千個賭錢千個賤

　　（永揚已淪爲乞兒，衣衫百結，鵠形菜色，托砵求乞，

永揚：（白）福心喇，好心喇，可憐吓我呢個乞兒佬，（風飄飄）深悔自己太倒顚，總不醒覺受人欺，只顧鬧酒與貪花，終歸折墮在晚年。（南音）今日逢絕境，受熬煎。沿門托砵有誰憐，想起當日行爲原不檢，沉醉花天酒地樂無邊，一擲千金容不變，輸到賣完屋宇賣良田，不聽妻子善言勸勉，願隨妓女效情鴛，及後憤恨懲奸招罪譴，受完鐵窗風味，便要丐食街前、（浪白）唉，堂堂一個太子爺，只爲狂嫖爛賭，散盡家財，激死個老母，累左個老婆，想落都係應有此報咯，（轉流水板）風流罪孽殊非淺愧對妻房共祖先，奉勸世人應自勉，（吊慢）咪學我永揚咁下賤，金迷紙醉，害盡不少靑年（曲中永揚坐凉亭脚喘息，大叫——）

永揚：好心啦，福心啦，大姑少奶，奶奶，施捨個錢買碗粥水救吓飢餓啦！——

　　（丐男婦過，聞永楊叫，停步——）

丐男：喂，行家，喺呢的地方叫有人俾錢嘅，你入行冇幾耐呀？

永揚：咁就係呀，新仔來㗎咋。

丐男：大家行家冇計，打章牌你上呀，前邊村有人辦喜事，撈番餐啦馬。

丐婦：快的行啦，唔係就執輸嘅嘑！

　　（男女趕着去了）

永揚：（自語）前邊村？唉，係舊時自己嘅地方噃，衰番去自己處。唔得，（再一想）都唔怕嘅，咁鬼樣，邊個重認得呢個羅家大少呀！撈餐飽□□□□