真假肖郎君
美妙曲詞
秋明︰（中板）呢個寫信腥，學得滿肚鬼才，專門替人駁纜，你個契女婿，少年氣盛，碰岩你個契女，又咁刁蠻，佢地定左煲，我替佢寫信拍和，話你契女非常悽慘，（催快）相思成病望夫還，肥變成瘦鬼猛，可憐外母佢心煩，（花）死老襯（一才）生咀頭，（一才），呢封信咀到佢轉意囘心，唔係誇口牙斬斬。
八嬸︰（不認妻）有乜彈（雙句）詞句動人死都番生
秋明︰（减字芙蓉下句）大家咁慣熟，唔該你拈番，（白）駛乜客氣呀八嬸。
八嬸︰（接）當比大嫂買胭脂，等你同佢畫眉裝扮。
秋明︰（接）係咁就一聲多謝，受落有的羞慚。
八嬸︰（長花上句）大嫂靚得咁交關，家裏又淸閒，若然跟我做個大衿冇彈，個陣大家有得撈，公 又贃時婆又贃。
秋明︰（三脚櫈）我地夫妻，恩愛，分別實艱難，況且城市X多壞人，索油有包天胆，若然俾佢索 左。個陣喊極都喊唔番，（花）况且村婦出城，眞係危險非常，（一才）唔係講玩。
八嬸︰（花下句）你正一心多過慮，自巴攞來煩，正所謂跛脚了哥，都會有飛來猛。
秋明︰（快花）嘩！一言驚醒，馬上番去捉奸。
馬妻︰（戲水鴛鴦）嬲嬲爆打交絶對唔合爲侮辱客人乜嘢事，打佢一身心火溶，對我重發盟憎，吟 沉忽然將人亂噴，錢路有失我真係搥心。
秋明︰（接）個班賤種手盟脚盟，嚟帮襯抑或來嚟靠混，有的拉你條裙，靠滾，乘勢挑引，呢一舖 癮，最担心慌你俾人棍，儒弱無胆手脚任人楂，一於發惡打交，永遠唔手震。
馬妻︰（接）咪理人帮襯抑或嚟靠混，人窮困，要靠熟客人若然得罪，邊個重帮襯。
秋明︰（接）拼之抵肚餓，淸貧亦甘心，由佢咪帮襯。
馬妻︰（接）餓慳家有薯半斤，謹献夫君。
秋明︰（接）我煲俾你食。
馬妻︰（接）我煲俾你食。
二人合唱︰好過時時餓到暈。
馬妻︰（長句二王）我估你純潔愛情眞，誰知你輕挑難自禁，詐顚納福，當我大懵人，手脚任人摩 ，睇到我當堂，火滾。
秋明︰（接）笑你地無故起疑心，呷錯鼓油當醋飮，俾佢盟來盟去經巳盟到，頭。
馬妻︰（二王）既知無意會碰親，你對我就唔應，咁眼緊
秋明︰（三醉）此後大家都要諗真，味個亂嘈地震。
馬妻：（接）大衆相敬眞心，風波不再生。
秋明︰（娶）兩家開解吓，味起疑心疑問。
馬妻︰（接）益交贃有仇恨。
秋明︰（接）呷咁多乾醋冇厘癮，商商量量讓吓人。
馬妻︰（接）現時抵肚餓，後來抵肚餓，實難因爲窮困。
秋明︰（接）可放心，休驚震，水有熱情，熱情能共飲
二人合唱︰水和熱情飮過重依靭。
秋明︰（花下句）正是有情飮水飽，好過食魚翅羹。
秋明︰（十八摩）卜卜漲卜卜漲，做乜肚皮有聲响，靜靜聽眞似瑯瑯，嚇得我發茅定眼望。
馬妻︰（接）好似燒炮丈，內裏响，耳靜聽眞似打叮當，而家嚇傻又發戇。
馬妻︰（二王）唔怕，勒緊褲頭頂硬上。
馬妻︰（接）又怕頂多兩日變隻馬螂螳。
