蜜運插曲之五

大鄉里蜜運

芳艶芬　梁醒波合唱

波：（反線歧山鳯）大鄕里　想訴我的相思，未婚未見到，未知佢又去邊一處，最驚佢趯佐去拍拖喎，更激氣，因她生得美麗，好多伯父恨到死，有的衰仔係靠追，碰岩佢地調戯，若果戴綠帽，至多搏命，寧願打崩鼻。

（食住轉漁歌唱晚）問心囉彎，慌佢亂咁飛，通處猛撞，定要搵佢，（忽見有女行過，波一手執住續唱）吓，綺華你重走我追到你絕氣㗎（一望見認錯人）　嘩我錯拉嬌姿，望你莫怪我胡爲，我連隨重洒冧（對女見軍禮）同時大謚疏離，因失踪，左個未婚，逢人就亂…嚟，剛岩認錯拉着你咋。

（隨飛而逝中段）個陣一番焦累，走雞慘事令我做人魂散魄又離。

芳：（反線歸時一句）好波哥！

波：（應）呀！綺華邊處呀。

芳：（續唱歸時）爲乜事！因乜攪到週圍蕩噉傷悲，乜事啫，我呢今朝出街去，有個傻戇野真寃鬼屎勒，生安白造，又話愛上娥眉，成日嚟悶，要我吼佢喎，寃得認眞趣。

波：（反線賣報歌）你有趣咯，我冇趣噃，爲乜你又隨便去，一定心中有的屎，睇你心驚驚，面更靑，多數鬼馬，令我掬氣，放下我唔理喎，你份其實約會情伴莫怪我識穿你。

芳：（接）吓，你有醋意呀，有醋意，亂噉省我就無道理，郁的多啫　發郞禮，眞激死，你亂噉指，邊隻狗眼，望倒我呀，我就唔忿氣，我就離別你，使乜受你寃屈氣