蘇后解紅羅天齊寺會母（下集大結局）

精選曲詞

宣王：（十八摩）飮過。

苗妃：飮過。

宣王：大家飮醉笑呵呵，最好請你唱支歌。

苗妃：與君你來共唱和。

宣王：你眞惹火，確惹火，心愛嬌卿小秋波，快些與王共對坐。

苗妃：你請我，請我，大家一齊食生果。

宣王：最好請我食粉果。

苗妃：我最憎我皇學得咁餓，乜咁口多，又手多。

宣王：等我請番你食燒鵝，飮杯兩人共慶賀。

苗寬：（口古）主上，蘇后已兒啼瓜落，微臣將佢母子命喪閻羅。

苗妃：主上，蘇家已斬草除根，係好應飮杯慶賀。

宣王：雖然係睹，孤王都不忍傷殘骨肉，而且蘇金定也曾爲孤背解羅。

苗寬：主上，若果你唔殺絕蘇家，始終一日會國亡家破。

苗妃：主上，人亦已經死左叻，重何必煩惱諸多。

文龍：査得國舅昨晚曾與張后同到冷宮，後來乘夜出皇城，此事要細査淸楚。

苗寬：係噃，今朝我到冷宮，睇見張后鬼鬼祟祟，重拖住個宮娥。

苗妃：莫非佢地李代挑殭，亞爹你監斬之時有冇睇錯。

苗妃：文龍，你快出皇城，把張任追趕，搜吓有冇細佬哥。

苗妃：（白杭）張后往進香，此事非小可，怕佢把蘇后，靜中來藏窩，若能捜鑾與，佢揷翼難飛過，但無聖君旨，徒喚句奈何。

苗寬：聖上醉昏沉，可做假金牌一個。若能偷蓋眞玉璽，便可平地起風波，假傳聖旨捜鑾輿，可把張后來瞞過。倘若搜出蘇金定，怕佢罪大受誅鋤。

張任：（哭相思叫儲君完花）精衛啣石枉徒勞，苦煞忠良難護主。

文龍：張國舅，何故星夜出皇城，定有可疑之處。本將軍乃係奉旨檢査，國舅眞係對唔住。

張任：哦，奉旨嘅係嗎，自問身家清白，好啦，免你咁大思疑。

張后：（口古）誰個胆敢搜査哀家，眞係豈有此理。

苗寬：東宮娘娘，微臣奉主上聖旨，請恕未敢徇私。

張后：（長二王）可笑你胆大更兒嬉，咪當哀家唔係器。金牌字跡可思疑，又不是聖君親筆字，最奇個個玉璽重調轉嚟，你一定做賊心虛，假傳聖旨。

苗寬：（花下句）唉吔吔，自問太過疏虞，（花）叩別娘娘，待微臣去問明聖主。

張后：（快點下句）你欺君犯上罪難辭，叫親軍，（一才）重打八十爲懲治。

張后：（花下句）可笑奸臣自取其辱，假傳聖旨搜鑾輿。

經文：（乙反南音）腸寸斷，倍心酸，前塵慘事十八年，大人你義胆忠肝人少見，難得你犧牲骨肉挽救我出生天，母后現在何方，請你爲指點，希望親情骨肉可團圓。

張任：（口古）殿下，你母后現在隱居天齊寺中，僥倖有驚無險。

經文：眞係，謝天謝地，我卽駆去天齊寺會母，因爲我地母子分別已十八年。

張忠：殿下，奸妃滿佈爪牙，你就咁去天齊寺會母，恐怕有非常危險。

經文：老大人，我而家都唔知幾心急去見母后，縱然係天羅地網，我部要去見一見母后先

張任：殿下，你唔好咁草莽，小不忍則亂大謀，等我想個辦法，等你去左天齊寺都唔會俾人睇見。

經文：有辦法叻，惟有依大人你嘅說話，我响你府上騷擾一天。

金定：（反線木蘭從軍）堪怨起當初，一旦悲罹禍，奸妃太毒苛，此身嘆奈何，淚流漸已乾，心難過。空敎一朝哀被鎖，（反線二王）鎖⋯⋯至令天牢受苦，慘受寃獄折磨，最傷心，小小儲君，慘矣流離失所。

妙空：（口古）娘娘，所謂天理循環，你一定可以苦盡甘來，何必如斯凄楚。

金定：師傅，我等左十八年都未能够水落石出，又怕此生常葬在苦海愁河。

妙空：（花下句）吉人自有天相，你何用淚落滂沱。

經文：（長二流）慘過披枷鎖，着起件白綾羅，呢我步步行來眞婀娜，成日心驚胆戰，慌住遇着的咸濕頭陀，（合）兩候小梨渦，好在人又細細個，整成多愁多病歛雙娥，我一路行來尙未被人識破，餐風宿雨，都不計路幾多，（南音）唉誰賜我，斷腸多，本是天璜貴胄，慘已受災磨，飄泊民間，惹起祝融禍，竟至吹簫吳市，唉任奔波，僥倖獨佔鰲頭開金鎖，方知到凄凉母后（二王慢板下句）日夕拷念彌陀（雨打芭蕉）呢段冤寃仇仇若冷河，永記那深仇，媽佢年年受折磨，恨我無能無能起火，一刀將佢命攞，我心內難過，親娘親娘遭慘挫，恨我無能把奸鋤，日夕涙滂陀。（花）黃昏日落過村前，遙見寺門有一所，（白）呢間係天齊寺助，等我入去見機行事。