秋明︰（接）明早帶你入城，搵的朋友借錢頂住檔。
馬妻︰（上雲梯）過海必趕搭艇，而家週身無蚊，難免被人趕。
明︰（接）至多靠賒，怕佢念吓朋情上，囘頭就冇銀找淸賬，至多雙倍當賠償。
馬妻︰（接）至怕要現錢難如願以償。
平︰（接）你且安心訓敎靜養。
世豪︰（板眼）你是否黃細姪本官初到京都。
世華︰（接）請問父台貴姓，枉駕敝廬。
世豪︰（接）係令尊生前，係我同僚交好。
世華︰（接）原來係世伯，恕我簡慢招呼。
世豪︰（接）份屬知交，無謂客套，我就係黃世豪。
楊氏︰（刮刮裡格叫）淸香一炷叩拜觀音，細細聲叩禀，我親嘅老二共老三，親生嘅望你賜福蔭， 我個大兒正鶴神，又唔係我親生，週時衰氣病壞神，當佢外人。
世傑︰（接）佢地兩個合埋對付人，當仇人，自然有所因，身家想吞哂合力壓人，我有得驚兼無得 訓。
楊氏︰（接）佢對你現時咁好兄弟，斷無話有仇恨。
世傑︰（接）至怕後來搵我笨，威逼兼呃氹。
楊氏︰（接）錢財平分最公允，諒佢點都分你一份，無用怕，心中驚震，來日佢梗會實行。
世傑︰（接）提前來分由媽派，錢財由我占兩份，世事難料你喪生，個陣我就騰騰震。
楊氏︰（接）釆溫，釆過你隻災瘟，當媽媽瓜老襯咒我入棺材咁混沌，激得我心火憤。
楊氏︰（長句滾花上句）阿媽最關心，你已經長大成人。理宜早日結朱陳，阿媽上舖奶奶癮，望你 三年抱兩女兒成羣，你表妹個杯新抱茶，阿媽時都恨飮。
細豪︰（長句二王）照例大佬未成婚，細佬攔頭唔應份，豈可任意顚倒施行，我尙屬年輕，阿媽
你毋須着緊，先替大哥着想，同佢搵個理想夫人。
楊氏︰（序）難爲你重掛住個位衰神，（二王）他日我歸老百年，睇佢重有無同胞嘅情份。
細傑︰（序）一定差的唔駛問。
細華︰（梳粧台）叩拜敬娘親，我地兄與弟三人，相親本眞心，絕不當外人，情似手足相親更甚， 不必再担心，我並非個種壞人。
楊氏︰（花上句）點知你將來好與壞，我亦無眼睇你個衰神，你地去接表妹番黎，你要照顧佢兩人 ，小心緊愼。
細華︰（胡姬怨）表妹今天相見，規定時刻差不遠。
細豪︰（接）芳踪不見，心內情急當不免。
細傑︰（接）我仲更囉彎，我心掛恨難言。
細華︰（接）你時時混鬧，休再胡言。
細豪︰（接）我入林中睇吓撞見唔撞見。
細傑︰（仙花調）惟求大哥見憐，如能爲我成全，報答你唔論金錢、撥埋身家一半，相獻。
細華︰（接）你開口講身家，成日掛住錢，佩芳表妹快會造成你二嫂，你休多情自作，勿胡言。
細豪︰（梵天更）處處花開遍花瓣鮮妍，正是芙蓉粉面，猶似名花嬌艷，胭脂香染，花春眠思歸 燕。但不知何時見春燕。
細豪︰「（接）唉也也嚦嚦鶯聲美又甜。
佩芳︰（接）情意無限歡無言。
二人合唱︰並肩若飛燕，（雙）我地情人手相牽。
細豪︰（接）又似蓮池鴛侶比翼春眠。
二人合唱︰癡癡纏，痴癡纏，如火情燄，燒到情人心又軟。
