金殿伸寃

白玉堂演唱

　　（譜子帝與太師下棋）（一才起的的帝唱板眼），馬卿你，爲何端玉盤眞落片。甲不存，往日你棋高，攪到孤家立立亂，爲何今日你會出得咁牙烟，莫非你心事遭禍變，（馬接板眼）奏主上聽言，我年老力衰精神困倦，無方佈局着法倒顚，孔氏大鵬棋高老練，請主宣召仝佢對奕殿前，（帝口古）旣然孔卿家棋高堪比馬卿，可待孤傳他上殿，（馬口古）謹奉皇旨孔大鵬面駕，對殿前（雙才）孔聽吾王宣，慢步上金鸞，參見乃皇（帝）平身賜坐，（皇子）（帝與孔大鵬對奕）（帝唱送情郞）馬行田，太失算，你不知到象行田，還要象飛過河前，唉也莫非立心欺騙（孔接唱）連忙，述因呀之原，臣非立心欺騙。口古，繳臣無奕棋，無非爲掛住江南個件案件。攪出七屍八命，可憐佢海底沉寃，苦主梁天來受盡無窮苦怨。望主上吊民罰罪，替呢個苦主伸寃。帝口古，梁天來旣有此寃情，內臣快傳他上殿。（內臣）傳皇口諭御賜梁天來監生偏殿朝見切莫遲延（快點梁天來上前）（帝口古）梁天來有甚寃情，快些從頭講遍。（梁口古）小民含悲帶淚，細訴君前呀嘅，（雙聲恨）爲風水惹禍原，欲要毀我嘅石室，我不允服從，他恃勢凌人，臣含了深寃。發掘我嘅祖墓，他甘心作暴亂，遂令我媽媽捱毒打一遍，無力抵拒，流淚鮮血滿面。涕泣但呌天，倩誰佢爲伸寃。（帝口古）凌貴興如此橫行，孤皇要將佢碎屍萬段，（孔口古）梁天來重有無窮委屈，且聽佢細說其原，（梁乙反長句二王），毒計相被煎，做成假契券，橫加誣衊牽還錢，拳脚交加難避免，慘見我鱗傷遍體，痛澈，心田（孔唱序）（梁接唱）縱火薰烟，弄成慘變，可憐石宵片瓦無存，八命七屍，空前，禍變（帝覇腔花下句）凌貴興如斯橫暴，天理何存，你何以不吿於官，任佢如此悖亂。（梁乙反龍舟）當年有意，狀吿御前，誰料佢吩咐爪牙，山中佈遍。縱然插翼，難以飛天。幸得茶商仗義相扶，載我在貨車裏便，猶幸殘生未送，（乙反二王）得以細訴君前，惟望聖主恩隆，賜我以公平判斷。（帝快中板）亂法更無大，不殺豈能明正典，孤皇一定爲你鳴寃（花）傳命孔卿家，爲孤將此案情，依公判斷。（孔花下句）叩謝皇恩浩蕩小民府伏階前。

　　凌貴興終被判了死罪！