經文：（子喉口古）我叫做何傅，我係非凡菴卦丹呢到嘅，請你方便借宿一宵，比如師傅你又心內如何？

妙空：咁就冇問題嘅，出家人方便爲懷，但係呢處地方淺狹，你就在佛堂瞓一晚，斬吓眼又天光容易過。

經文：（口古）咁就唔該晒叻，係喇，我多口問師傅你一聲，呢處有冇外界人响處住，有冇一個貴婦人响處念阿彌陀。

妙空：冇⋯⋯冇呢處係得我幾師徒係處住，外界人完全冇一個。

經文：有卦，我想你坦坦白白，請佢出來與我相見，你唔駛掩飾諸多。

妙空：冇就冇喇，你借宿就借宿喇，何必要問短導長，眞係佛都俾你激出火。

經文：（口古）師傅，食齋人唔應講大話，顧住觀音菩薩會責罰你，我要卽刻入去睇過。就知道你有冇把婦女藏窩。

妙空：我冇車大炮，呢間係佛門禁地，點到你立亂嚟入去，如果你再係咁樣，我就叫街坊地保將你鎖。

經文：我又唔怕你拿，又唔怕你鎖，我係要入去睇吓，你奈我也野何。

經文：拿，你重重話冇，呢個係乜野人嚟，你收埋的良家婦女响處，呢次到我將你又拿又鎖。

金定：（口古）請問呢位阿傅，點解攪到火紅又火綠，出家人應要平心靜氣，因爲大家都同是念阿彌陀。

經文：（芙蓉下句）我有事來請敎，咪話我口多多，你係處住左有幾多年，你家居在何所，你今年有幾多歲，你嫁人抑或自梳，仔女有幾人（花）請你照直答覆我。

金定：（口古）我一出世就係呢處食齋，的的確確速老公都未曾嫁過。

經文：（中板下句）囘憶十八年前，有個賢良蘇后，居然背解紅羅，可恨那苗妃不該因妒成仇，竟用陰謀來嫁禍，一幅鎭宮圖，個君王不察，竟將蘇后誅鋤，可憐佢正在臨盆，母子慘受行刑，又好在個張任相助，好一個個犬忠良，犧牲代替，個個蘇后得脫網羅，不幸小儲君，佢失散中途，慘淡流離失所，可憐佢母子們，乖離骨肉，飽受痛苦折磨，不知個個蘇后娘娘，重掛唔掛住佢個親生，孩兒，（花）佢一定唔知個仔在人間凄楚。

經文：（男喉口古）你係我母后嚟叻，唔係唔係點解我講起呢段寃情，你就喊得咁難過。

金定：唉吔吔，乜你係男人黎呀，邊個係你母后，我係一個修道姑，你分明係扮懵詐傻。

經文：（二王下句）當日我失落山坡，幸得有人救我，點知火燒房屋受災磨，竟至乞食在街頭，眞折墮，幸得鰲頭獨佔大登科，可淫蕩苗妃，爲架禍，我險些斷頭台上見閰，幸得國舅張任，爲援助，佢叫我天齊會母，恐怕耳目衆多，所以扮作尼姑，母后你莫把疑心避躱。