細華︰（五才花上句）表妹，我細佬秋水望穿，難爲佢迥腸百轉，（减字芙蓉）表妹姍姍何遲到， 是否路上多流連。
佩芳︰（接）不過你地未曾到，我去後山遊覽一遍。
細豪︰（接）估話西廂空待月，難爲我秋水望穿。
細傑︰（接）我望到你眼光光，心頭拿拿咁亂。
細華︰（接）做人要通氣，我同你過去個一邊，（花）你倍表妹傾陣先，我地不久囘來，大家一齊 歸家轉。
細豪︰（長句二王）我地含笑手相牽，心底情人終見面，呢對分飛勞燕，宛隔十餘年。
佩芳︰（接）玉手輕撻擅郞，怪你言多欺騙，我地別來僅數日，何曾相隔如許，時年。
細豪︰（序）有道懷人度如年，（長二王）相思情味苦難宣，時比十年猶覺短，除非情鸞有意，落花無言。
佩芳︰（接）底事花更情痴，何嘗不芳心撩亂。
細豪︰（反綫中板）執手問卿卿，母親不嫌，跋踄，何事邀請你到我家園。
佩芳︰（接）一定我姨媽，深感寂寞無聊，叫我相倍，尋消遣。
細豪︰（接）你經已估差，佢爲抱孫念切，期我望地早日結良緣。
佩芳︰（催快唱）輕冷紅霞垂粉面，乍驚還喜愧無言。
細豪︰（花上句）表妹何以默默無言，是否唔贊成阿媽嘅主見。
佩芳︰（喜極唱花下句）正是花帶羞時人更艷，眞係我見猶憐，
秋明︰（王老五）阿大佬，無搵的着數，明日生借雙雙酬勞，平時我做人最正道，絕無汚遭唔撻數 ，哎也也，永無頼你呢筆數。
細華︰日日生挑，實在無譜，又唔學吓好，我盡心管敎亦係無哂付，越黎越無譜，乜嘅都噉做唔合 紋路，火起一踢等你扑倒。
馬妻︰（接）你只衰佬，無乜譜。斬崩刀，整乜鬼，打我個親夫。
細華︰（接）佢係你邊一個。
秋明︰（接）唉也也佢係阿爹新抱。
細華︰（尾句）唉也也，佢係阿爹新抱，車！到底佢是誰人，快的講白講明，唔好半吞半吐。
秋明︰（長句浪花）佢係阿蘇嘅老母，阿爹嘅心抱，佢係我老婆大人膝下，我係佢嘅丈夫。
馬妻︰（毛毛雨）我個夫婿，靚仔世上無。
秋明︰（接）我嘅嬌妻，似天仙美艷如桃。
馬妻︰（接）相親愛，恨死隔籬人亂咁嘈。
細華︰（接）越講越顛越離譜，勾三搭四太糊塗，（花你不應拋下表妹一人，走來另尋相好。
馬妻︰（連環西皮）眞眞可惡（雙句）另有情人，當個老婆，前山後土，唉也也，你重叫人通氣， 你眞係胆生毛。
世華︰（中板）舍弟血氣方剛脾氣猛，又無經驗又畏難，責任非輕才有限，小姪原繼承父志，匹馬 征伐，萬松山楊氏︰（連環西皮）眞眞好胆，（雙句）抵毀佢兩人，卑鄙行爲，唔通作反， 唉也也，打死你只畜牲。
細豪：（玉羡人），你休信讒，將哥責難，佢愛弟之心好到令人贊，斷無話相欺有偏袒，明明係有 苦衷媽你莫信讒，佢本孝義男，母子分庶嫡心棧你受彈。
楊氏：（花上句）同胞共親生，當然有界限，大條道理點會受人彈，如果咁好兄弟情，點解唔讓比 你地做官，可見佢份人壞蛋。
