歌唱海棠紅插曲之三

兩公婆計數

新馬仔・周坤玲

（大唱）你的撚手嘢，個個都話你新鮮，斬下對荔枝龍！

（蓮白）啋！乜野叫做荔枝龍！

（大白）荔枝龍卽係眼嗎！（唱）噉就餅尾都賣完，的人食到耳朵都郁埋，都唔慌討厭，係噉阿蓮你就要添上加添（白）眞係呀！多多都唔够人要呀！

（蓮白）係噉就開心咯！

（大唱）怕乜落的心機嚟整多幾百件，眞係好野，晤憂會踏地攞番錢！

（蓮唱）都算有的聰明唔知開心到點。（笑）

（大唱）你笑起上嚟我心都軟。

（蓮唱）快的擠埋担野！計數爲先。

（大唱）呀！若果計數就好長篇。

（蓮唱）任你點噉長篇，我都計得頭頭店店（兩字手旁）。

（大唱）有的話賒啫，佢話唔係欠。

（蓮驚唱）吓？（唱）賒卽是欠，容乜易餂埋的本錢。

（大唱）若果餂晒就要抖三年。

（蓮唱）你都計數未曾店（手旁），噉多餅咯，有的歸尾都巳到賣完，試問你，個的銅錢，究竟拈左去邊。

（大唱）至弊叨的個的窮人，食飽都唔逗錢，眞係好多窮苦大衆餓到兩眼朝天，個個都剰番幾棚骨。你話幾噉可憐，担心你的餅唔整得噉多，等我好行方便，若果多行好事，姐呀！你就會變神仙，我亦知阿蓮你嬲得好似苦瓜噉面，你打我都情甘願，救下的窮人肚餓叻，噉我至得安然