薄酒三杯來奉敬，皆因君聽朝便遠行。

鐵：（序）小姐客氣復勞神。

冰：（曲）終身許過家婚嬪，應份落簾你休悲忿噃

鐵：（序）應要守番禮法古訓嘅。

冰：（曲）更望君諒解莫懷恨。

鐵：（序）自恨自己冇緣份。

冰：（曲）何愁呀無淑女伴俏郞君喞。

鐵：（序）何必頂肺兼頂心。（曲）究竟是誰負愛唉遭了呃氹咯。

冰：（序）我心裡悲哀也不禁。（曲）估話玉郞垂愛護紅粉，不知死生關頭佢重要遺下我，水冰心也未曾怨恨人。

鐵：（木魚）哦我怪錯多情紅粉，眞係食懵腦根添

冰：（接）我要三戲過其祖，二叔，知府，巡按都要變罪人。

鐵：（接）我都懷疑，點噲嫌仇人咁笨嘅吶。

冰：（接）你都未向我問明問白，你便怒火焚心。

鐵：（接）女秀才滿腹良謀眞係超人一等。

冰：（接）掀簾迎候我地心（停）

鐵：（接）上人，明月在天容細禀，今生今世，我鐵中玉不離水冰心。

冰：（接）才子佳人情不冺，終成眷屬一對有情人

過：（流水南音）眞係够桃花運，娶得水冰心，枉我成籮妾侍，冇個及佢消魂，連個大衿都靚埋，眞正得人恨。你個芙蓉靚面，俾我咬啖就開心。你地冰心姑娘两次將我撚。好在我有權有勢，然後攬掂鴛盟，我一世最多情，而家見咗你又恨咯，何妨一賣開二，確開心，如果你肯應承，任你金和銀，娶老婆兼納妾一齊舉行。

鐵：（爽南音）我有名呌做劏猪櫈，一年尅死八個夫君。

過：（吊慢）嘩！嚇到我當堂打冷震，不如入去陪吓個新人。

冰：（减字芙蓉）恭喜新姑爺，一生行倒運。恭喜呀新姑爺，要衣紙與金錢。姑爺就快進棺材（一才）黃泥窿路近。祝你香燈難繼後，死絕冇人呀。

過：（毛毛雨）唉吔求冰心我見咗你就暈，唉吔過哥仔今晚親近玉人，你算忍心咯，將夫君撚化前後兩勻，唉吔水冰心你認眞梗，個個鐵中玉佢的確沙塵，敢共過哥仔抝手瓜抵你變亡魂，我地雙雙對咯，今晚敎敎瞓，唉吔唷冷凍擰東吩。

過：（長花上句）你癲定廢，正一心肝唔啦肺，小姐同我在一齊，擒晚變成孖公仔，佢而家重响帳內嚟，你亂噏西風，我乸開蚊帳你睇一睇。（沉花）唉吔吔，嚇到我魂魄唔齊。

冰：（禿頭中板上句）水運想霸佔我家財，乘我父遠戍邊關，竟對我圖謀，不軌，存心毒，引狼入室，帶過其祖嚟搗亂，我香閨，第二吿過其祖，恃佢父宰相當朝，霸道橫行，恃權，恃勢。又勾結貪僧巨宦，毒害鐵郞中玉，復强廹我與佢白髮眉齊。（催快）按院大人同作弊，發牌廹嫁。（介）我一樣要吿齊。

過：（接）分明亂車和亂諦，有媒有証佢係我妻，鐵中玉份人死都抵，佢曾將我毒打慘不堪提，你重將人來冤枉，丞相公子（介）點會咁曳

鐵：（口古）犯女水冰心謹奏大皇帝，家父邊關曾遠戍，犯女苦難不堪提，過其祖欺壓紅顏，强廹婚姻，恃權勢，馮冰院助紂爲虐，發牌迫嫁，有犯國規，望聖主開恩將沉寃洗，犯女粉身碎骨，以報聖德巍巍。（完）