細華：（覇腔中板）甘蒙不潔，當有困難，自古征人多不返，何若家居定省，仰慈顏，（花）知我 者有鬼神，耿耿此心天可鑒。
佩芳：（螺黛）兒要奉慈顏，姨媽要聽規諫，表哥去參軍，憑誰養親的確係困難，隔關山晚（雙 句），兒傷母望盼，曷若隨身定省晨昏。
細傑：（花下句）阿媽亦深明大義，斷唔想我老死鄕間。
楊氏：（快花下句）家陣你有毛有翼，難怪你咁野蠻，可嘆後母無權，惟有對住神主牌來喊，（王 祥哭靈）叫一聲，神主牌，你個大婆仔眞好胆，蝦人蝦物夾野蠻，細佬當然唔在眼，可憐後 母涙汪汪。
佩芳：（楊翠喜）贈君別離意借金杯，含淚献君勸君你
莫含愁共對，要盡歡今晚長亭會，不知別後何時會。
細豪︰（接）惟將辛酸放下接酒杯，低呼我地賢妹他日陌頭見楊柳色，休敎心追悼。
佩芳︰（接）郞在異鄕過風雨冥冥，莫因牽掛魂縈夢廻野花休迷毋太昏昧，博得功名忘了小妹。
細豪︰（接）舊盟誓不相背，奏凱雀護再囘，喚聲好表妹，情深蒼天庇祐你莫太心灰，千里有緣相 會。
二人合唱；玉人
玉郞 漸陶醉於依偎。
細豪︰（乙反長句滾花）孤燈愁照耀，人影兩飄搖，巖岩壁石歡簫條，可憐身是籠中鳥，未許鵬飛 到九宵功業未成身喪了，孝違慈母負嬌嬈，此際百感縈懐，不禁凄然悲叫，（轉胡不歸也哥 哥）我恨情絲將斷了，情絲將斷了，思嬌我爲嬌愁損了豐腰，安得夢魔，報知兇兆，呼阿嬌 ，悲聲喚愛嬌，嬌知否我痛苦今宵，嬌知否我涕泣喚愛嬌（二王）恍似杜鵑啼血，慘變風雨 ，飄搖，隱聽步履聲傳，大抵是催魂，（花）命召。
桂英︰（剪剪花）遙聞喚叫，奴怕近寒宵，病人抵不了，送被禦寒爲要，心旌向君表，向君表，送香衾，安慰病人減你寂寥。
細豪︰（花下句）感你消除敵視，香衾送暖病親療，又怕翠袖杜慇懃，只爲月圓難別照。
桂英︰（板中）愿君毋誤會，須知名花吐艷，未必爲蜂蝶，招撩，賤妾困荒山，不是甘作强梁，官 府不諒良民，心表，先父嘯聚山林、自親嚴仙逝，我無日不望安撫，相招，此際望將軍， （花）君你若肯垂憐，奴願率衆來歸隨喚召。
細豪︰（夾中板）微卿一語幾誤嬌嬈，心爲同情陳意表，當爲力保朋令相召，（花）且代我傷愈囘 營，代向朝庭上表。
桂英︰（花下句）辱荷垂憐爲我助，慇懃拜謝折香腰。
佩芳︰（明月千里寄相思）芳心混亂，正自傷盼征人，愁未能免，聞道郎被虜深山內，音訊斷，憂 心自煎，腸斷寸寸，盼阿郞無恙再會面，免災難奴願叩謝老蒼天，憂思無穹自黯然。
馬妻︰（四季歌）一片癡心嘆未堪充飢，歳歲受困苦到何時，又有斷炊不知肉味，月程支付遙遙無 期，（七字清中板）夫婿懷才嗟未遇，難爲巧婦力難持，縱有溫情無飽意，穹根未斷不展愁 眉，（花）又不敢口出怨言，爲怕佢容易折磨才子氣，惟有咬牙忍受，期望守得雲開見月 時。
秋明︰（雙鳳朝陽）我地唱隨嘆又別離，苦嘗離別滋味。
馬妻︰（接）我地唱隨要暫時別離，實在難捨你別去。
