好姻緣變作假姻緣

秋菊：（氣喘喘白）小姐，小……姐。

玉英：車，秋菊你大見小怪想嚇死人咩。

秋菊：小姐，我得到一個好消息，你想唔想知道到呢？

玉英：（白）好消息，（仄才關目）（白）秋菊，究竟乜野事者。

秋菊：（微笑口古）梗係好事啦，若果我講白出嚟，包你一定滿心歡喜。

玉英：（口古）吓，至憎你講野凈半吞半吐嘅者，有乜事快些講，不准你咁百厭頑皮。

秋菊：（口古）小姐，我話比你知啦，個個斬柴周元，令日居然由正門入來，但重話一心嚟拜訪你，呀。

玉英：（愕然白）吓，但由正門入嚟，（仄才關目），（口古）哼，周元呢份人都可謂不知死叻，竟然登堂入室，若果俾亞爹知到一定將佢拆骨煎皮。

秋菊：（白）小姐，咁你估錯晒叻，（花下句）老爺大開門戶迎嘉客，歡顏相向笑微微。不但對佢禮儀週週，更對佢非常客氣。

玉英：（白）你講大話，我絕對相信，（秀頭三寶佛尾段）。

我素如眞，問爹心理，一句自骄和傲氣，点会奉侍礼週週，因佢地位太卑鄙，不信父親無嫌棄，論情理，論情理，必有内因使我亦觉奇。

秋菊：（雨打芭蕉中段）佢不速而表未算奇，更重出奇，原来佢欲賦齐眉，要共蛾眉，双宿双飛，小婢应报喜。

玉英：（接唱）你説話全無道理，分明出言相戯，我地何曾訂佳期，口多取笑要罰你。

秋菊：（爽七字淸中板下句）秋菊何敢騙娥眉，全屬眞情非兒戲。老爺經已許婚期。

玉英：（接唱）你信口雌黃眞該死。胡言亂語太頑皮，我父爲人多傲氣，焉能許我嫁寒微。

秋菊：（揷白）你放心拉，（花上句）常道姻緣撮合本由天，（一才）可知聖上爲媒成就你。

玉英：（一才驚愕白）下，聖上爲媒？

秋菊：（白）係定拉，周元令日帶來聖旨一度，所以老爺豈有不應允之理呢。

玉英：（慢的的，乂驚又喜另塲心聲（花下句））周元本是斬柴漢，何來聖旨實稀奇。莫非月姥引紅絲，令我半帶羞慚半帶喜。

秋菊：（故意戲弄，趨前白）小姐，咪話秋菊多咀拉，呢段姻緣，其實唔係幾合配噃。

玉英：（白）點解呢？

秋菊：（寄生草）你咁娇美，配合樵夫唔順理，佢手粗點能合你心，怎替娇尽眼眉，黃雀难夾鳳凰飛，當今有黃為作主，心裡实觉奇，暗嗔聖上無道理，婚姻都管到，作事莫同游戯，真激氣。

玉英：（接唱）至憎你，說尽胡言难下氣，婚姻只要合我心，嫁白衣未算奇。

秋菊：（口古）咁就唔係咁講拉，因爲你係一位千金小姐，周元不過係一個山野樵夫，若果你共佢成親，好比明月浸溝渠，一朶鮮花揷泥汚地。

玉英：（口古）秋菊，又不能咁講嘅，所謂英雄莫問出處，當日呂蒙正甘守寒廬，五子胥吹蕭乞食，佢地何嘗不是出身貪賤，做人祇要立志，將來一定吐氣揚眉。

秋菊：（一才掩口大笑）哈……

玉英：（白）秋菊，點解你咁好笑呀？

秋菊：（口古）小姐，其實我老早就知道你愛上周元㗎叻，剛才之言，不過係我專登試下你者。

玉英：（一才嬌眞地，口古）秋菊你咁曳，居然將小姐戲弄，我要煎左你層皮。

秋菊：（大呼白）小姐，唔好呀……（邊說邊跑出房去）

玉英：（白）任你飛上天我都追到你，（啣尾追出）

林坤：（口古）姐夫，你唔駛憂心嘅，若果你唔喜歡個個斬柴仔做女婿，就實行拒婚，將呢件置諸不理。拉馬。

曹傑：（口古）希，就係唔理唔得，因爲佢有聖旨爲媒，若果我拒絕婚事，卽係違抗聖旨，俾主上知到個陣揷翼都難飛。

林坤：（白）咁呀，（仄才相計）（白）姐夫唔怕，我有辦法明叻。

曹傑：（白）乜野辦法呢?

林坤：（口古）俗語話無毒不丈夫，我地可以將計就計，假意答應婚事，叫佢两母子到來，揀一僻靜柴房比佢地住下，等到夜靜更蘭，命人放火燒屋，實行將佢母子置諸死地。

曹傑：（口古）咁點得㗎，最怕聖上來査究，我地豈不是罪大難辭。

林坤：（口古）你放心拉，若果聖上査究原因，我地可以推話一時不愼夫火焚屋，無憑無據，試問有邊個敢話我地將佢謀死。呢？

曹傑：（口古）係噃，虧你想得到，咁你聽日一於依計行事，叫但两母子卽刻搬來居住，不可延遲。

玉英：（口古）秋菊，眞係睇唔出阿爹咁狼心，竟然佈下陰謀，要將佢两母子燒死。

秋菊：（口古）小姐，若果你係愛周元嘅話，就應該快的想辦法救佢，因爲經已事迫燃眉。

玉英：（口古）秋菊，（白）呌我想辦法呀，（仄才關目）小姐，咁樣好唔好呢，（附耳細說）（口古）嗱，一來呢個辦法可以免佢對老爺懷恨，二來又可以使佢两母子解脫危機叻。

玉英：（點頭，白）好叻，（花下句）你立卽依計從事，希望得一綫生機。