求婚進行曲

新馬仔•羅艷卿（合唱）

「馬唱旱天雷」我眞正係有情，與嬌你慢慢傾。

「卿接」醜到面都紅左紅左，重慘過遊刑。

「馬接」駛乜時常怕醜，我地同把良緣定。

「卿接」我實在未能答應。

「馬接」你經已係我好打鈴，一向互相愛戀愛戀何以將情如水。

「卿轉二王上句」我怕你將來，唔定情。

「馬轉小紅燈」我斷冇話唔定性，意合情投繫赤繩。

「卿接」咪口輕輕，愛情莫看輕，難得白頭証雙星

「馬接」我决不决不會負情，我當你心肝蒂我心决定和嬌將婚事訂。

「卿轉毛毛雨」訂婚姻至緊咪負情。

「馬接」買打鈴，你眞眞似蜜糖埕。佳偶定能成

「卿接」芳心，實覺高與。

「馬轉走馬」兩家相愛就行聘，樂你忘形，低聲叫句卿。

「卿接」我嬌羞應一聲幾番偷看檀郞實有情，彷彿置身夢境。

「馬接」我地結婚實夠醒，包架飛機渡蜜月重夠醒。

「卿接」個陣眞快樂，呢拿坐飛機眞夠靜

「馬接」查實我就係貪佢靜，寧舍定

「卿接」你眞夠精靈，聰明，旅行遊埠令我起勁。

「馬接」你若覺得靜我共你去普慶，睇下茶茶秤，睇下茶茶秤。有陣會騎白馬，共馳騁，香肩並。

「卿接」眞係怡情悅性，高興又談情。

「馬接」或効鴛鴦同在海灘泳同戲泳

「卿接」你實太多情，痴郞，痴郞情重緣份確整定。

「馬接」我共你痴情你實在承認。

「卿接」願効同命，有情尺天注

「馬接」新婚夫婦，和諧夢已成。