秋明︰（接）怕見勞燕分飛去。
秋妻︰（接）怕要情鴦獨游戲。
秋明︰（接）妻呀我地往日你與我咁好，於今遠隔郞實憂慮。
秋妻︰（接）並棲燕子，於今暫時獨飛，到底以後仍再相聚。
秋明︰（接）妻呀路遙我自遠慮，妻要自愼，强食飯慰夫心意。
秋妻︰（接）夫呀夜來夢寐，你勿慮見自樂，我心始安慰。
秋明︰（接）休敎蜂蝶困擾娥眉，每念狂蜂郞憂懷未己，容燕又憂花顏被蜂戲。
秋妻︰（接）君呀惡蜂有意奴也能迴避，若郎有奇逢艷遇，慌你日後變心，拋棄嬌妻，心憂不止。
秋明︰（接）去向為你心志，妻是我意思，█不負愛妻。
秋妻︰（接）驚聽驪歌爲人催心俱碎。
秋明︰（接）難捨又難分幾囘斷魂若醉。
二人合唱︰依偎擁抱熱淚垂。
細華︰（接）處處花開遍，花瓣鮮姘，正是芙蓉粉面，猶似名花嬌艷胭脂香染，花春眠，思歸燕， 但不知何時見春燕。
秋明︰（陌頭柳色）詐顚假作酒醉，眼花又亂咁指，懶腰一伸吓，若難自持。
佩芳︰（接）又飲醉倦眼迷離，玉手輕參送哥埋床睡。
八嬸︰（接）沉沉大醉最好叫啖糖水定心夾健皮。
馬妻︰（接）等你連生貴子新郞飮得多的喇。
秋明︰（接）嘩老婆原來係你。
馬妻︰（接）憤恨自狂纏比你狼胆無所顧忌又向別個畫眉新郎當然甜味無窮咪扭到够味。
八嬸︰（接）抵罰你盟馬耳爲懲戒你軔皮。
佩芳︰（接）見佬發寒又懵認錯隔籬。
馬妻︰（接）成隻狐狸迷人地老公顧住雷公鑿崩個鼻。
佩芳︰（接）病懵心肝反要鬧我狐狸，你係潑辣鬼烟崩臭猪病牛爛臭脾重撩是非你眞不怕死呢趟就 唔係你死就我死。
楊氏︰（春天裏）査實何事嘈喧巴閉，何以你地噲打起上黎。
佩芳︰（接）入黎就纒住二表哥指我夫婿當係佢嘅夫婿。
馬妻︰（接）正衰鬼正衰鬼咁陰功搵左我嘅夫婿。
佩芳︰（接）人地隆重行過禮鬼盟你個夫婿。
馬妻︰（接）眞心虧眞心虧爛聲威當得好架勢問你欲何爲。
楊氏︰（接）無庸巴閉無庸巴閉。
馬妻︰（接）眞輸虧錢多又架勢又覇道胡為。
楊氏︰（接）無庸巴閉，無庸巴閉，眞夫君必識愛妻，好乖乖快的睇下佢係你要直認，認錯你重 弊。
馬妻︰（接）認唔認係你嘅眞嬌妻不必詐僞。
細華︰（接）係至好塌眞的。
秋明︰（接）爲錢就要拼死抵，我有見過你，我冇詐諦。
馬妻︰（接）越做越弊你咁詐諦。
細華︰（我）樣有相似不必發雌威，查明正確至發緊先番去搵夫婿。
馬妻︰（接）我决意先番歸，探眞你是否我夫郞，求問明詳細。
秋明︰（接）疑雨疑雲迷惑人，攬到人人肉緊。
馬妻︰（接）肉威出力盟，盟番個愛人。
細豪︰（接）重唱舊詞同詠吟，恩愛情濃入到心。
佩芳︰（接）共我夫相親，拖番個愛人。
楊氏︰（按）一家親一家親，疏共親，不用再分。
桂英︰（接）落葉歸根，改過做人。
全體合唱︰和氣合羣共雁羣，喜慶團圓熱更親，大家歡欣，歡喜唱歌聲振。
搜尋資料庫
