借酒消愁

・鄧碧雲主唱・

「紅燈綠酒夜」「先由音樂帶起」

塵世枉說情和義，負心多數是男兒，何謂

情重與恩深，一般都是兒戲。醉心美夢實無

謂、貪歡貪愛最累事，百般世事已經睇化，自求安

慰尋樂趣，幾咁容易，但有酒當可以樂迢迢，

長日無事對旨酒高歌，心裏自陶醉。

慕貞，唔好飲咁多，因住會醉，醉？醉左重好啦，

嚟。我同你飲勝佢，飲啦。

怕乜盡情共醉，理應盡情共醉，飲醉酒反覺身心

樂趣，我非任情任意，更加合情合理，飲吓酒

但求盡消悶氣，你因乜冇心機，駛乜咁大顧忌，

今番你不飲，更待何時，咪驚別人話你放胆，盡

情共醉飮吓酒啫，實情並非越理。

我本俗塵弱絮，自愧非下凡玉女，今宵幸能做君

伴侶，君你駛乜拘，飲酒正係快事，舉杯勸君飲

，更莫遲疑，更喜在良夜裏與君二人共對應暢飲，實

行盡歡盡醉。