「星島紅船」精彩插曲之六
有情花贈有情郎
吳一嘯撰曲
鍾麗容 黎文所 李寶瑩 馮華
合唱
景：舞台上的華麗廳房
時：月夜
人：柳慧珠（鍾麗容飾）
柳慧儀（李寶瑩飾）
程仲（文武生馮華客串）
史佑虞（丑生黎文所飾）
（銀台上一句起幕）
（儀在梳粧，珠在凝思，珠忽呼儀）
慧珠：（白）家姐家姐！嚟！（撲燈蛾）等我話你知話你知。（介）有人爲我好情痴。一個係姓程，一個係姓史。程仲有文才，史佑虞就有銀紙，兩個一樣咁痴纒，眞係順得哥情，失嫂意。究竟嫁誰人？唔該你共我做吓主。
慧儀：（撲燈娥）你都够心思。够心思。不愧聰明柳慧珠。你初初入情場！唔怪得你冇主意。你既共我商量。我不能不指示。計我就話嫁愛情，决不嫁紙銀。
慧珠：（白欖）咁我點知邊個係眞情？
慧儀：（白欖）你想知又容乜易唧。可以這般又這般？可以如此又如此？又如此（附耳）
慧珠：（白）叫我詐死？
慧儀：（白）冇錯叻，呢條就係試男人嘅獨步單方叻！
慧珠：（白）又好聽你話。呀！家姐，佢地就嚟架叻，點唧？
慧儀：（白）咁你就入房訓定先啦！
景：街道
時：月夜
人：程仲、史佑虞。
（程仲，史佑虞偕上）
程仲：（白）喂！老史！柳慧珠都係中意你嘅。
佑虞：（白）未必卦？
程仲：（白）必定必定，因爲你銀紙多。
佑虞：（自負地白）噉呢層又係，喂！到左咯噃。
程仲：（白）到左就入去係啦。
景：華麗廳房
時：月夜
人：慧珠、慧儀、程仲、史佑虞。
（程仲、史佑虞同入見慧儀掩面痛哭，程、史齊吃一驚）。
程史：（同白）也嘢事⋯⋯呀？慧儀！
慧儀：（哭白）嗚……慧珠死！死左咯，
程史（同白）吓？
（三人同入房中，程、史伸手欲撫意珠）
慧儀：（急阻上白）艾喲！咪呀！凍冰冰咖。（程仲悲極，伏床而泣。）
程仲：（唱連環扣）唉！淚雨淚雨滴香屍。我自爲你殉情，與妹共葬：死都諧連理，我心已經碎咯！任有桃花都唔在意！玉郞爲你眞心痴！斷腸淚滿衣！到死相思！
（像是昏迷了）
佑虞亦故作傷。以口水作眼淚）
佑虞：（反木魚花）唉！慧珠你生前，重靚過瑤池仙子！可惜你而家死後，好似條大肉鹹魚！你嘅係唔係得我為妻呢，就不如羅番只鑽石戒指吧咯！
佑虞：（口喝白）佢……佢係鬼…鬼嚟咖老程。
程仲：（慨然白）人也好，鬼也好，我都唔離開佢咖叻！
慧珠！（泠笑白）亨！我係鬼？…唔係，呢處每一個都係人，祇有你呢個無情鬼喞，（長句二王下句）你只識生前柳慧珠，用盡了假情和假意！多得呢花個情海英雄柳慧儀設下良█將你試，試出你狼心狗肺，係一個薄倖，嘅男兒！你旣係金重於人，唔該你拈番，只戒指。（將手上的戒指向佑虞一拋喝白）扯啦！（佑虞赧顏捨囘戒指鼠竄而去，慧儀却哈哈大笑。）
慧儀：（長年士工花下句）吓！眞得意，眞得意，好醜呢回當面試，程仲當然好過史佑虞，愛情難得黃金易，縱使有黃金鑽石又何如？程仲曾流千點淚，我就把有情花贈，有情兒。
（一邊唱一邊把慧珠和程仲旳手牽合起來）
（慧珠程仲相視一笑，愉快殊常）（落幕）
搜尋資料庫
