司馬琴挑寡婦心插曲之六
是幻是眞
任劍輝主唱
（司馬相如在簾前獨酌，醉態惺忪，正在疏疏的簾影下作幽思。看一會月兒，飮一囘酒，飲了重新又添上一杯，對住那酒杯子出神。）
（文君在酒杯中出現，向人作甜甜的笑狀）
（司馬看見文君在酒杯中現麗影，喜極而歌）
司馬相如：（漢宮秋月）
呀！乜酒裏現個瑤台玉美人？
含住笑越看越甜何來倩女魂？
（相如再三的凝視杯中人）
（卓文君在酒杯中笑得更甜更媚）
相如：（續唱前曲）
再睇眞係文君。原是意中人。
呢！我願到杯中去，替你點朱唇。
替你畫到眉入鬚。把卿喑問：何時能共我花陰相唱和？
一生一世永作知音。
（文君在杯中歡笑依然，但惜花不能解語耳）
（相如頗感失望，但戀戀於杯中人如故）
相如：（前曲）
乜我講咁耐都全唔應，就徒令我空費了精神。
唉我爲卓小姐呢相思祗有到夢魂。
（相如凝視杯中，似乎期待着文君的答覆）
（文君在杯中冉冉而沒）
（相如失驚狀，呼喚着文君）
相如：（白）吓！小姐！卓小姐！
（阿牛聽聲奔入）
阿牛：（白）呀！公子你又想起卓小姐勒，卓小姐邊度會嚟架？
（相如有點醉意，含糊其詞）
相如：（白）乜唔會呀！就至係杯底扯左咋。
阿牛：（白）哈哈！你幻想咋公子，你估眞係有杯底入如解語花個件事詳？
（相如恍然惺忪過來，呆想了一囘，自己也覺得剛才的幻想可笑）
相如：（白）呢的都係我癡心太過啫！阿牛。
搜尋資料庫