金定：（嘆板下句）今日相逢骨肉，我不禁淚落滂陀。

文龍：（花）滿佈爪牙，在於張任府內，原來挑僵李代，太子無恙歸來，蘇后隱匿寺門，優游自在，一定要除根斬草，今晚夜火化禪台。趁此夜靜更闌，放火在寺門之外。

金定：（昭君怨）大士，觀音，又顯靈。

經文：（前曲）神靈鑒領祐我，祐我復國興，今番脫險，我誓死到皇城，要向奸妃佢爲辯証。

金定：（前曲）你休得好勝，必得報應，不該草莽亂與奸妃拼。

經文：（前曲）我當知孝敬，應該遵守母命，我嘆聲復嘆聲。

宣王：（戲水鴛鴛）我地同相醉，同相叙，那管邦國朝庭佢會衰喇，我唔理鬼但，一於醉，咁疏肝，點會要金鑾去。

張任：（口古）主上，苗妃串同李文龍篡位謀朝，今晚就要將江山奪取。

張忠：（口古）我地父子在於宮門偷聽，知到苗妃不久就入黎殺主上，（一才）主上你快的走叻，唔係就刼禍難除。

宣王：（沉花下句）唉吔吔，嚇到孤王震如雷。

張后：（快花）奸妃佢篡位謀朝，我幾乎珠沉玉碎。聞得蘇國舅落草爲寇，我不靠他更有誰。

張任：（白杭）聞得蘇國舅，藏身於山寨，落草大芒山，惟有去求拜。

宣王：（白杭）當日孤王殺害佢全家。佢地一定難忘舊血債。無奈皇帝要痞街邊，祗有放厚面皮將佢拜。

經文：（秋水伊人）無時心安，凄酸痛苦恨茫茫慈懷悲傷，嘆息多斷腸，朝朝不覺暗傍徨，未能心拋放。痛恨苗氏那奸妃，幾番奸計太無良。

金定：（三脚櫈）聞報你父王已到來山上。因爲苗妃經篡位，佢無處可逃亡，正好氣寃家，懲戒佢一躺。

經文：（芙蓉中板下句）哼，你稱王稱帝，可謂白霍荒唐。此處刁斗森嚴，尊嚴拿白撞，睇你個樣你衰到除鞋脫脚，點會漢宣王（花）一定係叫化乞兒，嘍囉將他驅趕。

宣王：（白杭）我眞係漢宣王，唔係黎靠撞，奸妃佢謀朝，攪到我遊遊蕩。請念父子情，不究其旣往。你若不肯恕饒。我梗餓死在路上。

經文：（白杭）見你可笑又可憐。喊成猪一樣，等我相請寨主佢出來，看佢如何黎發放。

經文：（口古）啓禀寨主夫人，呢個係落難王帝漢宣王黎喎，你話將佢劏丫，抑或將佢綁。

金定：（口古）夫人呀夫人，原來呢個就係你舊時個老公黎呀，你而家嫁左我，一定對佢舊愛遺忘。

張后：梗係喇，呢的咁嘅衰老公重駛恨嘅咩。我話實行將佢一刀命喪。（一才）

金定：夫人，你話點就點，人來，將個衰皇帝斬首身亡。

宣王：（木魚）王帝變左龜公相，重慘過撬左我個心肝，賤人你輕已番頭再嫁，重要斬殺孤王。你個衰仔色胆猖狂，我要將你心口撞，（介）原來係我地昭陽正院，係處女扮男裝，孤王當日誤信讒言，請御妻你多多原諒。

金定：（前曲）你求原諒嗎，除非你扮成苗妃一樣，敬酒當堂。

金定：（花下句）當年受盡凄凉事，今時三氣懵宣王。

經文：（口古）父王，精精地就快的向母后敬酒請罪，請求母后佢恕饒你以前嘅罪狀。

金定：（花下句）你今日受人戲弄，應該多得你個西宮娘娘，我更要你歌舞在筵前，否則你難消恨賬。

宣王：（孔雀開屛）你地，太狼，太狼，幾次幾次，火撞，要我昂藏扮作女裝，無天裝，氣煞爲王，氣煞爲王。淚眼汪汪，（雙句）唔做就冇希望，聲聲呼喝又斬又殺在後堂，嚇到我連隨標冷汗，一世最衰係呢躺，眞正激到我鬆戇，鬼叫我舊時舊時亂咁帮，一於攬實個奸妃就疏肝，我……係良心眞盡喪，（雙句）我造人，造人，寃枉，寃枉，當堂魚辱心裏實慘倉。

金定：（花下句）念在各人爲求恕，我當堂饒過懵君王。

經文：（花）雪恨報仇，一呼振臂，三關連下，斬將搴旗，直搗皇城，敵人通通躱避。

經文：（花下句）旗開得勝，吐氣揚眉。

苗妃：（花）驚聞四面戰鼓聲，定必大軍圍殺至，城池已破，令我胆震心離，無路走投。徬徨不已。

苗寬：（白杭）儲帝領雄兵，非常咁犀利，文龍已被擒，快快爲躱避。

經文：（花下句）左右先行收禁，然後至將佢碎剮凌遲。

宣王：（口古）感謝衆卿合力勤王，孤王今日喜得重登寶殿。

金定：一陣將奸妃押上，等佢與你共續前緣。

宣王：梓童，你唔駛嬲，孤王下次唔敢咯，我此後戒酒除花，自知訓勉。

經文：父王，好應快將奸人一齊押上，處罰從嚴

宣王：（減字芙蓉）你隻狐狸精，贈我綠帽一大件，與文龍同作反，重想送我到黃泉，壓下鎭宮圖，把正官來喑算。

金定：（前曲）若非忠臣爲代替，哀家地府永沉寃。

張后：（前曲）嫁禍殺蘇家，心腸太陰險。

經文：（前曲）小王能復國，全賴有忠賢。

張忠：（口古）應將佢凌遲，免臣民多憤怨。

張任：（口古）佢害盡人多少，豈可死得太自然

萬麟：（口古）血賬應血償，蘇家難計算。

萬鳳：（口古）一家百餘口，此恨嘆綿綿。

宣王：（花）孤王要將你夾生（一才）當作天燈點。

苗妃・（天上人間）我明知歸天，（雙）唔該將天燈點。

宣王：（前曲）你唔駛呼寃，（雙）我從今不會心軟。

經文：（前曲）我實在想將你撕開邊，你太荒淫又更賤。

金定：（前曲）循環天理，你罪惡多端。

苗妃：（花下句）善惡到頭終有報，害人害己理當然，當年怒火似犲狼，今日收塲無可怨

宣王：（花下句）雨散天淸同慶賀，花能長好月重圓。（白）退朝。