「司馬琴挑寡婦心」插曲之四

文．君．私．奔

白雪仙．陳露華唱

文君：（刮刮裏格叫）

逼婚子策我最嬲。

慘過嫁猪兼嫁狗。迫得緊要我就要走。

點忍傷心涙種寃屈藕？

永日愁，永夜愁。

爲情暗躭憂。

點得司馬共白頭。咁就一生安樂透。

蘭心：（木魚）我都話個孫子策，係最得人嬲。日日都油頭粉面，舉動輕浮。共司馬就大不相同，況且又情義厚。佢風流瀟灑，品學兼優。

蘭心：（續唱木魚）若果小姐得與詩人諧白首。個陣我都鄧你心開透，咁嘅畫眉夫壻，眞正係世上難求。

文君：（白）蘭心。我有幾句說話吩咐你，嗱！

（木蘭從軍）嗱！

今晚三更，

請司馬去都亭候

我一於决定要走，

我點都要自由。