乾隆皇遊江南精彩曲詞
新馬師曾。賽珍珠・合唱
梅姑︰（老鼠尾）眞係夜啦。
乾隆︰（接）點算夜唧，相對艷麗玉女唔嫌夜。
梅姑︰（接）應該結數，呢度唔借又唔賒。
乾隆︰（接）講到錢財，兜肚袋到倒瀉，（取銀錠）呢一錠銀足數十襾多一些，請嬌准我逗留，兩人共對傾一傾。
梅姑︰（接）無謂再講多嘢。（二王下句）我係要蔞任大姐，咪當係街邊賣剩蔗。
乾隆︰（接）你人如玉艷，點解重未有姑爺。
梅姑︰（白）吹過你呀。
乾隆︰（接）愛你宜喜宜嗔，心難捨。（摸頭介）
梅姑︰（白）吓，咁多手，（接唱）眞係斯文掃地，請君你莊重，一次生兩次熟呀嗎，咪唎。
乾隆︰（序）我嘅心頭似風車。（曲）我願付百襾白銀，在此留宿一夜。好嗎。
梅姑︰（序）呢間唔係宿舍。（曲）睇你年將四十中年咋，可以做得我個爹爹。
乾隆︰（序）做你老豆女婿合哂尺。（接）我好比戲鳳游龍，你好似當年個個鳳姐。
梅姑︰（序）我話你完全比錯野，（曲）我好似出籠鷄仔，你好似金‥‥（掘）
乾隆︰（白）我好似金龍哩。
梅姑︰（白）龍龍龍，你隻耳就聾嘞（接唱）金脚帶金脚刀蛇。（拉收）
乾隆︰（白）乜當我係蛇。
梅姑︰（跪下西皮序）我罪過難赦，跪求萬歲爺，望原諒吓小梅姑，我未識野。
乾隆︰（西皮）起身啦梅姐，（拖梅姑起身）你眞風騷消魂又够爹，我是憐香者，一相見玉人，我唔多願扯。
梅姑︰（接）又妨屈駕點唧。
乾隆︰（接）我願今宵玉龍與鳳，共對長夜。
梅姑︰（接）點得唧，萬歲爺，寒居茅舍。
乾龍︰（接）我當鳳苑，龍樓一樣住，卿你相倍，我就笑哈哈。
新馬師曾。林蛟。合唱
乾隆︰（柳搖金）哈哈你識得造人，合我心，我三番妙計來試，你認眞生性造人。
日淸︰（序白）師傅過獎唧。
乾隆︰（續唱）你忠厚定然得天蔭。
日淸︰（序白）徒弟望就咁望啦。
乾隆︰（續唱）一定女色，你又唔過問。
日淸︰（序白）拈花惹草更唔敢啦。
乾隆︰咁就至好喇，財富你全冇動心。（序白）認眞够丈夫嘅所爲，（續唱）忍氣你又服從師尊所訓。
日淸︰（序白）師傅吩咐應該聽話嘅。
乾隆︰至好喇（續唱）你做人廉正又誠懇，他朝必成大器，功勳定過人。
日淸︰（序白）望師傅提携我啦。
乾隆︰（板眼）我有分數，你使乜担心，你幾生修到，遇着個大貴人，我歡喜你，爲人能立品，你見倒蔞任大姐冇動心，對錢財非常咁謹愼，萬事能容忍，以後解除師徒名份。（掘）（續唱）做乜你失晒三魂。
新馬師曾。鄭碧影。合唱
乾隆︰（木魚）令千金眞係好，武藝超高，不愧人間絕色我話佢美艷如桃，呢段意外嘅良緣，契仔幾生收到。（對碧）使乜鼓埋泡氣，好似滿腹牢騷。我知道你芳心，你一定嫌我老嘞，喂老人心事好呀嗎，（二王下句）獨惜有緣無份，鄙人亦係姓高（掘）。
