弟賢兄惡母慈祥

　　新馬師曾唱

（龍舟）阿哥佢全無氣量，性格又囂張，佢分明當我，係一隻羔羊，佢食不盡百味珍饈，可憐我要捱，海鮮醬，我着粗衣麻布，佢又着新西裝，重四件頭學齊，嫖賭飲蕩，眼見家徒四壁，魂髮尾重浸浸凉　想話奮起雄心，嚟同佢算賬，至多各行各路，都好過共佢担捧担槍，無奈阿媽口口聲聲，呌我千祈要忍讓　佢話長兄爲父，切勿兄弟鬩牆，惟有忍氣吞聲，亦都無法可想，獨個含愁忍淚，暗自悲傷，以後家計點樣 維持　都唔敢去想像，越整越唔似樣，佢不止話燃箕煮荳，而且重刻薄我親娘。