同人唔同命插曲之—

何非凡主唱

王粵生撰曲

賣花生曲

嚟啦嚟啦　趣皮花生最合胃

喂係買就埋嚟　唔呀唔慌會食滯　甘香鬆化無骨

好過食肥鵞與白切鷄啦　喂係帮趁就快嚟

呢食家要講經濟噃　空前巴閉　空前巴閉　嚟喇呢擋有話曳

（轉反線中板）我賣花生，走遍了小巷與横街，終日碌碌勞勞，苦我形神俱廢。空自怨天尤人，正式係同人唔呀唔同命，人家就高車駟馬，乜我就咁咁豆坭得㗎呀，嗌到我頸渴喉乾，走到我力盡筋疲，日日挑担負筐，無非只博兩餐，柴共米，唉也也（口旁）捱盡了寒飢，只得知足貧亦樂，任敎長流血汗，只要能解决衣食嘅問題，喂喂我賣花生。