慶芳︰（喜白）吓，（木魚）原來英雄你，又係姓高羊（口旁下同），咁就當氣壤奴奴，呢段意外良緣，估話能諧鴛鴦譜，敬你溫文爾雅，武藝超高，比武招親點噲嫌你老唧，（對父）阿爹咁點算好，（轉二王下句）旣係先生同姓，怎能共賦夭桃（拉腔）
乾隆︰（賣相思）我算過度埋至咁做，决心孖你比武，有心帮佢，所以我效勞，老豆做媒人，想將心抱娶唧，等你共我孩兒賦夭桃。
慶芳︰（白）車！（接）點解你做人噲咁做，有的多腦，你想新抱，想到□個糊塗，我地五百年前一家，姓高體嘅，我共你賢郞，點噲賦夭桃。
新曾馬師獨唱
（流水南音）高天賜，今晚哭相思，監牢受苦，眞係我欲語無詞，可嘆淺水游龍遭蝦戲，好比平陽虎落，被犬欺，我憤恨黑暗官塲，殊卑鄙，罔將好人誣諂，話我作歹爲非，可嘆社會人心都係存左（口旁下同）勢利，造成謀財害命，可算世道衰微，好在朝上有人，保住高天賜㗎，個一班狐羣狗黨，慢慢佢就知，獨惜最是無辜，難爲大鵬兄你，我一定投桃報李，係（口旁）囉，保証你無災無難，一朝吐氣揚眉。（拉收腔）
新馬。鄭碧影
林蛟。賽珍珠合唱
梅姑︰（跳花皷）我見你個寃家，當堂心火下，你行爲殊放蕩，欺騙姑娘。
梅父︰（接）鬧句你個衰公，眞係心喪，將我女兒來侮辱，沒煞天良。
乾隆︰（滋柔的唱花鼓芙蓉）車，乜你兩個咁鬼慌張，我還相思賬㗎嗎。
梅父︰（序白）還還還，你食飽唔認賬呀你。
乾隆︰（續唱）我爲嬌你憔悴，寢食難忘（過序）。
梅姑︰（白）你有鬼咁好心羊。
乾隆︰（白）眞㗎，（續唱）負約我非眞心，只爲飛來寃案。
梅父︰（序白）你就想賴三賴四啦。
乾隆︰（續唱）等我辦完公事，才接你返朝堂。
梅姑︰（轉悲爲喜對父白）係唔係呢爹，呢個眞係萬歲爺嚟啦。
梅父︰（白）你咪聽佢亂車。（旱天雷）你居然認君皇，狼狽，响處擒倒搶，想狼，呢隻辣手黃蜂逢花就採確係狼，
梅姑︰（接）薄倖郞，存心太忍，你負奴期望，日夕爲郞你意喪，眞正係心傷，咁點樣呀。
日淸︰（花鼓芙莪）你兩個對乾爹紏纏乜事幹。
梅父︰（唱序）佢吃左野唔認賬。
慶芳︰（入鏡續唱）爲乜雙垂珠淚，問句小姑娘。
梅姑︰（哭白）講起就心傷咯，（三脚櫈）儂是賣酒人，點知飛來寃孽賑，春風曾一度，就係個個薄倖郞，佢自認係萬歲爺，講過接我囘宮往。
梅父︰（接）佢爲人眞胆大，居然冒認係君皇，今晚峽路見寃家，拉佢去公堂來定案。
日淸︰（對乾隆接唱）實在佢地嘅說話，是否盡荒唐。
慶芳︰（接）尊聲乾老爺，你有冇做過咁事幹，若果皇帝都敢冒認，眞係勢兇兼夾狼。我知道女兒心，最怕的無情漢。呢局殘棋點收拾，恐怕出醜在當堂。
乾隆︰（微笑的接唱）高天賜爲人，咁流和倜儻。總之無心來負義，我更不是薄倖郞。
搜尋資料庫
