雙鳳戲玉郎

周元：（双鳳朝陽）素願已償，幸蒙父王欽賜結鴛鴦。註定有緣。共諧鳳凰，琴瑟永和唱，两美成親多欢暢，徹夜談心銷金帳。

一個美艶復多情，一個聰明兼有義，今晚連理枝頭，更難得花並放，（一才收）。

周元：（拍門，白）夫人開門，

玉英：（白）誰人呌門，

周元：（口古）夫人，係我呀，現在經已酒闌人散，我要入嚟休息，請你快把門兒開放。

王英：（口古）相公，眞係對唔住叻，今晚我不能侍候你若果你想休息嘅話，最好請你去西廂啦。

周元：（一才，白）吓，西廂，（仄才關目，口古）夫人，請你唔好同我開玩笑叻，今晚洞房花燭，正是人生快事，你又何忍令我虛渡良宵，滿懷失望。呢

玉英：（口古）相公，你去西廂自有秋菊妹伴陪你，又何患枕冷衾寒呢。

周元：（慢的的關目白）埃，夫人，你唔好作弄我叻，（爽七字清下句）周元雖是斬柴郞，曾讀經書非草莽。古人明訓未遺忘。鄉是髪妻情義廣。秋菊不過屬徧房。豈能薄義西廂往，夫人幸莫戲檀郞。快些開門毋推搪。（過序）（浪白）夫人，請你快的開門啦。

玉英：（浪白）相公，你雖然深知禮義，但係却不解情理呢。

周元：（浪白）夫人你何以見得話我不懂情理呢。

玉英：（浪白）常然啦，（接唱爽七宇淸下句）論情理，不應薄徧房。秋菊對郞情深一往，恩高義重豈能忘。應與佳人諧鴛榜。自甘退讓守空房。（花）春宵苦短莫猶疑，快往西廂毋多講。

周元：（白）夫人，咁你眞係唔肯開門呀。

玉英：（白）相公，你聽我話，去西廂把啦。

周元：（白）夫人，若果我先庶而後嫡，恐怕會招人物議嘴。

玉英：（白）咪咁傻啦相公，我叫得你去嘅又怕乜嘢呢，而且你識秋菊在先，識我在後，但對你又有恩有義，照情照理，今晚應該去佢處先至啱嘅。

周元：（無可奈何地，白）咁……好啦，旣係夫人你有命，我點敢反對呢，你唔肯開門，我惟有去西廂喺啦。

玉英：（白）早的抖啦相公。

周元：（白）早的抖叻夫人。

周元：（叫白）秋菊姐，唔該你開門啦。

秋菊：（白）相公，三更半夜乜你仲未抖呀。

周元：（白）秋菊姐，我而家就係想入嚟休息，你快的開門啦。

秋菊：（愕然白）吓，你入嚟休息，（仄才關目）相公，今晚花燭良宵，你應該去東廂休息先至啱噃。

周元：（白）唉，秋菊姐，夫人唔肯開門，所以我就要嚟西廂休息啦。

秋菊：（白）相公，夫人點解會唔肯開門咁奇怪呢。

周元：（白）嗯……夫人話我識你在先，識佢在後，而且你對我有恩有義，所以呌我今晚嚟你處先喎。

秋菊：（白）相公，恕我大胆的講一句，你眞係糊塗叻。

周元：（白）點解呢。

秋菊：（白）係定啦，（三脚橈下句）夫人是結髮，秋菊屬徧房。嫡庶要分淸，書篇曾有講，妾身明大義，安敢佔夫郞。（花）而且夫人奉旨締良緣，若果倒亂尊卑招罪狀。（白）相公你都係返去東廂往。

秋菊：（白）早的抖叻相公。

周元：（白）早的抖叻秋菊姐。

周元：（白）夫人呀，開門啦。

玉英：（白）依，相公，點解你又番嚟呀，

周元：（白）夫人，係秋菊呌我番嚟㗎……你開門先啦。

玉英：（白）相公，點解秋菊會叫你番嚟呢。

周元：（口古）夫人，秋菊話你係正室，佢係徧房，而且主上先賜你成婚，若果今晚我唔同你合卺交杯，就卽係將君命違抗。喎

玉英：（口古）相公，你千祈唔好信佢講呀，天子尙且先立妃嬪，然後選昭陽正苑，若果你咁樣算係欺君逆旨嘅話，有罪就由我担當。啦

周元：（口古）唉，夫人，你又咁講，佢又咁講，你又唔肯開門，佢又唔肯開門，今晚豈不知要我呢個新郞哥瞓冷巷。

玉英：（口古）相公，你唔駛講叻，今晚我决定閉門不納，請你一於往西廂就寢，無謂阻誤時光。（言畢囘床安睡）

（周元跑到西廂，猛拍門又無入呼應，不禁失意嘆息）

周元：（心聲，長花下句）無計入新房，心中殊悵惘，妻多夫賤言非妄。可憐風露立迴廊，欲效于飛全失望，枉作齊人無福份，惟將石櫈當牙床，何堪獨抱影兒眠，（一才）露宿花前誠苦况

周元：（西皮下句）有妾有妻福永享，姻緣合理想。

玉英：（接唱）戲郞非有心，盼君耍原諒。

秋菊：（接唱）愛，夫有熱情，歡，叙同和唱。

三人：（合唱）同並肩，慶，祝愛河，靜浪，好夢終償。